七福神和食亭

營業中

休息中

最近同朋友去 咗佐敦道 ，港鐵站a出口 有間七福神 和田食亭食晚餐。呢間餐廳 需要上一層樓梯 ，係喺閣樓 ，但係餐廳還境 舒適， 座位寬闊， 還可以 望到大街 外面的風景。我們先點了壽司， 壽司 方面 有很多選擇 ，款款 材料新鮮， 味道鮮美。蟹子壽司 ，玉子壽司和甜蝦壽司 都非常美味。再來一個芝士焗天火 蠔， 一碟有三隻 蠔 ，上面鋪上芝士 ，蠔肉肥美 ，芝士味 很 濃郁， 入口 非常 有口感。還柯打咗一碟刺身， 三文魚 刺身 非常新鮮 ，厚切而且大塊 ，紋路又均勻 。甘蝦 刺身 肉質嫩滑 。還有其他刺身 也非常 新鮮 好食。呢間七福神仲有蘋果酒飲添 ，真係非常棒。👍最後梗係要食番個甜品啦， 你間餐廳有 椰子 雪葩， 非常冰凍好 椰子 味。

近期成日都想食日本野，上openrice搵左搵就見到哩間七福神和食亭都幾多人推介，見價錢都ok，所以就去試下見menu都幾多選擇，仲有啲韓風野食，又幾特別喎，而其他日式野食都應有盡有，但因為得同男友兩個人，都叫唔到太多野食同男友都好肚餓，就叫左一人一個飯再加啲小食咁芝士焗天火蠔 $24首先黎既係男友叫既焗蠔，我只食左面頭既芝士嘻嘻男友覺得不錯，反正加左芝士落去既配搭係不敗既 特盛海饅丼 $128之後黎既係饅魚飯，本身對佢無好大期望，估唔到黎到發現有多舊饅魚！而且每舊都幾厚肉，加埋滿滿既饅魚汁，真係好正！另外飯量都好多，$128黎講都幾抵食魷魚鬚唐場 $48同menu圖滿滿既魷魚鬚有啲落差，不過魷魚鬚整體炸得香脆，調味也不會過咸極上魚生丼 $128以$128黎講哩個海鮮丼真係幾唔錯!!! 魚生夠厚，海膽唔苦無怪味，牡丹蝦爽口彈牙可能本身唔太好吞拿魚，所以就覺得吞拿魚一般香桃荔枝梳打 $3x哩個係唯一令我失望既應該係蜜桃糖漿落得太勁，搞到成杯野好勁香精味，有種怪怪既感覺整體不錯，仲有好多野想試，下次叫埋多啲朋友一齊黎叫多啲野食先~

係open rice見到尼間評價幾高咁，就過黎試下。串燒同壽司好味，鰻魚飯既鰻魚夠厚身份量幾足，天火芝士蠔一人一個就ok，吃多會覺得有D飽膩咯。牛油帶子唔係好爽口。

友人係呢頭做完野, 相約係呢間和食亭開飯, 日本菜從來我都唔會拒絕, 依時赴約!地點相當容易搵, 上一樓就係, 望下餐牌, 換左新餐牌喎, 價錢都有調整下食物選擇都係分開幾大類: 刺身, 壽司, 沙律, 串燒, 天婦羅, 溫野菜, 揚物, 新加左韓風料理等....................每次黎呢度, 一定要試下呢度既大件夾抵食蟹籽沙律, 呢客係細份量 ($45), 足夠2-3人分享, 爽口多汁既青瓜絲及甜味蟹柳, 加上面層一大堆脆口蟹籽, 相當抵食!食日本菜又點少得刺身, 呢客刺身拼盤(B), 包括牡丹蝦, 三文魚, 吞拿魚及八爪魚 ($118), 刺身顏色相當靚仔, 目測都非常新鮮, 食落都幾鮮甜, 唔會食到未完全解凍既冰味, 最歡喜隻牡丹蝦, 夠大肉鮮甜!跟住到卷物出場, 首次食呢個芝士燒天婦羅蟹卷 ($35), 一客三件, 以芝士包住天婦羅蟹肉, 食到芝士既香滑感及蟹肉既鮮甜味, 飯既份量唔會太多, 唔怕食好飽!燒魷魚係友人至愛, 一客汁燒魷魚切成一件件, 甜甜醬汁搽上去彈牙既魷魚身上燒, 配埋蛋黃醬一齊食都幾夾, 但略為再熱返D會仲好!醬油燒京葱鷄肉 ($38), 一客

