三清洞摩西 (已結業)

其實想講聲勁唔好意思，黎食飯果時係人地既食飯時間，無辦法要食個early dinner呢煲野兩個人食我覺得真係飽到上心口，好彩無叫埋炒飯。揀左芝士同埋牛肉，芝士唔係太夾，原因係佢痴住筷子多過痴係ｄ野食度，而且最重要係無乜味。換句話黎講我好似食緊芝士膠配年糕。而個湯都唔算辣，同行朋友唔食辣都只係覺得小小辣。但食到後期係偏咸。想飲水？　ＮＯ　ＷＡＹ，呢度唔包水，要野飲就要嗌汽水飲，唔飲汽水表示 老實講，材料就好普通來貨貨色，但勝在份量足。入面有魚腐，年糕同埋泡菜。而配既幼麵食到最尾都keep住淋既狀態，係食到好後期先夾唔到散哂，都算好彩；而牛肉亦都未老哂，所以總括黎講我覺得呢度係純粹係質飽肚。不過要係食飽的話，我寧願行多５分鐘去太子囉

數數手指 已經食咗第4次✔✔✔✔ 然後第1次諗住打食評 由地方講起 餐廳係1個新商場入面 1樓就係餐廳 係旺角b1出行右手邊再上天橋↗再落天橋↙行多2分鐘就會到 其實幾方便😃😃😃今次簡咗星期6既晏晝上去食 人唔算多 唔洗等位 兩個人仲可以坐4人枱仲有位擺袋 逢星期一至六晏晝都可以嗌set lunch🙌我地兩個因為唔想食炒飯就冇嗌到 就嗌咗個海鮮 & 部隊年糕 兩個夾埋個湯底好好味 辣得黎湯底帶鮮味 會有種回甘既感覺 雖然辣但會想一食再食 認真好味👍👍👍至於料方面 有兩款海鮮: 青口 魷魚🐙🐙 有一堆年糕 菜 有魚餅 另外我地再嗌咗一份有6小舊既紫菜卷 係一舊出面脆卜卜 入面有一片紫菜 同一堆粉絲 我覺得放落去一陣就好食 如果唔係就會太腍啤啤 冇哂口感😔由於怕餓親 我地兩個加咗個拉麵同粉絲😮兩樣野其實都好索湯 所以食咗陣就冇咩水 不過侍應見到都會加湯落去 唔驚愈食愈淡😊😊其實食平日(一至六)晏晝係抵好多 平均一個鍋晏晝平$20 又會有幾款set lunch比人簡 計落化算d💕😙

午市12時半過來三清洞摩西。來的原因是因為前陣子這餐廳三清洞風頭實在強勁！中午12時半並沒有想像中的強勁人頭，只有大概3，4張枱。看過menu,實在模不著頭腦。有必要這么復雜嗎？最後也要請侍應姐姐幫忙解說。一個人必須叫一份lunch (年羔鍋）不能share😱那麼我朋友不想吃這個，怎麼辦？不能！一定要叫一個set! 這是什麼餐廳，奇怪，最㡳消費也沒問題，但迫人吃指定lunch set 反感呢沒辦法只好叫了一個海鮮味，一個烤肉味，來的時候分開2個火鍋，嘗一嘗味道，其實也是一樣的。這裡的部隊鍋是甜味為主，辣味為次的。我覺得味道不錯，但被迫吃的朋友說很難吃。之後加了個芝士炒飯。芝味足夠Drinks 太貴了，$15一個。不給水，即是一定要叫drinks. 味道太濃了根本不喝水不成不喜歡這裡做生意手法不會再來之後數小時後非常口渴

