三門仔漁夫火鍋點心專門店 (已結業)

因為地點唔算顯眼，都係靠親戚介紹，先知有呢間店。剛好又是媽子生日，就決定去試一試。一行8人，叫了個6人餐，又送了個豬肺湯，已經非常足夠。基本上，全晚的湯水餸菜都很好吃，上菜速度又ok。但要說到推薦，就一定係以下呢幾款:招牌杏汁豬肺湯、清酒鮑魚、蒸雞、蟹飯同即片即烚嘅鮮魚片。所有海鮮都非常新鮮，係一食就食得出佢地嘅鮮味；隻雞非常嫩滑，超級入味，真係連冬菇都唔過，食哂 😋；蟹飯就直情唔使講嘢，好食到暈，連平時唔食飯嘅我，都裝咗兩碗嚟食。其實個餐仲有個濃蝦羮同蠔煲，都好好味嘅。濃蝦湯個蝦味好濃，蠔就好重蠔味，只係蝦湯比豬肺湯搶咗個馬鼻，而蠔煲呢，只係個人唔鍾意先走油再放薑葱炆，所以先扣咗少少分 🤣 而且最後其實仲有個甜品，啫喱嚟嘅，所以真係超級滿足。加埋店舖嘅服務態度，呢間店，係要比讚嘅，即推 !

今日朋友仔約我去三門仔食飯，係完全對呢間餐廳吾熟悉之下當然搵搵openrice大神，發覺原來呢到食海鮮，無論小菜定邊爐都有，而且仲相比出面仲平好多添阿，而且佢地仲做緊優惠添阿，每張枱都可以用優惠價食到海鮮。由於平日既關係今日都係吾洗等位架，呢到既招呼都吾錯，入到去即刻倒熱茶俾我地，而且仲俾花生我地食住睇menu。我地嗌左個招牌炸子雞、冰鎮海生蝦、香檳一字骨、蒜茸粉絲蒸貴妃蚌、一條灼石蚌魚、雞油炒豆苗同埋乾炒豬頸肉河，招牌真係招牌，佢個炸子雞炸到個皮好脆而入面既肉好滑好多肉汁，完全吾「鞋」，冰鎮海蝦其實主要都係食佢既鮮味，完全吾需要點啲咩醬汁，不過佢話點豉油加wasabi會好食好多就俾等地試下，佢地灼完再用冰鎮，目的係鎖住蝦既味道，香檳一字骨係好似金莎骨咁，不過用香檳汁整，個感覺幾特別同新穎，因為我未試過haha，不過佢既蒜茸粉絲蒸貴妃蚌真係要讚下，因為佢粉絲吾會整到好乾，好多蒜茸，而且佢既貴妃蚌好！大！隻！灼石蚌魚出既形式好似刺身咁，但原來要淥一淥佢，大概淥佢2-3秒就可以，幾鮮甜，亦可加$30加工椒鹽剩下既魚頭，都吾錯架！炒豆苗係用雞油，但都係吾會好肥好油，豬頸肉河....啲豬頸肉多

今天下班和同事在石梨一間私房菜吃晚飯，店舖除了私房菜外，還提供晚市火鍋以及點心。店舖攞放了一些古舊的用品及很現時的物品，十分特別。由於現在天氣還算炎熱，所以我們點了幾道晚菜，分別是薑蔥鮮魷，石鍋金銀蒜鮮蝦炒飯以及花金古魚。椒鹽鮮魷炸得不油膩，吃下不會覺得太濟口的感覺，作為前菜十分不錯。石鍋金銀蒜鮮蝦炒飯，用上石鍋加上蒜蓉開邊蝦作配菜，再配上炒飯底，這個配答很少見，鮮蝦肉質鮮嫩，師傅還很細心地，脫了蝦殼，方便大家享用👍🏻由於用上石鍋以及有鮮蝦的關係，所以飯底有一點點飯焦以及帶點鮮甜，還帶有一點點牛油的味道，口感很不錯，值得推薦。價錢只需$88，但份量已是4人的，十分抵食😋而灼金古魚設有即食刺生部分及提供上湯湯底可以即直煲湯，金古魚肉質鮮嫩，味道鮮甜，而且一點些魚腥味也沒有 ，更可以看出是新鮮的，因為很透明，冰塊上還帶有鮮血😋再點上少許醬油及芥末更帶岀肉質的鮮味;而魚頭等其他部分就放在店員預先準備的湯上。湯底配上魚湯，由於湯底味精不多，所以能夠帶岀魚的鮮甜味，令人一喝再喝。這是一舉三行，有刺身，又可煲熟來食，更可有多一淡魚湯飲用😋

