上上拉麵小籠包 (已搬遷) 新店位置

食物挺不錯的脆鱔非常好吃，沒有很黏黏的，也沒有油溢味。吃了有個甚麼清湯麵甚麼的，麵算是不錯，分量也恰到好處。窩巴的味道比想像中好，窩巴上桌時還是暖的，加上那酸辣汁也很好吃，配起來是完美。小籠包也很不錯，皮很薄，筷子功稍差也夾不了。清炒蝦仁十分棒！炒出來的蝦還是清爽好吃，也不太油膩！高力豆沙挺好吃的，裡面的豆沙還是有點流質的感覺。南瓜雖然好吃，但卻沒有令人讚賞的地方。不過不知是否人太多，食完了，經理便急急叫我們結帳

旺角區既上海菜未食過哩間,今日一於黎試下~星期六一定好多人,預先打去book位,準時去到仲留左卡位俾我地,佢話預先book通常會預先卡位,係咁o岩有卡位定係真係咁好service就真係唔知喇,不過有卡位坐,實在太好了~夜晚無set 叫,只好散叫,仲好,想食咩就點咩,我們的order:小籠包走唔甩,食上海野又點可以唔叫呢,咬開都有湯汁,不過唔多,料都適中,不過又講唔上話好好食,同頂太豐比仲爭D囉,不過都不過不失,算OK既~糖醋魚塊甜酸度剛剛好,賣相好好,有波羅同桃,幾多料,魚既份量比我想像中多,但又唔係好大碟,送飯一流,不過我地無order到飯~清炒津白上海菜離唔開一定係津白,想叫個菜食下,味道無咩特別,清清地,淡淡地咁,無咩好唔好食可言,不過就咁一碟菜40幾蚊好似貴左D囉~紅油抄手哩個都唔錯,唔食得辣既我覺得辣度剛剛好,朋友食得辣當然覺得一D都唔辣啦,不過唔算好油,味道都唔錯,料都算多,不錯~擔擔面哩個最抵讚,個碗雖大,但量都算幾多,唔知係咪我地order得太多野食,好飽,所以覺得好大碗啦,D花生醬好多,好o岩我口味,擺左一陣先食,D面吸收左D湯,反而仲好食,結結地,不過可能怕味道重既

星期三 (25/2)晚要做導遊，負責帶一位澳洲來的朋友逛逛女人街。原本只打算帶她試一下街邊的魚旦粉，但擔心環境不太好，便在商場揀一間中式食肆。結果，隨意選了這一間，幸好沒有介紹錯。3個人叫了5樣野，total $250~不算太飽，因為打算再帶她去試下街邊小吃。$3/位茶錢,服務也算不錯,定時定候會主動加茶。1. 糖醋小排骨 - 以冷盆分量來講算很多，個汁好濃好入呼，"鬼妹"都話好味2. 干煸四季豆 - 都幾惹味，分量也不少3. 肴肉 - 12舊,味道一般4. 小籠包 - 皮好薄，即蒸，熱騰騰好食5. 炸菜肉絲拉麵 - 咸左d,不過d麵都幾好食整體如大家所講，跟翡翠很相似，比之前的竹籚山房好得多，從此在旺角食上海菜多了個選擇了。

上手也是新派上海菜館，店名是"拉麵小籠包店"，所以今次主要以麵食為主。糖醋排骨-顏色深紅又帶點螢光有點嚇人，不酸不甜，味道怪怪的。茶香煙乳鴿-第一啖入口不覺，再細味之下香味才慢慢出來，皮肉也有淡淡的茶燻香。干煸四季豆-炒得很入味，我覺比老上海做得好。上海炒年糕-芡汁非常之深濃，令到年糕很入味，而且年糕很軟綿煙韌。雪菜咸肉粉皮-賣相似很清淡，雪菜及咸肉也帶鹹味，令到粉皮味道也很夠，而且很通透爽口，十分美味。香辣冷麵-青瓜絲、蘿蔔絲、雞絲等，撈了後辣味足夠，十分開胃，而且麵身爽勁彈牙。上海湯麵-與舊式上海舖一樣，很濃稠的醬油湯底，麵身也做到不腍頗有嚼勁。小籠包-一籠4隻，我沒有試，聽說不錯。這間新式小店，真是估不到頗有水準，但人客不多，可能是位置問題，希望他還可以繼續維持下去。

