七福神和食亭

營業中

休息中

七福神值得再次光顧， 今次大吃一餐，都是點了這幾道招牌菜。先來一大碗沙律，仍然很清爽，如果不是人多，食沙律菜都飽。鐵板燒芝士豆腐也是必食。這個燒豆腐有如豆腐花般香滑爽口。再來encore這一個燒牛扒，小朋友都覺得這一塊牛扒超好味。這一份金黃玉子燒好好味，清甜可口。鰻魚手卷仍然保持着高水準，鰻魚夾在手卷內，鰻魚汁和飯上的芝麻一同食，味道很夾，很香甜。小朋友覺得蝦卷超，蝦肉香甜，連飯卷一同食， 也是超級好味。原來燒茄子也不錯，不過多了點點油。這𥚃刺身壽司也是另一買點。小朋友不宜食生的壽司，所以只是叫了幾分。甜蝦壽司必食，一大條甜蝦很正。

七福神講真唔係第一次食，但被朋友問起， 原來我冇寫過一篇食評關於呢間餐廳，諗起都有啲唔好意思，今日專登補番。壽司方面叫左蟹子壽司，三文魚腩壽司，因為佢壽司係兩件上，所以價錢相當抵，個特長三文魚腩壽司都係24蚊， 雖然唔厚肉，但長度搭夠，份量ok小食方面叫左咗酥炸魷魚鬚，芥辣八爪魚。 八爪魚炸得有啲over，好太熱氣呀。 芥辣八爪魚嘅份量有大約有四個軍艦， 好抵食另外根據推介叫咗，蟹肉味噌甲羅燒， 芝士燒天婦羅蟹腳卷。 甲羅燒係比較特別嘅菜式，可以將飯團包紫菜沾來食， 如果淨係可以推介一味餸嘅話我會建議大家試呢個。芝士燒天婦羅蟹腳卷 都好食但係覺得有啲“漏”串燒叫咗兩樣最愛，厚燒牛舌同埋雞翼， 雞翼味道來略淡，但整體唔錯，大份抵食。朋友最愛呢度嘅泡菜海鮮湯，野味又有菜食，底仲有啲薯粉， 海鮮有蝦，蜆，帶子及 青口甜品以菠蘿雪芭做總結完滿嘅一餐。呢間嘅食品價錢好抵食， 食物多元化又好食 ，menu都有三，四張， 睇到有啲眼亂。

冬天食日本野好似凍得滯，但對於一個鍾意食日本野嘅人黎講，咩時候食日本野都係正嘅。今次選擇左位於佐敦嘅七福神。一路都唔知佐敦有日本野食，多得朋友帶，試到抵食大件嘅刺身，仲有我至愛嘅海膽一大板！除左刺身，我地仲叫左炙燒三文魚🍣同三文魚腩壽司。好長一件，抵過食連鎖店。種類方面都多過連鎖好多，有我鍾意食嘅燒魚刺、軟殻蟹卷、天婦羅蟹腳卷、安格斯牛肉野菜盛。所有野質素都好高，特別個安格斯牛，肉味雪花分量都係好足。返食指數: 4.2 分 (最高5分)。成餐食到抱住個肚走，而且真係唔貴。食完呢次，我真真係會mark佢做我嘅日式料理飯堂。😋

今日同幾個朋友去咗佐敦一間好有名氣嘅日式料理「七福神和食亭」地方唔算難搵，一出地鐵站向前行幾個街口就搵到啦！首先，我哋帶左幾款唔同嘅小食其中一款一定要食嘅係「紫薯薯餅」，裏面嘅餡料非常豐富，有鮮味濃郁嘅紫薯，而且，外皮非常作爽脆，即叫即炸非常新鮮好受食客嘅歡迎，值得大家一試！另外，我哋仲食咗一碟小食「多春魚」份量都可以足夠四個人共享，都算多嘅而且入口唔會太腥，鍾意食多春魚嘅朋友不妨試一試！除此之外，我哋仲叫咗「虎蝦」估唔到日式餐廳都有虎蝦係即埸烤製非常大隻，肉質非常彈牙，而且價錢都唔算貴一隻都只係＄35。另外，會有檸檬附送，可以食之前，可以加入檸檬汁，味道會比較線香鮮香，都唔錯！另外，當然要推介一下呢間食店嘅魚生，都係非常新鮮，而且外型色澤豐富，分量足夠，而且價錢都好便宜啱晒鍾意食刺身嘅朋友！食到最後，當然要試吓呢間餐廳嘅甜品啦我哋叫咗一個「椰子芭飛」簡直令人食完忘返，非常好味，入口即滲出濃濃嘅椰子香味，味道非常清新！

