三多麵食

營業中

休息中

人多 - 中午麵檔大排隊狂所不免, 三多位置比較好, 食客不會久坐, 來也匆匆, 去也匆匆, 人龍Move得好快, 但未見其縮短.蝦多 - 雲吞一樣., 有三隻蝦, 份量十足雲吞多 - 一碗麵, 四粒雲吞, 仲要大大粒, 香口好食.我對三多的註釋就是這三多. 服務, 門口管理人龍同外賣的哥仔好快手, 邊出外賣, 邊做人流控制. 果然, 經驗足..

炸醬撈麵--炸醬唔香唔濃唔好食,麵爽不過超重鹼水,好唔健康

mar 12, 08,友人帶我嚟呢度lunch,叫咗 : 1) 菜肉雲吞麵-1碗5粒,大粒,皮薄,足料,有少少芫茜味,幾香,不錯2) 鵝腸麵-我同友人嚟個交換生計劃,自變雙拼……單拼價$$$,雙料享受-d鵝腸本身味淡,所以店員特別奉上辣椒豉油1碗,不過唔啱我。腍同有d彈性-淨喺知道好多人叫鵝腸嘜,鵝腸物,所以我又跟,見同枱有個客叫鵝腸xx撈麵,有蠔油喺面,應該會幾好味,下次可以試吓-個麵嘅質感都唔彈,1般 3) 炸鯪魚球(細)-1碟4粒,附+蜆介醬-都幾大粒吓-足料,都實在,入口唔會覺得粉-蜆介醬有鮮味,只喺小鹹-不錯

20080112中環地段，這樣的價錢已經難尋，一碗面加飲品18元，再加6元就有油菜，即使是週末的下午茶時段，也旺場到要排隊。簡單一碗鮮蝦雲吞面，雲吞不是散尾，但十分足料，內有小蝦仁六七枚之多，而且與豬肉的份量比例在六四左右，最合心意。蝦仁頗鮮甜，沒什麼雪味。面底只屬一般，過得去罷了。同場加映的油菜是意外之喜，新鮮爽甜得很，比許多面家都來得優勝。更令人喜歡的是，侍應很有人情味，與大家有講有笑，和熟客更是好傾。可能時間晚了，柏葉鵝腸一類已經沽清，或許真是浪得虛名，下次要再來試試。

今日終於試埋個豬潤黑柏葉腩汁撈麵,整體而言其實唔係咁ok...豬潤-唔錯,唔"鞋"仲幾爽...黑柏葉-普普通通,有d"韌"而且無乜味...腩汁撈麵-d麵超重梘水味,而且d腩汁好少,根本無辦法撈得匀,乾"哽"個梘水麵好難頂,所以個麵食到一半就放棄了,但係d腩汁是不錯的...整體黎講可以話唔係咁ok的,而且仲要唔係平,所以叫做試過就算...*_*中環還有更多好野食

12.18 (Tue)亂打亂撞黎左呢度，估唔到一間普普通通食麵既都有幾多comments。見佢招牌寫菜肉雲吞，就菜肉雲吞，反正冇乜野食得。菜肉雲吞撈麵（＄２１）- 好似有六/七粒雲吞，而且算大粒，味道都幾好。粗麵賣晒，要食幼麵，但好重梘水味，唔得。食完好飽。服務ok，幾有禮貌。

中環的麵店，不問水準，午市時間，間間都會是長龍店，這裡也不例外。本身沒有「排隊癮」，所以很少來。周六的四時許，小休一會，還要工作，就趁這個空檔時間，來吃吃麵。沒有柏葉，就要了鵝腸撈扣底。鵝腸算腸，吃落口感卻很滑，很爽，還隱約有點鹼水味；麵的鹼水味就更濃，難怪下了極多的蠔油。配上薑蔥，又很對味，如果再可以下多些就更好了。同事要了豬潤麵，卻也是澎湃非常，幾對辦。服務不能說是好或不好，因為根本是沒有服務可言的。一檯坐了六個人，互不相識。阿姐拿來麵，高興時就說一聲「XX麵」，不高興時，就這樣放下，同檯食客就眼望望的自行認領，非常正。埋單25蚊，不貴，但真的不知為什麼要排隊來吃。

今日心血來潮想食撈麵,又唔想去到民園咁遠,見呢度次次lunch hour都排大隊,於是就試下佢啦...本來想堂食但係我去到已經有十幾個人等緊,於是就叫咗個鵝腸+豬潤撈麵+腩汁+湯,原本係要黑柏葉,但係收銀姐姐話賣哂,望望錶都未夠一點,唔通真係咁好食定係限量發售??? so先改要鵝腸...鵝腸- 麻麻地,都幾韌...無咩味豬潤- 好得,夠厚又大塊腩汁撈麵- 熱辣辣食時好好味,凍咗d就開始食到幾重梘水味,扣分...湯- ok,味精程度可以接受食到其中一塊豬潤上沾著一條毛毛,好似眼睫毛咁長,唔知係咩毛但願係一條豬毛啦,個心會好過d...$32唔算平,但我會試埋黑色柏葉先收手的...^q^

聽朋友講呢度點正點正.... 尋日即刻去咗買外賣... 行到門口點望都好似啲普通既十蚊麵... anyway 一場哩到都試吓啦...鵝腸河, 湯另上; 豬膶麵; 湯另上...鵝腸乾淨有油香又唔肥, 豬膶起沙又唔韌, 麵河都好彈牙, 麵有少少鹼水味我like... 士油好正, 攪到我碗麵無落湯揾咗士油撈... 好味! 果然好介紹!!!! 外賣都咁正,今日一於去堂食... 個辣士油點野又得,撈麵仲正...黑柏葉豬膶撈麵$30. 扣咗底都好大碟...墊底有好多介蘭... 好甜... 豬膶起沙, 柏業好爽又唔韌...見倒清哂就知有幾good啦!

