上海弄堂菜肉餛飩 (已結業)

又到星期五去搵好野食既時間， 某日放工發現呢度開左間上海弄堂，鍾意酸辣湯既我一定唔會放過試新野既機會啦。6點幾去到，店內已經有好幾枱客，鋪內有十多張枱，但大枱最多只可坐6至8人，仲有一間獨立房。因為我地得兩個人，但又想食多d款，所以就點左個酸辣雲吞，仲有花雕醉雞，炸銀絲卷， 煎餃子。首先酸辣雲吞， 酸辣湯酸辣適中。唔似好多店舖一係好酸， 一係好辣。湯料都算好足料，暫時食過咁多間最好味係佢。至於雲吞，一食就覺得好新鮮， 餡料多菜少肉，食到新鮮既菜味， 雲吞皮薄，食多幾隻都唔會好漏。好好味。花雕醉雞，一黎到就聞到好香酒味。份量大約有4分1隻雞，雞肉好滑，浸一浸d汁一齊食，好香酒味，但d酒汁又唔係好難入口既酒精味。個汁做得好好。炸銀絲卷，呢個點心其實唔係我心頭好，但又覺得佢炸得唔錯，至少食落唔係油淋淋。同埋食落甜甜地都幾好味。煎餃子，呢個我覺得麻麻地，個餃子煎得唔夠香，食落好似煎同蒸之間咁。唔知想點。整體野食唔錯，但d服務生成日係度望住，一見我地食完一樣就收碟，我覺得有d騷擾，但都會成日添茶，唔似出面成日都要叫先加水。有好有唔好啦。

今日終於有幸到彎仔上海弄堂食LUNCH了由佢開業到而家，日日返工搭車都經過，但由於地點（我覺得）唔係咁方便，所以都未有機會去。想方便啲搭地鐵佢又兩頭唔到岸好采食物質素冇令我失望啫。一去到唔洗點等就可以埋位點菜，侍應態度有善，又唔會吹吹貢，值得讚揚睇左陣MENU，朋友話想食清啲，咁我地就點左個一人餐再加餸醉雞菜飯套餐跟黃瓜，加個鹹肉豆腐湯，再加松仁蛋白菜粒炒飯，最後黎得食上海野，梗係唔少得小籠飽啦，兩個人食好似叫得太多野，但一於少理，食左先講個湯好味，鹹鹹地飲完返到工司都唔覺口喝炒飯炒得好乾身，唔會太油利一人套餐個份是量睇落就少左啲，味道不過不失啦小籠包就皮太厚了，仲要咁厚都有一隻穿左整體上食物OK， 地方整潔，服務態度良好，值得一試

上海菜對我來說就像家鄉菜一樣， 久不久便會想吃吃。 可能對餃子類點心有特別喜好吧，今日下午便相約同事來到這上海小館吃午飯。雖然不是得大的餐廳，但小巧得來又得精緻內𥚃有很多上海嘅特色， 就像水吧及牆上的掛畫， 看起來非常舒服仲有房間，想privacy 多d 都可以今日點了醉雞配菜飯， 雞得骨，皮爽脆，好味。 菜飯煮得剛好，一粒粒不太黏口。小黃瓜就一般， 還可以。上海菜不少得的小籠包， 味道可以但皮有點過厚。 還有抄飯， 飯炒得香口，不太油，加上蛋白及松子， 好味！還點了鹹肉豆腐湯， 鹹肉有得香的香料味，煮湯一流 送飯可多吃兩碗！ 午市有得多選擇，一定揀到你心水啊