呢間餐廳之前帶幾個朋友嚟食過、都覺得幾好，味道唔錯，而且餐廳嘅地方間隔都坐得好舒服，所以今次再嚟多一次，試唔同嘅菜式，都覺唔錯，值得一再嚟多次！首先，要推介一下「日式海洋炒拉麵」，估唔份量都幾多，而且配料豐富，有蝦，蟹柳，日本魚蛋等。而且都唔算太油膩！而「三文魚」就真係食極都唔會厭倦因為呢間餐廳嘅三文魚非常新鮮，肥大肉厚，而且，塊塊都係厚切，色澤非常光鮮，而且，係每日新鮮運送返嚟嘅，所以食客都可以放心享用㗎！ 除咗三文魚之外，仲附送左日式飯團，可以將三文魚放在飯團上一併享用。黎到日本餐廳，一定要試吓呢度嘅壽司啦，呢款係軟殼蟹芝士卷，裏面嘅軟殼蟹非常爽脆，而且出面包住芝士，好有特色架！呢款就係大蝦反卷，外面包住飯團同埋蟹子，都非常好味，但係亦都非常爽口，而且份量都好多，一碟有六件，都好飽肚㗎。最後食黃金卷就非常經典啦，而且好多食客都會食呢一個菜式，因為佢嘅餡料非常好味，而且飯團亦好新鮮，外表嘅色澤亦好吸引，都唔錯㗎！

蠔仔粥味道奇差，一食就想噁吐。烏冬麵湯底味道似即食麵的豬骨湯味精，大蝦食落去堅靱，同tempo 紙巾有得fight，明顯吾新鮮。侍應差，行過用手肘打中我頭頂天平蓋，連一聲sorry 都無以後唔會再黎食。

呢間日本料理餐廳太正啦，忍不住帶埋朋友嚟食多次，每次人流都好多，非常旺埸！所以真係要預早訂位先食到好嘢！今次試左「鰻魚炒飯」味道一流，正到說不出聲，配料非常豐富，鰻魚味超香，而且啲飯都非常爽口。另外，仲食咗芝士焗豆府，估唔到啲豆腐香滑又滲出濃濃既芝士味，一碟有4大塊，好適合同朋友一起開心分享。而壽司方面，當然要試試甜蛋啦！大大塊甜蛋，好新鮮，仲係即叫即做添！仲有叫咗一碗日式拉麵，湯底唔錯，幾清香，而且拉麵又非常彈牙！份量仲好足添

每次老友相聚飯局，而且由我推介時候，必定選擇我的至愛（七福神）海膽刺身 $118和牛刺身（8切） $128牡丹蝦壽司 $38各式壽司新鮮美味，睇落吸引，食落興奮！😘關西風玉子燒 $46一層一層卷上，蛋香嫩滑。芝麻雞翼 $62濃香芝麻味甘脆外皮雞翼。甘蝦刺身（5本） $55甘鮮味甜！芥末八爪魚 $24滑、弾、韌.. 口感豐富。梅酒 $138濃郁梅味，入口香醇。紅豆雪糕 $22綠茶雪糕 $22我和朋友比我更喜歡雪糕，一次就就了不同口味雪糕🍦。最佳之選 七福神，果然沒有失禮，每次也是滿滿足的離開，我肯肯定下次再會