其實, 呢間舖頭, 真是不錯, 在中環. 我同同事一星期至少去一次, 價廉物美.菜肉雲吞跟其他麵店不同.

事緣我今日下午2:45到三多買Tea,向貌似老細的男人order 外賣: 菜肉雲吞麫走湯加腩汁, 菜心加腩汁, 承惠$24。返到公司才知道漏左杯熱奶茶, 即刻上網揾三多的電話問番。點之登出嚟個電話係錯嘅，正確係2801-6352。接電話的女人話我所買的份量係正價wor，無熱飲跟，我心唸Tea Time 唔買Tea Set 有啲奇怪囉! 跟住個男人聽電話, 佢話佢地開業10年, 日日客似雲來唔會搞錯wor, 我再問佢正價與下午荼價錢的食物有何分別? 佢話正價多1 粒雲吞,咁啱我嗰碗就係4 粒雲吞，跟住佢即刻回應話可能師傅搞錯咗,呢次佢信我wor 加$2 比番杯熱飲我wor, 我好奇怪又問佢為何油菜收$5 加$1盒錢, 油菜正價為$11！根據佢的回應,我的理解係: 我喺同一個下午荼時間買一碗正價麪和一碟特價菜!!!最衰係佢態度囂張囉,食肆東主唔會錯咩??? Tea Set 係跟荼架瑪, 好食唔係大哂囉, 既然你係老闆唔問清楚嗰客order 正價/Tea Set, 都算有D 隱瞞, 更何況佢大聲到話自己客似雲來囉, "中環"的食肆間間都爆啦, 唔知醜! 俾分都有5 個方向啦!!!

既然上一次試過他們的極品鵝腸麵，於是今次就試試另一款同樣比其他麵食貴四元的豬潤麵。下午二時，還未到下午茶時間，於是只是要了一個豬潤麵就算了。等了大概五分鐘左右，眼見豬潤夠大塊，件數亦多，足足有六件呢！一入口，豬潤爽夾香口，再配以附上的辣油豉油，真是美味極了。不過最窩心的，就是當我發覺我大頭蝦到銀包裡連十塊都沒有時，老闆娘竟然說叫我下次幫襯時才付費！！今時今日在繁忙的中環裡，竟然還有一間如此體貼的食店，真的教我很感動呢！只是二十元，買到的不只是食物，還有對待顧客的誠意。（當然，我最後也覺得太不好意思了，趕忙的去銀行提款還給她呢～）

我有次買外賣,買左碗雲吞米同生菜,我就食左米粉先...點知食到中途,比我發現有條毛..我覺得好嘔心..即刻唔想食,但又見唔好浪費d生菜.點知仲恐怖..有隻死蒼蠅係到...唉...搞到我成日都唔想食野,其實係呢度想話比大家知.唔係想搞到人地無生意..只不過係希望佢地都可以檢討下.唔好咁唔合衛生!!!

今日到銀行歸還了一條大數..叫做減少了部份負擔!!專登到這裡..因為有網友說有幸福的感覺我相信幸福是要自己找...叫了鵝腸河..好味的是鵝腸河粉太淋...但會再來..服務生有禮貌幸福是來自於分享..謝謝網友

之前食開三多都只係佢既淨水餃，貪佢大粒得黎見到一隻隻蝦係水餃入面~ 只係落嫌佢內面既肉碎偏「梅」，琴日忽發奇想可能openrice會有講呢間舖，睇完之後先發現原來自己一直未試佢最多人讚既野：鮮鵝腸+ 鯪魚球！今日lunch終於都抵受唔到引誘，去左買1碗鮮鵝腸河+ 細鯪魚球。一直等，就一直發現入面座無虛席，仲越黎越多人，望一望個鐘：下午2:45！仲可以有咁多人，勁！等左10mins左右，終於有我份，於是乎急急腳咁返公司，急不及待咁打開碗粉...嘩！真係好似之前一個食評：好幸福丫！碗粉個面被鵝腸舖到滿哂！即刻夾條點埋佢特製既豉油黎食，正！夾埋葱同埋薑絲真係一流！同尖沙咀佐敦交界個間有得fight！不過我比較鍾意呢度，因為較腍身，同埋鵝腸味香d，最緊要係平！$20/碗咋！不過唯一唔鍾意就係碗粉好油，覺得自己好似吳剛咁~至於個鯪魚球，有4粒，好大粒！仲大粒過乒乓波！咬落去好香陳皮味，同羅富記有得fight丫！不過呢度比較經濟，所以都會係我既首選！下次一定要試下佢個黑栢葉先得！勁多人叫呢！