七福神和食亭

營業中

休息中

日本菜係我一向最喜歡菜式之一,所以我選擇左佐敦既七褔神和食亭,book左5位食晚餐,覺得價錢合理，食物質素高,座位舒服！我地一班人叫左20種美食有:枝豆$30(好好味好爽口)滑蛋豬扒飯$60(蛋好滑，豬扒夠大，飯分量夠)石鍋燒蒜牛肉飯$65(牛肉，燒得好好）海膽海鮮炒黄金飯$50鰻魚炒飯$68海老天婦羅(6件)$72每人都有一件食芝士焗天火蠔$70(芝土易入口，蠔有海鲜味)蒲燒鰻魚$128(鰻魚汁好正好味)蟹籽沙律$65(好多蟹籽仲有芒果青瓜絲伴料)脆皮煎餃子$45(唔燶煎得好好)石鍋香辣海鮮手打烏冬$88(唔太辣易入口)魷魚鬚$48(好脆好熱魷魚鬚)雞軟骨粒$38(好脆口)綠茶雪糕$44芝士鐡板燒豆腐$50(嘩^V^好多芝士)荔枝青蘋果梳打$32(有荔枝蘋果味)芒果活乳酸$36(好飲唔酸)熱檸檬菊花蜜$20

今晚約了朋友食晚飯，朋友說想食日式料理，約了在佐敦等，餐廳位置十分方便，在裕華國貨附近。雖然餐廳在二樓，但樓下有職員接待。這間餐廳食物種類都幾多，主打日式料理，但韓國料理亦有得選擇。刺生、鍋物、串燒、麵食，樣樣都點了。三文魚刺生十分厚切。泡菜豆腐海鮮湯用料十足，仲有煙煙靭靭的粉絲。餃子賣相了得，煎得香脆。拉麵的麵質是我喜歡的質地，美中不足的是叉燒肥了一點點。柚子檸蜜的柚子與檸檬香味混在一起，不錯的選擇。

剛好放工約左人佐敦交收，順道試一試七福神既壽司炸物串燒，我同朋友兩個人最讚既就係壽司同刺身！又新鮮又肥美！由其特長三文魚腩壽司同縵魚，牡丹虾壽司刺身等等，真係超級正囉！一路打食評都一路流口水！！！壽司一客兩件，刺身就幾塊，我地急不及待食左無影到相😭😭😭真心正！！！再黎一杯荔枝特飲，好重荔枝味顏色又靚，女友人係咁影相呃like🤣🤣🤣原粒荔枝肉，爽！下次再黎要再嗌！提一提各位，呢間餐廳係自己寫食物號數同數量，千萬唔好寫錯！！同埋可以分開先後次序遞單，可先入小食壽司刺身，再到串燒炸物，然後主食！！我地就再叫左個雞泡魚干$58超掋食！又香口！串燒部分最欣賞露荀牛肉同厚切牛舌，汁又香，牛肉又淋，又唔會似其他日本料理食橡筋咁。但雞翼同雞軟骨就唔夠脆，有啲硬。至於冬姑同日本青椒仔都食得過，唔會燒到無水好乾身，所有串燒一客兩串，都掋食！！最後入單上埋炸物，鐘意食蠔既朋友一定要上去食吉烈炸蠔，肥美多汁，唔會炸到勁乾！個人再推介就係炸墨魚咀，炸完仲好彈牙同滑！！反而炸尤魚鬚就硬左些少，有啲乾，無乜咬口。炸虾餅真材實料，勁彈牙又實肉，唔似有溝粉！！

尖沙咀餐廳的種類百變多樣，遊客區價錢貴就在所難免。所以我和朋友今次的晚飯地點就定了在佐敦，這樣她下班後便可以從公司步行到餐廳，不用額外花錢搭車。朋友說她想食平民日本菜，那我見openrice有很多人都讚好七福神，那我們就決定試一試這間新餐廳。餐廳為樓上舖，但地點都算容易找到。一抵達餐廳，店內已坐滿了七成座位，店員很快便幫我們安排好位置，非常有效率。我們都已經很餓了，所以都急不及待打開餐廳，準備下單。餐牌上的食物分門別類排好，又附上圖片，非常容易閱讀。食物的種類多得令人眼花撩亂，基於我倆都餓了，我們決定都把想吃的都叫。刺身壽司串燒炸物甜品統統都有，個人比較喜歡以下幾款食物。首先是三文魚魚腩刺身，非常夠凍又很厚切，一放進口那股甜美肥嫩的油脂就融在一口腔裡，好味得令人欲罷不能。壽司的部分亦做得挺精緻，壽司飯都不會是"大舊飯"，小小的一口就可吃完。個人特別喜歡火炙蟹棒壽司，小時候媽媽帶我們去食壽司時必點的項目，現在每次食壽司亦都必點來回憶小時候的味道。超級無敵霹靂好味的芝麻雞翼，你必須要在餐牌仔細地看才發現它的芳蹤。雞翼非常入味，炸很香很鬆化，超香脆，完全不擔心會很油膩。我一個人就完成了3隻，

