七福神和食亭

營業中

休息中

對這間的清湯蜆念念不忘就決定再去食，可惜太夜去，賣曬了！ 今回就多點小食，填補返心靈單點帶子刺身6片都厚身，沒有冰硬的感覺！八爪魚刺身有5片，咬落爽身，有埋檸檬清新香！波菜控一定要點呢個玉子煮，波菜望落偏綠通常食親墨魚咀唐揚都配檸檬汁，今次試新野配蛋黃醬，味道幾惹味，醬都差不多清曬！北海道鍋燒蠔仔粥配料多，即使有芫茜 味都唔算重，幾驚喜係蠔仔都唔細隻、無沙，成碗都啖啖肉！必點蟹肉味噌甲羅燒，蟹膏味濃而不太咸，可自選送飯或連紫菜一齊食！軟殻蟹手卷紫菜脆，軟殻蟹不乾身，還有蟹肉食到！芝士焗天火蠔，偏蠔味重，食落沒有沙！芒果活乳酸味道平均，不會太甜！5百多食到8款食物都划算

今日同朋友係佐敦附近行街，想搵日本野食，一諗就諗到性價比同質素都高ge七福神和食亭，食到飽飽，滋味無窮👍🏻串燒5品盛盒：串燒5品盛盒有雞中翼，豬頸肉，雞軟骨，冬菇，小青椒，非常豐富，外層帶點咸香，很惹味！燒大蝦串：啖啖蝦肉，滋味無窮👍🏻軟蟹天婦羅：香脆ge軟蟹天婦羅外脆內軟，入口依然鮮味無窮，蟹肉軟綿綿，如果佐酒應該唔錯！東京風茄子煮：很鮮甜ge茄子，配上木魚絲更惹味，而且茄子唔會太腍，口感不錯！網燒牛扒定食：呢份午市定食性價比同質素都好高！$58一set，牛扒大大份，而且肉質嫩滑，好味又飽滿！山型香桃雪葩：香桃雪葩非常清香，而且甜而不膩，係夏日炎炎中享受呢款雪葩就最好不過！椰子雪葩：雪葩帶有淡淡清香ge椰香，口感非常順滑👍🏻

慶祝自己搵到新工，今日約左朋友食一餐好好慶祝下！想搵一間坐得舒服，可以靜靜傾計嘅餐廳，就再翻撻七福神坐低二話不說即刻叫了刺身拼盤，我只鍾意吃三文魚，切得好厚身好鮮甜。其他朋友負責ko曬，佢都話好新鮮，不錯不錯椒鹽風味本菇，唔算好脆口，但入面嘅菇仍然好juicy，可以試試。豆腐野菜湯，清清淡淡，無咩特別。雞軟骨都幾大粒，炸粉唔會厚，味道香脆燒三文魚孖寶雙拼，魚鮫燒得啱啱好，外脆內軟黑松露海膽茶碗蒸，每次黎都必食，蛋非常嫩滑，加埋黑松露嘅濃郁香味同海膽嘅鮮甜燒雞翼同燒冬菇，雞翼好入味，唔會乾爭爭。冬菇就不過不失。最後唔夠飽叫多個豬軟骨拉麵哈哈，好大食啊我地！豬軟骨好入味，好淋，拉麵爽滑，滿意期間叫了青蘋果雲尼拿奶昔，我覺得有D似藥水味，但朋友就好鍾意，各花入各眼

之前搭車成日經過見到都已經好想試架啦！今日終於有機會～收工搭地鐵步行兩分鐘就到好近😍環境都係以日式簡單為主，坐得幾舒服😚從冷盤開始～海膽可以當刺身食又可以加埋飯團同紫菜一齊食～驚喜既係同係日本食既有！得！揮！好鮮甜🤤🤤🤤而牛肉刺身真係第一次試～只要克服到心理關口其實都好食！跟住就到串燒啦！牛舌口感好好～而且燒到恰到好處，好濃牛味😋😋其他燒物都好香口～而最怕既燒到乾真真都無出事！所有都好juicy!! 如果想同一班朋友飲下啤酒食下串燒 妮到真係諗得過！🤩今次多人可以叫多幾樣小食！如果10個like係滿分我會比20個！因為所有野都好岩我口味～溫度 質感 味道都岩岩好！最好緊係要食返啲澱粉質啦(>^ω^<)由於本人實在太喜愛食蝦蝦蟹蟹所以就算去到尾聲都阻我唔到架😠！炒飯比想像中有鑊氣同足料，所以總結今餐真係食到好飽好飽😛😛😛