哩間去過好多次，每次都要預早去，如果唔係就好似我第 次黎咁，7點等到10點半先有得食！以人做單位，每人可選一種餸，因為夠多人，今次可以叫哂所有款試下！湯底係我喺香港飲過最濃，其他店通常好稀，得少少辣味，但哩間好濃好濃，好似有肉煮過咁，好好味，加上海量芝士，掛哂落d公仔麵上面，真係令人一口接一口！我最中意係牛肉同年糕，好好味，其他就無咩特別，因為我主要都係食佢個麵同飲湯！好多人話部隊鍋係cheap野唔知有咩好食，我就覺得只要食物好味，貴唔貴價又有乜所謂，各人有不同口味姐～叫埋哩個芝士紫菜粟米飯，其實已經好飽好漏，不過味道係好架，建議兩個人share一人份就得。一人兩啖，易ko d!雖然好味，但卡路里極高🙈耐唔耐一次都無所謂既🤔

韓風大熱，約朋友食飯弱想搵個方做就腳嘅地方，食下飯吹下水，可以試下黎尼間，地點喺旺角天橋行到盡，落下樓 轉彎，近東亞銀行，見到有個入口，寫住726，搭𨋢上一樓就到。 野食方面，$78一個部隊鍋，有幾種口味可以揀，我地揀左芝士海鮮同泡菜鍋，泡菜鍋味道會濃一啲，重口味嘅朋友可以試下，另外叫左芝士炒飯，都可以！!!!!!!芝士炒飯 :芝士味濃，混合紫菜+炒飯，好味道韓國出名嘅甜米汁，入面有甜米，有口感!部隊鍋: 芝士泡菜鍋 味道較濃

之前睇過報導介紹呢間過江龍既部隊鍋餐廳, 一早已經將佢放入我既wish list到, 不過因為太唔鐘意排隊, 所以一直拖到而家先去朝聖。去到大廈8樓, 一開電梯門就係餐廳, 有大大既玻璃望住煩囂既旺角, 可惜坐唔到窗旁既卡位, 只能遠遠羨慕。第一次黎到, 之前都無睇過人地既食評, 望住個餐牌, 其實都幾唔清淅, 睇得幾吃力。每張枱都有個小小餐具盒, 但食辣野黎講, 如果食店可以提供埋紙巾盒會更好。食部隊鍋會有醃蘿蔔做配菜, 問過店員, 佢話食完可以REFILL架。 不過味道其實同日本既醃蘿蔔無異。芝士年糕 + 部隊年糕  ($78+$78)+拉麵 (+25)+紫菜卷 (+$18)+魚餅 (+$18)部隊鍋黎到好澎湃, 一個鍋裝得滿滿的, 上面放左三大個紫菜卷。湯汁本身已經有溫度, 所以稍微煮一下就滾開了。芝士都好快溶, 夾起紫菜卷時, 已經拉起左一撮撮芝士。紫菜卷包住粉絲, 仲食到炸紫菜既鬆脆, 內面既粉絲好爽。部隊鍋味道偏甜, 對我黎講唔算辣, 不過唔食辣既鼻B一路食一路流鼻水, 睇黎辣度呢樣野真係好主觀, 建議唔食辣既朋友就叫佢少辣吧。部隊年糕口味包含左午餐肉同腸仔, 兩者都軟腍

洞摩西，朋友食過話唔錯，介紹左我去食，今日約左個男性朋友去試下，朋友介紹時話係好辣好辣，但好好味，所以我去到都好醒目咁，問下店員可唔可以少d辣，佢話可以，好開心！我地簡左海鮮窩，加左紫菜粉絲卷，拉麵好快就有得食，買相唔錯，對眼前個窩好有期代，煮左一陣，我地就起筷食，個人鐘意食海鮮，但發現呢個叫海鮮窩既窩，重點就得幾隻青口，完！成個海鮮窩都好淡味，比起自己係屋企煮既韓國公仔仲要差，男性朋友話，比起韓國既味道，呢度得1/5，難怪淡味得咁得人驚，芝士好有拉力，但重點係個窩個味道，芝士只係綠葉！所以我地食左幾啖就收隊離場！

