上海飽餃店

營業中

休息中

每次來依度買野食 都會覺得勁滿足..我最推薦既都係個蔥油餅.....本來睇外表 會以為好似pizza咁樣 好似得舊粉團, 唔會太好食, 但係食落如果佢剛剛烘好出來, 個餅本身就會脆脆地, 唔會太油, 咬落去好鬆化, 完全同佢既外面不成正比, 最緊要係你會有個衝動, 想一路食完再encore, 加上上面既芝麻, 更令你食完之後全口都會有芝麻味 我另外最鐘意既係佢既蒸餃. 不論係 素既或者係葷既....素既就餡料十足, 絕無欺場, 皮本身又薄, 令你唔會覺得好似好滯葷既就一咬落去就會有肉汁流出, 有些少醬爆既感覺.. 最緊要既係肉同皮既比例 可以話 洽到好處 令你唔會覺得 好似肉多左d 或皮厚左d不過價錢本身就有少少貴... 相比起其他同樣有賣餃子既店來講但 食過後 依然會覺得 物超所值.. 正!!!!

小籠包一流，即叫即蒸，咬一口，包內肉汁流出，非常美味！鍋貼、蔥油餅，香口但油很少，正！素菜飽，足料、新鮮熱辣，正！扺食又好食！

食左小籠包,鍋貼,生煎飽飲左豆漿全部都好正!即叫即做!

食完時新，就行去食小籠包。這間店毫不起眼，人客也不多。食物款式也不多，只得包點類。真係貴精不貴多。兩個人叫了小籠包、煎菜肉餃、花素蒸餃同豆漿。所有食物即叫即蒸/煎，非常新鮮。煎菜肉餃係阿姐主動問我地要唔要，因為佢話有一底就黎起鑊。新鮮煎起，熱辣辣。皮薄又煎得脆，一咬落去，d汁就bip出黎。湯汁味鮮，又唔肥。餡料飽滿，菜肉比例均勻。跟住小籠包同花素蒸餃同時送上。先食小籠包，又係熱到燙咀。小籠包皮薄，不過頂端做得唔夠尖，所以好難夾，不能夾起頂端，要夾餃身，所以好易穿。鮮肉味很濃，也有湯汁，雖不是很澎湃那種。很好吃。花素蒸餃，阿媽覺得好正，個皮都係好夠薄。雖然無鮮肉，但餡料填得滿滿的！不知是齊菜還是白菜仔，菜味很濃。還加入雲耳絲，增加口感。豆漿則不過不失。還要一提的係枝醋，醋香酸味十足。整體食物質素俾滿分，好好食。好食過時新同聯記。

紅磡食肆小店林立，分分鐘真係卧虎藏龍，呢間上海飽餃店外面睇絕不起眼，或者大家路過亦唔會留意到佢嘅存在，但原來佢地嘅飽點係咁精彩，絕對可以媲美好多高級中菜點心...小店屬家庭式經營，師傅喺廚房不停努力搓粉團，而出面只有兩張小木檯，裝修雖然簡陋，卻感覺得到簡樸風味...鍋貼($10/4件) - 好耐無食過咁好食嘅鍋貼，新鮮滾熱辣，底部煎得夠脆但唔會太燶太硬，肉同菜比例剛剛好，咬落去肉汁豐富，香噴噴...正！小籠包($12/4件) - 即叫即蒸，皮薄唔易穿，肉香唔太油，肉汁封存得好好，掂！絕對好食過果間自恃小籠包出名嘅鼎泰豐多多聲...凍豆漿($7) - 杯裝$5枝裝$7，唔駛諗梗係要枝裝抵得多，豆漿唔係自家出品，不過豆味香又夠凍，味道唔錯！見到阿姐排好一盤盤剛搓好嘅菜肉飽，真係好鬼靚好吸引，影完張相就跟手要左一個...菜肉飽($4.5) - 同樣係即叫即蒸，一口咬落去真係覺得入面暖笠笠好正，肉夠香菜味極濃。其實個包本身亦蒸得好軟熟，肉汁慢慢滲入包入面，愈食愈好味～正！呢度飽點選擇都幾多，要一次過試晒真係無乜可能，後尾先知原來可以一碟叫四款唔同，有少少後悔添！不過唔緊要，咁好味就下次一定再黎

