三多麵食

營業中

休息中

本人是晚間時段的常客, 光顧已有一年, 其實這店的食物味道只屬一般, 係菜肉雲吞和辣油較為出色, 說實在是很大粒, 足料, 其他的只屬一般水準. 餐廳地方環境很迫不在話下, 但因為中環也沒有多幾間食麵的店, 所以都冇所為.直到一日下午買外賣, 門口有一名未見過面的老闆看檔, 我拿了4小包辣油, 卻被他非常無禮地喝罵: "你攞4包咁多, 我唔做你生意!" 並不停重覆 "我唔做你生意!" 當眾高聲喝罵本人。 本人拿了4小包, 因很喜歡吃辣, 但該店從來沒有標明或以口頭形式通知客人有關規定只可取兩包。沒有預警下, 開口第一句就大罵"我唔做你生意 !" 如此方式的經營, 比錢買難受 , 食物就算有何等好吃也罷!!

天氣冷, 想吃點熱騰騰的, 想起了三多。中環返工多年間中經過三多, 見過人龍, 就是沒有想入去的衝動。今次只是我人生中第二次的三多, 第一次是上司上個月請食下午茶。點了水餃雲吞麪($35), 說實的我覺得麪來說不便宜, 不過中環嘛, 就是這樣。水餃大大隻, 入面有蝦、豬肉等等超足料。 雲吞都大隻, 味道正常。不過印象中上次吃的麪沒有我不喜歡的鹼水味, 今次吃就吃到了幾大陣的鹼水味, 不是太喜歡。整體來說不錯, 應該有下次。

呢間食店, 只能說令我一食難忘...他們沒有服務可言, 搭抬是必然的你order, 佢落單, 端上食物, 就只有這樣的關係但我每次光顧,不論下午還是夜晚, 都總是人頭湧湧依我所見, 每個人來的原日都不一樣,有人鐘情佢既白灼鵝腸, 而我就由上年既夏天, 鐘情佢既"菜肉雲呑", 從未變心, 相逢恨晚...菜肉雲呑麵-佢既菜肉雲呑大粒過乒乓波, 皮又嫩又薄又滑, 餡裏滿滿都是豬肉和白菜, 還有他的靈魂-芫茜。加了芫茜的餡就是特別香, 肉汁有了芫茜簡直生色不少! 我只能說, 喜歡吃芫茜的人, 就會有共鳴!蜆芥炸鯪魚球-見隔離抬食得開心, 我又試一份, 果然不出所料, 不需炸粉, 大粒過乒乓波既鯪魚球就這樣被生炸出來, 不需點蜆芥, 魚肉已有充足調味加陳皮粒, 彈牙到你以為自己食緊魚蛋, 非一般街巿既調味加蔥鯪魚肉媲美!

聖誕節前兩天，跟同事商量好，給上司送一個蛋糕。中午，趕到文華餅店，然後回到公司附近，午飯時間已剩下不多。在同事提議下，第一次來到這間三多麵食買外賣。傳統小麵店格局，雖然已過了十二點半，門外依然排著約十人的人龍。點了一碗雲吞、墨丸雙併麵，三十幾蚊，屬中環區的正常價位。捱餓捱了那麼久，回到公司，急不及待開餐！　　湯和麵是一齊上的，材料的份量都算多。麵質中規中矩，無鹼水味，帶一定咬口，卻未算爽彈；雲吞共有三粒，大大粒用料很足，主要是豬肉，蝦的份量較少，味道尚算滿意。　　至於墨魚丸，就不推介了。雖然丸中有粒粒墨魚改善口感，但亦無補於事。整體質感偏軟，而且很粉，欠缺彈牙口感。水準低於預期期望。　　小評：雲吞較好，墨丸麻麻，整體尚可一試。

每日lunch time三多門口都會大排長龍,原因不外乎好食+抵食!最愛三多的菜肉雲吞和冬菇!菜肉雲吞大大粒好足料。冬菇好大隻,juicy到爆!三多麵食絕對是中環的抵食之選