日期：2008年11月29日有一晚都想試下架喇，但太多人排隊，所以今次見lunch未太多人時，試下囉！1.雞湯拉麵：清清地既雞湯配彈牙既麵條，好食啊！2.擔擔麵：辣左些少，花生味好重．3.小籠包：皮薄餡靚，拍得住翡翠．

一踏進這店，就感到與翡翠很相似，只是名字轉了而已。點了擔擔麵、小籠包和白切肉粉皮。擔擔麵︰麵不算十分彈牙，但不是過腍而已。有蠻香的花生麻醬味，都可以收貨了。白切肉粉皮︰白肉切得很薄，師傅的刀巧很厲害呀。白肉一向都是我喜歡的菜式，這裡的也算不賴。蘸上帶點點辣的醬汁更好味。粉皮就有點鬆散，不是太好。小籠包︰熱騰騰的，味道都好像翡翠的。所以嘛，也好吃囉。服務也是一樣，一吃完就收這收那，好像在說不要阻住他們做生意。

新工作的上班地點在旺角朗豪坊，第一次在旺角區返工，連日來的午飯時間都到不同食點試食，希望找到平靚正點：價錢平（捱了香港區貴價午飯很久了！！），環境靚，食物正第一間試的是上上拉麵小籠包，初時行到去門前驟眼一看，以為是翡翠拉麵小籠包，看真一點才知她的正名．我午餐時間都選擇自己一個去食飯，貪其可以無拘無束，一個人真性情真本色舒舒服服的吃飯．第一次去到上上，點了一客小籠包，另加一碗招牌擔擔麵．小籠包新鮮蒸起，皮薄得來又夠滑，而肉餡多汁亦有豐富的味道層次，感覺鮮美不膩，調味亦見心機．最可惜是每每一夾起時外皮即穿，美中不足．至於擔擔麵，麵條合我口味，不林，剛好有爽的感覺，而拉麵是自家即拉的，麵條看得出有少少大小的分別，但只令我更覺好味．麵湯夠辣，而且有很濃的花生香味，也合我口胃．第一天試食後感覺良好，第二次意猶未盡，再去吃過！今次選了菜肉雲吞拉麵．很喜歡麵的湯底，傳來陣陣清雞湯味，滋味得很！（因為我已很久沒喝過清雞湯了！）雲吞也是皮薄滑溜，肉餡美味．整體對這間食肆印象不錯！頭兩天去時上菜很快，正好配合我吃完飯逛街購物的習慣！本來是盛讚的，但到第三天上菜時間就慢了很多，等了25分鐘才來一碗麵，是讓我

是晚和BF 去食晚飯~ 其實只是路過...求其去試下~~嗌左 小籠包..擔擔麵及 糖醋雞球!!! (忘了帶相機..無影相相><)覺得服務還可以呀~~ 都算有禮貌,同埋落單都好快....這晚都算幾FULL下... 不過我地個位就比較熱....好似無冷氣咁..仲要食熱野..= =個擔擔麵 好香,都幾好食! 小籠包亦都不俗..唔知係咪我無咩希望去食會覺得好味D?!^^糖醋雞球..其實係因我鍾意食呢D味 GE野...個雞球真係好圓架囉...哈哈~~味道就一般喇..我都食左一兩個就無食~~略嫌D 位 有D迫..~~ 同隔離好近下....不過都可以一試ge~~~

一行五人,預早訂左枱,但係原來人唔多,唔訂都有位(星期日都係咁係咪因為經濟差?),不過d位好迫好窄,個場望落靚,但係坐落唔太舒適...食物方面,比預期無咁好,因為好多上海菜館都做得比佢出色!賽磅蟹:呢味係我必叫,但係呢度做得都幾差上,原因係無料,只係蛋白加好少好少魚肉,係少郅根本食唔出果隻,然後上面打隻蛋葨就算,連西蘭花都無一粒!薰魚:味濃,但唔好食,味道怪怪地...素鵝:皮厚,無味,而且太油!白肉粉皮:好寡呀!豬肉雖然唔肥,切得薄,但係無味,其實我諗喜歡既人應該覺得唔錯既,但係唔岩我口味!小籠包:一籠只得四件,唔多汁,肉多,但少少肥,麻麻地,唔夠香口!素菜餃:皮太硬喇,料又唔好,菜類係求求其其紅蘿蔔粒,乜粒物粒之類,又唔夠味!放一陣已經乾晒喇!雪菜肉繼拉麵:肉絲少到呢...茶餐廳多佢好多囉,拉麵又幼又無味,唔係好得,雪菜都唔多啦!醉雞:我唔掂得酒,所以無食,但觀乎呢味好快被大家解決左,我覺得應該幾好!

