上上拉麵小籠包 (已搬遷) 新店位置

今次到朗豪坊食野,食既係上海菜餐廳唔算好大間,座位都比較細,但係算坐得舒服,服務都唔錯,侍應都有親切既笑容!食物方面,我地選了小籠包,油蚊筍,擔擔麵,雞絲拉皮,上海粗炒,食物水準一般,不過唔算難食,個別菜色如上海粗炒都ok,只係油蚊筍像炸筍,食起上嚟好像不太對阪,而,擔擔麵同雞絲拉皮都太多花生醬了,味道一般!味道方面仲有一些改善空間!

上上窩巴 厚待咀巴兩人夜d要睇戲...但係又唔係好肚...所以只係叫左好少野有酸辣湯面 + 小籠包 + 鮮蝦窩巴先來小籠包~~果然係招牌....皮薄多汁....一咬落去...d 汁多到好似醬爆丸咁但係d 皮又唔會易爛....專登去試下fing 下佢都唔爛....勁之後來的係 酸辣湯面....個湯都幾好~~酸微微的....係食得多會真係把口頂唔順...三四個人食一碗可能會好d最正的係佢個窩巴....真係未試過咁好味....一睇佢個樣好似好普通....心諗....錦鹵雲吞 + 暴暴飯焦 = 俾人搵笨但係算啦....夾起點落d 汁度....我同朋友仔都嚇左一嚇.....舊飯焦發出支支聲....即是 燒到紅晒的時候放入水咁....再放入口....好奇怪地.....放完入d 汁度....佢都仲係 咁香脆....佢脆得尼又唔會話硬到咬唔開....飯香加油香....仲要有埋d 甜酸汁.....呢道絕對可以做鎮店之寶呀!!!!一定要試!!!

一支公在旺角搵飯食 , 在朗豪坊找到這間 .點了小籠包 , 油菜 , 雪菜肉絲麵 . 小籠包不過不失 , 油菜一般 , 但雪菜肉絲麵真的淡得可以 , 連雪菜應有的咸香味都很淡很淡 , 不算太滿意的一餐 ...

踢完波, 九點半左右, 去朗豪坊都唔知食乜好, 見到呢間上海餐館, 又未試過就入去啦!!!叫咗:1. 白切肉粉皮2. 小籠包3. 紅油牛肉麵(waiter 都幾好, 有提醒我碗麵會幾辣......)竟然先來咗個麵先, 唔緊要, 照食..........唉.....一啲都唔辣, 湯底一般, 牛肉過得去啦.....白切肉粉皮, 一個字 - 淡小籠包, 味都幾好, 不過塊皮就真係太薄, 有兩件一挾就散講真食物真係麻麻, 不過服務唔錯但我始終係來想食嘢, 服務再好, 食物唔得, 本末倒置上海菜, 呢個價錢, 香港太多選擇

最近去過幾次：拉面：面十分好，彈牙有面味，湯底十分之好~~~有北方感覺~~~如果加辣~~~更加出色，唔會似香港貨色！小龍包：食過三次~~~兩次好好~~~~一次咸左少少，但皮做得非常有水準~~~同埋裏面湯一流賽螃蟹：估唔到咁好食~~~有炒蛋白香味~~~唔會有蛋腥~~~~加上香口之餘亦很滑！生gen包：一般高力豆沙：一般一定會再成日去！！其實冇o係度寫過食評，但身邊朋友好多會上泥睇先去食！果日食完上上個朋友先上泥睇！佢都大讚好味 ！佢話如果上左泥睇食評先去一定唔肯去！

女友喜歡吃上海野，於是同佢去左呢間野，新開左一排點都要試試慶興自己唔駛等位(因為女友已經lor左位喇)，但一去到見到門口好多人等位，心諗：唔知係咪真係咁好味呢...？先講環境。老實講真係冇諗過入面係咁細，d檯排到密側側，同隔離檯只有半呎距離，而且仲非常嘈。女友因為久等，一早落單叫定小籠包。到我黎到，order埋其他食物，再細問之下先知根本冇落單......叫左：担担麵，比平時食的辣，但湯底的味道濃。白切肉粉皮，味道出奇地不俗，白切肉半肥瘦，粉皮亦夠彈牙。紅油抄手，醬汁味道OK，但似乎太大粒了，似普通雲吞。小籠包，皮夠堅靭，唔易穿，湯夠甜，呢個最似樣。豆辦菠菜，誤以為豆辦係辣果d，點知係蠶豆咁解，失覺失覺，仲發現一條頭髮添。食物質素其實非常普通，但竟然是翡翠拉麵小籠包的價錢，俾錢時都呆左一呆。食完一次，應該冇乜機會再返去喇...

