上海萬家村小館

營業中

休息中

星期六同個friend去深水鴨寮街,買完電話配件差不多成3點,行去隔離街見到萬家村上海菜館,有下午茶餐$ 都幾多人食,一陣先入到去,坐低就每人叫一個下午茶餐,我叫咗個擔擔麵餐有杯飲品,同兩個生煎包,我個friend都叫燻魚麵,又大碗又好食,最好食都係倆個生煎,連埋飲品38蚊超值,唔怪得咁多人食。

天氣熱到令人食慾大減，只想同男朋友食過快飯就返屋企休息。剛好經過一間上海菜館，就想入去試試，無耐間餐廳爆滿，老闆同我扡講幾分鐘就會有枱，我們只好耐心等待。等待期間，站在門口的老闆派上一杯冰凍豆漿。好窩心的小館，完全顧及客人感受。我們兩人等了五分鐘就有枱，食物選擇算多，我們二人點了一盆極品水煮桂花魚同辣子雞。味道令人喜出望外，原條桂花魚拆成一片片魚片，香口又不太辣的水煮魚汁令我胃口大開，仲有魚片下面口感極好的粗薯粉，真的好好好味。另一碟霸王辣子雞，雞件炸得鬆脆及乾身，配上腰果及乾椒⋯⋯份量大到足夠四人份量。食飯期間，店員還不斷問我們需要甚麼飲品及飯，仲要是免費。這麽大方的小館已經很難再找到。難怪席無虛席。

午飯選擇多 份量也足夠 鑊氣十足 經常回來辣與不辣的 都多款有系統排隊 不需要勞氣 餸菜味道不會過鹹 熱辣辣上檯老闆好好人 伙計也高效率 無論落單或執檯 呢個價錢令人滿意 以後常常來！

放工和老公到深水埗找吃的，沒什麼目的地亂逛，看到這家店好像食物還對口味，再看看開飯的食評，沒有一個是負評，應該沒錯了吧！就兩口子入去，本來選了咕嚕肉和宮保雞丁，侍應推介黑醋排骨是鎮店之寶，就將咕嚕肉改成黑醋排骨。套餐可以選菜飯或白飯，我們要了白飯，飲品就選豆漿或汽水，於是我們每人要了一罐零系可樂。膠杯筷子都比較油，衛生情況一般，幸好有熱茶洗碗筷。菜來了，飯也來了，白飯比較粗糲，黑醋排骨沒什麼驚喜，肉不多，值得讚的是沒有什麼肥豬肉，偏瘦，但肉不多，味道也算不上怎麼突出。但宮保雞丁就太驚人了，鹹得不得了，辣度不算太辣，雞肉粒都是軟軟的沒彈性沒咬口，簡直是很難吃的一道菜，伏得很！最後唯有吃剩雞肉，挑腰骨吃掉。$78一個套餐，沒有菜沒有湯，只有的主菜味道如此差，實在敗筆。性價比很低。

原本想試x記車仔麵，但要排隊。看食評瑞士雞翼，玻璃魷魚，都不是我最愛。正想走之際，在旁邊見到以前經常幫襯的萬家村，開頭還懷疑是否同一間？但在門外看見之前的老闆。真的是之前那間，便即時入去試試。老實說：地方裝修一般，姐姐們的不知是否之前那批？不過擔擔面仍是有水準，尤其是加送的生煎包，看見是之老師傅做的。所以水準仍是很高。可能是現時這條街$40以下最好食的選擇。甚至乎其他超過這個價錢的，亦不見得比它好食。但地方給姐姐服務質素真係要升級些。如果這方面都有改進，又一間深水埗排隊店。我叫了豬排擔擔麵。之前是放在一起的，現在是分開上，令到豬排不會變軟，有改進。之前下午茶餐，餐飲是有奶茶/咖啡。可能沒有水吧的關係，現只有汽水或豆漿。但生煮包仍是一樣好食。在看旁邊客人的上海炒年糕，亦一樣跟之前大碟夾抵食。

