上海萬家村小館

營業中

休息中

📎雞翼擔擔麵雞翼炸得好酥脆，但裏面嘅雞肉仍然保持嫩滑😋擔擔麵都幾辣，湯底好重花生香📎熏魚擔擔麵熏魚經油炸後再配上甜甜地嘅醬汁，連埋啲面一齊食解辣一流😼📎回鍋肉飯回鍋肉炒得好有鑊氣，五花腩片嘅份量一啲都唔孤寒🤓配搭買椰菜同埋豆腐乾，口感非常豐富🤩📎生煎包擔擔面跟餐會有兩個生煎包，底部香脆🤭而麵包嘅質感仍然保持鬆軟🤗裏面嘅肉餡調味充足。整體下午茶非常抵食，仲包埋小食同埋飲品，算係同區嘅上海菜始終平價之選

同朋友係深水埗搵餐廳食晚飯，經過見到呢間餐廳幾多人，價錢又相宜，就入去食。夥計招呼都好好，有禮貌。坐低之後叫咗- 1個晚市套餐: 蔥爆牛肉 + 菜飯 + 豆漿 ($78)- 1個小食3拼: 醉雞 + 雞絲粉皮 + 鎮江肉 ($98)上菜嘅時候夥計比左2杯豆漿，見我地2個人又主動話送多菜碗飯比我地。最後2個人都好飽!味道黎講，菜飯偏淡。小食正常水準，蔥爆牛肉味道唔錯，如果多d獲氣會更好。最後埋單居然仲有折，只需$143，非常滿足👍👍值得一試再試同推介!

食物有質素、食得出廚師好有心機，唔會因為忙而求其煮，老闆人好好每次都會送小食，成日都話如果有啲咩要改善一定要同佢講唔夠食都要同佢講，要叫廚師份量整大啲每次食完會想返轉頭再食真心覺得呢間餐廳老闆好有心同埋好有質素真係攞個心出嚟做生意同埋攞個心出黎煮嘢食👍👍👍

👍🏻豬扒擔擔麵(包嘢飲) $38 豬扒鬆軟，肥瘦適中，幾香口擔擔麵湯底有小小辣，幾香花生味，不過略稀左小小味道：7/10性價比：8/10-👎🏻唔香牛𦟌上湯麵(包嘢飲) $45 牛𦟌薄，解凍時間唔夠耐，搞到無乜咬口，食唔出牛既香味上湯麵其實唔錯，湯底有小小藥膳味味道：5/10性價比：6/10-👌🏻生煎包/四喜烤麩附送既四款小食當中推薦生煎包，有肉汁，份量最經濟實惠烤麩係冷盤，不過不失-📍#上海萬家村小館深水埗福榮街117號地鋪#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #深水埗 #深水埗美食 #深水埗好去處 #上海菜 #豬扒 #擔擔麵 #深水埗打卡

之前食過一次晚市外賣，覺得個擔擔湯底好惹味，今日再黎食個下午茶🤪◽️下午茶餐超抵食，包主食、野飲同一碟小菜都係40幾50蚊😍◾️我叫左個招牌豬扒擔擔麵（淮山面底），鍾意佢個擔擔湯底唔會太濃麻醬花生味，唔會潔”Tak tak”，但又夠麻油香味，超正😙不過豬扒就一般般，無咩特別。下次會叫返韮菜餃🤣◽️另外朋友就叫左個花雕醉雞上湯面，上湯原來係藥饍味，唔會太重藥材味，有驚喜。花雕醉雞好香酒味，不馬虎！◾️小籠包多汁，皮薄，好味👍🏻

