七福神和食亭

營業中

休息中

新一年又要去拜"神"啦...............仲要係食"神"!好彩一早訂左位, 上到去入座率已經達八成啦每次打開佢嘅餐牌都有選擇困難症, 樣樣都想食但無辦法樣樣都叫㗎.................仲要發現佢有D新菜式!刺身拼盤A ($108) - 呢SET拼盤相當抵食, 就咁單叫活赤貝都要$48,  加多$60就有埋三文魚X3 , 甘蝦X2及鱆紅魚X3!  赤貝夠爽脆又鮮甜, 不愧為呢度嘅必食之一, 三文魚仲要係厚切, 食起黎相當夠口感!根據非正式統計, 呢碗份量十足嘅蟹籽沙律 ($45/細), 出場次數都相當密, 無他嘅, 份量真係超大, 細嘅都足夠3-4人分享, 爽口多汁嘅青瓜絲配上脆卜卜嘅蟹籽, 雙重口感!呢客由㕑師推介嘅芝士燒天婦羅蟹腳卷 ($35), 賣相精緻, 由芝士包住飯, 內裏有天婦羅蟹腳, 放入口首先食到蟹肉味道, 之後就到芝士嘅咸香味, 一口一舊超"芝"味!燒厚牛舌串 ($55), 一客2串, 每串有3-4件厚切牛舌, 燒得外香內軟, 放入口咬時仍然有肉汁咇出黎, 牛舌味幾濃, 熱辣辣好惹味!一客4隻嘅芝麻鷄翼 ($62)係邪惡之選, 沾上芝麻嘅炸鷄翼再增

媽媽生日，去吃她最愛的日式料理。餐廳位置方便，我們去得早，坐在卡位，十分舒服，邊吃飯邊望著繁忙的街道。有很多不同的午市套餐，種類繁多。最終點了一個極上魚生丼套餐，包麵豉湯、小食、甜品及飲品。刺生賣相吸引，味道亦佳。刺生拼盤實物比餐牌還要好看，厚切，還有紫菜及飯團。我自製了海膽紫菜包飯。串燒五品盛雞翼最吸引。脆皮煎餃子賣相無得輸，蘸醋吃一流。蕃薯不過不失。菠蘿雪葩及富士蘋果雪葩很清甜，有陣陣果香。是次生日飯，媽媽吃得心花怒放。

好少聽到我先生，同我講去食日本料理，因他個人是不太喜歡食魚生，只會愛食熟食，每次我都是同朋友去食日本料理，好難得有一次同他去食日本料理，點之，他愛上了這裹的食物，趁著這段時間，天氣好冷，他想起了那石頭鍋飯，就提議再次去開飯，這我當然開心啦，食我至愛的食物，又點會錯過呢！當然，第一道要叫的食物是他的至愛，石鍋燒香蒜牛肉飯，他是食肉獸，熱騰騰，一口食進口，牛肉的鮮味、嫩滑、醬汁，在口裹散發出美味，難以形容那滋味⋯⋯紫芋金粟薯餅：酥炸外皮脆卜卜，內薯溶好香濃又清甜，夠糯香，外脆內軟，非常香口。三文魚腩：嘩，真是好肥美、又大件、入口嫩滑，入口即溶，魚油久久不散，留在口裹。鰻魚炒飯：用珍珠米，粒粒飽滿，鰻魚鮮甜、加上蛋香，燒汁黏著米飯，香氣撲鼻，啖啖滋味。

每次，同朋友、家人到七福神聚會開餐，每一次都是滿足地離開，因實在太多食物啱食，有熱食、冷盤、韓式石頭鍋飯，包你食得開心又滿意。食物的份量又大碟、上食物都好快、服務態度好，雖然地方有點窄，但都可以坐得舒適，客流量多，未到食飯時間，都坐滿了。食物質素食材豐富又新鮮。石鍋燒香蒜牛肉飯，天氣冷，莫不過食一碗熱辣辣的鍋飯，暖泣泣，即燒即食，上檯時，仲聽到卜卜聲，鍋巴香脆，每粒飯都黏左燒汁，牛肉嫩滑又多汁，美味無窮。蟹籽沙律（小），真是大大碗，每次我都會叫一碗，有時都是食唔曬，蟹籽又多，可以用匙羹來食，青瓜青脆又新鮮。大蒜牛油燒銀鱈魚，魚肉燒烤得脆脆，又唔多骨，加上牛油，淋上燒汁，魚肉鮮甜美味。

