三一餃子 (利源西街)

營業中

休息中

中環午飯時間，人頭湧湧，經過利源西街時，見到三一餃子，價錢在中環而言算是合理❣️餐廳是新開的，所以裝修很新蔟，亦有些別緻的龍貓作裝飾餐廳設計得別出心裁，是一本ticket box，看來兩位男店主都很喜歡收藏，餐牌結合了店內食物和遊戲王，非常有創意，令我回想起以前同哥哥一起看遊戲王和打機🙈餐牌提供不同套餐選擇，可惜當日有多款食材售罄了，所以只好選其他～🔸蝦皮韮菜豬肉餃 （煎）🔸蒜芯豬肉餃 （煎）我們選擇了煎餃子，因為會煎成冰花狀，更吸引🤣 個人更喜歡蒜芯，蒜芯是一款由蒜頭發育而成的蔬菜，蒜芯鮮嫩爽口，豬肉肉味濃郁，而冰花剪得餃子非常香脆✨🔸芝麻雞翼🔸餃子雞翼🔸炸雞軟骨雞軟骨炸得太耐了，水份都收乾了....推介必叫芝麻雞翼，是雞全翼，炸得非常香口！

中環新開嘅餃子店，仲用豆腐湯底，好似幾健康。佢地仲用咗啲得意貓貓碗，都加分嘅蒜芯豬肉餃 📍皮薄，啲餡都足料嘅，不過就無咩特別鏗魚昆布湯米線 📍明明寫咗唔辣, 食咗一啖，好辣喎... 即刻叫咗店員收返，不過佢地收返之後完全唔知點做...睇黎要多啲training 絲網春卷 📍賣相唔錯，又鬆又脆炸花枝丸 📍幾彈牙，都唔會太粉

意外發現哩間喺中環食餃子既小店好高質，位置近topshop 附近，行行下街見到就入左黎食。叫左2款set，分別係A+A (煎薑蔥豬肉餃、煎蒜芯豬肉餃）同A+C (湯蝦皮韮菜豬肉餃、絲網春卷)。特別一提湯既蝦皮韮菜餃真係好香蝦既咸香，餃子好多汁，皮薄包左好多料，而且好新鮮，哩個餃子我俾接近滿分。煎餃就香口d，令一番風味。蒜芯好爽口增添餃子既口感豐富，煎餃外脆而保留肉汁鮮味。薑蔥餃個人覺得一般，冇太大驚喜。哩個網絲春卷推介！超鬆脆，入面包有芋頭同肉粒，好食！醉雞翼都做得出色，皮爽雞肉實，好有咬口，喜歡冇太重既酒味冇苦澀味，調味恰當，正！

同同事放工想食樣快靚正，落緊地鐵站時經過呢間餃子見幾光猛同埋價錢抵就試下！好肚餓呀我地叫左ABC套餐再散叫左款餃子首先出場既係黑白松露冰花煎餃子松露既香味真係好難形容，但係松露同豬肉餡經過高溫去煎，散發出個種油香真係不得了，好juicy！之後到湯蒜芯餃，蒜芯當然有蒜味啦，好爽口，同豬肉做成左口感上既對比！湯底好濃既蝦味，正！鰹魚昆布湯米線，冇加辣，湯底好味！飲品叫左熱既紅棗茶，足料好飲！餃子雞翼好好食，勁熱岩岩炸起，超juicy!值得加錢叫！春卷都係熱辣辣，脆卜卜！想試埋個薑蔥餃，食落個餡好似小寵包，好多汁，好新穎又好食，必叫！