諗諗吓真係好耐冇食日本野，所以喺條街行下嘅時候，就黎左呢一間日本餐廳。一嚟到我哋就俾呢一個蟹肉味噌甲羅燒吸引左，超級香蟹膏味！完全抵消左秋天冇得食大閘蟹！之後就到呢一個火炙五味，呢一個經火燒後完全將味道昇華，十分好食！呢一個魚生拼盤可以話係重點，特別係個海膽，因為出面絕對食唔到咁抵又咁鮮味既海膽！而蝦膽三文魚刺身都十分肥美，鐘意食魚生既絕對唔可以錯過。自從係日本京都食過饅魚飯後，都成年無食過。今日比我見到呢間餐廳有，就一於唔放過佢！果然冇令我失望，舊鰻魚超級大份量，仲要超級大舊，味道亦無將貨就價，💯鮮甜！仲有呢個藍莓乳酸，唔係度度有，必試！

生日月，繼續食食食。想食日本菜，見七福神和食亭有甲羅燒食，就決定食呢間。先黎一個刺生拼盤 ($128)三文魚，甘蝦，海膽，劍魚腩刺生新鮮，三文魚夠油脂。海膽有半板，唔腥，入口甘甜，用紫菜卷住黎食，好味蟹肉味噌甲羅燒 ($48一件)自從在日本食過，就愛上甲羅燒，雖然呢度甲羅燒唔係燒住上菜，但香噴噴又夠熱，味噌加蟹糕加蟹肉撈埋，配上小飯團一齊食，味道一流，滿足芝士焗天火蠔 ($70)味道唔錯，蠔肉夠大隻，唔會淨係得d汁冇肉食牛舌串($55) 雞翼串($36)牛舌串燒好食，牛舌厚身，燒得啱啱好，食落juicy，唔會乾爭爭士多啤梨活乳酸 ($36)食完一堆熱氣野，飲返杯乳酸，唔會太甜，清新。另外，呢度d員工幾nice，勝價比又，有下次

今日咁啱係太子放工，就約咗朋友過黎佐敦食下野，食飽仲可以慢慢行去尖沙咀散下步。哩間出名的日本料理餐廳-七福神和食亭就係佐敦地鐵站出口行3分鐘都唔洗的位置。中午時間都好满座，好彩早少少我地都有卡位坐。我地每人都叫咗個午餐定食，前菜有螺肉同味噌湯，入口鮮甜極上魚生丼，足足有齊8款唔同魚生，帶子，海膽，魚子，呑拿魚，八爪魚，三文魚，玉子，翡翠蝦，料仲多過飯，十分抵食，每款都鮮甜易入口，特別係海膽，食落仲有啖啖海水味刺身拼盤，揀咗海膽，有成半板，新鮮清甜，價錢都係$128, 抵食，劍魚清甜，肉滑燒三文魚頭，燒得香脆，食落香口芝士燒生蠔，芝士份量多，生蠔夠大隻

今日到七福神和食亭食晚飯。book左位都要等一陣先有位。所以建議預早訂位先環境仿日本裝修，餐牌主要以日本食物為主、如：炸物，壽司，刺身、小食，丼食都有。呢間餐廳近期推介優惠，呢加優惠生蠔買5送1 ，但我同朋友都吾係好愛食生蠔，所以無叫到。蒲燒鰻魚$128，原條鰻魚上，醬汁濃郁，肉質鮮美，有口感。如果再配碗白飯仲更加好吃。關西風玉子燒$46，呢個玉子，一層層煎蛋，非常嫩滑，夾起時感覺好廷身，但入口超軟😋芥辣八爪魚$24，飯前小食，八爪魚切到細細粒，再加上芥辣，入口有一陣芥末味湧出再加上爽口八爪魚。七味軟殻蟹卷$52，呢個壽司卷都幾低食，用原隻軟殻蟹，蟹身好軟，入口溶化，中間仲有沙律菜配搭令整道菜生色不少七福神奄列飯$52，即是蛋包飯，聽就聽過但從未食過，飯是被醬汁炒過，飯香稔軟嫩連蛋一起吃，味道剛好，我不喜歡吃飯都被他溶化了來到食日本菜當然要吃壽司啦，三文魚腩特長壽司$24，真係好長，好吸引，都好有口感。海膽壽司$32都好好食呀！喜歡食海膽嘅你就唔好錯過。

