三小漁

營業中

休息中

搵好野食當然要捐窿捐罅, 今次捐到東廣埸對面電訊一代廣場嘅三小漁。店名俾人感覺係川菜餐廳, 事實餐廳除有川式及粵式菜之外, 亦有不少特別菜式~實說, 店舖位置較入好不起眼, 我7點入座舖面仍未有客, 心諗不會是伏嗎?四周張望發現有包箱客嘅同時其他食客都陸續入座, 隨即安心!剛周圍望嘅同時留意到牆上海鮮餐牌, 大部分都列明價錢甚至兩數, 明碼實價, 比起唔清唔楚嘅'時價'老實得多。老闆娘先遞上飲料餐牌問我飲什麼, 桂花烏龍? 瑰荔堂煌? 一般慣飲鐵觀音, 普洱, 這裡的茶都太特別了吧! 就桂花烏龍啦!桂花烏龍的桂花味非常搶, 令烏龍茶味較淡然, 每啖茶都有嗅覺及味覺嘅享受, 好舒服。一般用餐前都會用茶水'浪浪'一洗碗筷, 但老闆娘表示碗筷已經高溫消毒可放心使用, 的確我見到店員用夾夾起熱辣辣嘅碗筷。食物方面個人特別喜歡黑磚豆腐同新出嘅金菇蕃茄牛尾鍋炭黑色嘅豆腐面再灑上金黃色嘅炸蒜, 賣相已經好高貴又精美一口咬開鬆化嘅外層, 同內裏嫩滑嘅豆腐, 兩者互相輝映口感豐富金菇蕃茄牛尾鍋係主廚新出品, 濃郁嘅茄湯底同新鮮蔬菜嘅配合得無可挑剔牛尾已經預先煮好再翻熱, 隨時是可以食, 牛尾做得好腍都好

今日去咗依間食飯，叫咗幾樣餸，分別係魚羹、咸蛋炸魷魚鬚、小炒王、流心蛋牛腩、話梅骨同埋菠蘿芥末蝦球，老闆娘好客氣咁送咗山楂紅棗水。依間嘢食唔會好油同好咸，味道好過我食開個間酒樓，食得出佢哋有心思，有誠意嘅。如果要飲湯就要預早訂，我哋即興就黎食飯就冇訂到。佢哋等疫情過咗，就會開返酒吧檯，依家只有一支支酒賣。疫情過咗就可以係吧檯一邊飲酒，一邊食小菜。環境闊落，係一間商場嘅一樓，坐得好舒服。我哋四個都係重量級嘅，都坐得舒服。老闆娘又好好招呼，整體來講依間可以再黎幫襯啊！

今日加咗一陣班，放工已經見有啲肚餓，同事介紹早排去咗電訊廣場一間小菜館食飯，有特色又好味，要帶我去見識下。同事勁推介黑磚豆腐，話上次食過之後一試難忘。黑磚豆腐外層結實，用筷子夾都唔會輕易散開，咬開原來極脆皮，內裏係白雪雪滑嘟嘟嘅豆腐，拌上少少炸蒜，非常惹未。另外點左個蠔仔肉碎浸時蔬，蠔仔肥嘟嘟，咬開滿口蠔汁嘅鮮甜味，小棠菜煮得翠綠又大棵，碟上嘅湯汁忍唔住飲完一啖啖又一啖！見到隔離枱有碟好大嘅咕嚕肉，忍唔住又叫黎試吓，碟底鋪滿冰粒，剛煮好嘅咕嚕肉外邊又凍又脆，裏邊就又熱又嫩，十分好食。睇嚟呢間都可以成為我哋嘅OT飯堂。

平日都有過嚟lunch，今晚OT完就直接過嚟食埋晚飯先返屋企。Lunch鐘意過嚟食，因為餐廳座位寬闊，坐得舒適，食得招積！入座就叫壺桂花秋龍，壺茶用左個好別緻既茶壺裝住。桂花香味撲鼻，烏龍又可以去油解膩。蓮藕蜜椒骨$108餐廳出名新派粵菜，呢款菜亦代表之一，蓮藕&排骨都經開炸，夠脆口，排骨炸到連骨都脆脆地😀 我都係第一次食呢種煮法gei蓮藕片，幾特別。配埋芝麻蜜糖，味道唔濃烈，但又好好味。金銀蛋浸時蔬$88有時食，咸到飲水都減唔到鹹味，今次食金銀蛋，完全冇呢個問題，咸蛋完全唔會令到整碟菜咸到傻，仲有肉碎，好豐富。