上個禮拜，有個好姊妹話想食日本菜，但係佢又唔食得生冷嘢，經過我詳細搜索之下，就搵到七福神和食亭，見到佢唔止選擇多，仲有好多小食，熟食，啱曬佢喇。真係幾多嘢食揀嫁！我哋叫咗個原隻八寸大蝦天婦羅，一人一隻，真係好大隻。我最鍾意佢粉漿唔係好厚，蝦肉好彈牙，最好係連蝦頭都可以食埋。呢個係燒雞翼，我哋叫咗兩份，本來以為一份係一串既，原來一份有兩串雞翼燒得好香，有淡既鹽味。呢個係炸魷魚鬚，炸得好脆，好香我哋仲叫咗個鰻魚飯，鰻魚好肥美，有d細骨，不過好香濃。

今日約朋友食飯, 地點就返佢公司附近~朋友平時都會黎呢度食LUNCH~我話想食日本野, 就介紹左呢間~一坐低睇MENU, 喂.咁似放題餐廳既?!好多選擇, 生野熟食都有~~~~咁就樣樣叫D啦~~反正都唔係貴~價錢好相宜~要自己寫字落單~帶子刺身 $56各類壽司, 我地黎到先發現叫左帶子刺身同壽司~WKAKA 咁蠢既又會.不過都冇問題帶子好好味~ 玉子燒.$46 正呀!呢個好好味~ 好甜有蛋味~好厚實~蟹肉味噌甲羅燒連飯團 $48原來係燒埋畀你, 我以為有得自己燒TIM WKAKAKA (發緊夢)呢個有好多蟹肉, 不過可能係味噌, 所以會偏咸, 好在有跟飯團, 咁就可以羅個飯落去撈埋, 再夾紫菜食.咁就會中和返D咸味~炸魷魚鬚 $48~ 我去飲茶既話係一定會叫魷魚鬚既~~~正! 份量都好多, 算抵食!! 食極都有~鹽燒雞翼 $36 2串~  雞翼大大只~ 又係好香口~脆卜卜~鹽燒牛舌.$55 2串.好大件, 有成只手咁長~~~~ 好味, 唔韌~ 好香~都唔算古寒喎, 55蚊有2串大大件既~我地重叫左荔枝蜜桃梳打 $32~~~ D顏色好靚 XDDD整體黎講, 呢間D 熟食好出色~尤其係串燒

今天經過佐敦，天氣非常炎熱，想吃一些冰冷的食物。突然看見一間日本食肆七福神，於是決心一試。食店的餐牌種類非常繁多，包羅萬有。 對於我這個有選擇困難症的人來說，實在很困難。不過人到肚餓的時候，腦袋也變得十分清晰，最後我點了兩個餐。【刺身拼盤】刺身拼盤有、海膽、三文魚、北寄貝、甜蝦、飯團。海膽非常鮮甜入口即溶；三文魚鮮味十足，而且肉質非常厚，相當有質感； 北寄貝和甜蝦都非常鮮甜，十分美味。【豬頸肉炒拉麵】豬頸肉爽而不靭，口感十足，很有嚼勁。拉麵炒得非常軟腍，配以酸酸甜甜的醬汁，感覺十分惹味。店舖的裝潢舒服雅致，令人心情放鬆，今次能夠路經此地，試到這間食店，確實令我難忘。

事緣小妹今天需要到佐敦做事, 完成後途經見到有間樓上日本料理, 驟看一下店家的菜餚款式豐富且價錢吸引, 對於無日本料理不歡既小妹, 當時要入去觀摩一下吧。進來店家裝潢簡潔雅緻, 主要以竹制自然風色調為主, 播著流行歌曲, 令人非常舒服。小妹第一時間參詳一下店家的餐牌, 店家提供的料理款式包羅萬有, 由刺身, 丼物, 酒肴, 串燒, 天婦羅, 揚物, 磯燒至海鮮麵食等等應有盡有, 令人目不暇給。是日小妹胃部呼叫得特別強烈, 決定要與老公一同到此大戰一回。刺身拼盤 $128 (海瞻, 三文魚, 甘蝦, 北寄貝)刺身拼盤賣相一絕, 外觀色繹美艷, 令人垂涎欲滴。一嚐下沒有令小妹失望, 刺身鮮甜味美。當中需要一提是海瞻入口即溶, 鮮甜萬分, 在小妹口腔盪漾幾回, 令人精神一振。和牛刺身 (4切) $65小妹一貫是和牛愛好者, 當然要支持一番。和牛刺身紋理鮮明, 肉質嫩滑帶嚼勁, 配以店家祕制酸甜汁一絕, 令小妹情緒再度高漲。蟹籽沙律 (細) $45沙律份量異常十足, 超值抵食。青瓜絲爽脆, 非常清新。小妹一度以為自己叫錯了大的份量, 哈哈!清酒煮海蜆 $88海蜆份量同樣十足, 雖然海蜆外形比

