上海弄堂菜肉餛飩 (綿發街)

營業中

休息中

今日到跟先生到跑馬地匯豐銀行辦點事情後便去找吃的。正正銀行旁邊的斜路上有間上海小店，於是便去吃過午餐。我點了一個［一人套餐 ($98) 炸春卷+上海粗炒麵+加$5豆漿］-職員介紹說炸春卷是餐廳自家製作，原來炸春卷包著的不是一般的蝦肉餡料，而是包著豬頸肉，味道更香，但略嫌春卷皮厚薄不平均，一邊香脆，另一邊卻厚硬。上海粗炒麵（少油）用料很足，非用一般的肉絲，而是用上一片片的豬頸肉；色水足，味道夠而沒有死咸，不油膩。烏冬炒得彈牙有韌度，不會太腍而黏在一起，不錯。仔細看看店內擺設，才知道這是蔡先生推薦的餐廳，怪不得有一定的水準了。

今日嚟左跑馬地做野，到2點先食飯，熱熱地淨係想食d濕濕地又清清地既野，忽然諗起「上海野」三個字，即刻google下附近。原來得正正企既地方上斜就有一間上海弄堂，真係開心都直奔上去。雖然過左午飯時間，但餐廳仍然8-9成滿。叫左個「一人套餐$78 加$5配豆漿一杯星期一至六11點至五點免加一服務費小食」菜肉餛飩四隻 配 黃金排骨湯麵 加$5配豆漿菜肉餛飩幾多餡料，肉味夠而且調味唔錯，唔使點醬汁都夠味。黃金排骨即係炸豬扒，豬扒薄薄地唔會炸得太厚，味道唔係好濃，但都仍然juicy。湯麵奶白色幾夠味，所以連麵食唔錯。自己一個人食晏又多個選擇。

今天又帶狗狗來到了跑馬地恤髮，放低狗狗後大約要等兩小時，所以一行二人走到了對面的上海弄堂食過午餐。「上海弄堂」這個名子早已聽過，因為是蔡瀾推介哦！午市很優惠，有二至買人套餐，又有多款一人套餐供選擇。我們點了一個一人套餐，另散點了一個上海炒年糕。午市優惠 （星期一至六 11:00am-5:00pm) 免加一服務費免費奉送凍豆漿一杯(熱豆漿加$1)轉汽水或凍酸梅湯另加$8《花雕醉雞 $56》我配了湯麵，並要了凍豆腐。醉雞入味，酒味夠而清，不會有苦澀味。我這碟用了雞胸肉，所以肉質不會有脾位般滑嫩，但仍然比一般胸肉腍軟。麵質不會過腍，夾起亦不易折斷，湯底入味，因此麵條入口更香醇。《上海炒年糕 $76 》色澤已經看出味道足夠，年糕夠軟腍而不失Q彈口感，每片亦沒有黏著的情況；香菇、肉絲和菜都夠多，令整碟都很豐富惹味。環境：地方雖小但舒適、沒油煙。服務：有禮令人自在。

I came here with my friend on a rainy day and was craving for some delicious and juicy soup dumpling. When you sit, you can either select from the set menu per person or a la carte. my friend and i order one set with included a side app and noodle which was enough for one person, then we order the pork chop with rice and soup dumpling. The pork chop with green rice was delicious. the pork chop was not oily at all and yet crispy. the soup dumpling was also delicious as it does not taste as fatty

因為咁岩去開個頭又突然想食上海野，所以盲蹤蹤貢左入去。叫左酸辣湯餛飩、腐婆豆腐飯、煎鮫、春卷。腐婆豆腐飯同春卷係一人套餐黎既，一個小食一個飯 $98。先黎兩杯豆漿。酸辣湯錕飩 $58 (5隻)酸辣湯辣味唔算好重，比較偏向酸同埋甜。平時飲都會加醋，不過咦個多味，所以可以唔加。餛飩皮唔算好厚，未去到話好薄入口一掂就穿。都滑嘅，夠合格啦！餛飩餡都幾多幾豐富，都係common嘅菜肉餛飩feel，唔算好特別。香煎鮮肉餃 $38 (4隻)其實同餛飩既口感差唔多，皮唔算好厚，但又未去一掂就穿。都滑嘅，夠合格啦！幾多餡既，鮮肉唔會有雪味但醃得未夠入味。清清地啦！想重口味d可可以點d豆瓣醬。感覺餛飩同煎鮫可以二選一，唔洗兩個都叫晒。可以留返d位食其他野。上海春卷 $28外皮炸得幾脆，每啖都shake shake。一樣都係幾多餡，都係平時食開個d蘿白呀，雲耳呀。點醋食都ok既，幾香口幾醒胃。麻婆豆腐飯 $52咦個價錢係午市套餐既價錢，因為搵唔到小菜跟飯既價錢，淨係搵到午市碟頭飯個價，所以只供參考。去上海餐館，我都會特地叫一個麻婆豆腐飯黎試。—來自己好鍾意食，二來硬係覺得麻婆豆腐飯係一間上海餐館好唔好食既指

