三清洞摩西 (已結業)

聖誕節7點半去到，滿哂但唔洗點等有位，waiter態度幾好。環境算得上舒適，可能唔係主攻烤肉所以食完身上冇乜味。座位格局唔逼兩個人坐四人位每人叫左一個韓式烤肉配烏冬($63)+1服務費，想試飯卷，朋友話食過太大份留下次。配菜有每一碟生菜(加酸酸甜既醋) 味道一般生菜試唔出新唔新鮮，一碟生洋蔥，冇試。最好食配菜係酸蘿蔔，淋落去既醬做得幾好唔會太酸，令每一粒蘿蔔煙韌好開胃。烏冬就不過不失啦，湯底用醬油開稀，大量碎紫菜(?)加荳芽，烏冬份量算多我就食唔哂。最失望係烤肉，個人口味偏咸，呢款偏甜好大陣人造燒烤調味，烤得算脆薄香口唔鞋，肉質過得去唔會咬唔斷，呢個價錢黎講算唔話得。冇叫飲品要另外加錢。除左烤肉其實真係唔覺食緊韓野，下次可以試下飯卷部隊鍋。

懷念着韓國的部隊鍋⋯知道有這家韓國過江龍便來懷緬一下😜😜😜週六七點半到達⋯居然不用等位子😱😱 開始擔心會不會中伏🙈🙈🙈 (要等又不喜歡⋯不用等又怕⋯哈哈好矛盾的人類)點了兩人部隊鍋 + 芝士炒飯~ 配料要烤肉 海鮮 魚糕 配拉麵～ 海鮮有青口和魷魚～ 還有必備的年糕 😍😍😍 待水滾就開動 😋😋拉麵要趕快吃～ 我不喜歡發漲後軟淋淋的麵～ 魚糕跟年糕都QQ的 😍😍😍⋯⋯ 部隊鍋就是辣～ 這裡的辣我剛剛吃得到 (我不太能吃辣🙈🙈) 比我想像中小的鍋～ 但料其實蠻多 😋😋 超多魚糕和年糕條 😍😍👍🏻👍🏻 兩個女生也可以食得飽飽～ 食完部隊鍋後有店員會主動來換上芝士炒飯 😍😍😍已經炒好才上桌 (我還期望有oppa在面前炒😜😜)好香紫菜味！芝士還會拉絲！還有我最愛的粟米～ 粒粒香甜飽滿 😋😋 這個炒飯真的很！好！吃！一定要點！部隊鍋加炒飯份量剛剛好～ 食得飽飽的～ 我會為芝士炒飯再來 😋😋😁😁

辣炒年糕1⃣首先選擇你要既辣炒年糕，有芝士牛肉海鮮部隊同蔬菜🍲揀兩種以上 每款68💰2⃣揀要咩麵🍜每款15💰3⃣揀要咩配料✔️特別推薦炸飯卷👍🏻($18)4⃣睇下要唔要炒飯/✨芝士炒飯✨😋($35)5⃣開餐🎉🎉🎉🎉🎉味道方面都係正常嘅部隊鍋味道，但份量真係好大😳個人覺得尚算抵食👌🏻而且可以選擇自己嘅口味無限死一定要邊幾款餸 我覺得幾好✋🏻但環境方面比較狹窄 枱與枱之間距離好近 空間感唔夠 唔太適合同朋友傾計🤔

