三清洞摩西 (已結業)

聽朋友講呢間韓國餐廳係韓國好受歡迎,今次係香港開分店,所以就試下。因為一早估到多人,所以分開同朋友去先,一出就有韓國姐姐用英文問幾多位,是次4人行,不過未到齊,而且要齊人先可入座。等位期間發現員工頗多,老闆更係韓國人,仲好 gentlemen幫我地拉櫈擺袋。叫餐分唔同step,好彩侍應suggest我地點叫。今次同行朋友揀左部隊,烤肉,雜菜,海鮮。加拉麵,紫菜卷,火腿,餃子,仲有芝士炒飯。一鍋黎既時候見到好多芝士同年糕,仲有泡菜,不過紫菜卷好快就“淋”曬。芝士撈埋拉麵幾濃味,有雜菜中和下唔會覺得膩。炒飯差唔多係最後先上,芝士味濃,加上有粟米,紫菜,與一般炒飯絕對唔同,值得一試。

海鮮 + 烤肉 + 部隊鍋 $234/3份呢度間餐廳係計人頭黎點菜例如我地三個人就要揀三個種類所以我地嗌左 海鮮 烤肉 部隊到最後其實佢都會全部擺落同一個鍋然後俾夠三人份嘅份量我地仲另外加左芝士 紫菜卷 魚餅 雞蛋雖然額外加嘅配料份量比較少但成兜野都夠三個人食 仲要好飽好飽個湯底係會比較辣 唔食得辣嘅要小心啲overall黎講都算ok 呢個價錢亦都算平加埋配料嘅話一個人大概$100度

想食正宗韓國年糕鍋，而家旺角都食到喇！雖然我係韓國未食過磨修多那，但係香港店嘅味道，同我係明洞食嘅部隊鍋，味道係非常接近！旺角店29/10開店，尋晚大約六點三去到，已經坐無虛席，仲幾多人等位，證明呢間鋪頭人氣旺盛！年糕鍋主材料、麵、配料，全部都可以自由搭配㗎！年糕鍋有好多好多芝士，配上辛辣麵，微辣惹味湯底，紫菜卷，魚板等配料，真係想不斷encore! 而且價錢合理，每人平均一百蚊有找，難怪一開就咁旺場！芝士炒飯 ($35)（一人份量）除咗人氣年糕鍋，芝士炒飯一樣係咁正！食完年糕鍋可以按自己喜好加炒飯/ 芝士炒飯，我哋呢度只係加咗二人份量，但份量一啲都唔少！炒飯只係好落咗粟米、紫菜、醬汁、同大量芝士，但已經食過翻尋味，味道係正宗無誤啊！味道好，價錢便，絕對值得再食！

兩個人去旺角食野，點左set二人份辣炒年糕鍋，等左大約十分鐘就上檯，一路滾，一路睇住芝士溶化。首先試左啖湯汁，微辣偏甜，味道值7分，鍋入面有大量年糕，配合沾上芝士嘅拉麵，質感唔錯，整個年糕鍋最唔滿意嘅地方係份量方面，除左得年糕多之外，其他配料都好少，圖入面嘅青口係裏面最大嘅一隻。食完年糕鍋之後，店員就上埋set入面嘅芝士炒飯，睇落去好似好多，但其實薄到喊=.=，味道都幾好，夠哂香口，但係好油，呢個同樣值7分。總結黎講呢度啲野食幾好，但係份量方面對我黎講真係唔夠，可以一試。

芝士年糕鍋 (lunch $58/ dinner $78)主要四個簡單步驟 然後因應人數給上合適大小的鍋Stap 1揀鍋的基本配料: 芝士 海鮮 烤肉 部隊 雜菜我地今次三個人要左芝士海鮮部隊 每樣份量都好足Step 2揀麵底: 拉麵 韓式粉絲 烏冬 細麵我地要拉麵同韓式粉絲 結果出嚟份量多到食極都有驚喜地拉麵並非即食麵 彈牙好嚼 盡快食不然會變腍煮耐左之後兩款麵都索曬辣湯 雖然變淋了不過好惹味Step 3加料($18/1): 魚餅 炸紫菜卷 火腿 餃子 芝士等未加料前已經好大鍋多料 唔使另加芝士已很芝味魚餅係韓國街頭常見的魚糕 味道似軟魚腐都幾特別紫菜卷炸皮厚而且浸軟左所以變得糊口 有點失望口感一般味道不濃 普通的配料反而相對地好一點感覺拉麵和年糕同辣湯底係整體的感覺上最合襯Step 4加炒飯/芝士炒飯($25)連汁都撈埋!今次去冇曬炒飯 感覺失望呢因為其實係特色之一..雖然都已經食到好飽可以不吃 不過真係好可惜除左唔好彩之餘就係人太多似有壓力食好快好急旺角開店後日日大排長龍 想食一定要早啲walk in