這又是一間只重裝修的新派上海菜, 食物質素一般, 烹調技巧低劣, 但價錢昂貴。我和太太吃了小籠包、雪菜咸炒年糕、煄魚及招牌擔擔麵。小籠包皮厚但一夾起已破, 肉餡太大, 肉汁不多, 似在吃肉餃。雪菜咸肉炒年糕炒了等於沒炒, 像蒸熟後兜亂, 糕身頗硬, 咸肉沒什味道。煄魚不知是什麼雜魚, 頗為骨多, 進食確是麻煩。招牌擔擔麵本身不夠麵味, 最致命的是上桌後湯只是微暖。整體上這間上海菜絕不合格, 各位食友偶逛旺角肚餓時, 請記著把它忘掉。

今日8點幾本來來諗住去和民, 點知輪米咁..四維行見到呢間野開左, 重要唔洗等位! (有古怪...) 但係見鬼咁肚餓就入左來食..第一個感覺... 茶餐廳的感覺, 但價錢...間野都幾細間下.. 好迫, 張抬好食... d呀姐個個好似打仗咁..都叫左幾多野食..小籠包同肉餃.. 上海粗炒重有兩樣唔記得了除左個肉餃, 其他野冇咩驚喜小籠包唔難食, 可惜佢太大隻, 有一隻重一夾就破開咗...都係鼎泰豐好d...

某天與朋友們行朗豪坊商場,肚仔餓要搵野食,見到上上試試不妨。點了,東菜咸肉粉皮/醉鷄/五香牛肉拉面/担担面/小籠包/賽磅蟹1)東菜咸肉粉皮, = 好吃 (要知道怎樣好吃,你們自己試試吧)2)醉鷄 = 不偏不倚3)担担面 = 好吃, 本來我不太喜歡吃担担面的,但這裏的我也吃了大半碗4) 五香牛肉拉面 = 不偏不倚5) 賽磅蟹 = .. 不推介, 原因主要的材料旦白稍為抄得老了點, 可能當日師傅失手卦6) 小籠包 = 嘩, , 這個不得了, 一定要吃, 超好吃, 我從未試過咁好吃的小籠包, 我們一行四人還點了四客, 如果肚子能夠容納的話, 我一定會再多吃點, 包子裏盛著的肉汁豐富, 咬下的肉完全不覺肥, 真的好吃得不得不得了, 不過夾起時記著要小心, 否則肉汁就漏了出來了,絶對要吃的一味菜地方環境可以, 當晚是爆場的, 但服務員的態度也十分好, 值得一讚!!真開心能找到有一家能吃到那麼好的小籠包, 日後一定多多幫襯!!

超熱愛吃小籠包..有名氣的沒名氣的 都會一試.逛街一看 好像是新開 還是上上 (?)其實2人都很飽 於是只叫小籠包跟南瓜餅...小籠包一試 真是不得了 皮簿不破 肉汁鮮甜 !!! 很久沒有這份驚喜~南瓜餅則太油了...吃了半件得停手...

昨日是這店的新開張大日子,我們湊巧經過朗豪坊,便走去吃晚飯試試,先說說環境,這裏逼過茶餐廳,我們坐在中間一排桌椅,完全沒有轉身的空間,期間人來人往,吃得頗為辛苦。至於食物,我們選了雞絲粉皮、蝦仁炒飯、小籠包、一盅酸辣湯和一杯雪梨茶,味道都ok的,但是雞絲粉皮賣45元,但只屬平價可入口貨色。雪梨茶太甜,不覺雪梨味,只有甜味和龍眼味,叫人摸不清頭腦。原本想多叫一個高力豆沙,眼見隔離枱再三催促說漏單欠,後高力豆沙,後來高力豆沙來到時,卻說是凍的,我們都不敢再叫。這裡的侍應很客氣,招呼不俗,但常常提議我們再叫甚麼甚麼,叫甚麼食物都提議我們吃兩份.....很煩人。