地方淺窄, 要那那淋完成一餐, 極速15 分鐘 小籠飽 : 非薄皮類, 也不見汁多, 勝在剛蒸起, 還可以的 素菜蒸餃 : 以白菜及木耳包成漲卜卜餃子, 材料以麻油撈過, 頗油潤, 係全晚唯一有水準的 生煎飽 (牛肉, 豬肉) : 幾好食都無用, 因為完全唔熱既, 皮又唔脆, 超失望路過可能會買外賣, 專誠不必了

成日放lunch都會去食!10次有9次都冇人既!但佢啲野真係又平又好食!!每次都會叫小籠包,蒸素餃!因為好新鮮..佢一定係即叫即蒸熱辣辣!!真係好好味!!又平!! 蔥油餅又係好味!!有時岩岩整好脆脆地!正佢好香而又唔油!佢好似係擺係熱櫃就算唔係好脆都好食..但係煎包呀煎餃呀我就唔係成日叫佢唔係即叫即煎同埋佢唔係成日會煎..所以要夾岩timing先會叫食過熱辣辣同微暖既..味道真係差好遠!!想叫既記得問下佢先叫xd!!服務ok啊姐幾好人..環境就麻麻..不過咁平又好食.. 都唔緊要啦因為依啲要熱辣辣係佢到食先好味

特登係睇DUO之前黎呢度食D野先，一黎到唔駛等位，即刻有，LUCKY*** 遲我少少黎既之後都要係出面等一陣啦。小籠包一籠四隻，我唔想 4 隻都係小籠包，阿姐超好人話可以鴛鴦蒸俾我，兩隻小籠包兩隻素餃，真係即叫即蒸架，所以出黎絕對熱辣辣，唔駛擔心。另外再叫左一個菜肉包加一杯熱豆漿。蒸既食物係要等耐少少，連熱豆漿都好耐喎，唔通都係要慢慢整熱佢？相反菜肉包就好快到，應該係焗住，所以出到黎唔夠熱，只係微暖。由於佢只係微暖，所以個皮硬左少少，唔夠軟熟。不過我好鍾意佢個餡呀，好好味，菜同肉比例剛好，超香菜味，有肉汁，不過係去到最後先有少少，如果再多D就好味啦。之後再黎鴛鴦包點，素餃好好好好味，覺得最好味係呢個。個皮好薄又有少少煙靱咁，一D都唔會太淡。入面係白菜冬菇木耳等，食到好濃既白菜味，一D都唔會淡，我覺得呢個好好食。小籠包都OK，有一件會散，但另一件好完整無缺放左入口。皮薄餡都足，肉餡夠多而且又夠香，湯汁都OK，最怕咬一口就流哂出黎，食都食唔到，哈哈! 不過都係素餃好味D。=P最後豆漿微甜，沒什麼豆味，不過有時都唔好要求太多，總之係唔難飲的。個人覺得熱應該會好過凍的。下次一定會返黎食素餃。=