三多是中環區內名店，這是繼沾仔記外我最喜歡的一間雲呑麵店。這間雲呑麵應該在中環很受打工仔歡迎，基本上十一點九開始，你想食就要乖乖排隊，那條人龍基本上你從石板街一落皇后大道中就會見到。不過，這間鋪頭也實在處理得宜，人客和伙計也是迅速，而伙計更加是有禮，特別是收銀的姐姐和在鋪頭外面安排外賣和walk in 入座的哥哥仔特別是禮貌大使，就算人幾多或情況幾亂也處變不驚，絕對讚好。這突然令我想起佐敦一間長期排隊長期多人而且其伙計態度顯赫有名的某餐廳，然後再想起別人都覺得這裡員工的更＂迅速＂而讚賞，就算態度幾唔友善幾唔禮貌都接受仲要話這是風格，有時香港人double standard 個種盲目同堅持實在令人摸不著頭腦。說真這裡的人有禮貌又迅速，為什麼又無人欣賞呢。放心，你在這裡有支持者了。我今天打電話去叫外賣，水蛇春咁長那電話邊的收銀姐姐也循循善誘地重複我的選擇，以防錯單，其實從電話邊聽他們是很忙的，但他們也實在提供到好的服務態度，相比那些自命不凡好似唔駛做咁既店鋪，這裡實是抵讚，所以坦白講對於南半球的牛奶公司，我真係不敢恭維。說快靚正這裡絕不輸蝕，而且還是服務一百分。我今天叫了雲呑冬菇麵加腩汁。

聽女朋友講過中環有間食豬潤麵好好食,一直都想試,咁O岩果日早收工,立即接埋佢一齊去中環搵三多 (之前一直以為係三哥　－﹏－＂)去到大約八點,人唔太多,可能因為就收鋪既緣故....所以我地立即點左1份雞翼,1碗豬潤云吞麵, 1個鵝腸撈麵外脆內嫩, 唔會好似某d茶餐廳咁炸到乾晒身,有水準!之後係主打豬潤云吞麵, 好感動!! 好耐未食過彈牙既豬潤...會做豬潤既地方少,做得好既更加少,鐘意既朋友一定要黎試試. 至於云吞就無咩特別,勝在份量十足, 好大粒最後係,  鵝腸非常爽口, 份量十足, 而撈麵更加係有點太多...最後雖然食唔晒, 但總結都係水準以上既!我估三多其中一多肯定係份量多!=P

不少傳統知名食店鋪伙記的態度都不好，這間也不例外。三多以麵食出名，「乒乓波」大大粒的雲吞和鯪魚球成了它的招牌，不少人慕名而來。我試過它的雲呑麵，不外如是，大大粒的雲吞，裡面有四、五隻蝦，用的是冷藏的，而且沒甚麼蝦味。雖然看起來很「抵吃」，但並不值得大肆吹噓。不過，它的撈麵又是另一回事。三多雲吞撈麵這盒外賣三多雲吞撈麵的確大盒，用的不是湯麵毫無蝦味的雲吞，而是菜肉雲吞，大大粒，而且味道不錯。撈麵的質地不錯，沒有甚麼「鹼水味」，彈牙爽口，吃之前醮一點蠔油，然後浸一浸清湯，口感一流。

當日下午要入赤柱~所以就揀左公司附近ge 三多黎食la~我諗都唔諗揀左鮮蝦雲吞!!!8/10好大碗! 有成4粒雲吞!!!!($26)味道好鮮~~個老闆(我估係) 勁有禮貌~very good~ 其實只要多一分禮貌, 客人回頭率就會多一分~平日lunch time 都有好多人食ga~~~題外話: 當日有個女食客同個收銀講佢無晒現金港幣, 得人民幣, 同佢講俾住佢先, 個收銀都無黑面都照收~Thumb up!