依嫁都好少食放題，反而鐘意散叫，一黎食唔到甘多，而且放題質素高既價錢又貴。反而散叫經濟又實惠。所以我朋友想食日式餐廳既話，我都會推薦佐敦-七福神。地點好就腳方便，收工過黎岩岩好。七點黎到已經坐左八成客，好彩有訂枱姐。一定叫既海膽，仲係保持水準好肥美、味道濃郁。放海膽係紫菜上面，自己調節想加幾多海膽、飯都得。和牛刺身，雪花好靚，口感好軟綿又無牛騷味，唔講唔知食緊牛。天婦羅、螺肉、芝麻八爪魚呢d基本野就緊係有叫。軟殻蟹手卷，係即整即上。所以紫菜好脆，而軟殻蟹就熱熱地。👍🏻👍🏻👍🏻椒鹽風味本菇，好香口，好好食，食到停唔到口。大蒜牛油燒銀鱈魚，我就無試到，但鐘意食魚既朋友話好好食。七味軟殻蟹卷，比想像中大條，有六件到。😋😋芝士焗蠔，新鮮熱辣，仲有好多芝士添呀😆芝士鐵板燒豆腐係必點推薦，炸過既豆腐，外脆內軟，入面舊豆腐超級滑。而且面頭好多芝士，要趁熱食，超好味。😋😋😋其實仲叫左好多野食，但太肚餓啦，好多都無影到相就食左😂。七福神食物選擇好多，而且餐牌好清晰，有相睇黎點野食👍🏻👍🏻👍🏻

最近在佐敦附近出job，上openrice睇睇有咩好西見到呢間七福神評價好高所以去試下。叫了辣味三文魚壽司、海膽壽司$32、燒帶子壽司、軟殼蟹手卷（$54/ 2件）。 師傅手工幾好，壽司碟有預熱，壽司飯夾起冇鬆散。燒帶子很細和沒有鮮咪，壽司飯偏酸。海膽幾新鮮，味道鮮甜。辣味三文魚上的蔥很香，配搭不錯。最愛軟殼蟹手卷，沒有厚炸粉，真的食到蟹肉，外面的紫菜也新鮮。埋單連加一共$143。近廟街的地方有d雜，開頭上去見到侍應有紋身都驚驚，但發覺服務態度好好，是值得支持的小店。

天氣熱真係最想食就係日本野，又唔想食放題就決定再去呢間七福神！鐘意佢抵食又多款式餐廳係1樓，環境都好乾淨冇呃你，真係好多款式多到影唔晒一黎到叫左杯士多啤梨活乳酸降下溫唔係益力多味，係好新鮮果汁仲有好多士多啤梨肉跟住叫左個細既蟹籽沙律估唔到超級大碟，好足料刺身拼盤有優惠海膽半板，三文魚3件、甘蝦2隻、北寄具3件都係$128 ，款款新鮮又鮮甜再叫多2隻牡丹蝦，好肥美好新鮮叫左幾款壽司，有帶子，玉子，蟹籽同八爪魚飯唔會一夾就散值得讚東京風茄子煮，煮得好入味廣島吉列炸蠔，好鐘意食炸蠔呢款炸得幾好，唔會太油蠔亦都好肥美最後食多碟燒雞翼，雞翼燒得好香脆惹味食左咁多樣$600都唔洗款式多到仲未試晒！下次再encore！