整體唔抵食，芝士炒飯的味道一般，没有如好評説的神一般咁好味，個飯仲要痴底，同埋個量看似好多，但實際少。難與服務員溝通，因為佢唔多識講英文，又唔識中文。但系個鍋幾好味（海鮮+芝士+烤肉）。年糕要最後先食，因為太快食會韌，擺耐d系個鍋到會入味d同軟返d。張櫈會搖，重既人一向前傾，張櫈會跟住向前傾，搞到要就住就住。仲有可樂要$15一罐，$10一支韓國礦泉水，又唔可以帶野飲去。總之系唔會有下次。

韓國三清洞終於殺入香港，拉埋2個朋友仔一齊嚟食佢地聞名嘅Tteokbokki下午1點上到去，已經坐無虛席！眼見尼度所有員工都係韓國仔囡，連客人亦有一半係韓國人呢。點餐其實唔複雜，有以下4步曲：1) 首先揀啱心水年糕鍋，有芝士、海鮮、牛肉、部隊(即係火腿+熱狗) 同蔬菜等5款，每枱客至少要揀2款，就算你係孤獨一條友去食都一樣要叫2款2) 之後揀麵類，有拉麵、粉絲、烏冬同細麵等4種3) 然後揀配料，有芝士、火腿、雞蛋、魚板、炸飯捲、豬肉水餃同炸水餃等6款4) 最後就係配返個炒飯/芝士炒飯湯底絕對係靈魂個人覺得唔會好辣，亦唔會好鹹，可以不斷食唔停口又唔使飲到一肚水。粉絲索晒味好正芝士好得呀，拉絲拉到傻！若果你係芝士fans，強烈建議你追加芝士呢！芝士炒飯更加唔少得，佢會幫你將個湯底加埋芝士 同紫菜一齊炒相當惹味！我地一行3人order咗1麵3配料1芝士炒飯同3杯嘢飲，埋單每人都唔使一舊水喎，真係幾抵食吖

看到雜誌介紹這間由韓國三清洞來的部隊鍋, 又剛好天氣轉涼, 想立刻來試試。禮拜日2點來到, 有位不用等太好了!這裡每人要點一個鍋的份量 ($78/pp), 至少要叫兩份, 而他們會把餸都拼在同一個鍋。之後可以隨你中意加麵, 芝士, 其他配料。我怕老公食不飽, 就叫了有肉的 bulgogi 鍋 和部隊鍋。全部鍋都會有年糕。我格外叫了拉麵(忘了加幾多錢), 魚餅($18), 紫菜卷($18)。我超級中意食芝士, 當然也加錢加芝士份量(+$25)!在十分期待下部隊鍋終於送來! 好大盤, 其實份量已經足夠兩個人食。Bulgogi 肉真的比較少 建議大家叫海鮮,隔離枱叫了海鮮鍋真的不錯有青口。拼了部隊鍋, 所以有午餐肉, 洋蔥。當然也有年糕。若論加$25增加芝士份量, 我覺得不太值。本來是期待芝士舖滿半個鍋, 但只有一小pile。。。有點失望, 不足夠做到拉起來有芝士絲的效果。 其實全部都是香口的材料, 所以不會難食到哪裡去。個汁就有點“杰”, 微辣。紫菜卷麻麻地, 個麵粉面已經軟掉不脆。食完這個鍋已經很飽, 有點後悔叫了炒飯。但其實飯來後都還可以, 別看好像好大鍋, 其實飯是舖得很薄在鍋上。