幾年前上海萬家村係依家嘅上海生煎皇嘅舖位，個時去食，次次都好多人，一來佢平又經濟，又會送生果食，岩晒深水埗依個平靚正地段，二來佢食品資素好，所以知道佢個時摺左真係好傷心，我試過食過新開同一位置嘅上海生煎皇，真係慘不忍睹，唔好食又唔平。最近知道上海萬家村重開，而且係同一條街，新舖乾淨左好多，之前好迫又有點污嘈，依家坐得好舒服，好光猛，咁當然價錢梗係調正左少少，但合理嘅。招牌鮮肉爆汁小籠包($48) 有5粒又未至於爆汁程度，如果多dd肉口感會豐富d。蒜泥白肉($50)唔太辣，可以再辣d，底下有粉皮墊底晚市客飯：川式酸菜魚片($88)可以免費轉菜飯，魚片唔多但冇乜骨，多酸菜，又有寬粉條，有少少辣，正上海豬扒上湯麵($59)豬扒即炸，好香口，因為要俾阿仔食麵，所以唔可以叫擔擔麵食，叫左清清地嘅上湯麵，之後我就撈左酸菜魚嘅湯撈埋一齊就好正啦。雖然依家冇生果送，但係依家每人送一樽飲品，包括有可樂、ZERO、忌廉、雀檸、綠茶同豆漿，我地３人有３杯唔駛加一同免茶芥，共$245，3大1小，算抵食，我下次再試埋其他野食先。P.S 個收銀姐姐成日同我個仔玩，又俾糖佢食，好好人，有愛心。而且我仲見到舊時舖位個

原本諗住深水埗發掘新餐廳，點知中伏。老闆很有誠意而且親切面帶笑容，晚餐每人送了一杯凍豆漿， 老闆應該改善食物質素。食物味道麻麻和賣相完全不吸引，而且湯麵和生煎包不夠熱。生煎包：凍之餘好淋下， 好似謝檸檬的毛巾雞蛋仔咁。酸辣湯麵：湯不熱搞到個湯和麵一舊舊，味道淡，完全食唔到酸辣的感覺。口水雞淡淡麵： 口水雞味道偏淡而且有點梅的感覺，口感似隔夜雞。淡淡麵都係凍而且味道不夠辣。獅子頭: 最熱就係尼個餸，但似 隔夜菜亂炒一堆，賣相好差， 鹵水味好重，睇見都唔開胃。

本身想去食車仔麵，經過見到呢間新開嘅上海野，同班朋友就入去食lunch。-午市套餐有好多選擇，可以揀客飯/擔擔麵。我哋嗌左幾樣野黎share，特別推介嘅係黑醋骨同埋酸菜魚。黑醋骨酸酸甜甜，好適合送飯，唔怪得知店員都推介我哋嗌呢一味餸！-酸菜魚份量好多，入邊仲有紅薯粉!!我覺得酸菜魚可以媲美深圳好出名嗰幾間!!-上海豬扒擔擔面豬扒雖然係炸過，但係炸粉份量落得幾好，唔會覺得成塊都係粉。水煮牛肉(比較辣，可以落單嘅時候嗌小辣)回鍋肉所有嘅餸份量都比較多，大多幾款嚟同朋友share就最好啦

朋友早前去深水埗行街見到萬家村重開，雖然得一個人，但都抵唔住，走左入去食個下午茶餐，睇下可唔可以尋回以前的味道，他說不單保持以前水準，還經濟實惠，三、四十元有碗麵不特止，還有2個生煎包及豆漿或汽水送。話要約埋我地幾個朋友再去試多D嘢食，有好嘢食我當然一口答應囉。晚上收工去到，人未齊就食住等，叫咗個花雕醉雞、蒜泥白肉試下，花雕醉雞酒香雞肉嫩滑。蒜泥白肉看上去好像有點肥，但入口就很爽一點肥的感覺也沒有，，不消一會已將它們KO了。等齊人就上菜，一陣間熱騰騰的小籠包就來到眼前，皮薄汁多餡料不會太肥，但吃時不要太心急，咪會比肉汁燙到舌頭。上海粗炒很有鑊氣，一吃便知是即叫即炒的，不像一些食店會將多人叫的食品預製定。黑醋話梅骨這個用來送飯是絶配，甜甜酸酸有好香的話梅味道。脆皮素鵝，很鬆脆口感一流，雖然怕熱氣，但都忍不住多吃幾塊。松子桂花魚就真的超值，條魚很大配料很多，而且皮脆肉嫩，吃到魚的鮮味，雖然很飽，但都忍不住多吃幾口。店面不是很大，菜色選擇很多，下次會再同朋友去試埋其他想吃的。

同幾個舊同事約食飯，其中一個話距屋企附近冇上海菜喔，所以咪揀咗呢間咯。四個人，叫咗八個餸。系有D誇張。1.醉雞，好夠花雕味。2.松子魚，好大條，好脆。師奶舊同事系度系咁講，去街市桂花魚買都好貴啊，呢個價錢值啦。3.蒜泥白肉，我的最愛。擺碟都好好睇。4.素鵝，一個字，超脆。5.小籠包，皮薄足餡，夠多汁。6.上海粗炒，夠獲氣。兩個師奶傾咗好耐揀咗粗炒，冇要年糕，仲話下次要專門黎食年糕。7.話梅骨，好味，D汁好濃，有拔絲嘅效果。8.豆沙鍋貼，都唔錯。用師奶朋友講法，好味又抵食。

