上海飽餃店

營業中

休息中

今次已經係我係呢2個星期內去第2次la,唔知點解第一次食完之後..我就心思思成日都想去食la,因為實在太好味la,以咁既價錢,簡直係超.超.超...值呀,呢度樣樣野都好好食..但佢既蔥油餅,係我食過之中最好食既蔥油餅黎^^,果度d人同老世都好nice架,未去過呢度食野既話...大家有時間一定要去試下la,爭d唔記得提大家呢間小店係每逄1號同15號休息架..大家留意la haha^^

生煎包一般, 沒啥特別, 可能天氣較冷, 啲油都'瓊'晒上上面.餃子卻是不得不試. 餃皮屬北方式的厚度, 涵料卻令人有意想不到的包著肉汁~ 十分好吃.可以天天到時新, 及此吃東西, 一樂也.

食完漢堡包唔夠飽，決定食埋上海野。叫左鍋貼，牛肉包，生煎包同蔥油餅，仲加杯豆漿。鍋貼唔熱，有隻個皮穿穿地，底唔脆。牛肉包個餡幾濃味，包身鬆軟。生煎包個餡就冇牛肉包，豬同牛既分別，個包都係鬆軟。蔥油餅最後先叫，但就係最好食，蔥粒分佈平均，有少少芝麻，外脆內軟，夠香口。豆漿就正正常常，普通。呢度夠平，以咁既價錢黎講係唔錯，但唔好求有服務同環境，阿姐唔太主動招呼你，座位都幾迫。

很久,沒有用菜肉包,煎餃子當早餐了.明安街的飽餃店,天未光就為人民服務,來來去去,也是那幾種,生煎包,小籠包,煎餃子等等.$10四隻的小籠包,皮層不易穿,湯汁豐盛,如願足矣.菜肉包的包身鬆化,餡料有肉汁,只是$4一個.再不夠?煎多四隻皮薄餡靚的煎素餃,加杯凍豆漿,一定捧著肚子出門口.日日ABC餐,你我都厭,偶爾做個上海佬,也好.

每個weekend，都會有一日，在懶洋洋的下午，去這間小店買些餃子和蔥油餅，然後再去隔壁的飲品屋來份雞蛋仔或是pancake，這幾乎已成為指定動作。餃子都是10蚊4只（亦可5蚊2只），以菜肉餡為佳，但是胃口清淡的人還是不試為好，比較油膩，不過蒸素菜餃或是不錯的選擇。飽我並不是幾鐘意，但roommate就幾鐘意它的牛肉包，次次畢買。但我最喜愛的還是蔥油餅。不得不承認，我很喜歡帶蔥味的麵食，有時甚至會額外要求落多些蔥碎，這點經常會遭鄙視。在香港就好難揾到味道正的蔥油餅，這間算是ok了，至少吃起來給我一種親切地感覺。不足是油少少多，蔥味不夠出，後者大概是個人偏好的緣故吧。但總體講，4蚊很大一件，算是很抵食的美味了。外賣的阿姨是個靚女，又很愛笑，太喜歡她的笑容,看過心情都變靚了

記得上次嚟食，印象不佳。但忽然口痕，忍唔住行過買個菜肉包試試...熱到辣手。咬一口，皮太薄。始終呢D北方包點傳統都係要皮厚先夠地道；餡倒係份量足且肉汁豐盈...水準比上次食好得多，可以遲吓再嚟...

唔知係咪而家屋企附近有間賣相似食物既舖頭味道又好又近我今次再食發覺無上次咁好味生煎牛肉包同生煎包只係暖暖地底唔夠脆口餡料味道一般左有d失望

闊別一年,海外歸來,特別想去食番我至喜愛既煎餃/鍋貼.歸來後第二次去買已經加咗價,10蚊得4隻.但仍然覺得抵食,而且食落水準依舊,仍然係咁好食.一年無食,返來後一定要狂食(遲d又出國都唔知幾時先可以再食過),一次食足廿蚊(8隻),好滿足呀!下次再試番小籠包先,因為見到餃子唔記得咗其他美食.P.S. 其實味道方面想俾10分,我太鍾意佢既味道.正正正.