好耐冇黎過石籬呢頭，早幾日過黎補習社探望恩師，見佢得閒就約佢食個飯。三門漁夫就開正隔離，見就腳就去試一試。估唔到門口細細但入面算幾寬敞，燈火通明。餐前小食一碟臘味炒芥蘭：唔會太鹹，芥蘭雖粗但咬落爽脆，唔會有渣咕嚕黑臀肉：呢個我都喜歡，個人覺得金沙骨係最好食嘅部位之一，因爲好爽口，有d肥油但食落唔會膩。呢碟咕嚕肉就偏淡，個人覺得如果味道濃d會更好，宜家空口食都覺得味道淡咗dd白灼鮮魷：本人一向口味偏重，但估唔到呢碟菜都算啱胃口，因爲佢上面加芫西，幾食到個鮮味最後就整道堂弄石蚌魚，原條削肉的，每一塊都好薄，灼幾秒就得，我連醬油都冇點，直接品嘗鮮味平時出街淨係食西日餐，偶爾試一試中國菜，別有一番風味

今日係一個好特別的日子，因為係本人的生日🎂那麼開心的日子，我朋友便選擇帶我去吃好食的，這次他選擇了食海鮮，這個地方在平民區，當然連價錢都很平民化！真的只要比平民價錢，就可以享用豐富的晚餐，還需要稱讚一下，店員的服務態度 ，十分友善之餘，還會好細心地照顧不同客人的需要，在進食時，有不少街坊與家人聚會，果然是個很好的飯堂👍🏻我們選擇了，杏汁白肺湯和椒鹽鮮魷。原來這個湯是店鋪的招牌湯，這款是燉湯，一打開，杏汁味已經湧入鼻內，當一飲下去，杏汁更加是滑滑的，更是十分特濃，感覺十分滋潤，女性飲完，會令皮膚更好😋本人十分推薦👍🏻在湯內，更有蔬菜，感覺便更加健康。在湯底下還有豬肺在內，可以多重滋潤。而且這個湯一點都不油膩，所以絕對可以放心飲用。還不會一邊飲用時，另一邊飲水！椒鹽鮮魷是炸炸的魷魚🦑這碟菜的份量很多，而且炸魷魚的粉漿也不多，還可以吃到每件都是真真正正的魷魚肉。簡直是大滿足😋師傅還炸得沒有油膩感！感覺都不會很肥，帶有一點點辣，就更開胃了！最後，店員還送上甜品🍮啫喱才最後總結。感謝店員的熱情招待🤗

昨晚約了－班老友飯聚！揾咗－問韜韜介紹的隱世秘店用饍……三門仔漁夫到店後發覺環境唔錯，好舒服！經理好主動介紹食物……羊腩窩~份量唔小！惹味！夠淋！原來是用新鮮羊做的！正！白灼手切肥牛~夠嫩！有牛味！用本地手切肥牛肉做的！好！豉油皇鵝腸~夠油脂(甘香)！有咬囗！炸子雞~嘩！正宗皮脆肉嫩！有雞味！咸菜豬肚魚、石窩金銀蒜蟹飯~名不虚傳！好味！經理表示大部份食物皆是新鮮即做！保持食物質數！故水準好高！希望每位顧客都能滿意,笑着行出門口！我相信此店做得到！

