三多麵食

營業中

休息中

「三多」這名字令我想起長壽電視劇《真情》叉燒炳的燒味店，所以當朋友提議到這店，我還以為是吃燒味的。我們兩人的公司離「三多」可有20分鐘路程，還好朋友Lunch Hour 比我早開始，可先過來排隊。我到場時已有多達10人的人龍，內裡很是擠迫，但在中環這可是司空見慣。朋友介紹這裡的冬菇超級巨型，我就跟著她點了一碗冬菇豬潤牛肉麵線。哇，那些冬菇真的大得有點懷疑是否基因突變，但又真的很好吃，既柔軟又鮮味。而亦豬潤牛肉同樣又多又大件，很足料。豬潤很大塊，算鮮甜，牛肉不韌。重點是辣椒豉油，辣得恰好，完全為麵線畫龍點睛。搭檯的OL們點的雲吞和墨魚丸也很大粒，好像很美味的樣子，下次要再來一試。20-30餘元的午餐，在中環算很抵食了。還有餘錢到鄰近貢茶買飲品呢~

平日的下午6時, 要在中環找雲吞麵吃, 不難!剛好行到三多門口, 名氣是聽過的, 但真的未試過, 入內一試!叫了碗鮮蝦雲吞麵, 賣相不錯, 湯底不及麥奀的鮮味那麼濃, 但還算不俗; 麵條算彈牙,不太覺有鹼水味; 而雲吞卻如兵乓波那麼大, 一咬下去, 居然有3隻蝦, 雖然蝦沒有清去蝦腸, 但還算新鮮, 大件夾抵食! 香港的麵舖去得多, 特別覺得這家的伙記不一樣, 我見到的樓面都是阿姐, 很客氣及有禮, 叫廚房落單時說話也很小小聲,不像一般的食店非常嘈吵, 她們空閒時聊天也是很低音量, 難得的是連廚房出來問食客外帶要否加木筷子時都是很小聲友善, 加上樓面的天花是掛黃燈, 感覺有點回到自己的客廳, 非常親切!

男朋友專誠黎搵我食lunch, 就食間未食過ga la幾多人食, 要等位, 當然都要搭枱我地一個要雲吞麵, 一個要菜肉雲吞米兩個都好快黎! 我覺得份量都ok, 但男朋友就唔夠飽la男朋友覺得個麵幾好食, 但兩款雲吞都無咩特別, 哈, 我啱啱調轉wor, 我覺得個麵底麻麻, 唔彈牙! 反而雲吞真係幾好食, 兩款既皮都幾薄, 餡多! 味道方面我覺得雲吞好食d,但菜肉雲吞既用料就新鮮d 呢兩款雲吞既size都好巨型 – 大過乒乓波!!! 無聊既我四圍望, 發覺佢其他食物好似墨魚丸, 鯪魚球, 炸雲吞既size都係大大舊! 係正常既一倍!不過個麵都幾重味精, 食完有d口渴~ 同埋唔係太鍾意佢地既service, d人有d寸overall, 男朋友覺得麻麻, 但我覺得都唔錯呀, 可能因為可以同男朋友一齊食lunch已經好滿足什麼都變得好吃了

因為要去中旅社.. 近近地又黎到三多了!自從上次唔知菜肉雲吞咁出名而錯失機會今次梗係補返啦!菜肉雲吞+炸醫麵+可樂真係好鬼大粒多餡又夠味囉不過今次好唔like 個阿嬋人地都未食晒d 野又想搶走我個碗..嬲到丫...同埋今次佢上o左個麵.. 定成兩分中先黎個湯..雖然炸醫撈都好味.. 但我都係鍾喜落返少少湯囉...anyway~菜肉同鮮蝦都好味 =)ps.原來幾個英文字加埋係等於不雅.. 唔好意思呀編輯

放工走去食平價粉麵做下午茶，唔想食得太飽，費時返屋企食唔落飯！之後，走去德輔中搭巴士總算就腳！叫咗：菜肉雲吞+鮮蝦雲吞米粉 $27雲吞勝在夠大粒！菜肉雲吞 - 有3 粒，以白菜及豬肉做餡，兩者比例均勻，味道得宜！鮮蝦雲吞 - 有2 粒，豬肉及鮮蝦做餡，蝦多過豬肉，原隻鮮蝦落，連蝦腸仍未清理好。米粉 - 只屬一般貨色。 不過，呢餐下午茶幾抵食！