今日去朋友屋企度整蛋糕, 送畀我朋友, 做生日禮物, 整完之後我就請佢去附近嘅中式餐廳度食飯, 佢話呢間餐廳專做特色嘅中菜 , 餐廳介紹下, 叫左個黃金蕎麥茶,  呢個茶非常之香, 黃金色嘅茶, 入喉伴有濃郁的麥香味, 飲落去aftertaste非常之強, 之後呢個薑蔥霸王雞, 半隻嘅份量, 已經非常之多 , 賣相不錯, 雞肉質非常鮮嫩滑, 放滿咗薑, 蔥, 同埋豉椒, 令到個味道得以加強, 配合埋個鼓油, 真係好正, 個汁真係餸飯一流呀!之後食個鮮菠蘿芥末蝦球, 華麗嘅外型, 估唔到喺中式餐廳都有, 如西式嘅賣相 脆卜卜嘅外皮, 估唔到蝦球嘅肉質q彈 , 用左芥末, 味道突出, 香味令人 食指大動 , 最底底就有鮮菠蘿, 配搭住多食完油炸嘢之後, 再食一個菠蘿, 感覺好refresh

Openrice見菜式幾特別，特意帶媽子前黎，孝敬老人家。餐廳多樣化，有小食，主食有雞，牛肉，多款海鮮類，仲有甜品，價位算中等。蒜泥白肉一款幾新穎白肉，老闆娘捧菜黎時候，提醒連同青瓜一齊食更惹味。青瓜的確爽脆新鮮，再捲埋白肉一齊，配埋自家製的蒜泥汁，食上來香口清新。蒜泥汁有d花生醬味道，其他都食唔出，，但味道真係好正，自家知製果然係唔同d!沸騰魚上菜當下，滾油滾到好似細個睇吳鋼師傅大石碎心口前落滾油feel，視覺效果已經夠震撼。魚肉白滑，分量又夠多，食極食唔完咁。面頭浸有滿滿辣椒乾&花椒，麻辣兼備，但食落口，又唔會勁辣，正！媽子食完好滿意，仲話下次約埋班fd去😆😆

媽咪話食過呢間餐館好食，於是今晚同佢黎食個晚飯。入門口位置要先用手探體溫計。聽媽咪話呢度蒜泥白肉唔錯，果然幾好味，服務員提醒，用白肉捲住青瓜更好味。青瓜同白肉嘅反差，一濃一清新，果然唔錯。肉質嫩口，薑蔥味十足嘅生煎薑蔥雞，非常惹味，炒雞帶有平時食開雞煲嘅鍋氣，夠哂火喉。咁香濃惹味嘅味道，服務員強調無加味精，全憑師傅炒功同自家醬汁。少有餐館用呢種較大隻肥厚嘅蠔仔做湯，蠔仔肉碎浸時蔬蠔仔肉份量唔少，蔬菜浸住上湯幾好送飯。餐館提供嘅茶類選擇亦較特別，媽咪揀左桂花烏龍，真係清香消滯，令整餐飯加左一點點綴。