家裡的書櫃壞了，所以決定去銅鑼灣的宜家看一下， 順便找友人吃個午餐。因為友人愛吃上海，所以選了上海弄堂。天樂里位置，在鵝頸橋消防局附近，時代地鐵站出口步行5-8分鐘。平日下午2:30， 所以店內沒有很多人。 它們家的裝修很優雅～ 像電影場景—大上海富家女去的優雅茶座。打開餐牌，第一頁印有一個阿姨的樣子，估計是餐廳創辦人一個資性的女人。話說回來，這裡食物價錢不貴，50-70元左右，下午茶更是便宜，化算！先來兩杯充滿豆味、甜度適中的豆漿～ （除下午茶餐附送的）這裡的酸辣面比坊間很多酸辣面都要好吃～ 湯濃，味足，不死咸～ 湯的濃度不稀亦沒有很濃稠，濃度適中足以掛面同時亦可以佢湯羹喝～ 麵條沾滿湯汁確實不錯～蒸銀絲卷，細看下才會看到「銀絲」，口感鬆軟。個人比較喜歡炸銀絲卷，因為外面金黃色脆面，內裡軟綿不油膩，加上煉奶，yummy 上海弄餛飩店，當然最出名是錕鈍啦～ 我跟友人大力讚好吃～ 皮薄餡滿，每粒也是漲卜卜的～ 菜肉餛飩是白菜混豬肉，50:50～ 味道互相輝映～好Juicy ~ 好好吃上海粗炒，我很怕炒粉很油膩，這裡的上海粗炒沒有出面的粗炒油亮亮感，感覺比較健康，且上海面條口感亦比較煙靱

陪朋友去灣仔買野，經過一間上海餐廳見到幾新淨就入去。餐廳晚餐有1人至4人餐，我地選擇左散叫。餐廳的服務員服務好好，不時都會主動幫我地斟茶。排骨擔擔麵: 麵與排骨係分開上，炸排骨炸粉薄，炸起既排骨維持熱辣脆口，至於麵條軟硬度恰到好處，質感彈牙有咬口，湯底就麻香濃稠，微微帶辣。韭黃炒鱔糊:非常之惹味，韮黃芽菜都炒得好，不會過老，保持細嫩，鱔炒得爽口有彈性，味道濃郁。小籠包:飽皮夠薄，湯汁豐富，又夠熱，好味道。荳沙鍋餅:外脆內軟，內裡既豆沙熱腾腾，又香又甜，而且荳沙餡夠多。

前幾日晏晝約左家姐食飯，係佢公司留下食個快飯！家姐提議食下呢間唔係開左好耐嘅上海菜食下小籠包！午市套餐選擇不少，$4x起跳，係銅鑼灣灣仔黎講，合理不過！首先黎個小食先，小黃瓜味道唔錯，唔係用辣椒醃個種小黃瓜，反而係用左D醋去整，味道唔錯。花雕醉雞配菜飯菜飯唔會好油，但落足小棠菜去煮，足哂料，唔會好咸。醉雞嘅酒味好濃，食落口好香。雞無咩肥膏，又好多肉，唔會話俾勁多雞頭雞尾搭埋就算。排骨擔擔麵（小辣）擔擔麵可以揀大中小辣，總有樣岩你！湯底味道好濃，好重花生醬味！排骨數量唔少，麵有六七舊，都叫夠送麵。排骨唔係用左好多炸粉炸，調味幾好，唔會話太咸！最後係重要人物，小！籠！包！件件飽滿，咬落去好多汁，要小心D!配上黑醋，好滋味，一人兩粒，完美K.O.!

今日一個人去灣仔整護照，中午時間就去食個午餐，經過天樂里有間上海菜餐廳環境好靚，就去食個飯。午餐價錢好抵呀，免加一。仲有多人套餐。紅燒肉菜飯。紅燒肉炆得非常軟腍，肉質鬆軟帶點油香，肥肉油香豐富，食到停唔到口。百頁結爽口吸哂醬油香，醬汁撈飯好滋味。叫多個小食：上海春卷。春卷即叫即炸不油膩，餡料豐富蔬菜比例較多，喜歡外層香脆香口。食完唔飽再叫多一個鎮店菜肉雲吞。雲吞皮薄餡料份量多，入口清甜，醬油湯底清清的完全不濃。