上星期同朋友黎試，係我第一次食部隊鍋叫左芝士海鮮部隊鍋同芝士炒飯。部隊鍋我覺得個味岩岩好，我朋友唔食辣都食到，入面十分足料，有年糕，魚糕，菜等配料，我地揀左拉麵，果然部隊鍋必定要配拉麵，啲拉麵好快sok晒啲湯汁，食落十分juicy，同埋佢就算煮左好耐都無脹晒之後食到咁上下就上個炒飯，個飯好似煎飯咁都係第一次試，估唔到幾好，好多芝士，粟米同紫菜，每一啖都好足料，芝士味濃，口感好豐富，雖然量唔多，但食完已經飽到上心口！

心血來潮想食韓國野，約幾個朋友上黎聚下舊食下部隊鍋好開心呢～部隊鍋按照人頭先選擇配料，我地簡左芝士、烤肉、午餐肉同海鮮，然後再簡麵同送，簡左魚餅同紫菜卷。唔洗好耐部隊鍋就黎了四人份都好大大份，湯底本身唔算辣既，有d似辛辣麵既湯底，好開胃！麵類我簡左拉麵同烏冬，麵索晒d湯底，好好味！至於入面既紫菜卷我覺得好好食，半脆卜卜狀態，點埋湯底食，好味道。入面既料都吸收晒湯底精華，全部都好入味到差不多食完就會黎最尾既芝士炒飯啦，薄薄既一層飯 入面勁多芝士，隨便都可以拉到絲😍入面有紫菜、芝士同栗米，好好食啊個飯好香口仲一d都唔溜添

每次在彌敦道食吉野家，都會見到對面的三清洞摩西，之後我當然會上Openrice睇下啦，睇落都頗吸引，就上左去試下。一上到去，原來舗面不算大，已經有人等位。店員好好禮貌，跟我們介紹如何選菜。等了不久就有位，我們馬上點菜，我們有兩個人，所以可以選兩個鍋，我們選了海鮮和部隊鍋，而配料就選了午餐肉(點菜後一分鐘便有後悔聲音，因為午餐肉跟部隊鍋的配料都很相似啊...)，最後的炒飯我們選了芝士炒飯。等了會就有得食賣相、氣味十分吸引，原來海鮮鍋包括貝類海鮮(我不知道那是什麼...)和魷魚；湯底不算太辣，一般可以接受，重口味的我就十分喜愛；年糕配上甜辣湯底，十分配合，同行者平時不太喜愛年糕都說好吃；真的很後悔選了午餐肉，午餐肉放在鍋內煮變得軟淋淋，不太合口味。食完個鍋，店員馬上奉上芝士炒飯，熱辣辣，一級棒。用匙羮拉起芝士，見到都垂涎三尺，可能食完重口味的鍋，即使有芝士，食起來卻比較上清淡。個人認為這店的食物份量剛好，吃完個鍋和飯，的確是剛好飽了而不過份。而價錢方面都能夠接受(吉野家火鍋放題都乘惠$138啦...)。不過，又芝士又辣湯底，實在是太邪惡啦...食完趕快回去跑十個圈吧。

自從去完人蔘國後，就愛上食韓國野。友人話不如三清洞摩西度食。淨係聽個名已覺得夠晒韓😍知道呢間野好多人食，等位要有排等。但想食也沒辦法，點都要負出d代價😌去到已勁多人等位中。一出𨋢即刻拎飛仔，話起碼要等30至45分鐘。梗係等啦！等下等下，傾下傾下。。。一個鐘後終於有枱。就黎餓到扁。。。一坐低即刻叫野食！！我地揀左芝士年糕，拉麵，toppings 就揀魚餅，紫菜卷。等左陣野食終於黎😁👏🏻 發現除左我地叫toppings,仲有其他配料向煲內。有青口，魷魚，年糕等😋夾起d麵，d芝士超長😍真係好好食！雖然我食不太太辣，但呢種辣我還可以接受。可能由於太餓關係，好快就ko左成窩麵😁 食完d麵，店員就為我地上炒飯。芝士炒飯！！！我實在太中意芝士😍如果麵同飯，我會覺得麵好味d。可能因為我鍾意食濃味野