落大雨食個快飯，點知食到間好野有啤酒飲既餃子店你見過未 我就未我地兩個都分別叫左A+B+C combo set 先講下個蒜芯餃，簡左湯餃大大粒蒜芯！平是都好小會食蒜芯，今次仲係用黎包餃子，比起韭菜佢更立體，味更突出，同豬肉都係好夾，推薦！黑白松露冰花煎餃松露既一定要煎先會散發到個香味所以我地簡左煎一咬開，濃濃既松露油就流出來，太香了！一口氣吞左兩隻！我簡左個鰹魚昆布湯烏冬，加辣，簡左中間辣道：人都幾辣呀第一啖，但辣得幾好食！好彩有我至愛既豆漿解下辣小食方面叫左春卷同埋餃子雞翼兩樣都係新鮮炸起，夠曬熱！餃子雞翼勁juicy!最後再追加左個薑蔥餃，一食落去，感覺好熟悉，薑蔥加豬肉，究竟係咩呢？原來係小寵包呀！！！好食！推薦！

早排考試啦 所以就唔去咁遠食野都係去中環姐~幾個站咁近近地去左間食餃子既，呢度唔係賣傳統餃子都幾特別蒜心豬肉餃 ($42)佢係冰花煎餃，有一層脆皮令佢會香口D蒜味都重但唔會蓋過豬肉既味肉汁都仲有，唔會乾晒炸雞拼盤 ($48)其實係有雞翼同雞軟骨芝麻雞翼好香口，肉好嫩雞軟骨唔會好硬大阪餃子燒 ($58)栗米口味好特別加上大阪燒有既燒汁同沙津醬都同餃子好夾，仲有紫菜都好夾最後就係花枝丸 ($24)都幾大粒，係彈牙既，唔會粉咁個花枝味都唔假

中環除左好多出名茶檔之外，巷子裡都有不同既港式小店，依間專食餃子既鋪頭有賣煎、炸同湯餃，亦有幾種小食同麵食～-蒜芯豬肉湯餃 ($42/6隻)粟米豬肉湯餃 ($38/6隻)豬肉湯餃相信大家都食唔少，小編第一次食蒜芯餃，蒜芯口感爽脆，每一啖都充滿蒜頭既香味！皮薄多汁，湯底清甜，好好食😍😍😍-黑白松露煎餃 ($46/6隻)煎餃一般都比較易燶同肥膩，但小店煎得烚到好處，一邊餃子皮煎得香脆，又能鎖住肉汁，但黑松露味道偏淡～小編都係比較喜歡湯餃👍🏻😚-黑松露蕃薯條($33)蕃薯條比炸薯條多了一份清甜味，沾上黑松露沙律醬，意想不到的好味😝

今日要過中環做野，咁啱經過呢間餃子店，於是入去試吓，點知有驚喜發現。首先講吓呢度d餐牌，佢成本都好似細個玩果d萬變卡薄，入面放住一張張店主精心設計嘅菜單，非常有心思。其實呢度都有套餐可以叫，都非常抵食。豆漿蝦皮湯米線-呢個湯底好特別，我見湯面浮咗d豆皮喺面，湯底入口有淡淡嘅豆漿味同蝦味，而米線都好滑。薑蔥豬肉餃-其實呢度d餃子，可以選擇湯、煎同炸，因為我鍾意食香口野，所以我地選擇咗炸，雖然佢係炸，但一d都唔油，餃子入面都好足料，成隻脹卜卜，餃子裏面d豬肉好juice,一d都唔鞋。炸玫瑰花餃子-呢個勁特別同好靚，出面都未見過，佢係用餃子皮卷埋d芝士喺入面，一齊炸，個面脆卜卜，入面d芝士溶晒，非常好食。炸雞軟骨-面頭有少少蜜糖味，炸得唔會過火，仲好有彈性。炸墨魚丸-唔似出面果d墨魚丸，入面有墨魚肉，勁彈牙，好好食。炸絲網春卷-呢個絲網春卷入面係芋頭做涵，外面脆裏面軟，炸得又唔油，送酒一流。黑松露醬蕃薯條-外面真係好少有得食，蕃薯條炸到外邊脆，入面軟淋淋，而蕃薯條自己本身嘅甜味配上黑松露沙律醬，食落好好食，黑松露個味道都好特出，而又唔會蓋過蕃薯條嘅味道，正。

