三門仔漁夫火鍋點心專門店 (已結業)

邨下面d餐廳都食過了咁就越行越上行埋上石籬邨🤣見佢門口都幾靚就入去啦😌一入到去店員熱情招呼😆裝修又幾用心 每一格都係收藏品幾家庭式🤓落單後店員先擺低呢個小食比我地一路等一路先黎一個蒜香和牛粒🤤一放低就好香～粒粒bitesize👍🏻 好淋唔un唔痴牙👏🏻蒜香好入味入哂落d肉度正呀！！兩個人食半隻炸子雞 見到幾枱到食一問之下先知原來係招牌菜🤩咁緊係跟機啦🤣皮又薄又脆😳雞肉嫩滑juicy🤤唔怪得知咁多人食😆一人一盅杏汁豬肺湯夠哂滋潤養顏✨肺處理清洗得好乾淨😺飲落就知無味精非常清甜👅💦見到牆上貼住石鍋金銀蒜蝦飯海報又食下啦～一上枱炸炸聲😮石鍋keep住食到尾都熱辣辣呢個飯又係好多枱都叫架🤭飯炒到一粒粒金黃色！仲有dd飯焦又香又脆卜卜😙店員提醒食到咁上下要搞搞佢廢事痴底好細心蝦有好多隻 隻隻都鑲滿蒜蓉🤪cut half哂好易食唔洗整污糟手👐🏻最後上甜品南瓜西米露🎃d南非係生磨的🤩絕對唔係其他餐廳用粉開出黎！因為真係啖啖一絲絲南瓜絲南瓜蓉😍😍😍好滑好有質感超讚👍🏻👍🏻👍🏻

因為住附近既關係，間唔中都會去石籬搵野食有時經過都見到幾多人食，今次試下哩間中菜啦😬我地去既時候尚早，座位都好寬敞，有兩張大枱，好適合一家大細黎食第一道黎既係蒜香牛柳粒牛柳一啲都唔韌，除左蒜片之外面頭仲有好多炸香左既蒜粒，非常惹味，感覺同啤酒會好夾🤣跟住就到炸子雞一擺上枱已經好香啦😍店員介紹係外脆內軟，果然冇講大話🥰外皮炸得岩岩好，唔會太老，肉質好鮮嫩，每咬一啖都感受到香脆外皮、油脂、嫩雞肉，好正！上面幾塊薯片都好得意😂鍾意飲湯既我地都叫左盅杏汁豬肺湯，潤一潤！🙈仲有重頭戲石鍋金銀蒜蝦飯因為用加熱石鍋上既關係，黎到既時候都仲好有火喉😙店員親切提醒我地要不時攪拌為免燶底，舖滿蒜蓉既蝦好香，肉質亦新鮮，因為石鍋既關係啲飯好香口有飯焦食😍最後仲有糖水送，係南瓜西米露仲要一啲都唔hea! 店員話我地知唔係用粉開，係新鮮南瓜整架！一食就食得出因為平時果啲會食到上顎鞋哂架🙈平時我都冇乜興趣，不過哩個真心抵讚！👍🏻總括黎講座位坐得舒服、店員服務親切專業、食物品質同價錢正比，值得再試～

最愛四圍試下啲細舖水準同質素，上星期經過門口見好多人都讚，今晚就約左朋友黎試試。舖頭內既裝修幾有特式，有一半舖位裝修比較似海巿場，另一半就比較有cafe feel。開飯前先食個小食先蒜香牛柳粒，蒜香味很重，牛味好香，入口易咬，正！雲勝浸魚鰾，勝瓜味道濃，入口爽脆，魚鰾浸了很多上湯，味道很鮮甜。石鍋薑葱豬雜，超級惹味，石鍋熱騰騰上菜，每件豬雜都好入味，又冇腥味，另外份量也相當多，用來送飯一流。紅荳沙甜度剛好

