上上拉麵小籠包 (已搬遷) 新店位置

暑假正值大量名牌子開倉減價的好時機.瘋狂的我和好友禁不住一來再來,這次選了這間上海菜因為友人身體不太好.才2時,還算時午飯時間,但人流已減.餐牌從食物到價錢跟翡翠拉麵如出一徹,至於味道則有待考證.本想點宮保雞丁湯拉麵,但侍應竟說沒有,有點驚奇.其實我累大於一齊,吃與不吃不大重要.友人點了一份菜肉雲吞拉麵,大大粒菜肉雲吞裹著豐富的菜肉,但味道略淡,不夠惹味.麵條不及翡翠拉麵般幼細,亦少了麵粉香,不及翡翠拉麵的好.至於我,失卻了拉麵後只點了一份蒸鮮肉包($24).蒸籠內放有兩個大包,餡料一如所說,只有肉,一丁點菜也沒有.還是點鮮菜包好,雖然價錢一樣看來有點不划算,但沒有那麼膩.圓肉雪梨茶,跟翡翠拉麵一樣的飲品,一試便知高低.味道不夠鮮甜,很淡,用料不夠多,不夠下火.正好過了午飯時段,侍應們都有點放鬆,服務不太積極,有點遊暈.

三個女仔一個墟, 嘈喧巴閉的我們, 打搞了上上拉麵小籠包食左都幾多野, 包括水晶肴肉, 酸辣湯, 麻婆豆腐, 五香牛肉拉麵, 小籠包同蔥油餅! 肴肉係凍食的, 第一件食落幾好食, 不過食到第三件開始就有少少漏的感覺, 始終係比較多肥豬油的一個菜色酸辣湯味道唔夠刺激, 可以更好的, 麻婆豆腐不錯, 一來豬肉的配料同汁的味道唔錯, 二來豆腐的質地夠滑, 大家都覺得好食!牛肉拉麵又係味道差少少, 唔夠重手, 牛肉都幾入味, 拉麵本身唔夠彈性, 碗麵的水準一般! 小籠包ok, 汁唔夠多, 皮都算薄味道可以接受, 但又未到好好食的級數!

一心想食越南粉, 但個foodcourt 實在太爆了, 反而上上唔算好多人上海野都係我喜愛的食物, 所以都無猶豫便入去食了, 要左一碗上海排骨拉麵, 一碟雞絲粉皮同一碟清炒津白 (因為見油菜一碟都要$32, 倒不如炒碟菜)排骨炸到好好味, 肉都有味, 肉質鬆化, 唔錯, 不過麵就一般, 沒有彈性, 湯底都比較淡, 可以說是不過不失雞絲粉皮的花生醬唔夠多, 粉皮有點鞋, 味道都係一般炒津白都係一般水準食物的質素普通, 唔係好難食, 但不要期望太高吧

3-8-2009又到朗豪坊開餐, 今次試試呢間上海麵店.喺門口見到師傅搣 / 搓麵團, 試試蔥油乾撈麵 ($38) 吧: 炸過的乾蔥食落香口, 食完個口就好臭, 哈哈; 麵條沾滿蔥油, 味濃, 幾爽口, 不過又好似有點實, 略嫌唔多夠煙韌. 碗湯就成陣油溢味, 只飲了一啖已覺得有點苦, 唯有唔飲吧.另外叫了一杯凍杞子圓肉雪梨茶 ($14), 夠晒清甜解渴, 不過好似唔多夠凍...呢度不論蔥油拌麵, 環境及食店 logo 都可以用「疑似翡翠拉麵小籠包」 形容, 不過上網睇了人哋個 website, 又好似無乜關係... passing off? 連加一約 $55, 可以一試.

2 個人去，等左一陣就有位叫左2個拉麵同2個小食雞湯拉麵: 雞湯夠味~正五香牛肉麵: 湯底好重金華火腿味~幾好，牛肉都好正小籠包: 皮、湯同肉都好正蘿蔔絲鬆餅: 好味，唔會太油膩

係food court 之中貪佢可以坐得舒服啲，就揀咗入去試下啲上海風味喇！紅油炒手小小辣夠熱皮夠滑肉質算鮮美。小籠包老實講唔可以話一吃難忘，但係啲皮夠薄同包包裏面充滿肉汁都唔穿，師傅手勢咁好抵讚嘅。叫咗一個午餐，鎮江骨夠味唔過咸過甜都好好食，係啲豬肉比較嚡啲，排骨要瘦係嚡啲架喇，有一兩舊係豬軟骨，好味。滋味咸肉菜飯恰到好處，啲飯唔太硬唔太軟，粒粒米原原整整，唔似有啲酒樓餐館用啲斷頭斷尾嘅爛米。嘆番杯杞子桂圓雪梨茶當糖水潤一潤真暢快。佢地啲嘢味道清淡，除咗本身濃味嘅食品之外，其實都幾好，唔駛話餐餐都味精雞粉味吖！最唔高興係佢地杯茶，成$6杯，加埋一成$6.6，雖然話茶味幾香又夠熱，但咁嘅食肆收人茶錢，對我都唔飲茶嘅人嚟講，就覺得唔抵囉。本來都笑架，午餐兩個人食咗$136，偏貴，就變咗ok喇！