平日想同朋友食個下午茶, 諗起呢間韓國過江龍(啱啱記得之前睇小儀金剛介紹過)。上到去一個客人都無, 有啲驚人地中場休息唔開門, 可能我地去嘅時間比較奇怪(平日下午4點)。無客都唔出奇, 好彩有位韓國店員都招呼我地坐低, 甘先無白行一趟~~原本呢間舖佢係有2間韓國過江龍店-----三清洞摩西年糕鍋同Charles炭火紫菜包飯呢2間舖頭!!! 去過首爾嘅朋友都應該聽過呢2間舖吧。三清洞年糕鍋仲要係必食之一!!! 我去首爾都有食過呢2間, 今日可以一次過回味下首爾嘅味道。揀左2人套餐嘅紫菜包飯嗰set。Step 1: 揀左芝士同烤肉。Step 2: 當然揀拉麵喇!!! (粉絲都好吸引!!!!)Step 3: 揀餸, 加埋午餐肉同魚餅就好韓味喇。Step 4: 因為揀左飯卷, 所以唔洗揀炒飯~飯卷: 當然揀top 1嘅炭燒豬肉包飯!!!飯卷勁大舊, 如果嘴細, 要分2啖食!!! 1啖食落口, 好滿足, 成個口都充滿炭燒肉嘅肉味! 食落覺得幾健康, 好多蔬菜。 個年糕鍋一黎, 好吸引。滿滿芝士同魚糕。仲送左我地每人一件炸餃子同紫菜卷, 抵左, 變左有4個餸!!!! 好好食呀!!! 對我黎講少少辣

今次系第二次黎食，記得上次食系一年前，個時去到勁多人排隊，起碼要等5分鐘，但今次黎到完全吾洗排，黎到就有位一開始我地到左佢點俾一枝礦泉水同小食（泡菜，醃蘿蔔）俾我地到左點餐，今次有埋新既炭燒紫菜包飯，有好多隻味簡我地簡左個2人餐（海鮮加部隊鍋+韓式粉絲+魚餅+芝士炒飯+炭燒豬肉紫菜包飯）點完餐會隨後送上湯，一人一碗熱辣辣岩哂涼陣陣既天氣重點出場鍋入面有腸仔，午餐肉，魚餅，青口，魷魚，年糕，洋蔥，娃娃菜同韓式粉絲，味道吾會太辣粉絲好彈牙，整個鍋味道都吾錯，服務員仲間吾中過黎幫我地關左個爐，驚煮得太耐d汁會彈上黎，真系十分體貼食到7788就會送上芝士炒飯，芝士炒飯既份量剛好夠兩個人食，芝士吾會話太膩太飽，有粟米同紫菜既配搭，一流最後到Top1既炭燒豬肉紫菜包飯，依個紫菜包飯既味道吾會話太咸，但如果有埋醬汁點就更好最後食完服務員佢地都好有善同我地講再見，好有禮貌

旺角行街搵野食，今次選擇部隊鍋!去到好多人都要等一等，大多人都會食鍋，我地都唔例外，三人食個2人鍋餐加多個紫菜包飯先講個鍋選擇左二個餸海鮮同烤肉，希望香濃啲，不過黎到聞落唔太香，而食落得個辣字，唔太食得辣既真係冇下次，因為冇辣道簡唔係香辣而係湯味炎而辣味重反而包飯同芝士炒飯味道就幾好整體因為主要個鍋唔得都扣哂分，加上咁既價錢我點解要簡佢

去食野見到有其他韓國客仔，一對情侶咁，見個侍應同佢地都講韓文啦。今日星期六，佢地就話唔平日lunch咁叫，咁好啦，我同個朋友就唯有叫佢地個鍋(價錢都係跟返夜晚貴啲)。但食食下就唔明個韓國女仔可以叫依個平日lunch嘅冷麵...都算....諗住叫杯水，佢地話要收$12..咁有啲辣都有叫左1支。之後見到個收銀嘅韓國人走出黎攞左幾支水同野飲俾佢地，我個識韓文嘅friend話係免費送，之後見到個別幾台個收銀都攞水同其他嘢去........其實唔明依度係香港定韓國....？ps.支水係平日係超市賣$4-5個啲..好似應該俾韓國個啲礦泉水，不過我friend話乜分別咯其實....算，出黎食嘢都預左咁,但都唔洗咁大差別嘛...