今日同老公出黃金買電視，行左去附近好出名條街食嘢先。呢條街又真係間間鋪都排哂隊，今次試下呢間上海野。老公話佢細細個係舊鋪就食過啦。估唔到星期日都有tea咖！好抵食，一個麵仲配一份小食，再加飲品，唔收加一炸豬扒擔擔麵配生煎包:炸豬扒唔係用麵包糠炸，而係用蛋漿粉，豬扒係即炸，不過就無乜點醃過，應該無加鬆肉粉，因為食入口好un好痴牙。擔擔麵有小小辣，有花生碎同小小肉碎，拉麵好食，拉到好長唔會淋pat pat，又QQ。擔擔麵個湯底好濃好食！生煎包咬入去係有肉汁咖！雖然個包細細個，啲餡都係好細舊，但！個味好好食。個包煎到小小脆，唔太油，正啦！牛展酸菜湯麵估唔到牛展份量好多，唔會切到好薄。個酸菜湯較清，但好夾好食嘅！飲品仲有好多選擇，汽水都唔需要加錢，直頭抵食啦！不過服務就一般，但食物好食又抵食！假日的話經堂性大排長龍咖！

午市時間食下午茶餐！午市時候我想叫午市套餐嘅餃子拉麵吃，點知侍應話可以叫下午茶餐嘅餃子拉麵，價錢平啲，仲要多個小食揀，正！鮮肉餃子拉麵 (下午茶) $38- 我選擇擔擔麵湯底，生煎包兩個，飲熱豆漿。呢個下午茶餐份量真係好大！不過味道質素就一般般。擔擔麵湯底都幾油膩，冇乜花生碎同麻醬香味。鮮肉餃子嘅皮好厚，餡料同皮嘅比例唔得，而且肉質唔太新鮮。- 生煎包都還可以，唔太油膩，上菜嘅時候溫度都夠熱，雖然餡料其實同鮮肉餃子嘅差唔多，下午茶餐嘅價錢係咁上下。

只試過一次外賣，第一次堂食。見佢下午茶抵，肚餓人之選，因為上海嘢都真係幾飽肚。下午茶可說一個主菜＋一個小食，送一杯飲品或汽水。食上海嘢次次必叫嘅四喜烤夫，唔錯溼，夠入味，唔油 （炸物大家明啦），小店其中一樣會擔心嘅油億味，一D都無。 麵居然可選擔擔湯底，咁已經係一個餸咁，再加糖醋熏魚做餸，個麵質可以再彈牙D，但已經好ok，最怕“林”嘅麵。熏魚夠入味，甜酸適中，美中不足但呢個一定就係有骨，懶人最唔鐘意識有骨，但大骨，同埋食，魚其實預左嘅另一小食係生煎包2個，個底夠脆口，裡面夠juicy，食到差D流汁，果然店主推介。而呢個粗炒，係油左少少囉，不過粗炒唔油，你又唔信啫。入味，唔太咸，椰菜量同豬扒旺真係好足，望落細碟食落好多。送埋嘢飲，即豆漿氷汽水一罐，四五十蚊有交易，一個字“抵”。👍唯一美中不足無洗手間，要同出面街邊嘅商戶share洗手間，衛生可想而知...如果入到細場，應該更理想。

深水埗除左電腦、玩具鋪外，食肆多亦係最出名，單單黃金果度一帶，已經有好多選擇，間間都想食想試，以往只慣常食豬潤麵、油渣面，等等！今次路過見到呢間上海鋪，有客飯供應，五十幾蚊有交易，個肚又打晒鼓…見冇人排隊，於是入去試下。鋪面唔大，座位都排得密密麻麻，由於入座時中午12點，所以客人未算多。兩個人點左兩個客飯，五十幾蚊一個客飯，仲有飲品送…汽水或豆漿或樽裝茶，價錢合理。客飯可揀白飯或菜飯，份量足，夠飽肚！好抵食！

小籠包:真心好食，湯汁多到爆。肉都夠滑。生煎包:一般，皮厚，肉少。外皮好油膩，又無煎過嘅香口。咕嚕肉:麻麻地。肉質硬，唔脆。有幾舊仲有少少怪味，唔知係咪隔夜。拉麵彈牙。湯清淡。

晚市時段已經食第四 五次了回鍋肉必點記住轉埋菜飯份量男人都夠唒食今次仲點左豬排擔擔麵豬排係即炸夠哂誠意熱辣辣本人唔食得太辣辣度可自己order 夠哂細心老闆仲好好人送多罐可樂夠哂人情味值得光顧