幾個月無黎食，今日黎到佐敦買野唔洗諗食咩，一於就食這裡啦！嘿嘿次次都會食的鐵板牛，個薯蓉好好食，而且好香，好嫩滑，牛柳７－８成熟左右，唔ＵＮ，嘿嘿鰻魚炒飯，價錢算便宜，大約２碗飯分量，飯粒粒分明，有粒粒鰻魚，絕對唔差！嘿嘿炸軟殼蟹手卷，即叫即製，所以紫菜仲脆卜卜，軟殼蟹仲熱辣辣，同元Ｘ一樣咁好味！嘿嘿脆炸雞軟骨，即製，脆卜卜，最鍾意個醬，嘿嘿清酒煮硯，硯好肥美，算大隻，有鮮味，全部開哂口，嘿嘿天婦羅蝦，大大隻，炸粉唔厚，呢到食物種類的確多，唔會食厭，嘿嘿

今日去完尖沙咀行街後，朋友帶咗我去佐敦嘅「七福神和食亭」食飯。估唔到呢間位於樓上嘅居酒屋竟然有咁多人。「七福神」可以話係應有盡有，而且Menu非常有日本嘅風味，真係好似身在日本一樣。餐廳係有自己落單嘅，只要寫低自己想食啲咩、同菜式號碼就可以輕鬆落單。減少侍應聽錯而容易出錯嘅機會。頭盤先來一個刺身拼盤，入邊有港人至愛嘅三文魚同甜蝦，仲有我最鍾意嘅海膽。海膽足足日本版咁多，清甜沒有苦澀味號入口即溶正再來18件壽司拼盤，但是賣相已經非常吸引。壽司所用嘅刺身唔算係好貴價，但勝在新鮮而且厚切！非常有口感適合一大班朋友share一啲便飲清酒，一邊食壽司餐廳非常識做生意，提供左一啲半價嘅菜式，當日我哋就叫咗一個廣島吉列炸蠔，只係需要＄29就有四隻炸蠔。廣島蠔蠔味非常濃郁，外皮炸得非常鬆脆，配上沙律醬送酒一流芝麻雞翼都係必點自選，找到非常鬆脆嘅雞翼灑上芝麻令到味道又提升咗一個層次中國人點都要有啲暖飯落肚，我哋就叫咗個石鍋香蒜牛肉飯。牛肉配上大量炸蒜，剩係香味已經無得輸。加上用石鍋上菜，就算唔係即刻食都可以keep到熱辣辣，同朋友傾計聚會唔使驚攤凍晒你睇到menu三隻芝士焗天火蠔只係需要＄70，則叫三隻

原來佐敦都有很不俗的日本菜，今日特地和友人來到「七福神和食亭」大快朵頤！最後滿足地捧着肚子離開。「七福神和食亭」位於佐敦樓上鋪，地點位於鬧市一點都不難找。餐廳格局有點像日本的居酒屋，串燒、壽司、刺身及麵食一應俱全。餐廳更有些菜式做半價吸引客人，當中更有我最愛的廣島炸蠔餐廳乾淨闊落，主要用上木材作裝潢的主要材料，整件事非常日系頭盤先來一個刺身拼盤入面包括有半版海膽、三文魚三件、甜蝦兩件、劍魚腩三件。海膽新鮮清甜，沒有一點苦澀味。甜蝦亦非常大隻，同樣非常新鮮，為晚餐打開了一個美麗的序幕再來一個木更津18件壽司拼盤，包括有玉子、三文魚、赤貝、鱆紅魚、吞拿魚及玻璃蝦壽司。壽司全部都非常新鮮，刺身要全部都是厚切的。而且飯不會太大件，醋味剛好。擺盤亦令人非常賞心悅目。再來是我的最愛芝麻雞翼，雞翼新鮮炸起，灑上芝麻香味撲鼻。雞翼炸得非常香脆，小孩大人都吃不停口廣島炸蠔雖然是半價，但仍然維持有四件。的確非常抵。真係外皮外酥內軟，而廣島蠔又蠔味十足，配上沙律醬真的非常惹味。接下來再有「石鍋燒香蒜牛肉飯」，餐廳用上石鍋保持牛肉飯熱騰騰，同樣又可以吃到稍為燒焦的鍋巴。牛肉有點像「吉x家」的味道，但配上炸蒜味