去葵涌探完朋友既BB搵地方食晚飯，係Openrice話附近有間海鮮飯店就揀左黎試下泊車超方便，隔離有個露天錶位，我估就算偷雞泊街邊食個飯都得，因為好多揾食車都咁泊老公近期鍾意食蟹，見到花雕蛋白蒸肉蟹立刻唔使諗就叫咗先！花雕蛋白蒸肉蟹一上枱已聞到花雕酒的獨特香味，蒸的時間剛好所以蛋白好滑，蟹肉非常鮮甜。將蟹肉，蟹汁和蛋白一起吃更加是更上一層樓 🤤，兩個人食真係五成飽唔好以為呢個餸簡單，出面食過花雕味苦亦濃到蓋過蟹及蛋味，我同老公都話會下次再來食呢個花雕蛋白蒸肉蟹店員介紹的杏汁豬肺湯，平時出街好少叫湯因為多數過鹹或味精。這間的杏汁豬肺湯揭開非常香杏仁味，湯一點也不油不濁又不咸，做好了豬肺湯應有的責任，白，清，但濃杏仁味！讚！黃金蝦也很有水準，外脆蝦肉彈牙又唔乾可以連蝦殼一起食，淡淡的蛋黃香味絕不會覆蓋蝦本身的鮮甜味。貴妃蚌夠新鮮肉質彈夠爽甜，最愛成堆粉絲連埋貴妃蚌一口咁食，超級大滿足糯米飯大多只有臘腸及臘肉，這裡的糯米飯難得加埋膶腸，佢既香味令到糯米飯入口味覺更豐富，大家可能會立刻聯想起膶腸嗰種特別香味，吞一吞口水，這才是傳統糯米飯吧！環境寬敞，最怕食飯要逼住隔離枱，完全無自己枱既空間，沙

石籬呢個住宅區，其實唔係住附近嘅話都無幾可會入黎，今次就係咁岩去開果頭，所以見一場黎到食埋個dinner先走飯前就飲左杏仁豬肺白菜湯（$48）好有杏仁味，豬肺都好足料，飲得出係無落味精，潤喉潤肺一流，仲可以養顏添冰鎮海生蝦（$128）店員話煮熟啲蝦再冰鎮會鎖住水份，所以食起來真係會爽啲，不過份量就較少🤭，過下癮都可以的不得不提，餐廳好貼心，會準備檸檬水俾客人洗手豉椒炒蕃薯蜆（$128）蜆非常大隻，食落鮮甜無腥味，而且無最驚貝類會出現嘅沙👍🏻最後就係石窩金銀蒜蟹飯（特價$88）呢個係上面都有show過圖嘅八大優惠之一，見特價所以試。用蒜炒嘅飯真係特別香，個人較愛食飯焦脆脆嘅口感，所以會擺一陣子再撈勻，加埋蟹肉真係好夾，而且令成個飯高貴曬🤪 份量亦都好多，食唔曬所以打包，好滿足

呢日過黎和宜合道聽講座🐍，聽完當然要食番d野補充下腦力。上網見呢間餐個名咁有大埔漁村特色(三門仔係大埔)。雖然好少過黎呢頭，但好采呢度吾難搵，位於石籬商場附近，門口牌彩色繽紛。入面仲有幅好靚既畫，應該係三門仔既景色。炸子雞熱辣辣上枱，雞皮色澤光亮，賣相吸引。食落雞皮果然炸到微脆，仲有d焦糖味。連平時因為懶健康吾食雞皮既我都忍吾住食埋 皮下脂肪少，啖啖肉，肉好嫰滑同有肉汁。皮連肉一齊食最perfect。豆苗同上湯一齊煮仲加左d枸杞，感覺好健康。豆苗嫩綠無楂，係多菜少油健康之選。呢碟蜆好大隻，鮮甜肥美，粉絲吸收左蜆同上湯既精華好耐無食過咁大隻既蜆。呢度仲有邊爐打，選擇不少。另外，有養生飲品提供。每檯仲可揀一款優惠小菜。

唔講唔覺好似咁大個先第一次去石籬🤔，今晚就去左一間朝早食點心，夜晚多數食火鍋嘅餐廳。不過foodpigss🐷🐷就兩者都無食，而係食海鮮多🤗，事關佢嘅名都有得你嗌，係漁夫餐廳😝首先係食左冰鎮海生蝦（$128）將蝦白灼後冰鎮能夠鎖住水份，變得更爽口，同時都能夠保持鮮味之後就係豉椒炒蕃薯蜆（$128）餐廳用左彩椒黎炒蜆令成碟餸更多色彩。另外仲加左煎米粉底（$30），煎完後餅形咁擺喺底令啲汁滲入米粉會更入味，又唔會太dry然後再飲返盅杏仁豬肺白菜湯（$48）杏仁味豐富，豬肺都有成4,5舊，好真材實料而石窩金銀蒜蟹飯（$108）上枱時仲係熱勒勒，飯係用蒜黎炒，從而令成個飯更香，配埋蟹就一流，不得不說係份量好夠，4人食都得最後就係一個驚喜！甜品時間到~呢隻最近好紅嘅沙皮狗，一開始食落以為係雪糕，但食食下有啲似蛋糕，最後結論最似係慕絲😜，質感就較平時食果啲硬啲，味道係朱古力味。不得不說，除左size外，真係勁似一隻狗狗，近睇啲毛都好真😆，真係忍唔住拍多幾張照📷，之後就狠心殺左佢食「狗肉」🤪，真係估唔到會喺點心火鍋餐廳出現