成日都任點任食放題，今次朋友仔話要自己點自己食。呢度食品款式好多，餐牌裡面既相仲好吸引架。首先個六品刺身黎到，色水好靚，望落好新鮮，同餐牌幅相係一樣架。再試埋個刺身入口，好甜，係新鮮魚生既鮮甜。壽司都做得好好，飯仲係微暖既。和牛壽司上面片和牛幾紅潤。呢個芝士蠔真係不得了，滿滿既芝士漏出來，而隻蠔係好肥美厚肉。唔夠飽，叫個豬扒飯食，豬扒炸得香，個飯乙夠熱，做出水準來。呢個黑糖蕃薯好利害呀，唔好睇佢黑麻麻，咬落去軟綿綿既蕃薯，上面配有小小脆既黑糖，甜品正餐都係佢，我倆爭住食。

今晚係油麻地上完堂 朋友話想食日本菜一於試下呢間七福神 我都想試好耐， 今次有口福 上到去 全場滿座 好彩有最後一張枱唔使等 餐牌上選擇很多 由刺身 壽司 沙律 前菜 炸物 燒物 串燒 炒飯 拉麵 甜品 🍮嘩 ⋯ 好肚餓呀 想食好多好多款野食呢 好喜歡這落單紙 可以自己慢慢諗完食咩 再清楚記低係菜名後加上號碼唔怕叫錯落錯 雖然很多客，但上菜卻很快 太好， 不用等很久 先來三文魚刺身 很大件，厚身 新鮮炙五味壽司都足料唔會得薄薄一片 海膽海鮮黃金炒飯 飯炒得是粒粒分明 而且上面有大啖海膽 蝦及其他亦很多 唔會係得一兩粒海鮮仔咁 燒肉帶子串 燒到外脆 帶子爽口 玉子燒 好好食 我比較喜歡食甜蛋玉子燒很快食完一舊 燒鮭魚飯團外面燒得脆卜卜 用紫菜包住食 口感一流 但飯團岩燒起 很熱的 蟹肉味噌甲羅燒 跟有白飯 及紫菜俾你包住食 撈埋一起味道岩好黑松海膽露蒸旦一開蓋 超香黑松露味 旦十分滑 無蒸過火餃子 一大塊脆底超級脆 好好食 我地餃子上左後， 聽到隔離2桌人都即刻落單叫餃子最後蜜桃雪葩好香好滑 味道唔假 份量滿滿的 正 總結： 價錢合理 味道很好

今天上完課之後，同學們和我一起相約吃東西，我們就是在附近找找，最後我們決定去七福神和食亭。這裏的選擇有很多，看得我們都不知選擇什麼好了，所以我們決定每人選一種食物。首先就是三文魚腩壽司，這是特長的。魚生十分新鮮，有紋路。這是極上和牛壽司，顏色十分鮮紅，肉和脂肪的分布十分平均這是串燒豬頸肉，原來一份有兩串的，份量也挺多的，豬頸肉燒得十分香，肉質十分爽口。這是蟹肉味增甲羅燒，原來這是有跟珍珠飯的，就是像一個飯團一樣。蟹膏燒得十分甘香，還帶點蟹肉的鮮甜，味道有少少辣，很開胃呢！