點左三樣嘢，但由於太肚餓只係影左個鰻魚飯就開始食了😂🤦🏻‍♀️呢間鋪頭都真係very value for money 😎✨ 飯唔算最好吃，鰻魚唔算多，但絕對係一個能吃的、正常的鰻魚飯🤤鰻魚夠肥美多汁，不過唔夠外脆，亦唔夠內黏（但係夠軟的），同埋醬汁略嫌清淡😶值得一讚係廚師好聰明地加了海苔，令個飯無甘單調，而且意外地海苔配石板鍋焦焦地既口感幾好食👍🏼👍🏼$60，可以食到呢個水準、大小既鰻魚飯真係算係甘😌另外我叫左三文魚腩、牛柳粒，同為大件夾抵食之選，但當然唔好expect魚生好新鮮、牛柳用高級牛啦。PS三樣嘢裡面我只會翻叫鰻魚飯。#晚飯倆人吃埋單不用$200#好抵食

朋友約尖沙咀食飯，我就建議佢哋行多幾步，去佐敦既七福神。同樣係日本野，尖沙咀租貴人多，我真係唔想俾多幾成錢交租。佐敦地鐵附就樓梯行上去，就係七福神。菜單有好多圖片，懶人最啱，睇啱邊樣就叫邊樣！最近仲有半價推廣活動。真澄清酒 98元呢支清酒都好易入喉，好好飲。今晚熱同凍都飲過，推薦凍飲更有米香。豆腐風野菜湯 52元朋友要減肥，叫左呢個豆腐風野菜湯，裡面有幾多唔同雜菜，又有湯飲，幾全面。角切魚生丼 88元由於今晚比較趕時間，為咗快啲填飽肚，直接叫咗兩個飯食。由於冇結論二新實律師，所以叫咗角切魚生丼，滿足下。各式各樣既生魚粒，一次過滿足曬！鰻魚炒飯 68元炒得好香，份量夠大份，可以二、三人share 。味道唔錯。椰子雪䓃 44元呢個椰子雪䓃 唔係講笑，初初無咩期望，但係食左第一啖就停唔到。雪糕好滑，椰子味香濃。唔啱我個名先鍾意食椰子嘅朋友，都叫咗一個自己食。山型香桃雪䓃呢個係女仔都會中意既甜品。造型靚、果汁酸酸甜甜。今晚太趕，未黎得切食多幾款，下次再黎食過！

七福神平日真係唔訂座會無位，今晚六點黎 walk in ，都係得個半鐘用餐時間，好旺吖！前菜我地先黎幾道人氣日本菜式。先來清酒，真澄280ml HK 98風味花魚燒 82元大大燒魚才82元。我覺得很抵食，可以食好耐，哈哈。清酒煮海蜆 88元呢個清酒煮海蜆 ，幾乎去親居酒屋必叫。七福神人流甘多，蜆肉好新鮮。海蜆無沙、清甜。關西風玉子燒 46元呢個玉子燒有點甜，不過日式係甜既， 厚厚的蛋令你滿足感大增。赤板魚蛋紫菜手打烏冬 46元主食要左個赤板魚蛋紫菜手打烏冬。係冬天食碗烏冬真係全身暖曬，心滿意足，湯都飲埋。富士蘋果雪䓃 45元女仔就係中意食甜品。富士蘋果雪䓃外面少見，即刻叫左一客。清甜多汁如食緊真正富士蘋果甘。綠茶雪糕 22元如果中意食雪糕多過雪䓃既，綠茶雪糕非常唔錯。又香滑，綠茶味突出。做飯後甜品都唔錯！