很多東西也是新鮮才會好吃，小至炸薯條，大至剛烤好的一塊特級和牛，甚至於咖啡也如是，更何況是點心呢？與女友找了天老早的來到紅磡，在辦正事之前先醫肚，今天的目標就是這所以上海點心聞名的小食店，老早來到果然有回報，因為我們吃的點心全都是即製，情形有如在蓮香飲茶，見有什麼新出的點心，就拿去吃。我們要的點心都沒有現貨，全都是等鮮製的，在等吃的時候，赫然聽到在廚房傳出巨響，原來點心師傅用上他九牛二虎之力，將粉團猛力擊在枱上，然後不斷發動腰力狂搓那麵團，即時的製作，即時的蒸煮，教人對之後的點心很是期待。先吃的是現貨的菜肉煎餃，由於已經煎好了一段時間，所以那些油回吸到餃子皮內，吃起來還有微溫，但其實這餃子的本質是很不錯的，皮薄餡靚，有點香脆的皮內塞滿了餡，所以餃子的味道其實算是不錯，豬肉夠多，精肉跟瘦肉的比例對版，吃起來帶有肉汁，充滿了油潤的脂香，相反韮菜下得較少，味道不強烈，但有美味帶油香的肉汁相伴，已夠教我這食肉獸心動了。另外的生煎包雖然也是煎好了一段時間，但包底真的還脆，而且包身還是鬆軟，肉餡跟菜肉煎餃的一樣，充滿脂香的肉汁全被包包吸收了，再加上面層點點芝麻的香味，確是美味，其實有時候要吃好東西

6-2-2010Dinner 時段一條友喺紅磡, 只想平平哋食點 light 嘢, 嚟到三河屋附近的呢間地 mou 上海店. 叫了鍋貼 ($10) 及小籠包 ($12) 各一客, 加杯凍豆漿 ($5).凍豆漿: 夠凍, 好甜吓, 而且無乜豆味, 好「現成」的感覺, 係「金光」定「百福」牌!? 鍋貼: 夠熱, 煎得幾脆, 菜肉餡料就肉多過菜, 幾鮮味又幾多汁, 都幾好食. $10 有 4 隻, 勁抵!小籠包: 即叫即蒸夠晒熱辣, 不過頂部勁多粉食落勁硬, 底部較薄但勁易爛, 餡料味道 ok, 但湯汁嚴重唔夠, 仲要好易漏晒出來, 真係 $12 有 4 隻係好平, 但質素認真麻麻, 留返嚟買「奶蓋」台茶 (http://www.openrice.com/restaurant/commentdetail.htm?commentid=1992021) 好過啦 小店環境地 mou, 招呼亦好「街坊」, 阿姐們幾友善, 感覺都不錯的.放低 $30 有找, 平平哋一試無妨, 我就應該唔會再來了.

只吃數隻水餃作晚餐當然不會飽，反正離紅磡不遠，就決定一口氣行去上海飽餃店食番個小籠包。上海飽餃店位處明安街，鄰鋪是三河屋，地點不算難找，可惜門面並不起眼，每次我路經此地都直行直過，如不是看了論壇網友的推介，都不知道這裡其實禾旱冚珍珠。目標明確，一坐底就叫兩隻生煎包 ($5) 及小籠包 ($12)。生煎包是一早煎好的貨色，單看其底部油淋淋的，擺明已閒置了一段時間。輕咬一口，包身果然沒有半點熱力，底皮亦失去脆口的質感，而豬肉餡料味道偏重，雖仍有少許肉汁精華，但也補救不了整體的分數。小籠包的處理跟生煎包不同，是即叫即蒸的，一籠四隻只賣十二蚊，價錢直迫街邊的魚蛋和燒賣，真的是平通街。每隻小籠包大約有十八摺，賣相絕不失禮，味道也符合「皮薄」及「多汁」這些基本要求，包皮薄而不易破，肉餡味濃而富湯汁，很有水準，實在令我驚喜。如果用兩串咖哩魚蛋換到一客即蒸的小籠包，你會點揀？畫公仔唔使畫出腸卦．．．