琴日下晝同老婆去旺角行街, 响朗豪坊行到攰攰地, 想搵地方食晚飯我地發現咗响food court旁邊有間舖頭食上海菜既, 叫"上上拉麵小籠包" 新唔新就唔知, 因為我地少行朗豪坊.....可能時間較早 (接近七點), 人唔多, 我地兩個人等咗一陣就有位..... 一坐低我地就叫咗小籠包, 素鵝, 紹興醉雞, 菜肉雲吞拉麵.....小籠包 - 味道唔錯, 皮夠滑, 夠薄, 肉汁鮮甜.....唯一既係, 唔知係唔係小籠包多人叫, 做得較趕, 啲小籠包黏住底下既生菜.....但係我地見其他人既又好似無事 =.=""所以都值得一試 素鵝 - 一般, 勝在夠熱夠脆, 但好似咸左少少紹興醉雞 - 我覺得好好食.....啲雞好滑, 加埋紹興又香又濃, 味道一流 <===必食之選菜肉雲吞拉麵 - 雲吞皮好滑, 啲料夠多, 拉麵夠彈牙, 唯一味道較淡, 算唔錯 至於服務都唔錯 食完埋單 $194是日總結：兩個人哩個價錢算ok, 下次會再去! 見到有人叫個鮮蝦窩巴好靚, 好似好好味, 下次去一定要試！

上次同fd黎食我叫左擔擔麵my fd 叫豬排上海麵我地一齊share小籠包我既擔擔麵麻麻地，太咸喇..............my fd的豬排就幾好味，豬排和麵是分開上的小籠包是推介的食物! 皮簿，又有汁，好味好味~~~~~~~~~~~~~~~

Inside out are very smilar to 翡翠拉麵小籠包. I expected to have something new. But ......maybe it is really opened by 翡翠小籠包 --- not bad, skin is very thin, meat is quite ok with juice擔擔麵--- same taste as 翡翠, spicy and very peanut. I like the noodles very much. Very good texture.

到上海麵店，總想到開洋蔥油拌麵，是日沒點，因為這裡做得唔多掂。胃口好了一點，就吃點濃口味的小品，於是改叫麻醬牛肉冷麵，麵是手拉的，加了蓬灰增添韌性，帶著北方味道，較之傳統上海白麵，這程度的柔韌極適合廣東人口味。麻醬濃稠，下了些蒜粒拌著冷麵吃，香濃帶辛更能激起味覺對麻香識辨，很好的配搭，牛腱說成牛肉，師傅大概是北方人，滷得入味亦帶肉香，很不錯。只收三十六元，經濟抵食，想不到廣東茶居的新品牌，老闆對出品要求也頗認真，是間不錯的麵店。

今日2人叫咗3樣嘢，因為無咩胃口...小籠包($26/4)，唔錯，皮夠薄！鍋貼($25/3)，個底都幾脆，但就幾油！擔擔麵($36)，叫咗小辣都仲好辣，花生好似唔夠香，可能被D辣味蓋咗，欣賞佢加咗D白芝麻，但D辣o既銀都喺埋碗麵度就真係唔係幾好喇！服務方面只係一般，加上坐位非常迫，真係坐得唔舒服，我諗坐卡位會好D o既！$3/位茶錢

見到朗豪坊新開左呢間上海野，怎能錯過呢…正如其他食家所言，真的不錯哦！小籠包：內餡好足料，又夠濃湯汁，熱辣辣！好正。暫時覺得呢間既小籠包能與上海城煌廟媲美。。。好熱要小心(仲急得濟唔小心辣親條o利，be careful~~)紅油炒手：又係不得不提，大大舊，辣味十足，唔會偷工減料，真係幾好幾滿意上海炒年糕：呢度既相比其他上海店既味道較濃，口感ok架，一般應有的材料都有足晒北京水餃：嗯，試左一粒我就覺得一般啦…人地次次見到都好想食既野！哈P.S：面外的太玻璃可見廚師們蒸煮的過程，如：包餡、蒸籠、出籠等，如要排隊望下都無咁悶，好多人排隊等位架，所以食完自動要閃，皆因侍應、部長們都眼超超，扮執台…明啦。好彩我地一去仲未有咁爆場，即刻有個靚卡位安坐…