如果以價錢黎講, 呢間野真係好平.如果以食物質素黎講, 呢間野只係一般.10蚊4件小籠包, 唔錯!! 唔好以為咁平會好似其他地茂舖咁,意外地佢都有幾多肉汁, 同埋係即叫即蒸.10蚊4個牛肉飽同菜肉飽, 少許失望. 本人係堂食, 呢兩樣野拎黎果時已經係暖暖地, 菜肉冇咩特別, 牛肉飽我相信如果係新鮮出爐一定會好好味, 下次一定要去試下熱lala 既先. 有肉汁.仲試左個4蚊葱油餅, 太好芝蔴 , 冇晒葱味.

此店前身賣ge炸醬面真係好食到呢，但係轉賣包後，就冇成日去喇不過水準還是比外面好

以前響附近既學生宿舍住過,但一直都冇食過,可能真係因為佢門面比較「up dup」啦!後來睇完雜誌訪問之後先識貨,呢幾年來我得閒都會特登去食架,因為真係好食+抵食!試問而家仲有幾多間店賣窩貼十蚊五隻?仲要大大隻好好味架喎!仲有牛肉包,如果佢係熱既我每次都一定捧場,因為真係好正呀,一咬落去d肉汁咇晒出來,而個底又係脆既;而即叫即蒸既素菜餃亦係必食之一,熱辣辣香噴噴既美味都只係十蚊四隻,你話點可以唔食!???外賣左真係失左d真,所以我每次都一定會堂食架!見到佢地都有賣壽包,下次媽咪生日要訂返d先!^^

我都係因為睇左咁多好評先去食~之前經過好多次不過間野up up W W...冇諗過要入去食今次同男朋友入到去未叫野食呀姐就即刻問我地要唔要蒸左小龍包先於是叫左一籠(10蚊)~之後叫左兩個牛肉包兩隻鍋貼~(共10蚊)3樣野入面都有汁~小籠包睇落唔多好食因為好似好厚皮但食落都幾好WO 唔係真係厚皮~牛肉包正就係幾正喇~不過太多油喇~鍋貼都係多油但好味~我都明白食呢D野緊係多油ga喇~所以兩個人食以上ge野就夠食食下個呀姐好醒咁過尼問我要唔要加杯豆漿咁我就又叫多杯豆漿(5蚊)喇味道普通啦唔特別

生煎包，細細個，食多個都唔覺漏！小籠包，皮薄汁多，十蚊四個邊度搵？煎餃子，大小適中好味道！荳槳是餃子和包包的良伴，不容錯過！留意事項：呢度主攻外賣，堂食既位好少，只有三張枱！呢度賣既包同餃子都係白菜豬肉饀，冇韮菜你揀！食小籠包時小心肉汁彈出，整污漕件靚衫就唔好啦！

價錢真係幾平,d野食不過不失,但好像置身於大陸的小食店,d雜物周圍放,感覺好污穢,食物再好食都假,在香港真係好難搵到比佢地環境更差的食店,我諗都係外賣比較好

去完camp,睡至2點幾才起床,差不多四點才去搵食.突然對這裡好生掛念.此小店在我家附近,所以時不時會來幫襯.這裡已列入我十大常到的地方.今日如常叫了小籠包,牛肉包同窩貼.小籠包永不會失望,即叫即蒸,剛去完北京,發覺原來都是上海的包點比較適合我食,皮簿,有汁,雖然如果嚴僅來講,其實太過大舊,如果可以縮細,將一籠四個變做六個,就真係完美.窩貼同牛肉包都好好食.俾個貼士大家,其實這間是主力做外賣的,所以會煎定凍左是難免的,其實如果坐入去食,可以問一問那一樣是剛弄好的,就不會像這裡惟一給喊面的人兄般會不太愉快了.這裡還有蒸素餃亦都是一流的,大家可以試一試.不過,一個人就食不到那麼多了....