雖然樓下個待應好hea 但食物質素唔錯行過佐敦咁多次第一次上去試下叫左幾款壽司，係新鮮既叫左款串燒，我就覺得味道無乜特別唯一雞翼太乾身炸豪、鰻魚炒飯、海膽連唔食生野既男朋友都有食元貝壽司同海膽價錢中等，有下次生日聚會亦係唔錯選擇

朋友之前黎過呢度食過，覺得呢度既價錢以日本料理黎講都幾適合學生黎食呢度既坐位都好多，晏就黎到都唔洗等位而且個地理位置都唔錯，可以食完係旺角度行陣，好岩約埋三五知己黎食首先就係一個蟹子沙津 ($38)雖然我地係叫左個細既黎食，但都唔好睇少佢既份量黎到我地真係眼都突埋!!!想像唔到大既係有幾多不過呢個細既 3個人都岩岩好食得到既而且材料方面主要係好多既青瓜絲，幾爽口上面仲有好多既蟹子，總算對得住個名~~~不過大大碗要撈埋就係咁飛晒D料出黎XD唔少得既係刺身，呢個係六品刺身盛盒 ($168)每一種既刺身都係有3舊，而且舊舊都好大片好厚呢個係豬頸肉串 ($56 @2)呢個係只係鹽燒既~普普通通啦不過有少少燒得干左~呢個係雞軟骨粒 ($33)個雞軟骨我都幾滿意既，因為炸完唔算好油特別位係唔會太細粒，有留番少少既肉地同大D既軟骨，所以唔會太硬外皮都炸得好脆，食落好香口最後就係蒲燒鰻魚 ($ 128)價錢黎講都算OK，有4大塊而味道方面，雖然見佢冇咩汁咁但個鰻魚好入味同埋冇燒得太耐，水份都仲保留到鰻魚本身就多骨既，都好難避免~食既時候就小心D啦~

位於佐敦的日式居酒屋七福神和食亭，果然名不虛傳。食物款式非常豐富，價錢也不算貴。值得那麼多個笑。首先來個蟹籽沙律。嘩！50多元那麼大碗，雖然沒有特別材料，但咁大碗，真係好開心。接著關西風玉子燒，簡單一碟金黃色的玉子燒，味道非常香甜，一流。不過另一份清酒煮海蜆，除了辣，沒什麼好說。很多蜆肉都不見了，碎殻就很多。很失望。一口氣來了幾碟飯卷: 火炙芝麻鰻魚飯卷、七味軟殼蟹飯卷、金龍蝦皇飯卷、芝士燒天婦羅蟹腳卷。我比較喜歡鰻魚飯卷，鰻魚肉質鮮甜，整體很不錯。軟殼蟹飯卷和蝦皇飯卷的味道較相似，略嫌平淡一點。芝士鐵板豆腐是今晚亮點之一，雖然其貌不揚，但芝士味很濃郁，豆腐非常甜滑，好像豆腐花一樣。這碟芝士豆腐非常湯熱，不能立即食，但也不宜凍食。另一亮點就是網燒牛扒，牛扒肉汁香濃，不太熟也不太生，剛剛好，非常一流。天婦羅蝦也是必食之選，蝦肉爽口，少食多滋味。燒汁八爪魚也同樣爽口，蜜糖般甜的八爪魚皮，加香口的八爪魚肉，也是必食之選。這一餐很飽，整體不俗，價錢也很合理，抵食。值得encore。

琴日放工突然想食日本野就約咗個同事喺公司附近揀咗呢間餐廳食日本野，門口好大個招牌。坐低左，食食一定係叫刺身食先，呢度嘅刺身拼盤好抵食。我哋揀咗個刺身拼盤3號＄128，裏面有海膽半版，三文魚刺身三件，甜蝦兩條，仲有揀咗劍魚腩三件，真係好抵食👍🏻佢嘅刺身份量都多，個刺身本身有大劍同幾厚下。佢嘅劍魚腩刺身好新鮮，喺第二度食嘅通常都好多更好乾，但係呢度嘅就好多汁好新鮮。而嗰個海膽仲送咗幾塊紫菜，同埋一個飯團俾我哋一齊着嚟食，海膽非常之新鮮，而將呢幾樣野加埋一齊食令到海膽嘅鮮味更加突出。食刺身食到唔夠喉所以再加左兩件鰻魚壽司＄22同埋兩件三文魚腩壽司＄24。睇吓件三文魚腩最大塊幾肥，而且好肥美。佢呢個芝士焗天火蠔又係必試嘅，＄70.3隻非常之抵，我哋就叫咗四隻，一隻加多＄24。個焗蠔比濃濃嘅芝士包圍住，裏面嘅生蠔都好新鮮因為佢個醬都好creamy所以食兩隻都已經好夠喉。佢有個小花園幾特別所以叫咗一個。燒花魚一干燒$82嘅質感有啲似鯖魚，但係肉質較滑同埋厚身啲，加埋啲檸檬汁一齊食更加特凸顯到魚嘅鮮味。之後仲叫咗一個唐陽燒魷魚$48。由於蘇個調味剛剛好，而且揸得唔會好乾，裏面嘅魷魚仲好多汁好彈牙，做