中環利源西街就像港島女人街，各適其適嘅小店售賣林林總總嘅日用品，價錢十分貼地。其中一間名叫「三一餃子」是我的TASTING LIST。它以新派煎餃子打入主場，在SOCIAL MEDIA 有頗多迴響， 終於擇日一試。 小店 「三一餃子」, 以簡約為裝潢， 一半是高枱， 另一半是正常四人枱 。 鬼鬼馬馬原來小店連酒精類飲品也有供應， 連紅酒都有，點夠你玩啊! 明白在中環區生存之道，唔係個個HAPPY HOUR 去老蘭， 想約個正經女仔晚餐前吹下水， 更有紅酒加餃子套餐，勁! 我們對酒不大興趣， 最吸引我當然是食物。 客人只須剔紙仔亦可以完成點菜程序， 簡單易明。 我們分別點了兩款套餐， 套餐分為A,B,C (餃子、麵/飯類、小食) 胃口大的客人可剔到夠為止。 三款點齊也只是$68 以中環區而言，價錢不貴 。 第一款套餐蝦皮韭菜豬肉 湯餃                                                                                                     韮菜栗米豬肉湯餃細細隻，包得相當扎實、餃皮滑、錎料飽滿肉

平時食餃子去八方雲集就食得多姐，喺中環第一次食到又平價又好食嘅餃子店。本身以為只係得餃子食但係入到黎先發現，你仲可以選擇組合，例如餃子配烏冬再配一個小食，或者係餃子配餃子等，共有三個組合嘅選擇，當中你當然仲可以選擇加配唔同嘅配料係烏冬或者飯入邊。我哋兩個人就梗係要左兩個餃子加烏冬再加小食嘅套餐啦，最近用咗咁多力。不得不提嘅係大阪燒餃子，簡直係一個好有創意嘅fusion菜，係煎餃子嘅上面加上大阪燒嘅木魚同埋沙律醬，係另一番風味！另外烏冬方面除咗比較傳統嘅鰹魚醬油烏冬之外，仲試咗一個豆漿蝦皮烏冬，有幾得意喎。小食方面要左一個餃子雞翼同埋炸花枝丸，個人覺得每樣野都少少哋可以試到唔同類別又夠飽又好食，店主真係好有誠意，餃子好出色,係一個好唔錯嘅選擇。

藏身在利源西街內的三一餃子店，新簇簇的裝修跟老舊的街境，相映成趣，格外顯眼。環境簡潔清新，沒花巧布置，郤令人舒服自在。赤紅色的點菜紙，選擇一覧無違 😄😄點了兩份三合一套餐，其中的炸黑白松露豬肉餃，即叫即炸。春卷皮的脆口感，加上松露豬肉饀，配搭新穎。粟米味大阪餃子燒，驟眼看跟普通大阪燒沒大分別，底餅換成粟米味餃子，算有新意。鰹魚昆布湯烏冬，第一眼看起來覺得蠻有趣的貓樣碗，好像很有心思；但想深一層，貓加麵……似乎有點……😅😑😅😑😅 暗喜今晚是烏冬米線……😂😂鰹魚昆布湯米線，米線嫩滑，湯底清甜。酥炸生蠔 $24，放下即蠔香四溢，炸醬香口鬆脆，生蠔鮮甜味美，高分低價的小食。黑松露蕃薯條$13，松露醬及蕃薯條都是這幾年新興的食材，配搭穩妥。芝麻雞翼$18兩隻，剛炸起香脆無比，裏面嫩滑多汁，價錢又夠貼地 🖒❣好味道。飲品選擇不多，選了較正氣的豆漿，每支只需加$7，超級經濟。除了餃子套餐外，還有餃子啤酒的配搭，happy hour 就最好不過。平民價位的街坊小店，實須多支持才能站穩一席位。