11點幾去到 仲有好多空檯一出lift就係座位 感覺不太舒服不接受電話訂座 要walk－inset A：Step 1 芝士和烤肉上碟時其實已經熟哂佢將所有野放埋一個鍋到得少少菜和洋蔥年榚夠哂淋 d肉軟硬身個鍋都幾辣 冇辣的程度選Step 2 拉麵個拉麵幾彈牙配上可以拉出黎的芝士好正Step 3 魚餅＋紫菜卷有好多魚餅 係咪好平？紫菜卷放落個鍋到淋哂1d都唔脆 應該要另上由於時間的關係我地未食完個鍋就上芝士炒飯好似好趕本身食到好飽好彩個飯細唔係食唔落Step 4 芝士炒飯 ＋$10有d紫菜、粟米 好香好好食飲既食既都幾貴試一次就好

知道香港開左店即刻走去試食，第一次full 左食唔到唔緊要第日再去,今日醒目六點鐘就去取定飛等我朋友到就可以入座 ,本身唸住揀兩樣餸就算最後經職員建議後揀左三樣分別係芝士,部隊同燒肉 再加左拉面同炒飯同三支汽水，埋單成四舊水，味道係ok既都幾似韓國本店的味但實在係貴左d囉，貴成韓國一倍要78$一個送（韓國一個送只需5000won )總結：除非真係好掛住唔係留返去韓國再食抵d啦 ！(建議二人以上要叫兩份麵食唔係要會唔夠的！)

香港又開左間食部隊鍋！食之前有4個step😉️Step1: 選擇年糕 Lunch $58 Dinner $78按人頭計 有5款可以選擇(可選芝士 海鮮 烤肉 部隊 雜菜)簡完就會放哂落一個鍋度😗️Step2: 選擇麵 $25款(可選 拉麵 韓式粉絲 烏冬 細麵)我簡左拉麵同粉絲拉麵真係一流😗️ 唔係普通公仔麵非常彈牙 值得一試而粉絲就正常味🖖🏻️Step3: 選擇配料 $18款(可選 火腿 雞蛋 魚餅 紫菜卷 豬肉餃子 炸餃子 芝士$25)我簡左雞蛋 紫菜卷 芝士紫菜卷就麻麻 因為個皮浸到林哂Step4: 選擇炒飯芝士炒飯 $35起食哂個部隊鍋就會上😬部隊鍋偏辣 要係咁飲水先得(水要購買$10枝)其實部隊鍋份量幾大我同朋友3個人一共食左$380食到極級飽(FYI有2個男)所以如果女仔去食唔洗叫咁多如果唔係食唔哂就浪費啦😀食完之後就會上芝士炒飯初初以為係好似韓國咁倒啲飯落去之後起你面前撈但完來係收左你個鍋再另外上一個炒飯吸引度即時下降左唔少><下圖是一份 唔夠可以叫2份都冇問題!其實一份都唔算好多但因為之前食部隊鍋已經飽飽地所以一份SHARE食就岩岩好味道普普通通啦如果再多啲芝士

朋友話之前係首爾食過好味，見香港開分店即刻想試。幾星期前6點多上到去明明無咩人，但侍應就問我地有無book 位，無即話巳full booking要去到9點先有位，咁唯有放棄~之前一直試打book位，一直無人聽。咁唯有walk in啦，朋友早點去攞飛先，所以先唔洗等成個幾2個鐘。點知先發現餐廳貼住話"no booking yes walk in",妖!累我打左咁多次電話囉!店舖很細，坐位迫，等位既人只可以迫在一條小走廊。韓國人老闆係有善既，不過見佢安排入坐有啲混亂。我同朋友一行3人，叫左3人份(芝士/部隊/烤肉每份$78)+餃子+拉面+芝士炒飯。 但黎到份量其實比預期中細份，個湯汁幾好但料少，午餐肉薄過張紙，部隊明明餐牌上有寫腸仔但黎到無腸仔。韓仔侍應極力推介既烤肉，頂!啲肉又硬又鞋!食完所有野侍應就收走個汁去炒飯。我地叫既係芝士炒飯。個飯都ok，但味道略為淡味左啲。據朋友說，韓國食呢個係好平份量會多啲，但香港係貴超過一倍，單係一個公仔面就收$25 !其實都係食風味，如果要等個幾2個鐘先食到既話，咁唔會食囉。或者留番去到韓國時，食番個風味同價格~

