三一餃子 (利源西街)

營業中

休息中

行過冇意中發現開左間新野，諗住試下。見門口都好光猛，又冇咩客，諗住可以靜靜地食個妟先講食物，我叫左個黑松露豬肉煎餃，加左個面個餃真心係出色，好味道👍🏻👍🏻👍🏻外面有小小煎到金黃色，小小脆入面keep到好juice ，個黑松露味好出，好香本身想試埋玫瑰花炸餃，但冇人幫我影相，好似嘥咗咁😂個面就普普通通食得下冇咩特別反正，主打食餃子，個面純粹頂下肚最唔掂係太嘈，得我同另一枱客。但老闆們係度招呼緊朋友仔，開哂紅酒係度高談闊論。我食個妟只係想靜靜地，享受下一個鐘頭既寧靜，比我享受下食物帶比我既滿足姐😣本身諗住試埋佢個黑松露炸薯條，但奈何我頂唔順嘈過街市襯墟既聲浪。我決定打包，外賣返公司先慢慢嘆個咁出色既餃子

中上環上班一族午飯又多一個選擇！各款特色餃子都只係$38-42/7隻！🥟 起名於3位大學同學， 為了不再只為金錢而生活而放棄了畢業後的工作，創業開這家餃子店 。小編到訪時，3位都在，小編欣賞他們對餃子店的熱誠。望見他們雖然有著不同背景，但擁有共同目標，成功衝出了石硤尾來到中環，繼續努力經營小店。講到餃子，其實問過身邊嘅人都好鍾意食，但對餃子要求不算高，因為餃子總係被標明為小食，忽略咗其特色。打破一般人對餃子🥟嘅印象，三一餃子令我重新了解餃子學問！就好似《粟米豬肉餃》，千其唔好睇少佢，以為普普通通，係小編推介嘅味道，亦會係我再光臨嘅原因！ 《蒜芯豬肉餃》係友人同我嘅首選，非常鮮甜並有別於一般餃子，令人回味無窮。另，喜歡松露嘅foodie一定要品嚐一下《黑白松露豬肉餃》。松露味道濃郁，松露份量絕對足料有誠意《蝦皮韭菜豬肉餃》- 蝦皮比蝦米更為細小，小店加入潮州蝦皮到韭菜餃， 其鹹香味令餃子食落更滋味 ～最photogenic就非《玫瑰花餃子》莫屬～ $49/3隻，可叫來氹你嘅另一半💙💛 上班族💼留意午飯時份比較繁忙，建議外賣自取喔(6583 8013)~

邊個話中環無餃子食👻 呢度既餃子都係用新鮮豬肉包成，非常足料而且無咁油膩，豬肉肥瘦分量配得岩岩好，亦有出面比較少既配搭，例如蒜心豬肉餃同薑蔥豬肉餃等等，加上煎法係用左冰花煎餃既方法同薄皮，食落無咁飽滯同更脆身！ 如果想相機食先，一定要叫呢個玫瑰花餃子，係黑松露芝士雞肉餃，雖然呢款貴少少，但全人手包而且比普通煎餃大隻好多，而且因為呢款係炸餃，所以呢款就比較香口啲，如果鐘意食厚皮都可以一試！如果女朋友係foodie就最岩不過了！

第一次來是中環的這間餃子店本來對餃子也不是太狂熱這裏有八款不同味道的豬肉餃還可以挑蒸餃蒸餃和炸餃餃子可以追加湯、小食、麵或菜好像還有一些特色小食但只有兩個人真的吃不了這麼多中環的餃子店當中價錢亦不算貴裝修簡單整潔還算幾企理原來是幾位年輕人首次創業支持！支持良心小店！如果可以挑選不同味道餃子便更好！Highly recommend People who works in central to go have a try! You won’t be disappoint by this dumpling restaurant !

其實自己唔特別鍾意食餃子, 但本著香港人咩都要試下既精神, 見到有間餐廳新開, 唔係唔試下吓嘩~ 間餐廳勁逼, 無計, 土地問題, 但佢都真係好誇, 上落張高枱都會幾高難度, 好容易就會掂到坐係你後邊既陌生人, 真係俾人屈非禮都唔知咩事. 我叫左佢既黑松露豬肉餃子 (46 蚊), 加 12 蚊有個上海面, 再加多 9 蚊黎個油菜. 餓腸轆轆, 首先黎左個上海面同個油菜先, 個餃子仲整緊, 咁我當然食住先. 但一食, 真係唔對路, 個上海面既質感, 真係好奇怪, 好似好粉, 又好似'漿'住你個咀咁, 個湯同滾水是一樣的, 沒有味, 我係極肚餓既狀態下都覺得依個面係唔太好味, 你話難食又未至於既, 但係唔鍾意個質地囉. 個菜都係無咩特別, 無他既, 都係滾水淥菜, 你又唔可以話佢唔好食囉. 12 蚊 + 9 蚊, 可以就係依d 貨色吧. 之後個主角終於出場, 朋友叫既係煎餃子, 我叫既係蒸餃子, 都係黑松露豬肉. 食完依兩碟餃子, 我終於明白點解佢地會開店, 真係好好味喎! 黑松露味好出好香, 個餃子好多汁, 好足料, 當然煎餃子會香口過蒸餃子, 但係蒸餃子都已經不錯. 下次如果再黎, 我