位於中環嘅三一餃子，之前朋友介紹我，店舖細細但係十分光猛，而且坐得好舒服，地方闊落，佢哋並唔係一般嘅餃子店，而係一間選用特別材料配搭，而且有噱頭的餃子店。炸玫瑰花餃子三隻蒜芯豬肉餃炸雞軟骨鰹魚昆布湯米線（小辣）10分特別嘅玫瑰花餃子，入邊有芝士，包到好似一朵玫瑰花，令一餐飯嘅感覺氣氛昇華。炸豬軟骨，新鮮熱辣唔會乾口，椒鹽嘅味道亦剛剛好拿到好處。最喜歡蒜心豬肉餃，每隻餃子內都有一根蒜芯， 好特別，而且我10分喜歡食蒜心，我從來都未在外面其他餐廳吃過這種的餃子，而且好好味。鰹魚昆布湯米線，可以選擇辣度，魚湯10分濃郁，原本以為只是跟餐的一個小小配搭，結果比我想像中精彩。整體味道比想像的好，而且食材選用跳出傳統，餐廳內更有英文餐單以及有趣用語。下次經過中環，都一定會再來。

夜晚嘅中環唔一定係得蘭桂芳😝呢到嘅特色係餃子配啤酒🍻超新穎！見有啲外國人都會專登嚟食！😝😝呢到可以跟ABC嗌套餐，我地幾個人合共嗌咗三個set，我哋到成枱嘢食，每樣都十分精緻，而且味道係十 分 好！！！A蝦皮韭菜豬肉餃B豆漿蝦皮湯烏冬C絲網春卷A大阪餃子燒B 鰹魚昆布湯烏冬C炸花枝丸大阪餃子燒一上桌已經覺得好靚，我見有兩、三枱都有嗌！餃子配埋大阪燒啲木魚絲同醬真係好夾！A關東煮C黑松露蕃薯條飲紅棗茶我地仲追加咗個芝麻雞翼~~~主食可以揀辣或唔辣，我就揀咗「垃圾」😝其實都有啲啲辣，食食下又食下啲花枝、薯條、雞翼，係超開心嘅感覺！總括而言，呢間舖我係一定會再嚟！唔係hardsell，但真心覺得呢到環境就腳舒服，員工勁nice勁friendly，食物款式多味道好！

最近啲餃子店大行其道，我都越食越鐘意😂😂因為我細個都係食急凍多，估唔到即場手包係好食咁多🥴而呢間喺中環利源西街，都可以謂柳暗花明又一村，隨時miss咗都唔出奇🤭🤭呢度都係食套餐組合為主，自己配搭，我就叫咗A+B+C，就$68起跳🤑有餃子🥟烏冬同炸花枝丸😆😆蝦皮韭菜豬肉湯餃啲野都一次嚟得哂，咁就係個湯餃先，餃子皮薄，一食落啲韭菜味衝哂出嚟，再加啲豬油香，真係冇令我失望到😚😚而且個湯極好飲，好似魚湯，連埋餃子擺落口，效果非常好😳👍🏻鰹魚昆布湯烏冬咁我就+$5轉食烏冬，見佢辣度分三級：垃圾丶人丶神，咁我見咁得意，就試吓「人」level，點知原來我係垃圾🤣🤣雖然係辣🌶🌶，但確實食得出鰹魚昆布味，所以如果冇咩辣既追求，相信食番唔辣會食得開心啲😉炸花枝丸（四粒）新鮮炸起，夠哂香口🤤，最緊要粒花枝丸本身夠好，唔駛調味已經好好食，過吓口癮一流🤩🥳呢間相信係幾位年輕人一齊搞，大家經過不妨支持吓，因為都幾有誠意架🤓🤗

去了很多次的人都很多都需要排队，一个礼拜第3次在1:30的时候总算有座位了。店铺比较小，翻台也不是很快，但是老板非常的帅哦。是一个很健谈的小哥哥。我跟朋友要了a加b加c的套餐。总体来说每一件都很好吃价格也相当划算。人均大概在70左右。粉面里面的微辣，其实还是OK的。也很适合大陆人的口味。这一次没有吃到韭菜口味的，下次可以再试一下。如果比较讨厌排队的人，建议直接点外卖吧。似乎任何时候去人都不少。