見到呢個店名，相信好多人都有點莫名其妙，但如果去過首爾旅行者，話你知呢間就係三清洞好有名氣的巷仔平民年糕鍋店Mukshidonna，大家就不會陌生。菜式同落單方法同總店大同小異，有芝士、海鮮、烤肉等等年糕鍋選擇，一個人選一款，每款均一價，午餐$58，晚餐$68。然後就選麵條，有拉麵、烏冬等等（每款$15），咁當然最original係㨂拉麵啦。跟住再自由選擇Toppings，魚糕、火腿、雞蛋、水餃等等各$18，想再追加芝士$25。食晒個鍋，通常會食埋炒飯，基本的$25，有芝士的$35。現場所見好多人係呢個位中招，個menu冇寫清楚，價錢係指人頭費，唔係一份計，所以如果你兩個人點普通炒飯，係會收$50（好多人見到張單都呆一呆）。加上分量唔少，好多人食完個鍋已飽8成，結果炒飯係食剩的（包括我），大家諗清楚先好落order。所以，全部計計埋埋，埋單落樓分分鐘每人要百幾蚊，係首爾食，都只係講緊幾十蚊，對呢間以平靚正做招徠的店黎講，好似少左個賣點，當然懷念韓國之味仍然值得去回味下。我地選左海鮮同芝士，另加左我最愛的魚糕，味道同總店有九成似，只係海鮮分量少得可憐，得幾條墨魚同幾粒青口。不過咁，佢個湯

為左呢間餐廳 第一次寫食評因為廣告效應 所以都想試下呢間野係咪傳說中甘好食第一首先去到 先排1小時比飛個個人雖然係有順序派飛但唔係順序入場我見到有個渣30幾號既飛 chur左個韓國人幾次就比佢入先坐左係度個幾個20號飛既人 就完全比人ignored我係40幾號飛 甘我又學下chur左個韓國人幾次 又可以入先基本上我應該係早過一d前飛過我既人安排到位食野簡單d講 無論係派飛同安排位食野係亂甘黎!補充...遲我半個鐘黎既人已經要排到2個鐘之後先食得...第二 並非人地講得甘抵食 普通價錢一個鍋78蚊1個人 加一個公仔面 25蚊再加一個配菜 18蚊加多一個芝士炒飯 35蚊1個人普通食都要150蚊到味道一般 係普通韓國醬既味2個人食埋單300幾同TST好食d既部隊鍋係一樣價錢地方唔係想像中餐廳既格局係快餐店既feel第三員工好冇禮貌 明明係食完個鍋先送芝士飯黎我地未食完 佢已經想收左個鍋我地話 野都未食完 仲咩甘快送個飯黎?之後佢過多陣dump低個飯係鍋隔離完全無視我地......隔離個台仲慘 成個飯彭一聲dump係台面勁冇禮貌另外 我地叫左部隊鍋(有腸仔個隻)但係我地個鍋冇腸仔 就問佢地佢地

最近呢間韓國餐廳真係好Heat，聽聞成日都要排隊。所以見到openrice、Facebook都話十一點開門，就同F約好十一點到。點知其實係十二點先營業，所以大家唔使咁早去。中午有lunch set，我地四個人就點左一個三人set（$280）可以揀三個鍋，我地揀左芝士，海鮮同部隊（本來想揀牛肉，但個老闆一直建議我地揀部隊）order左之後大概等左15分鐘，年糕火鍋唔會好辣，芝士好多，芝士味好濃，入面D料都幾多。麵我地揀左拉麵，老闆又建議我地加多一份，事實證明信老闆係無錯。因為拉麵係上之前就煮得差唔多，之後係唔可以加葛。D拉麵煮得好入味，同芝士一齊食好正。topping我地揀左餃子、魚板同紫菜卷。餃子比較細隻，紫菜卷幾特別，魚板煮得好入味。至於炒飯我地加$20將lunch set葛炒飯轉芝士炒飯，係食完年糕鍋之後會上。原本以為會用年糕鍋剩低D汁炒，其實係係廚房入面炒好。雖然體上去好薄，但四個人食兩人份都夠。好多芝士，飯入面有玉米同紫菜，好香。最後埋單人均$82，性價比好高，老闆人都好好！大家想去食就早D啦。