今日去開石籬探朋友，諗住同朋友食埋飯先走，又唔想係屋企煮飯，所以就近近地到樓下試下呢間三門仔漁夫火鍋點心專門店。外面睇裝飾幾新幾靚。因為時間都比較早，所以人唔算多，而入內既裝修好新，好有海巿場既味道。上菜前先黎花生小食醫肚。兩個人唔食得多，先黎個椒鹽豆腐粒，皮簿豆腐好滑，炸得鬆脆內軟。杏汁豬肺湯，味道鮮甜，飲完唔會覺得口渴，同時啲料好足，豬肺一碗都有四五舊。朋友比較喜好菜類，所以叫左個雲耳勝瓜浸魚鰾，勝瓜好淋，而魚鰾索左好多湯汁，用黎送飯一流。

尋找屋邨美食 隱世精美小炒 值得專門前去一嘗穫氣菜式【三門仔漁夫火鍋點心專門店】‼️‼️‼️發現隱世美食，位於石籬大隴街，餐廳都幾有懷舊feel，特別係牆上面嘅一幅三門仔漁港油畫，仲擺咗好多懷舊嘅私人珍藏。係呢到，你可以選擇打邊爐或者食小菜，選擇都幾多，即叫即製！招牌胡椒豬肚魚大熱推薦菜！食法建議先食豬肚同埋魚肉，然後將魚骨再慢慢滾，咁樣個湯就會好清甜😆魚肉新鮮，真係大大條魚咁上，肉質都嫩滑。豬肚無異味，夠林，仲有香香嘅胡椒味！仲有豬腸係入面湯底用魚肉魚骨滾過後，真係正好多，可以叫碗飯變成湯飯食～椒鹽豆腐炸到變咗金黃色嘅豆腐賣相拎咗吾少分！椒鹽味濃，外脆內軟，表皮係香口同脆卜卜嘅，入面嘅豆腐保持好滑，無因為炸過而變乾，送飯好開胃，份量勁多，2個人食都會有啲多👍🏻抵！蒜香牛柳粒要讚下真係好夠穫氣，所以好香口好吸引，牛柳粒充滿住好香嘅蒜味，吾會太油膩，牛柳新鮮，仲有少少肉汁，好正～話梅涼瓜特色開胃菜，用咗帶少少酸嘅甜話味，所以每片涼瓜都有話梅味，生津止渴，涼瓜帶甘味，都幾爽口，冰冰涼涼咁好消暑好過癮！

話說最近忙於搵屋，上到石籬搵屋，見到有間叫石門仔，又夜了，就順便吃頓飯。先講裝修，有圓枱給多人用的，有方枱，三四個朋支都可以。餐廳牆上掛滿餐廳收藏，有打字機，相信很多人未用或，甚至未見過。還有很多收藏，舊式手提電話CD，黑膠唱片，可樂罐等等話梅涼瓜片$48，這是涼伴，作為開胃小菜相當不錯，話梅的酸甜中和了涼瓜的苦，但留有涼瓜的甘。千島鷄泡魚乾$68送酒小食，剪成一條條，以便你送酒即使不送酒也相當好味。蒜香牛柳粒$68炸香的蒜和牛柳互相配合蒜香味夠，牛柳咪不老，相當好食。椒鹽豆腐料$68 外面脆的椒鹽皮，內面是又熱又滑的豆腐，食要小心熱，只是份量有點多，相信足夠三至四個。胡椒咸菜豬肚魚鍋$268，吃這道菜要有次序先吃䙳，留魚骨再讓它慢慢煲，再吃豬肚，最後才飲湯。豬肚煲到子好腍，這間是用白胡椒，湯不會太熱太辣，好適合香港人，咸菜也適中，不會太咸或者太淡。最後飲返碗湯，味道酸酸甜甜帶小小辣，容易入口，又有辣味，開胃。

