上海萬家村小館

營業中

休息中

深水埗下午茶，今日來到上海萬家村叫左回鍋肉麵，選左拉麵擔擔湯，小食: 生煎包2個，連飲品$40，拉麵配擔擔湯，湯底少少辣質地「傑傑地」，花生味香濃👍。回鍋肉用左五花腩肉片，鐵鑊即炒，夠晒鑊氣，味道比擔擔湯辣d，而生煎包肉餡尚可，以小食來講好底食。另一份叫左上海豬扒炒年糕，小食: 陳醋老鼠耳，連飲品$48，年糕煮好彈牙，連埋豬扒用醬汁炒，夠晒味。老鼠耳即係雲耳，好夾陳醋汁，鐘意佢地個汁微辣唔太酸。整體幾好，下次再試其他。

 酸菜魚 $78魚🐠有十片左右切得都頗為厚身大片👌🏻一上菜魚肉熟度啱啱好入口肉質尚算嫩滑無骨，可以放心食👼🏻食到最尾魚肉會變鞋🤭所以要快啲食⏰ 酸菜味道夠酸🍋菜莖爽脆 寬薯粉份量十足不下十條薯粉有咬口👏🏻不過浸耐左會偏淋少少掛湯力強入口酸中帶麻🤤唔會淡而無味 其他配料包括雲耳、芽菜🥗等味道正常 湯底🍲味道少酸多麻🌶油份量超多面頭有大量蒜頭🧄好香好惹味上海豬扒炒年糕 $48年糕質素一般炒得唔夠煙韌軟糯口感偏淋偏粉有啲失望😔 豬扒應該係一塊豬扒切開都有成六小塊好欣賞豬扒瘦肉較肥膏多🥳食落啖啖肉豬扒夠入味肉質軟硬適中易咬得黎保留到肉感👍🏻唔會比鬆肉粉整到過於軟淋有少少驚喜🎉 紹菜爽脆 但頗油 整體偏油偏鹹🥴主角年糕太軟唔合格 生煎包包皮較厚內餡比例正常豬肉餡尚算鮮嫩帶少許肉汁同肉味👌🏻略嫌生煎包底部煎得唔夠香脆整體感覺似食緊蒸既菜肉包😂好在生煎包唔算太油值得一讚既係上枱果陣仲熱辣辣♨️應該係即叫即整 豆漿🥛豆香味唔夠突出味道偏甜🍯

已經幫襯過好多次！下午茶非常超價！我最鍾意豬排澹澹麵，豬扒好大件碟上，澹澹麵好靚有口感！湯底有肉碎及花生🥜下午茶仲包埋兩隻生煎包及豆漿！無花無假實實在在！超值超好味！👏🏽👏🏽

最近幾中意係深水埗搵食，貪佢選擇多，價錢又唔貴。近期比較中意食中菜，所以MARK低左呢間上海小館，見人話性價比高，一於收工去試。去到果陣仲有下午茶，三十幾蚊就有個炒粉，見其他食客食梗既份量都唔算細，對比起晚市一個客飯要6-7十蚊，試揀就梗係揀下午茶啦!!招牌豬扒擔擔麵 $38炸豬扒炸到金黃香脆，不過較為乾身、肉質偏實。擔擔麵湯底偏濃花生味，入面亦有唔少肥肉碎，味道唔差，但非常油膩。招牌牛腩擔擔麵 $42牛腩份量唔少，炆得夠淋，不過帶有好多肥膏，攪到本身已經夠油既湯底，再加上牛腩D油，結果成個湯好杰身，個人感覺唔良好，越食越有罪惡感，好快就覺得好滯。上海麵反而煮得幾好，唔會好淋或者一夾就斷，帶點煙韌感，呢個麵唔錯。麵餐小食 – 生煎包2個 & 四喜烤麩前者底部煎到微焦脆，好有油香，不過肉餡好實，而且無乜肉汁，麵包皮亦好韌，唔夠鬆。後者第一次食，甜甜地，味道唔差，食落有D似炸豆腐層外皮。小龍包 $40咁多款食物裡面，呢款最好!! 包皮唔會好厚，而且入面有好多湯汁，湯汁亦唔會好油。鍋貼5隻 $40呢個鍋貼係全場最差….餃子皮其實係生煎包個皮，只係變薄左，餃皮好韌又厚又乾身，餡料係粉紅色既實肉

周不時都會幫襯萬家村，因為佢開得夠夜。今次叫咗兩個餸，秘製話梅骨同埋酸辣土豆絲，秘製話梅骨係套餐之一，連埋一個菜飯同埋飲品，飲品揀咗豆漿，唔會太甜啱啱好。話梅骨好入味，又香又甜～一個套餐都只係$80。另外酸辣土豆絲並唔係套餐，但係老闆好好人請多個飯我哋食，菜飯真材實料入邊好多菜粒。見到隔離枱食酸菜魚，我都好有興趣啊下次等我叫多啲人嚟試先！