人在中環,想食平野都仲有好多選擇,但係要注意係平野一定勁多人排隊為左避開人流,行入一點,近上環有這間麵食,食雲吞麵O個類由於唔想食有湯既野,就食個撈米線,個汁味道是腩汁來,但淡口.材料也沒什麼特別,但係冬茹好大舊,墨丸份量十足,黑柏菜無煮過龍,仲有一點爽口,鵝腸肥滕滕但無味.由始感受到這店係以平,抵食作招來.用來填肚最合適

十二月十九日(星期三)三多，曾幾何時在舊鋪時也不時會拉隊去幫襯它那又大又美味的菜肉雲吞真令一眾同事們愛不釋手可是，自從一次吃菜肉雲吞加料事件(蟑螂腳)後，自此就沒再光顧事別數年，三多仍在，架架妹也走出陰霾，決定再闖與多年前一樣，午飯時段人龍長長的，不過流轉快，加上只有我們倆，等十多分鐘就有位了事後的第一次還是不點菜肉雲吞為妙雲吞大大粒，蝦肉彈牙爽口，也再沒有加料了鯪魚球甚有彈性，也沒有討厭的魚腥味唯獨米線仍覺煮得不熟透，吃落有點韌口架架仔一向喜歡這裡的鵝腸和豬肉丸河粉順理成章，他的雙併也就是這兩款餸料鵝腸毫不吝嗇，份量甚多，質感十分爽口，還帶一點羶豬肉丸味香彈牙，十分爽口，也很不錯河粉，還是可以接受的連加蒽的要求也做到了，十分讚!架架妹總算能夠走出陰霾，必再來!

三多...應該是大部分中環上班族的食店吧!! 因為平好又好味!!我知道好多人都會食鵝腸，不過我最鐘意食三多o既雲吞!! 有菜肉雲吞同鮮蝦雲吞，每次都好難揀因為兩種都好好味!!三多雲吞大大粒(大約有三粒金莎咁大)，足料而且材料好新鮮!! 每食一啖都好有滿足感!!每碗雲吞麵都有四粒大大粒雲吞麵，所以一定夠飽!!個人認為三多雲吞好味過其他中環其他勁出名雲吞麵...例如麥x記/沾x記!! 而且價錢平大家都去試下啦!!

有朋友想到中環行 H & M，相約我一起去！ 但是，她不想食得太貴！因此，我建議到 <三多麵食> 食粉麵！貪這裡價錢夠大眾化！廿幾 $ 已有交易！在中環區來說，已經相當抵食！鮮蝦雲吞 + 菜肉雲吞 米粉 (加腩汁) $29鮮蝦雲吞蝦肉多亦算新鮮，啖啖肉食落極之滿足！ 更充滿鮮甜味又夠彈牙！ 可惜，加送蝦腸， 感覺不太衛生！菜肉雲吞白菜與豬肉比例均勻！ 富肉香之餘，白菜吸收油份，食起來感覺不太油膩！互補長短！來得正好！聽說河粉較油膩，還是叫米粉較健康一點！ 這裡用上幼身米粉，滑溜易入口，亦有點米香！份量幾多，更為飽肚！加腩汁後，味道更具層次感！不用$30 攪掂晚餐，確實超值！

未夠鐘做facial, 仲有時間食碗麵，好懷念三多的菜肉雲呑，拼墨魚丸米，雲呑依舊大大粒，饀料實在，但墨魚丸就好腥又粉超難食，點解個廚房會唔知啲墨丸係腥而又會比客食呢？除此之外，聞倒隔離枱啲炸醬好香，下次都係食番菜肉雲呑和試炸醬麵好了！

在中環習武/舞之後，本想去有食緣買點東西的，怎知去到已經關門，既然一場來到，就去它旁邊的三多吃些東西當晚餐都好吖。其門面跟一般麵店無異，入到去沒有頭緒要吃什麼，就望望牆上的餐牌，大字招牌寫著的就對了。加上不少附近的食客都點了，就這樣來了碗菜肉雲吞 ($23) ，再想多吃一點蔬菜，點多個芥蘭全走 ($14)。先說油菜，喔，不是，沒有油嘛，芥蘭條條都非常之粗壯嫩綠，粗纖維不算太多，清甜好吃。菜肉雲吞又難怪多人吃的，一碗有淨雲吞約 8 隻，每粒都大如乒乓球，皮薄餡多，菜切得相當細，比例上還是蠻多的，絞豬肉帶著少少好嚼頭的肉筋，增添爽口感，又有少少肥肉所以還是很有肉汁。加上大運動量後肚子餓，不一會便吃光！相信這裡和中環其他粉麵店一般，午市都是非常旺場的吧，事實上到上晚上，還有不少上班族來吃，看來是吃完之後還要回公司搏殺的，唉，香港人真辛苦。