三多麵食

營業中

休息中

It was a Wednesday night around 19:30.I was able to be seated immediately and was given an English menu. I ended up getting a wonton noodle but had a lot of add in dishes which was not on the menu due to a friend helping me order, I also got some vegetables.The waitress was very friendly but spoke minimal English.My noodles come out with the beef lung, Wonton, dumpling, and sweet and sour pork.Noodle bowl: The actual wonton and dumplings were phenomenal. The wrapper on the wontons was very thin

[ 狗年第一POST🐶| 食上癮的粉麵 ]••祝大家新年快樂❤️恭喜發財 身體健康 心想事成 年年有餘...(詞窮🙊)，最重要係食極都唔肥😋嘻嘻好多親戚都話我咁大食都唔肥，開心~~~其實都肥左好多😆-🔹鵝腸菜肉雲呑河($47)⭐️7.5/10有睇開我Story既都對呢碗麵好熟悉😂因為我成日都食，不過最估唔到既係👉🏻最多人問既都係佢😳呢度既菜肉雲呑係必食‼️超級大粒，食落好香，入面有白菜同少少芫茜，真心勁好食🤤連屋企打邊爐都要買返去食💚鵝腸好爽口，好正啊👍🏻都係我既必食😆仲有食鵝腸先有既秘製辣豉油，唔食鵝腸係無架💁🏻‍♀️-🔺Lunchtime會現長長既人龍🐉大概要排20分鐘，而且座位有點逼🤔---

中環午飯時間，三多永遠都排著長龍，前面至少有30人，排了20分鐘終於可入座。二話不說，即刻叫了鵝腸併菜肉雲吞河，外加炸鯪魚球。鵝腸洗得好乾淨，肥肉已去除，配上獨家的醬油，爽口又美味。菜肉雲吞超大粒，食完4粒都飽飽地，唯一可惜的是這裡的河粉實在不合格，粗糙不滑，一夾就斷，入口的感覺幾難食，友人叫的雲吞麵，麵的質素亦是麻麻地，唔彈牙，結論是叫淨雲吞應該會好好多。鯪魚球炸得酥脆，份量亦十分足，值得一試。價錢稍貴，座位也十分擠迫，吃完快快走人。總體而言，仍是值得一試。

一向都知道三多要排隊，見今日天氣好涼爽所以就決定去排下隊。三多出名效率高所以等左15分鐘就可以入去同樣地一坐低就要落單，所以有選擇困難症嘅朋友記得喺門口睇定稔定啦！我今日叫咗菜肉雲吞+鵝腸米😋三多嘅雲吞永遠都唔會令我失望，除咗多料之外，皮又夠薄😋今次係第一次食呢度既鵝腸，夠爽得來又唔算太肥，再加埋佢微辣嘅豉油，成件事好夾！一碗麵女士食完份量岩岩好唯一就係座位會比較迫...一張枱要坐六個人，男士可能會比較辛苦....💎💎識食推介: 豬潤/雲吞/鵝腸/自家製辣椒油

星期六的中環，人流較少，好處是不用像平日大排長龍。不用等位就能入座！叫左茶餐菜肉雲吞麵，雲吞大大粒，而且菜肉比例剛好，餡料豐富而且扎實，配上薄皮。好多時食雲吞麵，最令我煩惱的問題莫過於係麵的簡水味。好彩，這裡的麵叫正常，少少簡水味，是可接受的程度！名物鵝腸，一份要70元，鵝腸乾淨而且唔肥，份量相當多，夠哂幾個人一齊食！配埋鵝腸汁鼓油，美味鮮甜！建議大家如果想食，不仿考慮星期六或者平日下午茶時間，會相對少人排隊，星期日是休息的！

今日早了放lunch, 所以早點去三多排隊食麵。由於近排食得太豐富，需要食得清淡點，要減減肥😂前面人龍大概有十個人，大約等了10分鐘便有位入座。叫了菜肉雲吞河加菜心 (Hkd 42)看似好大碗，但其實只係餸多，河粉比較少。因為要食得清淡啲，所以份量對我來說剛剛好，但如果男仔，應該唔夠食。見到好多其他食客叫鵝腸、牛柏葉及豬腰，仲配一個特別的辣椒豉油，好似好好味咁。但呢啲咁重口味嘅食物，今日唔係好啱我!唯有下次再試啦！

[ 會食上癮既雲呑 | 超爽口鵝腸🦆]🔹菜肉雲呑鵝腸河粉🍜($46)⭐️9.5/10識食一定係食菜肉雲呑‼️介紹雲呑好似好普通，但呢間既菜肉雲呑唔係一般既好食咁簡單😋係成個籃球咁大粒🏀入面係白菜，仲有微微芫茜味，係勁香，好好味👅係食完會好似上癮咁成日都想食，每逢Lunchtime都要排長龍，但都要排😾-📌仲有！一定要推介，每次都必叫既鵝腸，好爽口，精華係前面碗微辣豉油🤤正！-🔺加腩汁🙋🏻🔺外賣記得唔好拎多過一包辣油，會比人鬧架😂

喺中環返工嘅朋友應該冇人未食過三多掛？三多每逢午飯時間都大排長龍，不過因為大部份人都食得好快，所以啲枱都流轉得好快，今晚做完facial唔知食咩好，就突然諗起好耐冇食嘅三多今日我食冬菇菜肉雲吞河一如以往，冬菇非常入味，菜肉雲吞大大粒，湯底唔會太濃。份量亦都唔少，都大大碗架。一個人係中環食午餐或晚餐，呢間都係唔錯嘅選擇雙拼$4x嚟講都算好合理，然後我發現唔少遊客都慕名而嚟，估唔到一間小店都咁受歡迎，犀利啊

