影片
電話號碼
37958522
開飯介紹
店名意指「川希、粵希、點希」，以正宗川菜而聞名，同時供應家鄉粵菜及巧手點心；招牌菜必試水煮魚，以四川直送的辣椒香料製作，風味十足。
繼續閱讀
營業時間
今日營業
11:00 - 16:00
18:00 - 23:00
星期一至日
11:00 - 16:00
18:00 - 23:00
*11:00-16:00 (last order 15:30) 18:00-23:00 (last order 22:20)
以上資料只供參考, 請與餐廳確認詳情
有關獎賞計劃
食家推介
岩岩去完成都旅行，返到香港好快掛就住成都嘅味道週末就約埋朋友去銅鑼灣行街食飯，搵返間高質美味嘅川菜回味一下店內環境開揚，落地大玻璃仲可以眺望銅鑼灣景色座位寬敞舒適，仲設有獨文廳房，約會小聚、一家大細聚餐都非常適合餐廳主打帶粵菜及四川菜，菜式非常精緻美味當中嘅極品龍蝦麻婆豆腐真係一試難忘食物方面:蜂蜜番茄 : 蕃茄去皮味道清甜，加上桂花及蜂蜜一齊食，口感清新蒜泥肉片 : 蒜泥強烈的辛香味，味道濃郁，肉片切得極薄，入口時滑嫩不膩，還夾著一片小黃瓜，搭配吃起來爽脆不油膩杏汁白肺湯 : 湯頭細膩順口，呈現絲滑乳白色澤，白肺燉至嫩滑，再配上雞腳、掛骨及白果，溫潤滋補，潤喉又暖胃 極品龍蝦麻婆豆腐 : 龍蝦伊麵就食得多，龍蝦麻婆豆腐真係第一次試，賣相非常吸晴，龍蝦肉質爽嫩彈牙，麻婆豆腐口感嫩滑，配埋碗白飯就無得彈，真係食過最好味嘅麻婆豆腐青椒清香魚 : 魚片鮮嫩，份量十足，湯頭清香微酸，湯入便仲有烏冬麵，非常有驚喜香菇萵荀絲 : 口感爽脆嘅萵筍絲搭配香菇片，味道清淡帶少許菇菌味，適宜解辣杞子桂花糕 : 以杞子、桂花及桂圓肉搭配製成，入口清甜不膩香滑蛋白杏仁茶 : 杏仁茶香甜濃郁，甜度適中，再加入嫩滑蛋白塊，飲落暖胃，解決川菜的油膩感
繼續閱讀
餐廳：三希樓地點：銅鑼灣利舞台廣場菜式：川菜餐牌：涼菜小食、明爐燒味、鮑參翅肚、湯羹、河鮮、海鮮、家禽、牛肉、羊豬肉、乾鍋系列時蔬、粉麵飯、甜點、飲品一坐低就有兩款小食，包括八爪魚青瓜粒同香辣爽脆萵筍。蒜泥白肉 $148 另加一蒜泥白肉一客八件，擺盤好靚。白肉片包住薄薄青瓜片，食落唔覺太肥膩，淋上辣油，面頭加上白色滑溜蒜泥醬汁，第一次食打成泡沫既蒜泥，原來可以加添香滑口感，好有特色。五椒焗海中蝦 $360 另加一五椒焗海中蝦用有蓋煲熱辣辣上枱，一客六大隻連殼大蝦，加有滿滿胡椒。蝦殼好脆，可以食埋，蝦肉鮮甜，味道少少辣，胡椒味好香，好惹味。招牌酸菜魚 例 $428 另加一招牌酸菜魚例都好大兜，好多連皮魚片，非常滑溜又有口感，配有好多秀珍菇同酸菜，加有蔥花。味道都頗辣同酸，好夠味。白飯 $18 另加一食酸菜魚當然要餸飯，白飯用蓋蓋住。三希樓吊燒雞 半隻 $248 另加一三希樓吊燒雞賣相一流，雞肉好香，燒得皮薄脆，而肉嫩帶雞味，調味調得鹹香，伴有少少沙律菜解膩同豉油提味。好食到停唔到口。清炒萵筍絲 $128 另加一清炒萵筍絲口感爽脆，味道鹹香微辣，餸飯一流。薑茶湯丸 $40 另加一湯丸一客兩粒，好淋又滑溜，入面係芝麻流心餡，個薑茶薑味濃，唔太甜。棗茸千層糕 $48 另加一肉眼見到有五層，聞到好香紅棗味，唔會太甜，感覺養生。今餐食物質素好高，餐廳環境高檔，裝修精美，服務員態度有禮，換碟勤快。
繼續閱讀
前排父親節，帶咗屋企人去食咗餐豐富嘅晚飯，今次就帶屋企人去試吓川菜啦，餐廳位於銅鑼灣利舞臺，相當方便，而且呢座位都好闊落，好適合一家人一齊食飯慶祝小編要推介佢哋嘅茶，人蔘烏龍茶，非常特別，唔係好多餐廳可以飲到，超級清香回甘，正！烤椒桂花蚌桂花蚌嘅鮮美與烤椒微辣完美結合，增添了層次感，桂花蚌肉質彈牙，口感極佳蒜泥白肉：豬肉片厚薄適中，蒜泥醬汁香氣四溢，搭配清脆的黃瓜，最後再配上辣汁，唔怪之得每枱都叫杏汁白肺湯：呢道湯工序繁複，係小編嘅最愛，杏汁清香與豬肺的細膩口感融合，湯色透亮，滋味鮮美，好濃郁嘅湯頭龍蝦麻錃豆腐龍蝦鮮甜與麻辣香濃相得益彰，豆腐吸收了湯汁的精華，口感滑嫩，師傅仲將原隻龍蝦起肉，真係啖啖肉，而且都吸收麻辣嘅精華，呢個配搭簡直一流，可以送到好多碗白飯亁煸新鮮桂花魚春：呢度菜係時令限定，魚春肉質鮮嫩，經過乾煸的處理，表面微微焦脆，保留了魚鮮甜，香辣調味與魚春的結合，讓每一口都充滿風味，口感層次豐富。啫啫唐生菜煲（蝦醬）蝦醬香氣濃郁，生菜在熱鍋中保持了脆嫩的口感，蝦汁濃厚，而且仲有蝦乾，吃上一口令人回味無窮芒果布甸：布甸口感滑順，裏面仲有啲芒果果肉，甜度適中，再配上花奶，傳統嘅甜品真係好令人回味香滑蛋白杏仁茶：香滑順口，蛋白加入讓口感更為豐富，杏仁香氣令人陶醉，是完美餐後甜品最後呢，原來餐廳呢晚市都有做火鍋，都有唔少人去食，小編下次都要早啲去訂位食啦
繼續閱讀
星期日同阿媽黎飲茶，週末茶市大概分1點前後咁，個人覺得環境比較舒服，記得上次點左胡椒蝦正到連胡椒都食埋，阿媽話唔食又試下其它野，點心選擇唔算特別多但就多左D川式小菜/點心，叉燒腸裡面D叉燒大大粒比較好味😋😋，然后又點左個麻辣燙，即時辣到上頭🌶️🌶️🌶️🌶️🌶️，煲仔飯出黎熱騰騰感覺好正😊😊
繼續閱讀
一早訂了枱，明天18/2六人食飯，竟然可以今日12點，取消我個定位原因就係話因為公司食飯。如果公司真係有聚餐同員工食飯是否應該一早不接受客戶訂位而不是這樣處理。
繼續閱讀