早兩日去開黃泥沖市政大廈開會, 開完會都已經六點半, 個肚開始打鼓。由於真係比較少去跑馬地, 所以都唔知附近有啲咩好嘢食, 隨意見到巷仔有一間上海菜館, 咁就入咗去食啦。呢間舖頭上海弄堂鋪面不大, 但勝在在巷仔裏面, 較寧靜, 令我可以喺一日會議之後靜靜地食一個晚飯。 由於真係好肚餓, 我叫了一個一人套餐, 有四隻菜肉雲吞, 回鍋肉加菜飯, 另外也叫了一個醉雞小食。聽講呢度嘅菜肉雲吞係招牌菜, 我食落覺得肉質都幾新鮮, 隻雲吞好足料, 但啲湯既味道有點淡, 好似豉油溝水。雖然如此, 總好過飲埋啲味精湯!食完個招牌菜雲吞, 就輪到食過醉雞啦! 醉雞嘅花雕酒味幾重, 肉質還可以, 但如果去埋骨就Very Good啦!到主菜回鍋肉加菜飯, 回鍋肉炒得幾香,  幾入味, 肉片薄薄的, 加上椰菜, 不會太溜! 但係個菜飯嘅味道可以再好啲, 菜香唔夠, 凍有點偏硬!總括而言, 啲上海菜都幾好食, 睇得出師傅冇乜落味精, 餸菜也不是太鹹, 是一個健康之選! 

放假的這天, 來找新到這附近工作的朋友聚一聚, 不巧地誤了朋友的吃飯時間, 只好獨個自吃再去朋友的店子找他. 走著走著, 看到橫巷裡有一家小店是上海菜為主, 內裡的裝修看起來坐得挺服, 便儘管一試. 進內後, 店子比看起來稍為細, 主因應是斜坡影響. 環境上比周邊的餐廳要好. 有較抵吃的午市午餐, 價位在$46~62之間. 1人套餐則是$78/$98, 選擇較多, 而且附上小食. 感覺較飽肚. 餐廳有wifi提供並印於餐單內, 頗方便食客. 點菜後等了不久, 先送上的是回鍋肉及菜飯. 菜飯頗足料, 亦較平常的白飯營養均衡得多. 回鍋肉的份量雖不大份, 但蔬菜做得出爽脆的口感, 豬肉惹味, 整體的調味相當不錯. 上海春卷跟廣東春卷最大的分別是內饀較清淡而以蔬菜為主. 吃起來主要是蔬菜的爽脆清甜, 比起常吃的春卷是另一種滋味. 埋單$100的價格並不便宜, 無奈這裡始終是跑馬地高價地段, 平常已可看到周邊茶餐廳的簡單午餐都是接近$50, 這裡的味道及環境不錯, 值得再來. 

表哥同表嫂係回歸日誕下麟兒, 我地今日入跑馬地探探呢個小侄女。由於今朝飲完茶都冇食Lunch, 上表哥家之前都係搵定餐廳同老婆食個下午茶再探BB, 如果唔係未到晚飯就會係表哥屋企打鼓啦。🙈老婆係Openrice搵到跑馬地呢間'上海弄堂', 因為佢想食小籠包同擔擔麵, 網上評價都唔錯。😃上海弄堂位置都幾方便, 入左跑馬地成和道左轉入綿發街就到, 而且門口有車位泊車, 非常方便。如果係電車總站沿成和道行過去應該4, 5分鐘左右都搵到。一入綿發街就見到, 餐廳唔大, 枱都唔多, 我地到時已經過哂午市繁忙時間, 所以客人都唔多。😁入到店內先知道原來呢間上海菜館係蔡瀾先生推薦香港最好餐廳之一。😳餐廳裝修精緻, 餐具簡單之餘都有中國菜館風格。套餐都幾豐富, 而且價錢都好合理, 不過因為老婆想食擔擔麵同小籠包, 所以我地冇叫到套餐。估唔到呢間跑馬地嘅菜館比起外面好多地方價錢更平, 小籠包都只係$38, 雲吞擔擔麵$58, 除左呢兩樣我地仲點左兩款消暑開胃推介。😋香椿菜拌豆腐實物比餐牌張相靚好多。😂香椿菜同咸蛋味道較濃, 配上鮮嫩軟滑嘅豆腐食, 入口好清新。👍豆瓣莧菜個湯底味道濃厚, 令到莧菜同其他配