收工之後同老婆都唔想再買餸煮飯，所以到附近行下搵食。七點幾嚟到萬家村，要拎飛等位。大概十幾分鐘就有位，位置都唔會太窄。叫左兩個客飯，京蔥爆牛肉同九王炒鱔糊，我地都揀菜飯。中意碟牛肉，因為京蔥爆得夠鍋氣，而且汁夠個茨打得晏晏好。牛肉唔會太老，亦都冇乜蘇打漂過嘅味，所以好得。個鱔糊就好脆，份量好夠。每一條都有醬汁包住。食完肉，老婆當然係要叫個甜品，揀左豆沙鍋帖。豆沙好多，而且唔會太甜，晏晏好。好飽好滿足，而且唔使買餸煮飯洗碗，食完仲有時間同老婆散步添。十分推薦。

跟著朋友過來深水埗找吃的。以前一直以為深水埗只有賣電腦產品，這次才發現吃得東西很多。整條街都是食肆，都沒吃過；所以挑選的準則是看起來乾淨的、人多的、但又不需要大排長龍的。所以最後選擇了這一家上海菜。吃上海菜必定要點的小籠包。看起來很多汁，朋友夾起來想要我拍出肉汁滿溢的感覺，可惜手機不給力，效果出不來。小籠包皮很薄，比某家賣點是很多顏色很多口味餡料的小籠包還要薄；肉汁很多，差點燙到舌頭；肉也很嫩。可以給滿分。因為看了別人點的東西，感覺份量都挺多的所以我們兩個人再叫了魚香茄子和菜飯就夠了。茄子一點都不老，連皮吃都很嫩滑。裡面的肉絲也很嫩滑，肥瘦剛剛好。

尋晚收工，因為要幫朋友去深水埗拎嘢，所以好順理成章就係深水埗搵食啦。上次已經黎過萬家村，今次咁岩唔使等位，梗系要再幫襯啦。因為今次得自己一個，所以冇睇小菜嘅餐牌，淨系睇晚市嘅客飯套餐。原本打算叫川椒雞，樓面嘅阿姐提醒我辣辣地嘅。我諗一諗都係唔要啦。最後揀咗酸酸甜甜嘅黑醋小排骨。（我覺得自己真係揀得好岩！！絕對正確！！）份量一D都唔細，而且唔係淨瘦肉或者好肥嘅排骨。每一件排骨都岩岩好痴住D醬汁，所以入口唔會好乾。因為晚上唔想食太多飯，所以叫了菜飯小飯。繼續講翻D排骨先，斬得唔會太大件（好多食肆D排骨大件到遮住成個嘴，都唔知點落口，不過呢間唔會，可以好港女咁扮優雅，哈哈。）D肉一D都唔難咬，唔會硬唔會韌。而且酸酸甜甜，真係好好送飯。雖然我係叫小飯，但係呢一碟排骨真係可以食多幾碗都可以。Btw，最後淨低差唔多三分一嘅排骨，打包走了，作為今日係公司嘅午餐。依然好好味。呢個下次可以再叫！！

十幾年前幫襯開萬家村，呢兩年因為結業。今年終於重開喺福榮街我當然要試試。鋪位就搬咗喇，但係食物依然咁好食。而且下午茶餐同兩年前一樣咁抵食。一個豬扒擔擔麵。足足有成兩塊豬扒分開上。仲有兩個三煎包仔。加多一杯大大杯的豆漿才38元。係今時今日的香港呢個價錢呢個份量呢個質素絕對係物超所值。首先講呢，兩塊大大塊豬扒係物超所值。豬扒厚身肉質豐滿。咬落大牙，絕對係抵食。那兩個生煎包係即煎的，又亂啲麵粉皮包住豬肉。肉汁滲透在麵粉中，絕對係抵食之選。

嗰日中午老公帶我過嚟食飯，佢話我知人地係重開嘅，以前好好食，今次想試吓有冇keep返以前嘅水準。蔥油餅我本身以為佢嘅蔥油餅會係扁身好似薄餅嗰啲，咁樣嘅我未試過。外面鬆化而且唔算厚皮，入面好多蔥好足料喎。小籠包佢個皮好薄，好多湯汁😁啲肉餡肥瘦適中，好好味。蟮糊擔擔面係一個我冇食過嘅餸😂啲蟮好惹味，肉質夠淋，芽菜夠爽，唔會話煮到出水👍🏻擔擔面就面身偏軟，湯汁夠濃但唔夠香，應該係因為唔夠花生最後叫多咗碗飯配蟮糊食😋😋 整體唔錯但稍為覺得飯唔夠油餐廳入邊坐得都幾舒服，從此深水埗食飯又多個選擇嚕😚😚