餐廳環境優美，座位舒服，由於太早去食飯，好多人都未放工，所以唔算多人！擺設用心設計，有氣質，有氣氛👍牆上掛著油畫，彷彿去左旅行，令整個人都放鬆起黎👍望著幅圖，彷彿在海邊用餐👍開餐前有花生食下先，重要係...餐廳自己製作，有味道既，我食定停唔到口😂😂😂尼碟蜆不得了啦，油浸鹽水蜆，啲蜆大隻到呢，重要係....好鮮味，有粉絲同西芹嘅配搭，令到個湯特別好味，值得一試❤️❤️❤️❤️另外，呢個薑蔥炒豬肝，一定要試，非常入味，非常惹味！仲有，呢個菜乾杏汁豬肺湯，非常夠味，豬肺爽口彈牙！最後，食埋甜品，四方啫喱，簡直飽到一個點！總括而言，呢間餐廳值得一試，下次一定會再去❤️❤️❤️

同事生日，又有藉口成班人去飲茶，自從發現公司附近開左呢間酒樓之後，食過翻尋味呀！我地一個月起碼都會去一兩次。一班人飲茶最開心，可以叫多幾款點心，食多幾款小食😋呢到既點心，小食，炒粉麵飯都好好味，又有特色，而且價錢仲幾抵，係呢區性價比最高既飲茶之選🥇環境方面，有好多特色小擺設。座位方面亦都唔錯，人少少可以坐方枱，人多既除左可以坐圓枱，仲有間箱房可以坐。🔥三文魚籽蝦餃 HKD$14/粒三文魚籽下面有少少wasabi，估唔到配埋蝦餃味道係咁夾，賣相仲好精美。🔥茶杯魚湯燒賣 HKD$10/粒湯入面好足料，有杞子，螺片，飲落鮮甜，次次黎到我地都叫一人一粒。🔥蟹籽蒸燒賣 HKD$28皮薄餡靚。🔥泰式炸蝦餅 HKD$48蝦餅口感結實彈牙！🔥七味炸魚片頭 HKD$38外層金黃香脆，加埋七味粉，少少辣好惹味。🔥木魚花炸米網腸 HKD$28呢個係我最喜愛的腸粉，沒有之一。腸粉皮薄煙韌，入面既米網好酥脆，口感有趣。🔥欖菜蓮藕條 HKD$28蓮藕條爽脆，欖菜惹味香濃。🔥話梅涼瓜片 HKD$28呢個屬於冷盤小食，酸酸甜甜既話梅配上甘香既涼瓜片，原來味道可以咁夾。🔥白灼郊外菜 HKD$20新鮮清甜，淥既時間剛剛好

呢排趁公司要清假，拎咗幾日大假休息下，順便過去搵個舊同事飲茶。舊同事而家轉咗去葵涌返工，我平時又真係比較少去葵青一帶，完全冇概念石籬喺邊😂好彩同事教咗我喺葵芳港鐵站轉撘31M巴士就去到，其實都好方便。舊同事話呢間茶樓深受佢一眾同事嘅愛戴，見我專誠過嚟陪佢食飯，就帶我去試下佢心目中嘅葵涌餐廳排行榜第一位-三門仔漁夫。餐廳好多小擺設，睇得出店主都花咗唔少心機。睇咗點心紙，發現選擇唔少，而且價錢偏低喎👍🏻👍🏻✨三文魚籽蝦餃 HKD$14/粒大大粒三文魚籽，仲有少少wasabi，食落唔會話好嗆鼻之餘，好味有新意！蝦肉大舊又彈牙👍🏻餃皮煙韌唔漿嘴。✨蟹籽蒸燒賣 HKD$28次次飲茶我都會叫齊蝦餃燒賣，一嚟百吃不厭，二嚟我覺得食呢兩味點心，就大概可以知道一間茶樓嘅點心質素。呢到嘅燒賣好高質！皮薄餡靚🤤蟹籽份量唔少，燒賣入面，豬肉蝦膠比例配撘得好！肉味香濃juicy又彈牙！✨欖菜蓮藕條 HKD$28估唔到細細碟小食都咁有鑊氣，蓮藕爽脆，食到停唔到口。✨蒜香牛柳粒 HKD$38舊同事話牛柳粒係呢到嘅必食no.1，有炸蒜同蒜片，令每粒牛柳粒都有濃濃嘅蒜香，肉質仲好鮮嫩👍🏻✨話梅涼瓜片 HKD$28我不嬲