是晚星期四約七時半不太用等位, 不用10mins有位一入到去坐低, 感覺蠻熟識的, 立時想究竟有否曾經光顧, 答案是沒有, 但不論裝修(檯面好細), 座位編排(又係密質質咁..), menu design 及食品款式, 餐具, 出品....太多了..也跟另一拉麵小籠包同出一轍... 是次order:咸肉津白: 咸肉夠味質素好, 可惜津白唔靚, 二人份量, 每人得3幾條怪味雞: 青瓜切到細細粒同雞粒炒, 有花生, 味道ok, 不太辣幾惹味, 可惜份量少得有點....酸辣湯拉麵: 出品真的同另一拉麵小籠包一模一樣, 酸辣湯一般不吸引, 拉麵ok彈牙, 二人份量是晚光顧每位可獲小籠包一隻, 熱辣辣送上, 味道好, 湯汁足夠, 皮薄, 肉新鮮夠份量, 故再另叫一客($26/4粒), 好味!茶每位$3, 是否值見仁見智

今次第一次o係開飯留帖...平日睇就睇得多...今次為左呢間野特登開account...=0="個人黎講好鍾意食擔擔面...亦好鍾意小籠包...見到間野有...好唔小心入左去...入到去叫左雞絲粉皮, 擔擔面, 上海粗炒同小籠包...雞絲粉皮...粉皮一厚就唔好食...佢就係衰厚...上海粗炒...見個色好似好味咁...點知...超多油超濕...唔好味...小籠包...ok之作...但係好難為左佢呢個小籠包再幫襯...因為:擔擔面...真係令到我好無奈...我咁大個仔未試過食唔哂一碗擔擔面...點知我o個日試到啦...首先出奇既係部長叔叔叫個侍應幫我剪面o個句..."剪井字呀!"就係呢句...搞到個侍應就幫我剪井字...仲要驚剪得唔好幫我剪左5刀=0=擔擔面出奇地變成擔擔粉...咁都算...算我自己攞黎衰食完第一啖之後有種好奇怪既感覺...奇怪到我即刻打俾我阿媽問咩事...乜擔擔面酸架咩?? 阿媽答完之後我真係唔敢再掂碗野...提醒未食過呢間而又鍾意食擔擔面既朋友唔好試...唔係只會好似我咁慘淡收場...不過間野真係幾多人下...搞到我好唔明白點解=0=

今日同女朋友仔去食叫左一個擔擔麵share 食重有每人一隻free小龍包食一共只係$46, 超低!Service =好refill茶=快上菜speed=正常 已把呢間加入我地個食飯list取代翡翠拉麵

入席時間: 約2:00pm人數: 2位揀選食物: 燻魚拉麵 + 排骨拉麵 (每位客人各獲贈一個小籠包)對食物及餐具的評價1. 食物的賣相普通。2. 所用的器皿不一致: Order了兩碗拉麵，一碗拉麵 (燻魚另上) 以細碗作器皿，另一碗 (排骨另上) 反而用大碗。以致枱上沒有足夠空間把食物放整齊。3. 拉麵的湯底根本就係清水，淡而無味。即是沒有湯底，要o黎把鬼。4. 燻魚的味道實在過份甜，而且多骨、無魚味。5. 排骨的味道一般，只是一排直接用油炸過的豬排，不吃也吧!對服務的評價1. 入座時已馬上 order 食物，還 reconfirm 有小籠包送。過了20多分鐘，小籠包還未端出來，於是追單並查問侍應要等多久，他說等多幾分鐘便有，結果還是沒上菜。最後再一次追單，多等了15分鐘也是沒上菜。眼看旁邊遲落 order 的客人很快已獲得小籠包，而我這枱一追再追依然沒結果，十分無奈。2. 之後我和朋友已沒耐性再等小籠包，直接叫侍應埋單並要求他們扣除小籠包的差價($13)，那位侍應答應了。怎料，他們竟然出爾反爾，只扣除了$6的茶錢，並收取加一服務費。極之過份!!! 3. 食店門口的餐牌上沒有寫有此收