弄堂 呢個名好有特色 行過俾佢個名吸引住打開餐牌一睇 原來係巷弄既意思 巷弄係上海小街既稱呼 上海弄堂就是想俾到家庭特色小店既感覺上海弄堂內在唔算大 但係好有小店既感覺食上海菜 必食烤夫 而家都唔係度度都有得食弄堂既烤夫好好食 食得出係醃左好耐所以非常入味無錫骨 而家又係好少會食到正宗無錫骨將d骨煮得好軟身 又好入味我初初以為會比較酸 但呢碟無錫骨煮得好好味道剛剛好 唔會太鹹 又好軟身菜肉餛飩 皮夠薄身 又唔會一夾就散重點係菜同肉的比例剛剛好 😋本人非常鍾情黑醋 拍青瓜加埋上海黑醋呢個配搭簡直不得了 上海弄堂既拍青瓜 好入味 黑醋味道好正宗夠酸又夠香😋😋兩個人每人160蚊左右 食到幾正宗既上海菜好抵😃😃😃

上海菜在香港很受歡迎，特別是小籠包，已經成為香港酒樓的點心之一。今次我同朋友專程來到跑馬地的 ，除了好吃之外，聽聞常有明星藝人出沒。踏入餐廳，給人的感覺很樸實，店內的牆壁上掛了書法畫，餐枱及座椅都是木製，全店充滿濃厚的書卷氣色， 店子雖小卻極具風味。當天是假日，客人不算多，只有三四人，很寧靜舒服。因為只得兩個人，不能點太多食物，簡單地叫了兩款小食，一碟麵及一份甜品，午餐來說已很足夠。小籠包 – 吃上海菜點少得”小籠包” ， 這裡的小籠包做得不錯，外皮厚薄適中， 夾起唔會容易穿窿，內裡的肉餡很鮮甜多汁，食完都唔覺油膩。三鮮炒麵 – 三鮮的材料有火腿, 雞肉同鮮蝦，配上白菜，芽菜同炒，很惹味，麵底炸得卜卜脆，吸收了醬汁的脆麵， 味道更可口。醉雞 – 用花彫酒製作的醉雞，酒味香濃，雞肉非常嫩滑結實，雞皮下零肥膏，可安心連皮吃。豆沙鍋餅 - 簡易而美味的豆沙鍋餅，我每次吃上海菜都必定點的甜品，喜歡它外脆內軟的口感，炸得香脆的外層包著一層豆沙蓉，口感一流，這裡的豆沙蓉一點也不甜，吃多幾件都唔會膩。一般外出吃飯後都會非常口渴，今次在 便沒有這個問題，相信這裡的食物沒用落重味精, 難怪能成為灣仔區的

今晚同同事去號馬地覓食,鐘意呢度環境夠清靜,唔似市區咁多人行行下發覺都幾多餐廳,行到轉角斜路見到有間叫"上海弄堂",睇個門口又見到有報紙介紹過,野食好似好吸引好又好耐無食過上海野,咁就試下啦!餐廳環境簡潔乾淨,坐得非常舒適價錢親民,款式都很多選擇,令人花多眼亂朋友鐘意食醉雞,簡直是超水準之作,雞件厚而嫩滑, 由雞皮, 雞肉, 甚至雞骨, 也滲透出濃濃的酒香味道.前菜:非常可口的黃瓜,酸酸微辣味好開胃上海菜點可以唔叫菜肉餛飩,配上豬肉十分鮮甜,每粒都充滿肉汁,新鮮有咬口獅子頭既肉質鬆化唔會太過死實，啲醬汁夠濃用來配菜飯就最啱,必吃

想食到正宗嘅上海野，其實真係有啲難度。除咗大型嘅連鎖店之外，原來跑馬地呢度附近，有一間上海弄堂菜肉雲吞都幾好食架。一入到去店內，佢嘅裝修好似上海店古舊嘅格局，木椅同埋帶大大福嘅水墨畫，令人置身喺80年代。先來叫咗個醉雞配白飯，其實佢本來係有菜飯架，但係就賣晒啦，不過配白飯清清地都幾好食嘅。醉雞嘅花雕酒真係非常之濃烈，呢一種口味已經係其他嘅上海鋪頭裏面搵唔到，我真係要飲多幾啖酒啦。另外叫咗個海蜇頭，大大粒好爽口，唔使點任何醬料都好像配上蔥花非常之可口，可以當小食慢慢食。之後就梗係要試吓呢度嘅小籠包啦！呢度嘅小籠包非常之多汁，而且皮薄涵靚，點小小黑醋同埋薑絲，就非常之好食了。最後食咗呢度嘅桂花酒釀小丸子桂花味好重，而且酒味亦都好重。慢慢逐粒小丸子放入口中，非常之暖胃同埋甜入心呢！結帳每人＄128，價錢中尚，尚算接受得來。