嚟七福神真係會黎上癮，每次一大班人飲得、食得嘅朋友聚會，我就必定會諗黎七福神。因為呢間餐廳嘅性價比好高，首先食物種類好多，而且好抵食，大飲大食，每人都只係二、三百 ,食物質素比放題優勝，又無限時限刻，真係要大吃大喝，油尖旺區，除七福神莫屬。熟悉嘅樓梯上去，就係今晚開餐嘅聖地。不到七點已爆場！兩年無黎，別來無恙！先黎一盆刺身先！店家將所有刺身擺埋一齊，見到甘豐盛，真係開心！帶子刺身 HK56 三文魚腩 HK 68三文魚腩必食，因為真係好肥美！海膽刺身 HK 118一版過，連買紫菜同飯團，可以自己慢慢包手卷食，非常唔錯！三文魚刺身 HK 58甘蝦 HK 55金龍蝦反卷 HK 23依家做半價，非常抵食。炸左既大蝦做壽司卷，加上沙律醬，炸卜卜，幾正！鹽燒青唐豆腐煮 HK38呢個炸豆腐都唔錯，有三大件豆腐，健康之選。神戶野菜炒 HK 50我哋仲叫咗神户野菜炒，大大碟，以椰菜為主，日式醬汁甜甜地，唔錯。香蔥三文魚丼 HK 78最後再嚟一碗香蔥三文魚丼填飽個肚。初時以為細細碗，食落先知份量足！密密麻麻既三文魚蓉，足料！椰子雪䓃 HK 42最後一定要食呢個椰子雪䓃。椰奶係非常香滑，意想不到！

幾個月之前同朋友上網見到呢間高評價既日本料理尼過一次，上次感覺好好，食物高質價錢又抵食，今次做孝順女帶屋企人try try😆屋企人隨口問一句可唔可以坐房，估唔到餐廳員工好nice即刻幫我地安排，對住大窗望住街景進餐👍🏻食日本野梗係先食刺食🍣呢個生蠔set($118)好抵食,Gillandeau+2件三文魚+2件甘蝦+2件油甘魚生蠔好新鮮，一食就食得出係即開👍🏻火炙三文魚+三文魚腩特長🍣好正! 每件都好肥美，入口即溶🤤🤤靜岡蜜瓜梳打$18撞正夜晚做呢個半價優惠💥飲落好特別，甜甜地好重蜜瓜味魷魚鬚唐揚🦑$48好大份 每件魷魚鬚都好大件海老天婦羅🍤$72有6件 每件都好大件 而且炸得乾身啱啱好唔油膩海膽刺身食落好juicy 每件用紫菜包飯撈埋d海膽好滿足😋燒肉帶子串入面每粒包住既帶子都好大粒 加左芝麻好香燒雞翼串食日本野最鍾意就係叫燒雞翼串 燒得好乾身 逼哂d油出嚟 再加少少鹽 味道一流