幸好唔洗等好耐。。7點鐘上到去坐佐5分鐘就有得食了 款式同韓國食既一樣 都系簡幾多人餐，step1-4好鹽既湯呀火熱熱既湯底 睇落又辣又熱 食落都好辣好熱我地簡佐海鮮加牛要伊麵 海鮮種類唔多 主要食都系個麵同個湯底炭燒豬肉紫菜包飯 炭燒豬肉好林唔硬 加入其他配料包成一個大大既壽司卷 一口一個大到講唔到野最後系呢個芝士飯 芝士份量唔太膩 辣度岩岩好 一d唔辣好好食 撈完雖然好少 但陣陣韓國辣醬味 炒飯好香 好有口感 黏口既炒飯好似食緊飯團咁ps.食完之後見到好多人排隊等位 所以如果想食呢間韓國餐廳的話 一定要book佐位先 如果唔系要等好耐嫁 ，

依度既鍋係按人頭計，可揀唔同餸，湯底應該一樣，揀左烤肉同部隊! 不過d餸都一般般，係個面最好食! 份量都好大,唔晒加抄飯都夠飽! 可惜無酒飲，食韓國野點都襯soju! 不過始終食物既種類太少，再黎既機會不大!

三個韓迷黎潮拜啦。呢度芝士係一定必食既配料，另外再叫烤肉，牛肉，海鮮，炸餃子，年糕。至於麵我地差唔多咩款都叫哂😂烏冬，粉絲，拉麵。青口，魚糕，魷魚，牛肉等等索哂啲芝士湯勁香，又唔辣。啲麵一定要趁早食，滾得耐會變到脹哂，芝士mix埋啲麵黏而不膩，正。啲份量預得岩岩好，開頭都驚大煲食唔哂，但原來我地食到。三清洞摩西一定唔可以錯過芝士炒飯~粟米，紫菜加埋芝士mix埋啲飯簡單得黎又唔錯，薄薄地但又唔燶，食完都唔覺得太飽飽。

經朋友介紹下試試佢！！Walk in等左5分鐘就有枱！Luck!坐低即叫野食。好彩有朋友食過，識得剛嗌，如果唔係真係餓到2046都仲頭痕緊，所以肚餓嘅人，好睇定點嗌先去啦！我地一坐低即研究menu。先係嗌左一大煲野。以人頭計算，每人可以係5樣年糕鍋入而揀一樣，再合併估一大鍋咁上菜。我地有👭👭，所以揀左4樣，1.芝士2.海鮮3.烤肉4.雜菜。上菜時好大煲，以為食唔晒，最後都KO到！料好足，鋪面嘅芝士都好多，但溶左再夾入口食嘅質感有啲硬身，我會中意食m記包入面夾嘅芝士質感多啲(溶左嘅)。雜菜亦唔夠多，烤肉就用左手牛肉，唔食牛嘅要注意喔！但成煲野黎講，味道唔錯，本人勁，中意飲佢嘅湯底，飲左好多碗😋。另外叫左個雙層芝士紫菜包飯，本人極力推介！！！芝士夠多，味夠重夠香！好有hard!! 下次有機會會試下其他款。我地都仲叫埋水冷面，但依個not good ar，面質麻麻。。又唔夠味，唔好叫啊！！最後我地4位都有叫飲品，我就叫左意米水，唔岩飲，味道怪怪地，兩啖之後就唔要。埋單每位140左右，唔錯！

呢度長期食野嘅人同排隊嘅人一樣多，主打好多款配搭嘅kimbap(紫菜飯卷）, 隨你點揀，一大條有10舊壽司，仲要係大大舊，夠睇頭。叫咗雙層芝士kimbap，雙層芝士就見唔到，芝士就得一塊，食落芝士味好出，仲有火腿、韓國魚蛋、青瓜、蟹柳、日本蘿蔔、仲有應該係炸藥膳咁，脆脆甜甜帶點苦，有啲驚喜。食落一食就散，要執返啲料慢慢食，一齊食嘅味道係全靠個芝士，無咗佢就咩味都無。另外叫咗個招牌炭燒豬肉kimbap, 除咗豬肉仲夾雜啲蔬菜，始終蔬菜都係kimbap嘅靈魂。蔬菜一如以往咁切得好幼細，切功值得加分，不過炭燒豬肉呢，聞落去似漏咗媒氣嘅豬肉，食落似中咗媒氣，有豬肉乾味道，乾乾的，奇怪。仲有點少得叫個部隊鍋，個湯底本身唔辣，帶點甜，幾好味。火鍋有得mix埋兩款（海鮮、豬肉等），自己可以on top加啲粉類，配料，價錢都抵！