行過這裡發現了一間估不到的美食，在這裡附近雖然有好多唔同選擇，但想食到特色口味，這裡一定會有驚喜！因朋友午市時曾到這裡食物質素唔錯，所以提議晚市時間到來，望望餐牌選擇十分之多，店員見到我們選擇時提議了個川味脆牛腩，同埋個青雪菜蠔仔海鮮泡飯，絕對足夠兩人吃飽，而這裡嘅茶亦十分香，陣陣玫瑰花香之餘味道帶點清新荔枝味道，作為今晚嘅開始，感覺唔錯！最先上枱係呢個川味脆牛腩，如果只望餐牌真係只係當普通炸物，但上枱就清楚見到碟上放滿了川味嘅麻辣辣椒伴住脆口內軟嘅牛腩，起初擔心牛腩炸完會乾身，入口時卻發現外面香脆之餘還帶陣陣嘅麻辣味道，加埋入面軟淋嘅肥味牛腩，感覺超正，而且份量十足！真係味道十足口感一流！而另一個青雪菜蠔仔海鮮泡飯上枱時我呆了一呆，先以份量大小亦絕對超值，大大碗內放滿了蠔仔外，還有不同配菜在內，店員將炸得香脆嘅炸米到進湯內浸，湯中亦有吸了湯底嘅白米飯，加埋咸咸地嘅雪菜，一啖暖胃醒神嘅湯底加埋脆米軟飯同埋彈牙嘅蠔仔、煙韌爽口魷魚粒、蝦乾等一齊入口，真係停不了！分量足，兩個人真係差點口不完！最後追加了個日本直送芝士蛋糕一件，芝士味道超級濃郁入口香滑，真係完美嘅選擇！

呢日同同事出黎食lunch，醒起呢到有間中菜都幾好食，介紹左同事一齊試下。午市套餐即叫即整熱辣辣，仲配埋野飲好抵食，lunch時間都好多人黎食。飲品仲有養生茶類可以選擇，食得健康👍🏻叫左兩個餸同同事一齊share食，叫左呢個牛汁麻婆豆腐，上到黎熱辣辣香噴噴，豆腐好滑，而且個牛汁好鮮味，撈飯一流😋椒鹽豬扒佢都係即叫即炸，肉質唔會炸到乾淨淨，而且炸到d蒜頭好香，撈埋落飯到一齊食好香口。lunch時間坐到爆哂場，大家有機會可以黎試下。

以精緻中菜聞名的三小漁，主廚以16年功夫自創fusion中菜，所以功夫絶對穩紮，吃上一頓晚飯，都能吃出高超廚藝的味道。******************************三小漁，就在觀塘區內的一座大廈之內。觀塘區出名美食眾多，三小漁能在觀塘區佔上一席位，絶對不會讓任何食客失望。三小漁以fusion中菜為主，所以地方也很大，座位也不少，還有些房間空間。這夜的美食，都是用上話梅為煮食食材，製成每一道菜其獨特的味道，主廚的功夫確實一點都不少。話梅准山 HKD48，用上話梅加入酒中，把准山煮透，每吃上一口准山，甜中帶點酒香，確實是一道開胃的前菜小食，絶對不能錯過。話梅骨 HKD98，話梅骨，每一件都不少，帶著筋位的排骨，肉質相對較諗。把排骨炸得香脆，加上話梅煮成的汁，最後放上橙皮絲，除了賣相好看，吃上話梅骨，還多了份清香橙味，不能缺少一份白飯，讓人食得飽肚又滿足。自家製養生飲品 - 冬瓜薏米茶 HKD18，喝上一口，非常清甜的冬瓜薏米茶，茶內有不少薏米，冬瓜茶也很潤喉。

同屋企人食飯，因為有長輩都㨂食中菜，呢間觀塘中菜又幾有驚喜～玫瑰花茶好香玫瑰味，飲完覺得好養生XD前菜嘅酸甜木耳都唔錯，不過不失。最特別係球體狀，口感好得意。呢款咕嚕肉真係好靚呀！一上菜係被驚艷到。除咗靚，佢都好好食，好多肉，而且煮得岩岩好，唔會令肉過硬，好鍾意呀。之後嘅通菜都好好食，夠味濃郁，重重嘅蝦香。最後主食嘅豬油渣粉絲真心唔錯，油香重，食到停唔到，好難得！份量一睇相就知真係好多。4個人食，埋單4百幾，都好夠食！

同長輩食飯當然要揀間中菜食啦！這家觀塘三小漁都是不錯的選擇～首先揀了壺玫瑰普洱，啖啖花香，在之後整頓飯有重要的中和油膩感作用～前菜點了陳醋黑木耳球！酸酸甜甜非常開胃，重點是球體，好爽好有口感～這是必點的鮮菠蘿咕嚕肉，賣相精緻，份量又多！肉質好嫩滑，即炸的肉放在冰上，冰火交融，好過癮㗎～好喜歡鮮菠蘿，好甜又夠爽。啫啫通菜份量不用提，都是好大份！加了好多蝦米，好香口呢～豬油渣粉絲煲不得了！充滿豬油渣的油香，夠哂穫氣呀！最後加點了柚子雪葩，非常濃郁的柚子味，是完美ending！