飽嚐同區以漢堡包為主打小食店的 "零服務" 待客之道後, 直奔隔兩條街的 “上海飽餃店” 醫肚. 之前已試過外買它的煎餃及生煎飽, 味道不錯, 留下好感, 今日因緣際會, 可以試試堂食的水準. 中午十二時多, 進店時我是店內的唯一顧客, 隨便找了個近廚房的位置坐下, 便有一位阿姐離遠招呼道:“食D嘜嘢？”“小籠包，　牛肉包，　一杯荳漿吖！”只見阿姐即時從雪柜取出一個竹籠，　放進蒸籠內，　估計就是我叫的那籠小籠包，“四個牛肉包?”“喺吖!” (因為我見牆上是寫著4隻10元, 所以咁答, 而我本身又真係食得落的!) 心想不知是否可以叫少D抑或她驚我食唔晒呢? 但憑此亦可見她的用心.此時，阿姐再問：“荳漿要凍定熱?”“熱嘅, 唔該!”端上荳漿後, 阿姐再次離遠告訴我:　“牛肉包未起鑊，　起鑊後即刻攞俾你!” !”(這些服務態度真的很窩心, 雖然這應該是最基本的, 但飽經十多分鐘前的不快遭遇, 此時此刻真的感動到不得了!)“好呀！“等了一會，　牛肉飽先來，　熱熱的飽咬一口已把肉汁濺了出來，　包底是脆脆的，　不太油，　十分好味，　期間亦見到另外一位阿姐久不久揭開蒸籠審視我的小籠包得未．　蒸熟

上次黎間舖休息冇開門..今次黎到見佢開左, 仲唔入去試下,,叫左鍋貼X1, 生煎包X2, 生煎牛肉包X1($10): 味道幾好~ 不過少暖的..如果熱的就更好啦~ 小籠包4隻($12): 即叫即蒸的, 熱辣辣, 要好小心甘食, 因為好多汁呀.. 點埋個醋和辣椒油, 一流臨走買多支豆漿($7): 一飲, 好有豆味呀 GOOD

咁多好評, 當然要一試!7點來到, 唔多人; 有位坐, 坐下先!都幾細的店子.餐牌都好簡單, 一睇即明, 好快落單,叫了個小籠包, 及幾款包;再加支豆漿.都好快有得食, 小籠包即蒸的, 好熱, 味ok 噃.來不及影相, 大豬女友已施展鬼仔無影手! 得返3粒!另d包都足料, 唔太油了, 但凍左d. 支豆漿唔太甜的, 好采不是糖漿! 我最怕係過甜的豆漿呢...埋單40蚊都唔洗, 仲想點?如d包唔係凍, 肯定笑得出.

七點幾先去到, 驚咩都冇得食...好在仲有, 叫左餐牌上嘅2/3食物同個fd叫左小籠包X 2　（ＨＫＤ　１２）皮薄, 汁唔夠多, 但都好好味, 所以叫完一籠後再添食菜肉蒸餃　（ＨＫＤ　１２）即叫即蒸,菜同肉的比例剛好, 讚!蔥油餅　（ＨＫＤ　４。５）雖然凍左, 但仲有少少脆,好好食丫豆漿(熱)　（ＨＫＤ　５＠１）一共飲左3杯...唔太甜,仲有D好似腐皮咁ge野係面，ｖｅｒｙ　ｎｉｃｅ菜肉煎餃　（ＨＫＤ　１0）因為唔係即時煎，所以凍左喇！如果熱食，應該會好好味生煎（牛Ｘ２　＋　豬Ｘ２）　（ＨＫＤ　１０）因為近住收工時間，好多野都唔熱ｌａ。但豬肉生煎都仲好好食，好鍾意佢仲有脆的口感牛肉就一般ｌａ，食唔到牛肉味，　但好ｊｕｉｃｙ　ｌｏｒ素花蒸餃　（ＨＫＤ　１２）餡料有白菜，冬菇同唔知木耳定雲耳, 清清地又有口感,加埋Ｄ醋，正呀！最後仲有豆沙SO (HKD 3.5)以為收工冇ga la...多口問句, 仲有wor, 真係喜出望外ar. 可以試下, ha!又幾好食wor, 個皮唔會因為凍左而變淋甜度恰到好處, like it...餐牌上面冇ga,記得要試下喔!兩人一共食左 HKD 91, 抵ar