三清洞摩西 芝士部隊年糕鍋今次唔講味道先 講服務 一入到去 無一個侍應識招呼 企埋一堆唔緊要既 當佢地係小朋友無經驗啦 亦都無人主動介紹 咁我地唯有請一位疑似韓籍女侍應介紹 佢仲同我地講食到最後先加芝士炒飯都得咁我地一直食到差不多尾聲 已經有侍應隊張單埋黎 我心諗我都未叫個芝士炒飯 咁我叫個侍應加埋芝士炒飯俾我地啦 隔左一陣竟然話加唔到 好明顯係因為開左單嫌麻煩唔想改單 而且又好想趕我地走 疑似韓籍女侍應係我地食到尾聲時係用9秒9速度收我地爐同碟 再用手指篤一篤張單 佢係喉嚨痛定啞左呀？唔識中文可以講英文 唔識講英文都俾個笑容黎啦姐姐仔講返味道得個咸字 又唔夠辣 相信我煮個辛辣麵應該仲夠味過呢個年糕鍋 食物配料非常普通 年糕係最普通個款 同我想像中既年糕好有出入 食完亦非常口渴 睇黎味精幾重無服務點解要收我加一服務費？ 呢間餐廳唔係好難食 但一定唔會用好食黎形容佢吧！無下次！食左二百幾蚊呢個價錢我應該可以有更好既選擇！Bad service！

年糕鍋，可謂帶著魔法的一道菜。如果有某些朋友，對韓國菜帶著偏見或抗拒，讓他吃一頓年糕鍋吧，保證他對韓國菜改觀。名叫年糕鍋，當然有韓式年糕，湯底以泡菜、韓式辣醬等材料作成，偶爾還加以水果泥多添清新果香，辣中帶甜。其他材料就像港式車仔麵般按食客意願增添，既可加像港式魚蛋一樣舉足輕重的韓式魚板，也可加上不論視覺和味覺一樣吸引的芝士，辣，甜又多變，又有誰能抗拒呢？之前一直覺得香港年糕鍋，不是不夠地道，就是實在太貴，繼炸雞和烤肉後，終於有韓國直營年糕鍋落戶香港。別以為只是甚麼名不經傳小店，雷聲大電點小的落戶，反而，是名氣極大的三清洞摩西年糕鍋俏俏落戶。讓人意外是三清洞年糕鍋，隨手於網上搜索，被譽為訪韓必吃，來港後幾乎沒甚麼宣傳，跟粉絲聊起，不少朋友更不知原來早落戶香港。不單落戶，分店也有兩家了。最怕跟人潮遇上，中午一開店便到達，全店只有我一桌。被安排到窗邊卡座，陽光亮麗，心曠神怡。獨沽一味只賣年糕鍋，餐牌就分步驟教食客如何點前，先說鍋底，再說麵條，然後加配料，最後再決定要不要炒飯。還以為湯底配料，通通拿一拿，三分鐘就可以上菜。意外是鍋底即叫即炒，等了差不多十多分鐘，紅噹噹的年糕終於送上來。點了芝

呢間好出名！入到去好似open area咁 要等15分鐘左右侍應全部都係韓國人今次得兩個人所以冇叫部隊鍋叫左銷量最好既炭燒豬肉紫菜包飯($68)好大舊足料 有半部iphone6咁大 一囗咬落去會散哂略嫌味道比較乾仲有叫咗年糕餃子湯($78)唔係太抵食 得4-6件細餃子 比較清淡 唔飽多人去就可以叫多啲嘢食試下😳