今日放工又去咗觀塘睇柚木傢俬，訂咗個櫃之後就去附近食特色小菜，同事介紹 三小漁，從前是吃私房菜的，質素很好。座位寬闊，空間感大，social distancing 滿分，食得舒服又安心。店長很快安排好我們的座位，茶很香～有玫瑰花和荔枝的香味。蜜椒蓮藕片先叫一個特色小吃，蜜糖的甜加上辣椒，陣陣甜蜜味 ，椒香微辣，脆薄通透的蓮藕片香脆 非常，食落很開胃。熱辣辣又酥脆可口，甜而不膩，真。好吃！ 不能錯過呢！自家製南瓜汁菠菜豆腐煲一個很健康清新的菜色，老闆娘推介時說豆腐是自家製的，沒有人造色素和防腐劑，更加健康而且對身體有益。石鍋上枱熱辣辣， 南瓜汁撈飯食一流，自家製菠菜豆腐很香口，加上菇菌蔬菜味道清甜。陳皮話梅燉雪梨老闆娘推薦必試，招牌飯後甜品，賣相精美，用上十年陳皮係幾咁矜貴，味濃郁。滋潤養顏燉雪梨，極度清甜潤喉， 三小漁 師傅的精心製作，今晚完美句號。食物設計有心思，價錢合理，推薦一試。

今晚阿媽有節目，得我同老豆兩個黎呢度撐檯腳。老豆點左蒜泥白肉，醬汁係自家調配，唔好比佢顏色呃到，實際上都幾辣，係香辣不是麻辣，肉片肥肉爽瘦肉滑，不錯。呢樣菜對我黎講係一物二用，鮮菠蘿芥茉蝦球以菠蘿做碗，盛載住沾左芥末嘅炸蝦球。蝦身大隻兼爽口新鮮，芥末味增加味道層次，而菠蘿非常鮮甜，直頭可以當飯後果，去走餐後油膩感。蠔仔肉碎浸菠菜，個湯幾好飲，蔬菜夠新鮮無渣，蠔肉無殼碎夠鮮味，幾好！餐館座位算寬敞，檯與檯距離令人安心。旁邊有優雅外型嘅卡位，門口設置手探探熱器同搓手液，有防疫意識👍🏻

今日落大雨就係公司附近食晚餐，同事介紹東廣場對面有間食小菜既質素唔錯，於是跟佢黎試下!桂花烏龍一坐低店員就問想飲D咩，睇下DRINK MENU，見有平時好少地方有既桂花秋龍就叫黎試下~壺茶用左個好別緻既茶壺裝住，沖一杯出黎試下，桂花香味撲鼻，烏龍仲可以去油解膩，一路食飯一路飲就最岩!煙燻溏心蛋/黑磚豆腐上OPENRICE睇到人地食呢兩款前菜勁吸引，於是就叫埋黎試下~煙燻溏心蛋切半俾客人睇得清楚入面既流心蛋黃，全流心好吸引，味道方面好有煙燻味，溏心蛋而家好多人都識係屋企整，但呢個煙燻溏心蛋既味道就真係唔係咁易係屋企可以整得到。正! 而黑磚豆腐我就係俾佢既外表吸引，你望落去以為係似台灣既臭豆腐，但擺入口咬一啖，就知道唔係臭豆腐，而係外脆內滑既炸豆腐!呢個味道好好，外表亦非常特別!值得一試!冰鎮新鮮菠蘿咕嚕肉見到隔離檯叫已經流哂口水，係食物之餘仲可以話係藝術品，一盤冰鎮既咕嚕肉，中間用上拉糖黎點綴，睇得又食得! 雖然係冰鎮但咕嚕肉保持熱辣辣，(除非你唔小心整左落D冰度XD) 菠蘿用上新鮮既，唔係普通罐頭切片菠蘿!難得既係新鮮既都唔會好酸，同咕嚕肉配簡直係最佳配撘!自家制南瓜汁菠菜豆腐煲呢款係