雖然是中環OL帶飯一族.當然唔係次次都有飯帶啦.由於前一晚去韓燒, 理所當然地唔帶飯.但結果因為約唔到人就自己去尋美食了.其實唔喜歡自己一個外出食飯. 好寂寞唷~~獨自在中環街頭逛逛..入去toyrus逛完出黎一望見對面有間賣粉麵的.見門口得小貓三四隻..不假思索就走去湊熱鬧..XDD見舖內已經座無虛席了.. 不用等太久..(孤單寡人嘛)見到我最愛的炸醫麵.. 單併22雙併都只不過27!!!點了炸醫鮮蝦雲吞麵.. (要試當然試兩種啦)我不是喜歡超辣的人(受不了吧.. 什麼麻辣大辣不是我選擇)但少少辣我會覺得幾惹味~=]呢間炸醫的辣我喜歡唷~縱使令我sis sir 個不停..XDDD(變態的說)但值得一推的是超大粒雲吞唷!!真的沙煲咁大粒...不過得三粒..(也許雙併原故)d 蝦好爽 =] 個湯始終都係重味精的.. 食完碗麵超口乾...一放低雙筷就有人收碗.. 又一間趕客的食店...都明白的... peak hour 嘛.. 亦不擋人財路.. 埋單是也。一出門口... well.. 門口又排了十多人.. 真熱鬧..自己一個食會黎呢度.. 舖仔細細.. 一張檯坐六個人...其實呢六個都係自

由於近排洗得太多錢，所以唯有cheap cheap地食碗麵就算。我地叫左一碗牛柏葉麵同一碗菜肉雲吞米。碗牛柏葉麵真係有好多牛柏葉，但佢要成25蚊又合理ge，佢ｄ麵又冇乜鹼水味，都唔錯。碗米由於係最後一碗，所以特別多，ｄ菜肉雲吞好大粒，皮又薄，好味！呢間野原來8點半就收，都幾早，但係夠鐘都仲有好多客入來，佢地又來者不拒喎。有人仲用電話落單，話搭緊車要五分鐘之後入去食，認真巴閉。

中午在中環蘇豪以下,賣粉麵碟頭飯的地方,稍為似樣一點,價錢又大眾化的話,一定大排長龍,砵典乍街的"三多",是其中一個好例子.早前還聽聞結業之消息,結果不了了之,繼續為中環打工一族服務.是日在中午前來,巧妙地避過人龍.價值$21一碗的雲吞麵,與沾仔記一樣,賣的是大大粒兵乓波雲吞.,雲吞包到好像肥佬著中碼衫,餡料差不多爆出來.蝦肉份量比沾仔的更多,肉質爽但欠鮮味,少量的豬肉,沒有一點肉香.麵條算彈牙,有少量鹼水味,湯底沒有沾仔的羅漢味,味道很薄弱.正宗的雲吞麵不是用來填肚,變種雲吞麵則擺明吃到你飽.當然中環上班一族來去匆匆為兩餐,不求高深,但求吃飽.那有閒情去研究雲吞背後之典故?你估個個好像我們,食碗麵都要影相,回家還要寫過百字的賽後報告這般無聊?

數年前在中環工作的時候已認識三多，真的可以用「平、靚、正」三個字來形容~ 告別中環3年後，今年又再回到中環工作，當然不少得到三多補償數年來掛念的感覺~今天叫的是雙併雲吞麵，由於中午時份實在太多人，故叫了外賣，等了十多分鐘，取了包辣椒油便回公司吃。打開膠蓋，看到大大粒的雲吞，3粒菜肉雲吞 + 2粒鮮蝦雲吞，我一向只愛吃鮮蝦雲吞，但三多在4年前改變了我~加了辣椒油，先吃麵，因為擔心浸湯太久會變林。由於一向在三多只吃淨吃，第一次吃麵，很有驚喜呢！麵入口是爽口的，沒有梘水味，但也不會過爽至硬，浸了5分鐘左右才吃，仍沒變烏冬，值得推介！鮮蝦雲吞今天的水準稍為下降，雖然蝦大大隻，爽口依舊，但卻有一種不新鮮的味道~ 與以往水準有別，有點失望~菜肉雲吞水準沒變，咬下去很香菜味，不會太多肉，肉和菜混和得很平均，推介！其實這裡的鵝腸米也是我的心頭好，有機會再和大家分享吧！在中環以這樣的價錢能食到如此水準，幸福是也！

附註:- 附帶的雲吞湯難得沒有味精，還有濃濃的蝦子香味，很好喝。- 用餐期間不斷有人叫外賣，點的都是菜肉雲吞，可能比鮮蝦更好吃喔~ - 另外炸魚皮也是熟客推薦的，保證比外面做的出色。- 店員的服務周到，收店前還細心問每一桌客人有什麼需要。- 唯一要改善的是上菜時間，我等了至少有10分鐘，不知道是否是雲吞的關係；因為點炸醬麵的就很快，2分鐘就好了。- 營業時間只到晚上9點左右，要注意喔~

男友之前係中環番工，大讚依度既"乒乓波"咁大既雲吞，依次就帶我黎試試，點知就見到門口同牆上都貼住結業既消息，真可惜！雖然第一次黎，但似乎都係最後一次黎呢...我同男友一人叫左碗雲吞麵，再加多杯凍檸水~雲吞大大粒，入面滿滿都係蝦，我食落覺得混左唔同既蝦種，唔知我有冇食錯呢?廿蚊有4粒大大粒既雲吞都抵食！我食左一碗都已經夠飽了~