一行五人深水埗星期六食早飯😘上海菜館「上海萬家村小館 」入座時間係6點前仲可以叫下午茶餐😍咁就叫左四個下午茶餐加散叫單點下午茶餐真心好抵食 價錢平左仲送小食飲品(豆漿/汽水)😋全店免加一 😊欣賞店家下午茶套餐份量絕無將貨就價正價特價都一樣 份量十足大大碟😛性價比極高！見老闆都係樓面幫手 服務好周到 ☺️又無限時 唔會急住收碟執枱所以 整個用餐體驗非常良好 係物超所值🙂♥️食完友人們都不斷嗌好味🤤^以下為下午茶套餐招牌鮮肉包汁小籠包5隻($40)••••••新鮮出爐出哂煙嘅小籠包！😝皮薄餡靚多湯汁😍高質！師傅功力好 有工架皮薄得嚟唔會用筷子一夾就穿👍🏻鮮肉煎鍋貼5隻($40)大隻飽滿不油膩 有肉汁🥟招牌豬扒擔擔麵($38)(小食 - 生煎包2個)••••••粗麵條有咬勁🍜微辣湯頭花生醬味濃郁😘濃稠湯底夠掛汁🥳回鍋肉炒年糕($48)(小食 - 陳醋老鼠耳)••••••老鼠耳入味夠開胃👍🏻炒年糕好大一碟 十分足料！大塊豬腩肉、椰菜、豆干、軟糯年糕材料份量平均 豬腩肉爽口🥰好好味！！認真色香味俱全！😛鑊氣夠 辣豆瓣醬調味準 每樣都吸哂醬汁🤓^以下為正價單點涼拌雙拼($78)(鎮江餚肉+麻油海蜇)•

今次去咗深水埗地鐵站附近嘅一間上海餐廳食飯，食物質素有驚喜上海炒年糕-年糕炒得好香，配菜份量十足。豬扒炒年糕- 豬扒好鬆軟,份量都幾多，個人比較中意食尼款年糕，值得一試👍🏻口水雞-雞肉好嫩滑配上麻辣汁好惹味，而且唔會蓋過雞味。炒豆苗- 尼個炒得好有鍋氣，好似用上湯炒，好鮮甜再配上金華火腿絲，味道更有層次。👍🏻小籠包- 皮薄多肉汁，食到我哋津津有味。👍🏻麻醬雞絲粉皮- 之前出去食過一間餐廳，佢哋係用日式芝麻醬，而呢間食得出用咗花生醬溝出嚟，味道好香濃，配埋粉皮就岩岩好！仲有叫咗擔擔面、鍋貼同生煎包，不過唔記得影相。擔擔麵同鍋貼正常，反而生煎包有驚喜，一咬落去好juicy，超多汁，一定要即食，凍咗就會冇咁多汁☺️整體來講呢間嘅上海菜唔錯，價錢合理，見到隔離枱有叫酸菜魚好似好好食，有機會一定會再去食，而且佢下午茶時段非常便宜，所以真心推介俾大家🤤

朋友生日食佢地期待已久的酸菜魚異想不到係龍躉酸菜魚，比平時食到嘅桂花魚口感更加好，魚肉鮮甜，酸菜冇得彈，配菜都好重要嫁，豆芽好新鮮夠爽脆，寛粉吸晒湯汁口感煮到岩岩好，睇得出大廚火喉煮功控制得好好酸辣湯係我食上海菜必點菜式之一，依間都值得一試，用料豐富，而且$59例牌大大碗仲要有蝦，酸辣度岩岩好，夠晒開胃。小籠包都好出色，肉餡夠新鮮，湯汁更加唔洗講～鮮甜可口。紅油抄手肉餡同樣新鮮，證明老闆選料用心。不得再讚一次大廚炒菜好火喉，酸辣土豆絲都可以炒到有聲有色，有夠酸爽的眼見其他客人點嘅炒菜色水都好靚，炒年糕、宮保雞丁睇到都想食最後老闆送既豆沙窩餅都好好味，豆沙唔會太甜，外皮酥脆，飯後甜點一流

每次想食酸菜魚，都會黎呢間店。今晚和朋友再黎，一起到萬家村食晚飯。叫左一個酸菜魚，一個螞蟻上樹。酸菜魚份量多，夠酸、少辣，餸飯一流。魚的質地軟滑，有酸菜、芽菜、木耳等配菜。個底仲有薯粉，加埋個湯汁一齊食，好正。雖然有d辣，食到出汗，但都會忍唔住繼續食。螞蟻上樹都可以，粉絲乾身，味道唔錯。不過下次可以試吓其他。我哋叫左2個餸，有2碗飯，飯可以選菜飯或白飯，送汽水。仲要冇加一，好抵。性價比高，值得再試。