在google搜尋韓國必吃美食的話吃休錢走/먹쉬돈나/Mukshidonna一定榜上有名究竟它是甚麼?其實就是年糕鍋,有點像部隊鍋不過配搭更多元化還可以加其他配料前一陣子它終於登陸香港叫三清洞摩西老實說的確為我喜歡吃部隊鍋的朋友帶來福音不過店鋪的裝潢....簡單.(<--這個形容詞很少出現)我甚至覺得有點像連鎖快餐店)anyway食物最重要嘛如果你晚市來吃我告訴你預約了還是要逼著等一大群人聚集在門口等叫號(那麼還預約幹甚麼=-=)除此之外,這裡的服務員大部分都只可簡單英語(...)即使如此,對店餐來說完全不是問題因為只有寥寥幾款選擇大部分都是那個部隊鍋只是你要甚麼味道而且甚麼配料基本上在點單紙上寫就好本來我們想說點一個味道然後分量少一點那就可以點其他東西結果店員說不行一定要一人一份=-=(怎麼來到香港還是這麼不會變通)然後點的時候又有些菜色沒有配料沒有溝通了很久終於成功點餐(芝士&海鮮)PPPPPPPPPPPPPPS 這裡連水都要付錢的!所以,,,,自己看著辦等了一段不短的時間我們的鍋終於都來了問題是:怎麼這麼相似 不過吃下去味道還是有點分別不過粉絲浸過湯後超好吃!而且午餐肉也

聽妹妹講過話三清洞摩西不錯，經開旺角行街一於捉埋她帶我試試炒年糕由於中午12點去人吾多，所以不用等位，一出lift打開口就係座位，有點兒客親好似好出名啵原來叫這個部隊鍋係有4個步驟，妹妹之前食過我就不用頭痛，全交由她話事，我負責食就可以好味食用方法？吾怕吾識食妹妹最後選了lunch set (Set A for 2ppl) 年糕就簡了烤肉及海鮮 面就選拉面，配料就選午餐肉，而炒飯加十蚊就變成芝士炒飯這個部隊鍋份量真的不少，難怪妹妹說二人要挑戰，把這鍋食光光配料很多有青口，魷魚，魚糕，年糕等，加上韓式午餐肉薄薄的，把湯的精華完全吸收，好我相信甜辣湯底是這個部隊鍋令人上癮既原因，那種甜辣雖然辣的但又有甜味，真係忍不住一口接一口 而韓式拉面絕對是「最佳拍檔」同年糕鍋配合得很好，浸得耐了也能保持面質的彈性最後的挑戰是成功的Yeah!食到差不多，侍應就會拎上芝士炒飯不要少看這個，以為份量很少，其實食起來都挺多，芝士加上紫菜，粟米很難會不好食吧? 食了一半其實覺得有點膩，但又覺得好好食，不想浪費！芝士很多，有拉絲的效果好味指數: (最高 ×5)

食都好好味 拉麵配辣湯底超贊咯！！ 仲有芝士炒飯！！！！ 芝士控滴最愛可以拉到好高好高..去左3次 次次都係咁好食，最推薦芝士同燒肉仲有d偶吧 歐尼人都超好 微笑俾滿分💯

朋友仔話呢間係韓國係好好味既部隊窩, 咪睇部隊窩其實只係D 醃製食物放埋一齊, 但原來好味都唔容易.7點未夠到左, 但已經9成入哂座!但呢度既部隊窩, 要自己再加配料, 好似芝士, 拉面都要另加的....部隊窩點可以冇芝士同拉面? 更係要加啦!!!我並唔係第一次食部隊窩, 當店員送上部隊窩, 目測水準一般, 配料並不多, 焗豆都冇?以往係韓國餐館食過, 2XX 已有拉面/芝士/金菇/焗豆/腸仔/餐肉/泡菜/菜等等啦.呢度並沒有這樣豐富, 有既, 要另加!味道好咸, 冇其他味, 配料唔需要煮, 好難講到底水準如何, 只係....再試既機會可以講係...唔會.