三小漁

營業中

休息中

平日都有過嚟lunch，今晚OT完就直接過嚟食埋晚飯先返屋企。Lunch鐘意過嚟食，因為餐廳座位寬闊，坐得舒適，食得招積！入座就叫壺桂花秋龍，壺茶用左個好別緻既茶壺裝住。桂花香味撲鼻，烏龍又可以去油解膩。蓮藕蜜椒骨$108餐廳出名新派粵菜，呢款菜亦代表之一，蓮藕&排骨都經開炸，夠脆口，排骨炸到連骨都脆脆地😀 我都係第一次食呢種煮法gei蓮藕片，幾特別。配埋芝麻蜜糖，味道唔濃烈，但又好好味。金銀蛋浸時蔬$88有時食，咸到飲水都減唔到鹹味，今次食金銀蛋，完全冇呢個問題，咸蛋完全唔會令到整碟菜咸到傻，仲有肉碎，好豐富。