星期日係跑馬地參加完活動就同一班朋友慢步行番落去灣仔食野一入到黎就覺得餐裝潢優雅舒適座位同座位之間十分寬敞 坐得好舒服餐廳好細心咁喺桌子旁邊放着豆瓣醬方便客人調味 值得加分花雕醉雞 $75花雕醉雞為上海最傳統既餐前冷盤小菜以陳年花雕酒醃製雞肉吸收左花雕酒嘅精華 味濃且入味菜肉雲吞 $46/8隻哩碗菜肉雲吞共八隻每一隻菜肉雲吞嘅皮都好薄餡料用咗新鮮既豬肉同白菜隻隻都十分爆滿 用料十足上湯小籠包$35/4隻黎到食上海野梗係要嗌小籠包啦這是常識吧！小籠包新鮮熱辣 皮做得十分薄可見師傅嘅搓皮工序做得十分出色夾小籠包嘅時候 需要特別小心 否則漏左湯汁咁就會浪費左鮮甜嘅肉湯汁上海粗炒$76最後一味就係上海粗炒粗炒最講究嘅就係火候可見餐廳係用料方面比較上心選用左豬肉 椰菜 再加入上湯同調味料翻炒麵條軟硬適中且帶少許嚼勁整體而言 呢度係一個朋友聚會嘅好地點環境舒適得黎價錢有大眾化值得再次光顧！

與太座喜歡逛到那裡吃到那裡，隨心隨意是多年嚮往的事，慶幸如今可以做到，最開心是不用回家自己弄。這晚試試這間裝修不錯，窗明几淨的「弄堂」，意思是品嘗上海家庭小菜的地方。接過餐牌，喝口香茶，看看太座想吃啥？餐牌的選擇頗多，分類為餛飩，冷盤，湯羹，蔬菜，肉類，河鮮，飯麵等。因大家都不是太肚餓，點了三款常吃的。小籠包，樣子飽滿，皮雖不是薄似紙張，然而，這種厚薄度我是接受的，吃起來較有質感，肉餡與肉汁貫盈，蘸點薑絲和醋吃，提升了整體的味道。無錫脆鱔，份量不少，鱔條上了些少脆漿，炸得很脆，鬆脆，沾了醋的鱔，酸酸甜甜，很好味，也許配一杯啤酒更覺合適。排骨炒粗麵，麵條掛滿烏卒卒的醬油，軟糯中帶點彈性，排骨是已切條的豬扒，鬆化的肉質，吸收了醬油的洗禮，變得可口，加上幾條小白菜，二人分吃已很豐富。吃飽了，不用趕著回家，又可以再逛。

喺銅鑼灣行去灣仔。發現新開咗間上海嘢。上網search 下先。咦。原來有4間分店架喇。睇下價錢又幾抵喎。衝入去試下先。環境好舒服。高貴優雅。牆上掛滿一幅幅50。60年代嘅油畫。弄堂解作「小巷」嘅意思。簡單d係食上海菜嘅好地方。食新嘢仲可以增進知識。花雕醉🐔～🐔肉滑溜。濃濃的酒香味道。酸辣湯～材料離不開有筍。冬菇。豆腐。木耳等等。。仲有少見嘅🐷肚。🐷肚唔so。多咗份滋味。其他食肆嘅酸辣湯。一d得個（辣）。一d得個（酸）。呢度嘅酸辣湯做到酸辣恰到好處。真❤好味道。餛飩有3款：1）菜肉 2）素菜 3）西洋菜🙋🏻揀咗菜肉餛飩配豉油湯底。散叫一客有8粒。皮薄餡鮮。菜同肉嘅比例均勻。豉油湯底比較淡口。上海菜都可以食得清淡。小籠包～皮薄多汁唔易穿。炸銀絲卷～外層炸到金黃色。配埋練奶真係無得頂。豆沙鍋餅～豆沙蓉唔太甜。個皮唔會硬掘掘。唔錯真❤推介「上海弄堂菜肉餛飩」。抵食 + 好味如果新界區有就好喇。為食妹👧🏻一定經常幫襯。

$78 / person Lunch Set 小食 : 菜肉餛飩 (4件) This was definitely one of the highlights of the meal! The fillings were generous in portion and remarkably flavour-wise! Couldn't help gobbling the pieces in seconds! No wonder it's their signature! 上海春卷 Filled with vegetables in the middle, the rolls were overall pleasantly flavoured, not bad as a snacks but of course did not stand out as much as the wonton did! 主菜: 黃金排骨 Fried pork ribs were nicely fried, yet as a health-conscious person I would prefer a l