呢間餐廳環境好好，首先地方夠大，坐得舒服，而且都好令。牆上掛左一幅好有意境嘅畫，應該是一隻小船在三門仔？但應該都是想說出捕海鮮吧！除了畫之外，其他的擺設都好懷舊，好有歷史性價值咁，而且都好切合餐廳氣氛及環境。來一份餐前小食，呢份餐前小食都幾特別，有少少芥末粉的味道，同時又是咸花生，配埋薄脆，食下食下就食曬了。見到有很多雜誌的報導，特別地介紹了幾款主題菜式，很吸引呀！先來第一道菜是油浸鹽水蜆，蜆非常大隻，而且好鮮味，下面以粉絲墊底，粉絲本是無味，但蜆的鮮味，加上油鹽水的味，吸曬都有精華。識食一定係咁樣食啦！一啖一享受。第二道菜係薑蔥炒腰肝，一上枱非常香，以鐵板座住，令到熱度維持住高溫，平時好怕食內臟會有腥味，但因為高溫炒過，加上薑蔥的味，所以都好正好香口，岩曬拌酒！第三道菜係石鍋蒜香蝦飯，蒜味道很重，但又唔會太咸。平時食蝦好唔想剥蝦殻，呢度好貼心，直接會開埋邊，方便曬懶人一族最後以杏仁豬肺湯作結，絕對是完美的一餐！很值得推介來這吃飯喔！

葵涌大多都係工廠大廈同民居地方，但係大廈同民居之間原來都有特色既餐廳，今日黎到一間有提供新鮮海鮮既小型餐館。午市大多提供點心，同朋友就點左幾款點心同一份泡飯。三文魚籽蝦餃既三文魚籽量都幾多而且鮮帶海水咸味，蝦肉比例都佔好多而且好爽脆唔會有雪味有真蝦味。青芥蟹籽春卷內裹帶日本芥辣味內裏都係以蝦肉為主配上少少蟹籽係春卷面上帶少少脆口感外層春卷皮炸得香脆而且長條窄型春卷容易入口又唔會咬落好碎。鳳凰煎珍珠雀本身以為係乳鴿原來係蛋前糯米雞，糯米雞上既蛋醬好香咬落內有咸蛋黃令成個味道更香濃如果煎得乾身同少油會比較好。海蜇手絲雞辣辣咸咸海蜇脆身厚切更爽口。龍蝦湯海鮮泡飯龍蝦湯味道不過不失湯底味比較稀最值得係配料，配料用料新鮮而目大多爽脆份量又多。

黎到葵涌附近學車學完又有少少肚餓就周圍揾下有咩好食,經過d小巷見到呢間點心店見有d特色既點心就去試一試.午市點心選擇唔太多量少但精緻,見到店內貼左報章既頁面原來曾經貓到採訪介紹特色食品,得一個人就點左幾款推介點心,所有特色點心都係一件單點岩晒我呢d獨食客.三文魚籽魚蝦餃上層鋪滿三文魚籽卜卜脆蝦餃內既蝦肉好足料有成3-4隻蝦係入面蝦肉爽脆內裏仲加左少少wasabi調味但又唔會太辣.茶杯魚湯燒賣將燒賣泡係魚湯入面魚湯幾鮮甜,浸過魚湯既燒賣外層多左重魚湯香同濕潤感,燒賣不過不失.龍蝦湯鮮蝦蕃薯蜆泡飯餐廳主推既泡飯內有2隻大蝦同大蝦,龍蝦湯比較淡口稀大蝦好新鮮同爽口蝦味濃,蕃薯蜆大大隻咬落好燒靭,泡飯既米開晒花吸晒湯汁.