同媽咪好耐無過過去佐敦食飯，今晚時間尚早，唔洗點等位就有得入喇，真好😇火炙三文魚22x3色澤均勻，美味秒清。炙五味56火炙後既鰻魚，三文魚，鴨胸等，真係無得輸，魚油滿佈，脂肪嫩而入口即溶😍驚喜壽司仲要係比並通壽司刺身加大碼了呢。大蒜牛油燒銀鱈魚138好像加了價，不過燒得剛好，唔錯。蒲燒鰻魚128x2要命的好吃推介，一次過不叫上兩條也對不起自己呢🤤全香港數一數二價性比，平靚正厚身美味no.1 食過會返唔到轉頭，有彈性既肉質，燒得外面脆脆的，魚肉夠滑，不得不試。藍莓活乳酸34挺大杯的，藍莓味不俗，而且有碎屑蓉呢，有咬口，顏色粉紫亦好靚，內容沙冰咁，唔會一飲而盡，解渴開胃。食後感：抵食夾大件既日本精品餐廳，去親佐敦開餐，梗會記得佢。P.S.可惜是夜旁枱的女客人們好大聲說話，聲音實在刺耳，難靜靜談天🙉

約同事晨早去佐敦逛街買聖誕禮物，終於買齊，大豐收之後，當然要慰勞自己個肚。 呢排飲得茶多 ，想轉下口味 ，見到七福神和食亭門口菜式吸引， 去試下中午食日式都好。門口知客已通報樓上同事 ， 上到樓已有人招呼並帶我們入坐，貼心服務。餐牌圖文並茂，非常吸引， 價錢唔算貴， 希望到時真係貨對版。叫了個細蟹子沙律做前菜顏色配合得好好， 有橙色蟹籽和蟹柳絲， 綠色青瓜生菜絲 ，淡黃色沙律醬， 視覺上非常舒服， 青瓜絲入口清甜爽脆，餐前食增加食慾日本菜刺身必食，叫了個海膽 + 三文魚腩 + 甘蝦 + 北寄貝， 海膽分量唔少，入口有些海水咸味和蛋黃混合感覺，唔錯！其他刺身新鮮甜美，無叫錯清酒煮海蜆， 用貝殼形碟呈上好襯, 蜆肉肥美， 清酒加上辣椒絲，清甜又有少少辣，另有一番味道網燒牛扒, 牛扒燒得剛到火候, 不會過熟, 肉質 鬆軟， 用銀牙墊底吸收了肉的精華，非常好味炭燒黑毛豬鞍扒非常大件， 黑毛豬比一般家豬味更鮮甜， 用碳燒更加惹味黑松露海膽蒸蛋， 我至愛， 把海膽和黑松露攪混和蛋齊食， 滿口都是松香味紫番薯鮮忌廉奶昔少機會飲， 雖然好飽都叫了一杯，紫番薯打粹， 不用加糖已經夠甜， 淺紫加上白色螺

同慳家師奶仔朋友一齊行經佐敦，見到街角有好大個招牌，走埋去睇下，發現原來係抵食日本餐～見到佢有特價，毫不猶豫就決定食呢間～🤭炸秀珍菇，比起炸金菇菜軟熟香脆～😋清酒煮蜆味道好，美中不足，係食到有啲沙～🤨朋友個女，指明要食烏冬，食到𠽌𠽌聲～😋呢個壽司，上枱時，個炸蝦仍然脆卜卜～三文魚頭... 比起一般餐廳做嘅，大好多，鮮甜好多... 後悔無跟攝影老師學好影相技巧，呈現唔到個魚頭嘅真實比例～(我會加緊練習㗎咯～💪🏻🤭)咁樣影，會唔會睇得出個魚頭係大好多呢～🤨算啦，無謂浪費時間... 睇吓下一樣好食嘢仲好～生牛肉刺身，就係靚牛，先至夠膽做刺身啦～靚嘢又點止牛肉了，海鮮刺身同樣出色，新鮮度滿分...其中赤背，仲令我一再encore～再嚟多個冰菠蘿雪芭，大滿足呀～豐富嘅一餐晚膳～(後記：坦白講，最初見到Menu，覺得呢間只係一般嘅日本餐，一般質素，但平取勝，入到餐廳見全場爆滿都覺得出奇... 食過之後，我同朋友都異口同聲，Menu相片與實物不符... 讚嘆，竟然會有實際食物，好過Menu相片嘅餐廳... 提議店主，可以換過啲Menu～)