一行四人過了午飯時間才來吃午餐，果然人流不算太多。午餐餐牌價錢不算貴，所以點了幾個午餐再加其他小吃。花雕醉雞配菜飯上海菜怎能沒有醉雞！我最怕那些仍然有血的，但此雞煮得剛剛好，不會太生也不會煮得過老。麻婆豆腐配白飯屬中辣口感，份量及味道都是伴白飯的最佳之選。菜膽獅子頭湯麵 獅子頭肉質鬆軟，伴碟的數棵小棠菜新鮮可口。火腿津白火腿鹹味適中，津白清甜。豆沙窩餅熱辣辣上枱，入口即聽到脆卜卜的聲音，兼具咬口。一般上海菜會比較油膩，但這裏做得不錯，菜式整體都不太油。而且價錢、份量都合理，地方乾淨。席間還發現有蔡san推薦的牌匾，雖然我不信名人推薦，只信自己口味，但下次再來路過此區，亦會考慮再次光臨。

閒來無時又係時候做吓孝順仔了。趁放假同媽子港島一日遊，估唔到大家都對港島區咁陌生，好多地方都未踏觸過。行到咁上下就黎左呢到醫肚，一開始係為左醫肚的但入到去先發現呢到原來蔡瀾都推介過，真係估佢唔到禾稈冚珍珠。餐牌簡單咁介紹何謂弄堂，而環顧店內客人都以附近居民為主，感覺上好溫馨好有親切感。因為兩人都無咩頭緒想食咩，就點左兩個一人套餐黎食了。前菜係涼伴小黃瓜及上海春捲。青瓜酸酸甜甜的幾醒胃，偏淡的調味好捉到媽子的喜好，俾佢清食晒咁濟。春捲一入口就知係手工做的，餡料唔會切到好碎所以仲食到豬肉嘅口感同纖維。入面仲有冬菇同白菜，同酥脆嘅春捲皮配搭起黎好好食。主食係醬燒茄子同埋菜膽獅子頭，配上兩碗菜飯。菜飯真係好足料同好食，以前食嗰啲都只不過係煮好嘅白飯撈啲啲菜碎入去，但呢度嘅除左有大量小棠菜絲仲食得出應該係米加菜煮成飯的，所以飯粒食落多左一份蔬菜嘅甜味。醬燒茄子簡單以青豆同豆瓣醬調味，食落香甜惹味。雖然係一道無肉料理，但一啲都唔失色茄子腍得黎入味。用黎配菜飯真係可以輕易食返一兩碗。菜膽獅子頭雖然睇落有啲乾，但夾開係好濕潤的吸收左好多湯汁。肉丸好綿實一啲肉羶都無，而且又有菜湯嘅甘甜襯托，完全唔覺自己

忙碌咗一日，想悠閒點吃一頓中式晚飯，朋友仔帶咗我嚟呢間富有中國風情的餐廳。店內的牌匾、屏風、桌椅都帶有中國特色。餐具亦十分雅緻。杯中的茶是有質素的茶。全日也有一人套餐供應，五點前仲可免收加一。一人套餐價格吸引，但我們已被單點餐牌上的食物吸引了，所以無叫套餐。104 酸辣湯餛飩（五只） $62作為湯和小食二合一，相當化算。湯的熱度夠，上桌時是燙口的，熱度滿分。對於嗜辣的我覺得這個辣度也足夠，夠醒胃。酸辣味均勻。餛飩包得結實，餡料豐富，菜和肉味都好新鮮。713 醉雞擔擔麵 $75醉雞是分開上的冷盤。嫩滑的雞肉帶有輕輕的酒味，令人回味。因為嗜辣，所以要了擔擔麵。湯底冇令人失望，除了辣味亦帶有花生香味。濃濃的湯底配上軟硬適中的麵，很棒！833 雲腿蝦蛋白炒飯 $108食得出一定係新鮮炒出來的，熱度保存得很好。飯炒得很乾身，簡單的配料已能做到每口飯也帶有香味。食物質數高，環境佈局又有格調。難得是晚飯時間亦不難搵位。不錯的選擇。