上海弄堂有幾間分店，我都未食過。剛在灣仔開了分店，便同阿媽大人來吃晚飯！ 清清地，最啱喜歡清淡健康的了。 裝修幾有特色！座位很舒服。天花還有很高的裝飾，很時尚。 餛飩？雲吞？上海人叫餛飩，廣東人叫雲吞 一食就知是自家新鮮包的，不錯！菜很新鮮，很有口感四隻是在套餐內的，但很好食，有些不夠的感覺。阿媽大人食了三隻，似乎是她那晚最喜歡的菜式了。 餐牌的選擇幾多。有套餐，也可以散叫，阿媽喜歡食燻魚，所以餐裡沒有都叫了一個給好。味道幾好，稍甜。但有些硬。 牛展菜飯，很喜歡那菜飯，牛展也可以。但菜飯的菜剛剛好，自己煮好像沒有那樣好味了。 小籠包，夠熱，皮厚薄適中。不容易穿，但有熱湯在其中。 是晚2人共200元，抵食之選。

公司的同事是寧波人，自小吃慣濃油赤醬、厚湯濃汁的本幫菜，所以每次一提起吃滬菜，就會口若懸河，滔滔不絕地推介她的家鄉地道美食。說起上來，其實筆者亦已很久沒吃過上海菜，趁這天假期，就一於找間經濟抵食的上海菜館，吃頓午飯。記得以前住灣仔嘅時候，最常光顧的上海菜館就是《三六九》。最近從網評得知，天樂里開咗間《上海弄堂菜肉餛飩》，以上海家庭小菜為主打。翻查資料得悉，原來這已是餐廳嘅第四間分店，實力可見一斑。推門內進，地方雖然唔算好大，但勝在裝潢骨子企理，牆身掛著不少懷舊照，流露出點點舊上海風情。打開餐簿，散點的項目，選擇非常豐富，包括有阿娘餛飩、小食/點心類、阿啦菜(冷盤)、肉類/雞鴨、河鮮類、蔬菜/豆腐、湯羹、煨麵/湯麵、炒麵/拌麵、年糕類、飲料及甜品，茗茶方面就每位 $3。至於套餐，就分別有 1 人、2 人及 3-4 人各兩款可供選擇，而且定價亦算合理，可謂豐儉由人。由於只得兩口子，所以決定只點一個 1 人套餐 ($98) 再加幾款小食和點心。1 人套餐小食共有四款選擇，揀了菜肉餛飩。屈成元寶狀的餛飩，隻隻看起來都大小均等，而且蔬菜和豬肉的比例恰當，咬落既有鮮蔬的清甜，亦有肉碎的質感，配上簡

今晚同屋企人走入灣仔食上海菜，見到有間餐廳裝修得華麗，新開張就試一試。上海的弄堂。全日都有套餐供應，性價比高。賽螃蟹。蛋香滑溜加入生蛋黃味道非常豐富，蛋香清清味道不太濃厚，入口清新開胃，點上一碗白飯最適合不過。上海燻蛋。雞蛋溏心半熟，蛋白滑溜帶有濃濃煙燻味，味道不太濃郁，容易入口。菜肉餛飩。皮薄餡料非常豐富，肉香突出伴上小棠菜，入口清甜滋味，湯汁不太濃厚，伴上餛飩非常得宜。阿娘炒飯。雞肉、火腿粒、菠蘿、雞蛋。炒飯不夠乾身，但味道帶點咸香，叫個炒飯非常飽肚滿足。

今日同屋企人食餐飯，特意選擇左大家都喜歡的上海菜。餐廳有別一般的上海菜館，環境更加豪華壯觀。全日都供應的套餐。上海燻蛋。雞蛋滷得香口滑溜，蛋味濃厚帶有濃濃的煙燻味，蛋黃半熟溏心，出色的燻蛋。菜肉餛飩。餛飩皮薄薄，菜肉餡料非常多，入口清甜清香，肉香豐富。豉油湯底完全不濃不咸，清清的容易入口。雪菜毛豆百葉炒干絲。簡單小菜炒得不油膩，乾身咸香，雪菜增加咸香味道，加入西芹豆腐干，味道層次豐富。紅燒肉百葉結。紅燒肉非常軟腍，肉味濃厚入味，醬汁味道不太濃不太膩，肥肉增加油香，百業結豆香重，吸盡醬汁，滋味豐富。