不想等那麼久，要早點訂位，有限時90分鐘用餐。整體上食物都很不錯，有質量的話，不算貴。我特別推介露筍牛肉，靈筍粗而嫩，調味很好，熱騰騰的。雜錦魚生冷拉麵配上麻醬，拉麵爽口，有很多不同的魚生粒，很好食。石鍋牛肉飯配上燒汁，牛肉嫩滑，炒得很香。壽司的飯是一口的，手握的，魚生新鮮，也不錯。宇治綠茶紅豆冰是是日限定， 味道比較甜，下次可以叫少甜。這個價錢配上這樣的食物質量、服務和環境，這家日本菜是個不錯的選擇。

這間是樓上店，店內氣氛熱鬧，各桌客人都暢談，如日本居酒屋般，是個令人放鬆的好地方。食物種類選擇極多，媲美日式吃放題，仗著我們一行五人人多，就放縱地寫滿2張落單紙😂食物整體味道棒棒的～橙黃色的海膽色澤誘人，顆粒分明，配上紫菜少許醋飯吃，人間美味！三文魚厚切肥美，豐厚油脂在舌上游走；帶子冰涷鮮甜；甜蝦大隻肉多而爽甜。沒想到香港也能吃到和牛剌身，這店太牛了！友人說這個是必點的～軟殻蟹手卷芝士焗蠔，別家的都是上面滿滿芝士下面是小小的蠔，可這家的卻不是這樣子！！！蠔是大只的，配上適量的芝士，好味！炸的薄脆可口海老天婦蘿，大愛！墨魚咀脹卜卜的～點個椒鹽風味本菇，平衡反吃太多肉少菜這個問題。銀雪魚很滑，一人一筷子就吃光了。串燒類和小食都不錯～

陪老婆去佐敦睇野之後要搵下食咩，突然諗起七福神和食亭，之前都同老婆黎食過，D間我最鍾意就係芝麻雞翼，之後再上openrice 睇下呢間日本料理既評語先，睇返都OK，就一於再試試佢。七點三左右上到去都開始多人，但好彩都有位。之後睇下餐牌有咩食，我地好多都想試，所以叫左好幾款先，唔夠先再叫，必點芝麻雞翼。【七味軟殼蟹卷】軟殼蟹炸得非常香脆再加埋蟹籽，再夾埋沙律菜一齊吃下非常滋味。【海膽壽司】必點!海膽味道唔錯，不會有腥味又不會有怪味，配上青瓜，味道剛剛好，仲要係唔貴，抵!!!【芝麻雞翼】必點!炸得非常之金黃色又香又脆，也很入味，裡面肉汁豐富，必點選擇。【鰻魚炒飯】必點!鰻魚炒飯係我黎咁多次既第一次叫，個炒飯真好好味，廚房還加入香菇一同炒，很香很有日本風味。珍珠米加入鰻魚汁來炒又不會令到個飯太濕潤而變成糊狀

七福神是在日本信仰中被認為會帶來福氣、財運的七尊神明，一般以惠比壽、大黑天、毘沙門天、壽老人、福祿壽、辯才天、布袋為七福神，整體形象類似中國的八仙。今天跟朋友也來沾沾福氣和財運，幸好有事先預約，吃完出來看到外面在排隊。天氣太熱了，一坐下先叫杯凍飲料來降降溫，荔枝香桃梳打，飲料裡面還有一顆荔枝，喝完還有水果吃。 這家餐廳除了刺身外，還有酒，拉麵和炸燒食物等，不過我和朋友比較都喜歡吃壽司和刺身，所以今天叫的都是這兩樣東西，好像在吃放題，哈哈~有圖有真相，每一片刺身都非常厚大和新鮮，還很用心的把刺身擺放整齊美觀，一看到這盆刺身，感覺心花怒放，一下子增強食慾。海膽也很新鮮，所以平時少吃海膽的我，突然跟朋友爭著吃，還有法國生蠔也很肥美，點上伴碟的醬，更帶出更多鮮味。吃完這一餐覺得非常滿足，輕輕的我走了，帶走了一片福氣和財運，哈哈~