今日去左一間火鍋點心專門店食晚餐，一入餐廳覺得個裝修幾精緻特別🤔，位置好闊落。因為只係得2個人食嘅關係，叫唔到好多野食，只係叫左嘅叫“兩小無猜”嘅二人餐。個餐有前菜同湯，再加3款海鮮送菜同埋半打蒜蓉焗饅頭同一籠薑汁千層糕。前菜同湯都好驚喜😳，“風山水起齊齊撈”入面有三文魚刺身加海蜇同雞絲🐔嘅沙拉，個配搭幾特別🤤，味道酸甜開胃，食完即刻想快d食下一味菜😳。而個“皇室秘製濃蝦湯”🦐🦐🦐又真係同個名一樣，味道濃郁，而且落足料👏🏻，好鮮甜同埋d蝦肉係彈牙嘅，食得出唔係普通死蝦🤫。另外三款海鮮“蒜蓉粉絲蒸元貝”，“堂弄優質石蚌魚”同“日式清酒鮑魚”都十分滋味，最鍾意係個蒸元貝，大大粒元貝肉再加香口蒜蓉真係好好味，食過翻尋味！其餘兩款海鮮都係好新鮮，完全唔腥🙅🏻‍♂，個鮑魚仲要好彈牙！再食埋個蒜蓉焗饅頭同勁香薑汁味個千層糕就飽曬喇！🤰🏼食嘅時候會有嘅師傅出黎即場炒小菜😍，好重鑊氣，正！同埋見到隔離檯又打邊爐都好吸引，下次一定同大班人要再黎試！

今日去咗漁夫火鍋點心專門店，佢個位置呢就係葵興石籬附近，裏面嘅環境都好大👍🏻，裝修好有屋企嘅感覺，幾欣賞店內有幅大油畫。咁呢度係私房菜嚟嘅我都係經朋友介紹，聽講呢度嘅師傅系啲老師傅啊，佢嘅煮食功力係全港無咩邊個做到，我地揀個二人套餐，佢個名叫兩小無猜👫，都幾特別。同埋都叫咗香檸銀菊露飲下解下渴💦。個嘢飲啲檸檬🍋唔會太酸做到好適中。佢一嚟呢就上咗個湯 皇室秘製龍蝦湯🦐好熱嘅，飲個時候要小心😝，估唔到佢啖啖肉，仲有d鮮甜，真係要Encore😍。之後再上左個就做”風生水起齊齊撈”嘅前菜。係三文魚刺身加海蜇同一d酸咪咪嘅紅蘿蔔絲同青瓜絲嘅沙拉黎。味道都幾特別嘅😌。主菜有三味 蒜蓉粉絲蒸元貝，堂弄優質石蚌魚同日式清酒鮑魚。全部可以用一個字形容，就係”鮮”！元貝大大粒好鮮甜，石蚌魚係湯到滾一陣就食得同埋鮑魚好彈牙完全唔韌。老闆仲送左碟鮮墨魚片比我地食，又係好正好爽口！最後仲有半打蒜蓉焗饅頭同薑汁千層糕，饅頭好重奶味同蒜香，千層糕又係好重薑味完全唔會太甜。呢間主打海鮮嘅食店真係試得過，海鮮的確味道好新鮮同適中！下次再黎Encore！