是次第二次食去7福神 刺身可以講係必點 佢地都推出唔同嫁刺身拼盤迎合大眾需求 三文魚甘蝦係basic 再睇下係赤貝 牡丹蝦 海膽 定係生蠔 今次就簡左赤貝 另外有3種魚刺身 鱆紅 油甘 劍魚腩選1我地簡左油甘魚 刺身因爲銷量較好 貨物流動性高 新鮮 放係冰到維持冰凍 其實刺身夠冰凍就會鮮甜好食 赤貝爽口 有赤貝邊 如果唔係原隻上就唔可以食到貝邊 拼盤超值 七福神嫁燒物 本小姐覺得比刺身更為可取 是次同食家1人1隻白汁芝士焗蠔 即叫即焗 上台時熱辣辣 焗嫁時間岩岩好 蠔剛熟 蠔肚會有汁 唔會縮晒水 白汁有洋蔥同煙肉 唔會太濃太漏上面一層芝士 有拉絲效果 十分高質 本小姐就係因為呢個再次幫襯 食家話想試埋個甲羅燒 $68 香港食甲羅燒相對日本黎講貴好多 但香港多的料 例如蛋黃咁七福神嫁甲羅燒上台時已燒好 入面有蟹膏蟹肉蟹籽同蔥 質素唔錯 同日本相比鮮甜講唔上 但欣賞佢配有飯同紫菜 可以包住一齊食 唔會太濃味 另外叫左個串燒拼盤 有手羽先2隻 冬菇日本青椒雞肉雞軟骨 正常 唔會燒得太乾 但無燒蠔黎得驚喜七福神另一椒必食嫁野係蟹籽沙津 有大細2個size之分 千祈唔好睇少佢細個分量已經係一個拉

係佐敦有間日本餐廳，環境寬闊，令人有空間感，坐座闊綽舒服。加上餐廳播著流行歌曲，迎合青年人口味。壽司盛盤，每款兩件，款式充裕，18件，舖設整齊有序，色調光澤，相當吸引。壽司同反卷都非常扎實，不鬆散。刺身拼盤，另加三文魚，同甘蝦，另拼盤更豐盛，美態勢均。油甘魚同三文魚，顔色鮮美，充滿光澤。甘蝦，鮮甜爽滑。仲有幾件帶子，肥肥多汁。叫左個鰻魚丼，香白的珍珠米。原條鰻魚，加上秘製燒汁，沒有魚腥味。還有鰻魚炒飯，不太油膩，但又不太乾旱。炒飯夠火喉夠鑊氣。飲品方面 ，可以選擇 冰凍的蘋果啤酒。

年輕人當然周圍玩，周圍食。今次就同朋友去左佐敦食日式料理。雖然不是放題，不是任食。但品質超優於普遍放題。刺身盛盤，鮮美甘蝦，顏色鮮豔肥美油甘魚同鱆紅魚。加上另加的三文魚腩。大大塊，色艷肉肥。玉子燒 香甜多汁，暖暖的。壽司拼盤18件 擺放整齊，款式多。雞軟骨 香脆可口 細細粒易入口荔枝青蘋果梳打，果味香甜醒胃。青蘋果雲呢拿奶昔，表面舖滿幼滑cream ，加上一些雲呢拿香味，令人放鬆心情。大蝦什錦天婦羅，香脆好吃。

接爸爸放工，當然食埋先返屋企。帶爸爸去佐敦附近日本餐廳，比爸爸大飽口福。首先來碟 三文魚柳 同 三文魚腩 一樣肉質肥美多汁，夠延身，顏色鮮紅，紋路清澈線條整齊。日式煎餃子，餡料豐厚，皮薄餡靚，大大件，餡料鮮味多汁。帶子蒜蓉，蒜蓉柔滑稔軟，配上秘製醬汁，不太乾枯，不會太稠得漿口 。帶子肉質扎實。炸蝦天婦羅，熱暖暖的，香脆可口，配上天婦羅汁，味道更上層樓，炸蝦大大條，夠抵食。飯後一點甜，叫左個雪芭。輕盈柔軟波子汽水