星期一下午茶時段，大概3點門口已排了幾位客人，大概等了15分鐘就有得入去。餐廳環境不大，又因為禁聚令隔開餐枱就更顯狹窄。但相比其他舊式餐廳，眼見的地方已算企理。叫了一籠小籠包($40) 和一碗牛腩擔擔拉麵($42) 跟餐2個生煎包 和兩杯豆漿。先評價牛腩擔擔拉麵超驚喜，性價比極高。牛腩炆得好淋、唔老；牛筋彈牙、黏牙、很入味。而且仲要俾左滿滿一碗嘅牛腩、牛筋，大大舊都起碼有6、7舊。湯底我選了擔擔麵湯，杰身、少辣，加上肉燥和花生，口感和味道都非常好。本人非常喜歡擔擔麵，我認為他的湯底已出色過不少連鎖上海餐廳。一整碗下來就是有點膩，但絕對是回頭之選！評價小籠包出籠熱辣辣，但湯汁少，沒有鮮味，豬肉也沒有太多肉味，就像超市急凍小籠包一樣，但勝在便宜抵食，$40可以坐低食籠熱辣辣的小籠包，也不好多説了。評價生煎包下午茶麵食跟餐我選了生煎包，不同於其他店鋪的生煎包，包裏沒有湯汁、較乾，豬肉也是沒有太多鮮味，就係普通菜肉包一樣，有點失望。但都係嗰句，跟餐就不好太多要求了。總括而言，下午茶抵食，性價比高，值得大家一試。

心血來潮想食上海菜，係openrice見到依間評價唔錯，就一於黎食個lunch。個日係星期六晏晝時間，去到已經好多人，所以都等左陣先有位。而鋪面唔算大，但咁岩2個人分到一張四人枱，所以都坐得鬆動。個日同朋友每人叫左一個set，而兩個set都跟杯飲品。本身揀個個set無小食，但老細好好咁送左個小食比我地。依個四喜烤麩味道濃郁得黎唔會話太酸，係一個唔錯既前菜。然後本身好期待個小籠包，但食完有d失望 個皮偏厚，入面既湯汁都唔多，肉味雖然正常，但肉質有d乾，整體都同其它人既食評有d出入，所以唔知係米咁岩個日轉左師傅整。之後到依個酸菜魚配菜飯，酸菜魚非常足料，魚肉份量都多，同埋唔會好老，但就唔算話好鮮，同埋唔知係米叫左少辣，整體個味唔係好濃，同埋連平時唔食得辣既我都可以係咁食。而個菜飯好大碗，有平時兩碗飯咁多，但d菜略厭有d少，同埋無咩菜味。最後我同朋友都係叫左凍豆漿，個人覺得太甜，飲完會有d黏喉既感覺。總結依間既上海菜性價比好高，佢每個set既份量都好多，但價錢唔貴，仲要唔收加一。唔怪得keep住都有人等位或者叫外賣。

疫情原因已經好耐無去深水埗 難得去到見到萬家村 原來已重開 巧開心撞正下午茶時段 好平 點了排骨麵 還可以選清湯or擔擔麵 一款小食再加一罐汽水 $38太抵了排骨是原塊豬扒 熱辣辣又夠味 擔擔麵維持以往水準 好食 小食點了手拍青瓜 覺得辣油太多 好辣老公想飲酸辣湯 所以點午餐加20蚊就有一碗 酸辣度適中 跟以往一樣好飲他點回窩肉配白飯 我最愛食回窩肉既椰菜 沾滿醬好食

深水埗下午茶，今日來到上海萬家村叫左回鍋肉麵，選左拉麵擔擔湯，小食: 生煎包2個，連飲品$40，拉麵配擔擔湯，湯底少少辣質地「傑傑地」，花生味香濃👍。回鍋肉用左五花腩肉片，鐵鑊即炒，夠晒鑊氣，味道比擔擔湯辣d，而生煎包肉餡尚可，以小食來講好底食。另一份叫左上海豬扒炒年糕，小食: 陳醋老鼠耳，連飲品$48，年糕煮好彈牙，連埋豬扒用醬汁炒，夠晒味。老鼠耳即係雲耳，好夾陳醋汁，鐘意佢地個汁微辣唔太酸。整體幾好，下次再試其他。