在中環搵食，一般要行至史丹利街，租庇利街或更遠的邊緣地帶，在核心區能屹立不搖的平民食店，只有此店。它是長龍店，星期日則休息，星期六光顧最好。員工勤快，檯小位窄，令我聯想到佐敦炒蛋店。此店有三多:創意多此店鎮店之寶是菜肉雲吞。皮薄餡滿，刀工細緻，菜肉比例恰好，體積大，咸度適中。我要來此店，主因此物別處難得。此種雲吞結合了廣東雲吞和上海餛飩，以綜合為創造。廣東雲吞皮特薄，是其優點，上海餛飩則餡料紮實，白菜豬肉廣為受歡迎。此店再參考中環另一名店的乒乓波雲吞外形，製成此特色食品。中環客多喜它令人有很飽足感覺，解決了午飯問題。它的麵不是上乘的，我會建議食淨雲吞。模仿多我估計它模仿了乒乓波雲吞，亦模仿了另一名店，賣蜆芥鯪魚球。它做得很好，炸功好，似大中華食店的水準，可蘸蜆芥食。多人分享最佳。第三寶是鵝腸。此物與劉森記等麵店不同，腸內清理潔淨，無絲毫肥膏在內，外表黃金色。爽口，有嚼勁。由於處理煩，人手功夫多，比雲吞麵貴4元。堂食一碟要70元。要淨食鵝腸，建議外賣（用50元賣到一個飯盒份量）。加數元韮黃，豉汁略炒，已成妙品。炸雞翼則平平無奇，性價比低。配搭多近年規定一般粉麵可隨意二拼，三拼，不加費，中

經過中環 見三多好多人排隊 我一個人好快有位 就入左去 叫左魚蛋河 無他因為無做research 覺得穩穩陣陣實無死等食期間 陸續聽到其他食客落單 個個都叫水餃或餛飩ge果然其他人個碗望落吸引好多ah我個碗就真係無咩特別啦有機會ge 話我下次會試下水餃麵！不過值得一提係三多自家釀製ge 辣椒油好好味ah 好香 為我碗平淡的魚蛋河 加左好多顏色 haha

新界人既我終於出城，去中環試試呢間mark左好耐既麵舖。我的菜肉雲吞鯪魚球米粉~嘩~粒粒都好大粒，有三大粒既菜肉雲吞，菜同肉都平均，中意個皮夠薄，不過味道係好普通。而鯪魚球，好多小骨，有D人會覺得係真材實料，但我一路食一路吉住吉住咁最大問題係.....超重的果皮味，食落有點苦味.....不喜歡。隔離飯香之~~鵝腸鮮蝦雲吞麵，次次男朋友揀既都好味D既鵝腸係讚既，好乾淨，有少少甜味，沾佢俾既辣椒豉油好味!!而鮮蝦雲吞又係好大粒，入面有好多蝦，好爽甜。食完半小時持續地好口渴...............

未遇見三多之前，總是去深水埗吃豬潤麵一解對豬潤的相思。可是嚐過三多以後，一次特地去深水埗吃個潤麵，忽然驚覺⋯⋯深水埗潤麵經已可以暫別喇！三多麵食的豬潤非常豐厚，咬口Q彈，吃感無渣！而且吃在舌尖帶淡淡鮮甜美味。再搭一口薑絲蔥絲，噢，回味這刻也增加口水分泌。出色！乒乓球般大的菜肉雲吞一樣鮮甜多汁，咬口非常豐富，點一滴辣椒油，直令人回味無窮！雖然三多粉麵一般，可是湯頭應該下了蝦去熬煮，清澈而鮮甜。上環午膳，每個月總要去三多會一會這道豬潤拼菜肉雲吞河✨

行過咁多雲吞麵檔，剩係得E間有鵝腸食，他們用鮮黃色的鵝腸，沒有肥膏，很放心食，另外還有大粒鮮蝦雲吞和大粒菜肉雲吞，前者的蝦大隻爽口，後者的菜肉混入了芫荽，陪咁香口，份量0k，其麵底，湯底也正常好味！

平時行過呢間麵店毫不起眼，在中環上班咁耐都無去食過。。。經朋友介紹豬膶麵後。。就決定試下。。。果然豬膶有鵝肝嘅口感，很腍，有少少入口即溶。。。令人驚喜麵身質地爽口，無鹼水味。。湯只是普通的清湯。。。試咗個炸鯪魚球，很香口，而且每粒size很大，魚味濃郁，值得一試。座位不多，有點兒窄，如果食個快飯就無問題的。。。十二點半已經人龍很長，想食就要快手

今日遲咗食lunch嚟到呢間麵店門口已經見唔到人響度排隊如果一點鐘來食飯門口起碼有十個人喺度排緊隊唔等返五至十分鐘都入唔到去繁忙時段會有個阿叔響度安排入座幫襯左咁多年發現來呢度食lunch嘅人多數都係一兩個人來食飯鋪頭坐得好迫上菜唔洗兩分鐘食完野都唔會坐多陣就即刻走有時候覺得呢間鋪簡直就係香港嘅縮影餐牌鮮蝦雲吞水餃麵其實單拼抵食好多響其他麵店我好少叫鹼水麵黎食就係驚佢嗰隻鹼水味但係呢度完全冇呢個問題而且麵十分彈牙清湯底飲多兩啖都唔會口乾乒乓波咁大粒嘅鮮蝦雲吞同水餃每一啖都食到蝦肉除左好食我諗唔到其他野黎形容食飽飯又係時候開工香港人真係忙