真是有點隱世，皆因老友有請，最愛粵菜，謝絕西方飲食文化，老友最愛隱世食肆，無計捨命陪君子，老遠從港島走來!飯店很有懷舊感，特別是牆上的一幅三門仔油畫，美麗的漁港，恐怕在香港已不復見。友人發板點了杏汁白肺湯，堂弄石蚌，芝士焗龍蝦。先說杏汁白肺湯，豬肺洗得乾淨，沒有一股羶味，吃是軟腍帶杏汁白果的芳香，好吃的豬肺，湯又如此鮮美清潤，湯汁奶白滲出杏汁的味道，火喉及功夫十足，嚐到此湯確實滿足。石蚌放湯吃，首次嘛，很妙很妙! 石蚌不足一斤，肉嫩，起肉成透薄片狀，賣相不俗，奉上奶白色滾熟魚湯，稍稍一灼，入口魚肉的鮮美，濃烈海魚味，在舌頭迴盪，相比清蒸，魚味更發揮得淋漓盡致，好一道堂弄石䂜!芝士焗龍蝦可以完全測試到廚子的功夫，龍蝦要新鮮，不要煮過火，芝士汁濃稠要適中，沒有粉粒，伊麵不要煮過腍，否則掛汁稍遜，一吃之下，全都符合我要求，水準到家! 雞油之香，實在難忘，豆苗乃瘦物，以豐膄雞油清炒，只要豆苗夠粉嫩，鍋氣夠，豈有不好吃之理?

同事係葵涌住，知道䦕咗呢間店，都要特登上去，附近都有住宅區，但唔算好市中心。其實那晚夜收工，同個同事食飯，忽然唸到呢間野，去食下啦。原來雖然佢咁隱閉，D野又唔錯。嗰晚我覺得個堂弄石蚌好食，因我好鐘意食魚，條魚睇價錢都係養貨，起肉成片，好薄下，佢有湯比我地灼熟，記住放下滾湯幾秒，好食嘞，唔係D肉太老，浪費晒。食落口好鮮甜，D肉好軟，唔使㤐豉油，天然海鮮風味，養魚來貨唔差。唔好浪費D湯，飲番碗石蚌魚湯，有漁家feel。個雞油豆苗，勁香口，D豆苗無臭青味，好食。另外個杏汁豬肺湯，好飲，有好濃杏汁味，D豬肺幾好味，無味精，幾住家。而個芝士焗龍蝦伊麵，個汁好濃芝士味，D波士頓龍蝦夠鮮甜，好食又份量夠。

近來番工搭車途中兩頭望 見到有間外面望落裝修好靚 同側邊好老舊鋪位勁大反差嘅點心專門店 好奇之下 就同同樣係點心控哪呀媽入去食入到去裝潢仍然係咁靚 樓底高 空氣通爽 位置亦坐得好舒服 望下menu 有好多幾特色 未見過嘅嘢食 就點左佢地幾個招牌菜首先係木魚花炸米網腸粉 本身個樣好似炸兩 仲以為入面嘅係油炸鬼 點知一咬落去係炸得好鬆脆嘅蝦 有心思 抵讚！然後有一個三文魚籽蝦餃 一籠一個 好矜貴嘅感覺！用傳統嘅蝦餃皮同蝦膠餡做底 上面鋪左大大粒魚籽同wasabi 咬落去感覺好fresh 係高級fusion菜嘅質素鮑汁鮮雞腳都值得一提 同老闆傾左2句 發現佢地真係用鮮雞腳的 所以食落質感比較軟 吾會有冰鮮果種雪到實晒嘅感覺 而配料花生亦做得好有心思 平日出去食果啲都係就咁煲 煲到稔晒冇口感 呢個食得出係炸脆左之後先再加落去 所以冇變質 好細心最後就係個龍蝦湯鮮蝦蕃薯蜆泡飯 本身出面食開味精味都較重 所以本來期望吾太大 但一上枱試左個湯有驚喜 湯係清甜 加勁鮮味 同埋真材實料 一碗有4，5隻蝦 2隻半個手掌大嘅蜆同其他海鮮魷魚咁 啲蝦剝完殼食仲要勁新鮮 好似自己去街市買番黎嘅咁最重要嘅係餐廳價