今日收工興起要同班三五知己食餐飯， 諗到頭痛都唔知搵咩野食， 然後聽到有朋友佢介紹呢間野”三門仔點心火鍋”好似幾好食，於是就去試下。一入到去見到環境都吾錯，牆上有掛上一大幅油畫，好壯觀！入面大多數係一大班親朋戚友聚餐，仲有一啲三五知己。正呀 事不宜遲 即刻拎餐牌叫餸食飯啦！咁岩就見到有職員就問下有啲咩係必食推薦 ！職員都好熱心推薦 ，介紹完一輪之後就決定叫杏汁豬肺湯，干炒豬頸肉河 ，杏汁菜膽豬肺湯 ，花雕蛋白蒸蟹 ，南瓜疏乎厘，食住電視等食飯啦！上菜既速度都幾快 唔洗幾耐就可以開始食啦 以下就逐一介紹下每一道菜啦首先第一款出場既就係杏汁豬肺湯 我一打開個蓋啲杏仁味就撲鼻而來 奶白色既湯包含住大大舊嘅豬肺同小白菜，飲落去非常鮮甜，滿滿既杏汁味同個渴好夾，味道岩岩好，完全無味精味，非常好飲，補肺又滋潤！第二款呢就係粉絲浸蜆，一黎到就見到大大粒既蜆肉，大大粒肉食落去非常鮮甜，好新鮮，而且d粉絲同d汁既味道好夾！再黎第三款係花雕蛋白蒸蟹，上到台後見比紅卜卜蒸熟好嘅蟹喺下面呢係一層厚厚嘅蒸蛋白，為左方便我哋食蟹佢預先整好開左個蟹蓋， 等我地唔洗開得咁辛苦 。一打開個蟹 ，有淡淡既花雕酒味傳入我

好朋友住葵涌石篱個頭，成日同我地講唔知食咩好，個邊冇咩餐廳揀，食黎食去都係個D......我地幾個就唔信，上OpenRice 搵到底，經過一翻搜尋,同一班網民嘅意見，我哋係無意之間見到依間三門仔，而我朋友話唔知道佢存在，一於去試下。其實餐廳位置只係係石篱商場對面一條街，巴士站落車行過去就係，10分鐘都唔洗。我地8點黎到已經好多一家大細食緊晚餐，有打邊爐有食小炒，同埋見到好多人食海鮮，望落超新鮮。店員好熱情招呼我地，問我地想食咩又推介我地三個人食咩好，最後揀左一人一盅杏汁菜膽豬肺湯、油鹽水浸番薯蜆、花雕蛋白蒸蟹，先叫住食幾個先唔夠再叫。盅湯一打開已經有杏仁嘅清香，奶白色湯水就知道用足火候，啖飲落好清甜杏仁味夠濃，豬肺係乳白色，一啲血水都冇，岩晒乾燥天氣飲，夠潤肺。湯都未飲完硯就到，啲硯好大隻，食甘多硯第一次知道食種硯叫番薯硯，夠大隻夠晒厚肉，食落爽口清甜，仲有粉絲底吸收晒湯底嘅精華。主角黎喇～花雕蛋白蒸蟹，一上台已經聞到好濃花雕酒香味，隻超大隻，蟹肉都有花雕酒香，蛋白超滑，大廚好有經驗一啲都有蒸過寵。蛋白太香滑，我地都好想撈飯食，但最後係加左干炒勁肉河，超有鑊氣，河粉彈牙爽口，仲有韭黃同

今日收工之後約咗朋友去食飯，三門仔就係石籬商場2期對面既公園隔離，好易搵！入到去坐低之後，見到有好多一家大細喺度打邊爐，好熱鬧啊！餐廳入邊有一幅好大嘅油畫，牆上仲有好多懷舊嘅CD同埋擺設，幾有特色。除咗打邊爐之外，其實仲有小炒食既。我哋第一道食嘅菜係湯嚟嘅—杏汁菜膽豬肺湯。呢個奶白色既湯聞起上嚟有好香嘅杏仁味，同埋有好多舊豬肺同菜，非常足料！飲落亦都有好香嘅杏仁味，口感好滑溜，豬肺煮得都好淋，真係好好味！之後就係食油鹽水浸番薯蜆，啲蜆好大隻，非常鮮甜！仲有粉絲係底，簡單嘅配搭但係味道就一流！再嚟就係花雕蛋白蒸蟹，一上菜就聞到好香嘅花雕酒味，蟹肉好淋，蛋白超級滑，入口即溶，好岩送飯食。我哋之後仲食咗干炒豬頸肉河，河粉炒得好有鑊氣，豬頸肉好爽口好大嚿。佢哋有個好特別嘅甜品就係—南瓜疏乎厘，都係第一次試，軟綿綿嘅疏乎厘下面就係南瓜蓉同埋西米露，南瓜唔太甜，食起上嚟唔會膩，仲好健康嘅感覺添！總括來說呢間餐廳嘅食物都好好味，價錢亦都唔係好貴，值得推薦比大家，原來石籬村都有好好味嘅餐廳㗎！住附近嘅朋友仔可以去試吓喎～