今日來到佐敦，看看OpenRice 有咩好介紹，見到我附近有間日本菜，多人比，我地就上去試吓。來到都係6點幾已坐滿人，我地要等一陣先有位，果然呢間餐廳真係好多人來食，就知唔錯啦。餐牌上已經有很多精緻嘅美食，一時間都唔知食咩，樣樣都想試。先來個海膽魚子丼$128，呢個飯唔算太大碗，但勝在海膽夠新鮮仲好鮮甜，果D魚子有好多，入口粒粒有汁湧出好好食,飯係軟綿綿。再來過六品刺身盛盒$198，有甘蝦、三文魚、鱆紅魚、劍魚腩、北寄貝和帶子等。擺設得相當精美。厚厚的三文魚，大大片，食落口感豐富。鱆紅魚食落新鮮無魚鮏味。帶子和甘蝦都非常新鮮。再試個原隻八吋大蝦天婦羅，真係好長，連頭部都炸到卜卜脆，蝦外脆內爽彈鮮美。又來一客美國生蠔$30/隻，仲有買5送1。都幾低食。我地當然要6隻啦。生蠔不算太細，呢個價錢差不多，係新鮮開嘅，鮮美十足好有蠔味。壽司🍣方便就當然選了特長三文魚腩，海膽🍣，鰻魚🍣，呢三款都係我至愛。好味菜式一碟接一碟，好快又到食七福神奄列飯$52。呢個飯好好食，外層用簿身嘅蛋包住D飯，上面再加上茄汁，看來好似一個包咁。切開一看，飯是用醬油來蒸熟，好香好軟綿綿。板燒溫泉蛋煙肉粟米$40。粟米加

跟最愛的朋友親人團聚，大家都喜歡刺身，又想平，所以又黎了七福神食。我很喜歡這裡，他們不是行高大上的高級日式餐廳格，而是親民價，但又低食又好味，刺身新鮮又厚切，$118就已經大大份好低讚；服務態度都唔錯，所以去左都幾多次。這裡有幾種刺身拼盤，有d有生蠔，$118-128不等。我們叫了有我最喜歡的劍魚腩刺身的拼盤，好滿足！芝士+半熟日式煮法牛油蛋+泡菜牛肉飯底，邪惡組合，好好味。我朋友極力要我推薦的菠蘿sorbet,她強調左3次真係好正。散叫蒲燒鰻魚，$128，不錯。吃得太飽就叫一杯藍莓乳酸幫助消化，食倒有好多藍莓，好味。當然會再黎。

好耐無食日本野，收左工同三個fd去左佐敦食七福神。環境好舒適同乾淨，唔會好逼甘。我一定會叫既螺肉同芝麻八爪魚😻😻比我想像中大碟同份量多👍🏻👍🏻👍🏻叫左一個刺身拼盤，海膽同魚生都好新鮮同肥美👍🏻👍🏻一般放題無限供應係無得比🤤🤤🤤壽司都係有誠意，蟹棒果d都係暖身嫁，證明係即燒既👍🏻👍🏻👍🏻燒肉帶子串：好味道，煙肉包住帶子黎燒，兩個味道都好夾👍🏻呢個芝士肉醬燒茄子我又係勁鐘意，個茄子好淋加埋芝士肉醬超正😻😻碳火燒七味雞排又係估唔到甘好食同好大份，佢個雞皮係燒到好脆，雞肉又唔鞋，推薦👍🏻👍🏻👍🏻海膽海鮮炒黃金飯，勁大碟😱😱每人到兩碗甘，而且勁足料👍🏻👍🏻👍🏻叫左兩個雪芭：菠蘿同桃，除左影相呃like外，佢味道都好好味😻😻😻兩個都好鐘意，但朋友唔鐘意食甜野就覺得太甜。總結：好有質素既一餐，絕對完勝一般放題餐廳👍🏻👍🏻👍🏻