星期日~12點左右~~只係得三枱客~而我係第一枱相信明明佢話11點開...但係d嘢好遲都未嚟...唔通真係水都未滾??小籠包來了~皮薄~湯多~但餡少~算ok~但不難忘~上海排骨如想像般剛炸出來~夠冧又夠脆~唔會難食不過d上海麵就真係一般左d啦個湯冇乜味~麵亦不特別~因為冇剪麵~食得比較論盡少少~都算ok~但唔太有衝動再食而且佢同翡翠小籠包係同一集團佢地的餐牌8成相似而其中一成唔似係因為個價錢a東西可以甲舖平少少~b東西可以乙舖平少少~可以話係冇乜新意但又要當兩間舖咁做....全場最得閒的~應該係茶水部了d人頂多叫豆漿之ｍａ返工只係做一個動作．．．真係勁～

中午食飯，唔多想坐ＦＯＯＤ　ＣＯＵＲＴ同人爭位，就入呢間鋪頭食小籠包，一食，好印象深刻，因為皮薄餡靚真係稱之無愧。佢唔單止可以個個包都裝滿汁，而且仲皮超滑超薄，肉都係滑既！好鮮味既感覺！另外仲叫左宮保雞丁，其實都好惹味，但我個人覺得多左Ｄ腰果，少Ｄ腰果多Ｄ雞會好一點！老公叫了水煮牛肉拉面，我覺得味道都唔錯，但佢話唔多地道。雞絲粉皮好味喎！唔太厚既粉皮０岩晒我胃口。野飲方面我揀左龍眼水，唔錯呢！好味道！真係幾好味啦！只有一樣野我覺得唔夠，就係菜飯唔夠味！咸多少少就好喇！

15/3(日) 7:30pm與加國玩伴I小姐久別重逢的飯聚,應其意願,拒西迎中,結伴前往朗豪坊的"上上"前身為阿拉麵館,以一室紅襯黑作主色,格局企理光猛.去電留座,被安置於較僻靜的卡座.我倆點了小籠包$26,豆瓣菠菜$48,韭黃鱔糊$78及香辣冷麵$38小籠包--皮薄彈道足,咬下包頂,稍鹹的湯汁流出,繼而是大顆過鹹,肉質削身的豬肉餡,流於表面的小籠包...豆瓣菠菜--即蠶豆炒菠菜,菠菜入口沒渣味甜,而熟透的蠶豆,本人不太欣賞.韭黃鱔糊--黃鱔跟韭黃纏上濃厚的醬汁,爽朗感仍得以保持,略有微言的是醬汁過甚.香辣冷麵--滿具韌度的冷麵,佐以稠身帶香辣的醬汁及添其層次的西芹,豆干,冬菇及蘿蔔絲,最後以金華火腿濃湯中和辣味,味道原始的冷麵.食物份量頗慷慨,味道不賴,價格中庸,總勝前身的阿拉!

琴日同o左女友去o左呢間店到食晏,叫o左個三絲冷麫,排骨拉麫,一個小籠包,一個紅油炒手,d拉麫好一般,不太煙韌,d湯完全係冇味,小籠包未夾已經穿o左,好差,唔好叫,紅油炒手叫做好d,而且分量足,呢個可以一試.d小二冇乜禮貌,未食完未停手已經想幫你收野,係唔係要趕人趕到咁到呀!!冇下次!

一直都對這店提不起興趣, 因為總覺得開在大型商場內的拉麵店都像賣倒模似的食物,分別只是店名不同!距離入場睇戲尚有一小時又有點肚餓,這裡食肆大部份也試過,除了呢間,就試吓!上菜速度極快!落單到上檯不超過十分鐘!水晶肴肉----做得很好的一款!咬落有一絲絲的肉絲,唔會一入口就溶得個咸字果種！鮮肉窩貼----賣相企理,碟上油不多,底部煎得香脆而不過火,咬落有爆汁效果,在旺角區應該無對手!香辣手撕雞拉麵----雞及拉麵是分開上,雖然雞肉不是真的手撕(因為見到切得一條條好齊整)但雞肉有淡淡的辣味,每啖夾一小箸混和那碗清湯麵吃效果真係唔錯!香辣凉麵----材料有切絲的青瓜、冬菇、甘荀及荳膶,面頭淋上麻醬,本來睇落賣相麻麻,但撈勻食一啖後竟出奇地覺得好味!麵條非常有彈性,而且混和麻醬後依然可以一條條分開,唔會黐埋一舊舊!辣味雖只得一點但又不覺得額外再加.整體調味很夾.其實覺得麵的份量頗多,食完一碗後很難再試其它食物!