上網搵到依間上海小店特登同朋友嚟深水埗食👉🏼店家好好送飲品：茶/豆漿/汽水👉🏼涼拌三拼做得比較出色嘅係青瓜，新鮮爽脆酸酸地非常之開胃👉🏼涼拌四拼做得比較出色嘅係海蜇，海蜇無沙不特止仲好爽脆唔會太鹹，確實令人驚喜👉🏼鮮肉小籠包包皮唔會太厚，中間仲有肉汁，食落拍得住台灣某品牌嘅水準👉🏼瑤柱蛋白炒飯啲飯吵到粒粒分明，啲飯唔會好硬亦都唔會好油👉🏼紅燒獅子頭份量好多非常抵食👉🏼瑤柱賽螃蟹蛋白真係做到蟹肉嘅口感同埋隻蛋係流心撈起上嚟好好食👉🏼螞蟻上樹粉絲口感都幾煙韌，撈肉碎可以食好多好多幾位朋友一致決定下次會再專誠再搭車來試其他小菜

與家人突然想食生煎包，揀咗呢間試下。我們點了生煎包、小籠包、醉雞和酸辣湯。醉雞略嫌酒味不夠濃，個人比較喜歡重口味，但仍算入味，合格。小籠包多湯汁，但肉味不突出，尚算好味。生煎包煎得香軟酥脆，但肉汁不夠，肉味也不算突出。酸辣湯可選小辣，味道剛好，不會太酸，好啱我個人口味，此菜式有點驚喜，個人認為是必食項目。唔知係咪抗疫贈品，每位客人可免費揀飲豆漿或支裝茶飲品。我揀咗豆漿，味道不錯，有豆香而不會太甜。

深水埗真係好多平靚正嘅食肆，今次就試咗呢間上海川菜。叫咗個砂鍋雲吞雞二人餐， 價值$268 ，仲要冇加一。除咗有¼隻砂鍋雲吞雞鍋之外，仲有揀一款主菜，一款小食，甜品同嘢飲。主食揀咗酸菜魚，小食方面要小籠包，甜品就嗌左豆沙鍋餅。二人餐來講，除咗種類多之外，份量都好多。小食嘅小籠包，我以為得兩粒，原來有五粒。 雖然小籠包嘅皮有少少厚，但係新鮮整起，入邊有好多湯汁，都好好食。酸菜魚味道唔錯，唔會好辣，魚肉又大塊又滑，薯粉都好煙韌。砂鍋雲吞雞相對味道比較清淡，但都好足料，有4粒雲吞同¼隻雞。豆沙鍋餅嘅表皮香脆，入邊有好多紅豆蓉，甜而不漏。

呢間既下午茶時間由兩點到六點，下午茶套餐有多款選擇，而且價錢平，份量大，完全唔係下午茶份量，好抵食。我同男朋友都係揀左麵點套餐，可自選小食同飲品。招牌豬扒配擔擔麵+手拍小青瓜+熱豆漿 $38擔擔麵重花生醬味，帶辣，唔錯。豬扒有四塊，炸到都叫脆口。手拍小青瓜爽口，都幾辣。熱豆漿偏甜。花雕醉雞上湯麵+生煎包+解綠茶 $50花雕醉雞有少少酒味，男朋友話唔夠濃，但份量多。生煎包有兩個，新鮮熱辣，唔錯。鍾意佢野飲有好多款揀，我揀左解綠茶。呢間食物水準普通，只係下午茶好抵食。

朋友聚餐，今次一行八人同我妹妹食生日飯。一直餐牌上很多菜想試，但每次都係我兩公婆，菜式分量很大，每次都不能試得太多。今次終於可以叫齊酸菜沙巴龍躉同水煮牛三寶。仲有我至愛嘅雲吞雞。一直都好奇牛三寶入面是什麼。今日終於揭盅了，裏面有鬆化嘅牛腩、炆得好淋嘅牛筋、牛展。平時只會叫水煮魚，又估不到咁牛也可以咁野味。平時叫開酸菜桂花魚，店員推介沙巴龍躉，估唔到肉質比桂花魚更滑更啖啖肉，酸菜同辣味道煮得剛剛好。入面嘅粗薯粉吸晒入邊嘅湯，好好味呀，我個妹仲不斷飲入面d湯添。我哋仲叫咗半隻雲吞雞，啲雞湯好濃好好味，我仲用來送飯。值得一提，這間小店沒有切餅費，仲提供碟比我們食蛋糕。食到捧腹每個人頭只係$100，太抵了。

下午茶多款套餐選擇,選了<招牌牛腩麵>選酸菜湯,自選小食（多款選1）,又加飲品（可樂,地道烏龍茶/綠茶,王泉忌廉,雀巢檸檬茶和豆漿選1）.牛腩麵份量大,不是一般下午茶的少份量,👍👍👍牛腩肉質帶点肥,香口肉有質感層次,牛腩汁再配上酸菜湯更好味,麵條彈芽,湯底👍👍👍下次過來再試招牌豬扒配擔擔麵👍