包羅萬有更勝放題的七福神和食亭 日本放題出名多選擇，但款式都離不開常見的那幾款，想試試新野和更精進的日本野，這裡是不錯的選擇。刺身拼盤兩人份量剛剛好，有齊我鐘意的海膽、三文魚、甘蝦和北寄貝，海膽非常新鮮又夠哂凍，一點腥的感覺也沒有，鮮甜！三文魚厚厚的三片，剛剛好滿足了我，甘蝦大大隻非常鮮，沒有半點雪味。火炙三文魚腩壽司、火炙和牛壽司三文魚腩的長度很長，魚腩的關係，暖暖和油脂比例較重的魚身，入口即溶化。和牛薄薄的一片，脂肪分佈非常平均，肉質好，肉味濃，配上醬汁和飯後非常夾！金龍蝦反卷即叫即炸的蝦卷物，吃起來時還熱熱的和香脆的，飯又不會太乾，配上沙律醬和蟹子，最重要是性價比高，一客六件抵食之選。露荀牛肉串、京蔥雞肉串露荀採用幼苗般的，一點老和乾的感覺也沒有，非常爽脆，肥牛片包裹著，肥牛的肉汁、油脂溶入露荀中，一流！京蔥的味道非常出和香，雞肉嫩滑得很，一點也不乾，肉汁夠，配上醬汁一拼吃，惹味！芝士肉醬燒茄子足足十吋長的燒茄子！外皮脆脆內裡茄子泥蓉，表面加上海量多的芝士肉醬，新嘗試，新體驗！蟹肉味噌甲羅燒集合了整隻蟹的精華，濃濃的蟹味、有口感的蟹肉絲、鮮味的蟹膏，配上紫菜和飯團，蟹的味道在口腔

日本菜一向都是我的最愛菜式之一，以前都有到過七褔亭，價錢合理，且質素不錯，故今次再次到訪。我們約晚上八時左右到，在座的食客不算很多。上菜速度快。士多啤梨煙三魚果醋沙律($68)上次在這裹用餐也有點這沙律，今次encore，水準依舊。士多啤梨很甜，正好中和酸酸的果醋。沙律菜的份量亦相當多。三文魚($58)、甜蝦($55)三文魚大片且厚身，甜蝦鮮甜，刺身為必食之選！信州蕎麥冷麵(冷)($45)蕎麥麵麵質爽口，但醬汁有點失色，太淡。赤板魚蛋紫菜手打烏冬($46)上枱時，烏冬是温熱，手打烏冬麵質不錯，爽口彈牙，還有半熟流心蛋，不過份量有點少。以眾多間日本菜餐廳而言，七褔亭未必是最平，不過以其價錢及食物質素而言，CP值高。

想品嚐平價日本料理大多聯想到放題，不過放題種類十有八九都大同小異，吃多了總有點厭倦，何況總不希望常經歷放題吃得飽到撐的痛苦吧。在油尖旺區，撇除所有放題餐廳後的平價日本料理似乎不多，想品嚐高質素的料理固然可以到尖沙咀，選擇之多更是數不勝數；但只想輕鬆吃個便飯的我們最後還是選擇了七福神，至少曾經光顧覺得它在平價日式料理當中質素算是穩當。餐牌上選擇繁多得令人眼花繚亂，價格都相當親民，絕大部分菜式都只是數十元。士多啤梨煙三文魚果醋沙律 ($68)沙律份量幾乎有洗臉盆大小，煙三文魚肉厚不過略為硬身，士多啤梨切成薄片，加上果醋及沙律醬更加酸甜清新。燒魷魚 ($68)原條魷魚配上鹹中帶甜的燒汁，肉質不會堅韌難嚥。瀨風鮭魚燒飯團 ($42)三文魚碎混入飯粒當中，外層燒至金黃香脆，對於熱愛飯焦的人如我無疑是正中下懷。和風黑糖番薯燒 ($36)番薯灑上黑糖燒至焦糖脆面，不過番薯口感乾硬不夠粉糯，而且帶有苦澀味。芝士肉醬燒茄子 ($45)茄子較少配搭芝士肉醬，雖然不及蒜蓉與茄子來得天衣無縫，但整體並沒有太過怪異，茄子亦燒得透徹軟腍。菠菜玉子煮 ($36)炒蛋覆蓋於菠菜之上，不過兩者貌合神離，屬清淡健康之選。

食得多放題，都想試吓散叫嘅日式料理，睇吓水準同價錢係咪都高啲先。網燒牛扒，雖然冇話係和牛，但入口即溶，牛肉味濃，生熟程度剛好，極力推介大蒜牛酒燒銀鱈魚，銀鱈魚扒夠厚身，魚肉滑就一定，但唔夠入味，始終都係西京燒汁配銀鱈魚好味啲。芝士鐵板滑豆腐，絕對可以滿足到鐘意食芝士嘅人。壽司無可否認比起食放題嘅壽司比較高水準，新鮮，大件，款式多，生和牛入口即溶，火灸和牛香，三文魚特長，帶子赤貝刺身鮮甜。兩個人食，埋單$636，價錢同食放題差唔多，但食嘅嘢名貴少少，唔使夾硬食到頂住，都係一個唔錯嘅晚餐。