是咁的~ 今次約左兩位朋友食飯 本身就想打邊爐但因為冇訂枱嘅關係 旺角同佐敦嘅火鍋店都爆到甩肺 所以臨時發板轉食七福神 之前一直都想搵機會試嘛七福神地點都方便 樓上鋪 面積又夠大 咁啱俾到卡位我地 私隱度高d可以暢所欲言野食選擇都好多 最特別嘅係 無論食咩都係自己寫落張落單紙到 都幾過癮我地搵左咁耐野食都肚餓 所以都叫左唔少野食 等我黎介紹下啦呢個係網燒牛扒 主要係俾圖片吸引左 88蚊一份 價錢中規中矩啦 上枱個賣相都好好 食落牛味濃不過就un左d喇 唔係一咬就化果種 不過配上蔥花同蒜片就令到牛味更出 如果唔係口感問題嘅 呢碟絕對抵食有埋清酒提供 朋友相聚 飲番杯先啦壽司方面 叫左鰻魚 赤貝 吞拿魚 三文魚同特長三文魚腩鰻魚壽司肉興細滑 厚薄適中 配埋味道啱啱好嘅鰻魚汁 真係食到停唔到口 好正赤貝壽司好新鮮 爽口同鮮甜程序都好高 同元氣嘅赤貝壽司水平差唔多以呢個價錢黎講屬於高質之選吞拿魚雖然係赤身但魚身切嘅紋路好 魚肉冇筋 而且好香嘅吞拿魚味 都係高質之選三文魚壽司就冇咩特別 不過不失幾好 反而俾貴d食特長三文魚腩就真係好好食魚腩充滿魚油 味道香濃 如果食特長呢個其實都唔洗食普通果

又一個星期天又要迎接工作了與友人到佐敦尋找好吃的決定一試佐敦A出口 3分鐘路程嘅日本料理 食餐飽飽迎接明天嘅工作 餐廳在二樓，地方幾大咁岩我與朋友被篇在房仔進餐 環境寧靜餐廳食物種類多先叫了特長三文魚腩 （$24）同 油金魚壽司（$30）三文魚腩油分比例合適 咬落口好香滑，油金魚亦新鮮鮮甜大大舊刺身好抵食然後叫了刺身套餐（$128）有三件厚而香滑 ，咬落即融嘅三文魚；甘蝦2件亦鮮甜美味；2件劍魚腩 同一入海膽。海膽吃落好新鮮，似即叫即開，入口融化落口中，口感豐富，食完唔夠喉添！然後炸魷魚鬚（$48）同軟蟹天婦羅（$68）亦係良心之選兩樣食物熱辣辣，岩岩整起外皮酥脆，而且大大份，份量好多香口不會過咸 味道岩岩好另外不得不提係佢嘅原條鰻魚！（$128）咁嘅價錢吃到原條鰻魚 仲要冇咩骨，方便客人食，而且又厚身，又長。真係良心價！平時去超市嘅貨色都要過百啦！整體餐廳食物到位，環境不錯，服務員有禮有笑容，值得小弟下次帶家人來再品嚐！

好耐之前食過一次印象唔錯，甘岩附近做完野，餓死朕了，所以加快腳步入去食野。🍣A set $98(pacific rock + 三文魚x2 + 甜蝦x2 + 榮螺)三文魚刺身新鮮，甜蝦我至愛，榮螺夠彈牙。生蠔比預期新鮮，雖然一隻有點少，但過下口引都唔錯。🍹岡蜜瓜梳打 $18非我點的，飲左啖，蜜瓜味濃，夠清爽～🍹藍莓活乳酸 $34呢杯個人十分鐘意！藍莓、乳酪味十足，好好飲。🍲安格斯牛肉野菜盛 $118🍜手打烏冬 +$25天氣甘凍梗係要食返D熱野架啦，湯底簡左昆布，淡淡地夠健康。安格斯牛肉牛味濃郁，不比出面食到幾百蚊碟的差。蔬菜份量新鮮夠多，豆腐滑溜溜，加埋個彈牙既手打烏冬，好滿足。🦀蟹肉味噌甲羅燒 $48/1估唔到仲跟埋飯團上，蟹膏滋味，十分抵食。🍢串燒5品盛盒 $68雞翼香口但有點乾身，冬菇微彈好味，豬頸肉軟彈煙韌，小青椒不辣卻滋味，雞軟骨香脆有嚼勁。🍢牛舌串 $55牛舌厚身，略咸一點，但入口多汁軟嫩。🍑山型香桃雪葩45雪葩綿滑，帶出清新桃香味。🍎富士蘋果雪葩45口感無香桃滑，但淡淡蘋果香。味道天然。