自從炮台山橋底間雲吞麵鋪唔再有一啲大粒大大啖原隻蝦嘅雲吞賣之後，好難先比我揾番間有咁鮮爽甜大件夾抵食嘅雲吞，重有勁好味嘅栢葉蜆芥鯪魚球鮮牛河奶茶.....好可惜，佢做到今個月二十七號就拜拜，個老細又好似無心戀戰咁，唉，唯有吃佢一碗雲吞河，一杯奶茶，一個栢葉外賣($55)同一打鮮蝦雲吞($38)益下我屋企人。栢葉無漂白比較有益，爽得嚟唔似漂白個啲咁人工化，加理啲薑葱鼓油，超正，有時佢會無貨或者賣晒，我今次真好彩。雲吞唔駛我講啦，大大粒蝦多豬肉爽唔鹹鮮甜好味。其實牛肉麵牛筋牛腩都好好味架，一個人食唔到咁多咋。重有啲伙記阿姐都好親切友善，極唔捨得。老細唔做，可唔可以話比我知個雲吞師傅會去邊間做呀？

師傅最近整左個悠長假期, 於是就趁住假期去做一d平時做唔到嘅野啦, 於是就籍著下午茶時間過左中環, 去搵下培哥吹下水, 之後就一條冷去搵個下午茶吃! 但中環區到底有咩好選擇呢, 師傅邊行邊搵, 最後決定搵呢間食店為作為下午茶!入到去冇咩人, 坐底即刻睇下有咩好食, 最後師傅柯打左牛腩雲吞米同凍檸茶! 等左一陣就有得食, 先試下湯底, 清清淡淡冇咩味道, 唔吸引; 而米粉煮得有d硬, 唔腍唔好味; 雲吞得兩粒, 係就係幾大粒, 大到好似乒乓波咁, 皮都幾薄餡亦甚多, 入口蝦身爽口, 不過一d都唔鮮, 而胡椒味亦頗重, 口感都係一般; 而牛腩就柱侯整法, 牛腩炆得就好入味, 加上十分之腍, 少少韌都唔覺, 師傅覺得牛腩好味過雲吞! 凍檸茶又幾好飲, 茶夠凍而且茶味夠, 加上唔知師傅係咪口渴, 所以覺得特別好味!總括黎講食物質素一般, 未算出色, 價錢唔平, 下午茶餐雙拼加凍飲, 埋單三十二 , 未算抵食; 不過黎得中區抵食呢兩個字真係好難用得著! 是次下午茶笑臉未能一比, 而師傅相信再黎機會不大!

同d同事午膳去三多食~~明知多人, 於是十二點半就定去排隊, 其實都唔算要排好耐, 通常2-3 個字就入到啦~~一個人的話好多時唔駛等就入到去tim~~4女一男點了:鵝腸米($24) , 鵝腸面($24) , 鯪魚球菜肉雲吞面($24). 冬蛄菜肉雲吞面($24), 炸醬鮮蝦雲吞撈河($30), 白灼鵝腸($30)d 鵝腸係瘦同爽的, 怕肥的人都可以食, 而且腸同面的比例幾乎係一比一, 好多~~聽同事講話個冬菇幾好味~另外個菜肉雲吞同鮮蝦雲吞都好味~~又試下同事d 炸醬, 係有少少番茄同肉絲, 所以食落就酸酸辣辣咁~~我食o個個雙併面, 鯪魚球好似隻大雞蛋咁大隻,口感就硬身過沾仔記少少, 但係有成三粒,雲吞都有三粒, 淨係食餸都好飽 ... 食埋個面個胃飽到頂住頂住...orz~~~~~o係中環食lunch 平平地的價錢都幾抵食丫~~

7-12-2009是日想食碗粉, 無懼風大雨大, 嚟到呢間迫爆店碰碰運氣. 1:20pm 嚟到, 門口人龍幾長, 不過我一個人好快就「攝」到位, order 的鵝腸雲吞米 ($27) 亦好快有得食.- 米粉淥得有點過生, 食落幾硬, 加上湯底淡淡的, 唯有自行落點辣椒油, 不過辣椒油係得個辣字, 唔香, 麻麻哋.- 雲吞係呢度招牌之一 (?), size 大如乒乓 餡料勁多蝦, 食落亦爽口, 不過欠點鮮味, 又無乜麻油香 / 豬肉香, 唔識欣賞; 而薄薄的雲吞皮遇上「重量級」餡料, 明顯「支撐唔住」, 一夾即爆裂 我本身好鍾意食蝦, 如果雲吞做得鮮味的話,「乒乓」都有「乒乓」好的, 不過而家 d 人成日嫌傳統 bite size 雲吞「太細粒」又「太少蝦」, 但遇上多蝦版「乒乓」雲吞, 又嫌人哋「跌餡」/「包得唔好」, 唔跌的又話人皮厚云云, 都覺得幾搞笑 -- 其實你想點? - 鵝腸應該係另一招牌, 不過淥得過火, 同「爽口」二字完全扯唔上關係; 味道本身係無的, 唯有蘸點另上的豉油, 不過一味鹹, 幾掃興. 食物一味份量大, 環境就 as expected 迫夾; 阿姐