已經隔咗一段長時間無去佐敦食飯，今晚心血來潮又想起最愛既日式料理店，於是決定放工跟老公一齊去回味一返。坐位依舊闊落，空間感大。餐牌款式比之前多了一點，價格亦上調一點點，但依舊非常扺吃。關西風玉子燒玉子燒色澤金黃，蛋味香濃，入口juicy , 超正👍🏻蟹籽沙律（小）份量相當驚人，有生菜絲，青瓜絲，蟹柳絲，加上蟹籽拌混，味道清新，蔬菜又爽甜。牡丹蝦刺身 （4隻）店員通知今日來貨比較大size 所以要每隻另加$5 ，我倆都比較喜歡大size,蝦肉爽甜彈牙，而且仲有好多蝦膏，正呀👍🏻帶子刺身（6切）帶子軟嫩鮮甜，肉質鮮美。芝麻雞翼外皮酥脆,芝麻香口，雞翼肉質鮮嫩多汁，果然依舊係我最愛❤️海膽壽司海膽鮮甜無怪味，抵讚👍🏻鰻魚炒飯炒飯完全不油膩，鰻魚粒鮮甜惹味，味道啱啱好。食咗咁多野都唔洗$600，真係超抵食，而且食物又有水準。

朋友相約去尖沙咀SOGO買嘢shopping，行到佐敦咁啱見到呢間七福神，呢度都叫做多嘢食，從刺身、丼、海鮮、熟食到甜品都應有盡有，肚餓啦就入去試下。可能因為太多嘢食，所以呢度要自己係單寫低想食乜，跟住交俾Waitress就得。我揀咗幾款覺得都OK嘅嚟介紹下~首先當然係刺身先啦，叫咗三款分別係甜蝦（$55）、吞拿魚（$55）同埋三文魚腩（$68）。刺身非常新鮮，甜蝦個頭完整，蝦頭部唔係黑色，代表都幾新鮮；而吞拿魚係赤身部位，魚味濃郁；而最最喜歡的就是三文魚腩，記住係Menu度三文魚同三文魚腩係唔同既選擇黎，腩部會稍貴十幾蚊，但絕對值得加，皆因三文魚腩肥美到真係入口就感受到其脂肪溶化既感覺。芝士焗天火蠔（$24 1隻，$70 3隻）個頭不是很大，但用牛油和牛奶做出嚟嘅白醬做汁底，然後灑上Parmesan Cheese烘焗出黎既芝士脆皮，令到原本單調既生蠔變得多層次起來。蟹子沙律真係良心之作，通常出面點呢個，最多都係一個飯碗咁大既份量，但呢度既蟹子沙律係用「面盆」上！佢擺上嚟嗰陣我真係嚇親。份量非常足，完全不計較成本。由於Size 太驚人，太少人食會食唔曬一個「大」份量，建議少過6人ord

不嬲都鍾意食日本嘢，呢日朋友生日，本身話去食放題，之但係我地又唔想限制住自己嘅選擇，於是選擇咗呢間和食亭，寧願俾多D錢多D選擇。環境唔算大，檯擺得密密麻麻，不過香港地差唔多都係咁，都係講返食物先。呢度魚生刺身好出色，甜蝦（$55 5本）、帶子（$56 6切）、三文魚腩（$68 5切）都好新鮮。甜蝦肉質細緻淡雅，甜而清；而帶子就唔算好大隻，但皎潔亮白都好鮮甜；最令人呢驚喜就一定係三文魚腩，一擺入口，口腔嘅熱力令到三文魚嘅脂肪融化，口感潤澤豐盈，超正！而我最愛嘅，一定係海膽！我地叫咗一板海膽（$118）。海膽肥厚新鮮，顏色呈橙黃色，顆粒十分分明。用紫菜包起用飯，再撈埋如Cream一樣綿滑柔軟的海膽，一擺入口海膽獨特嘅鮮味籠罩咗成個口腔，好味到暈😍。 我地叫咗兩款壽司：香芒花之戀（$58 per 2)同火炙蟹棒壽司（$18 per 2），香芒花之戀味道好清新，加埋芒果有助消除三文魚同沙律醬嘅油膩。而蟹棒壽司味道都正正常常，可以試下嘅。芝士鐵板燒豆腐（$50），我諗豆腐應該事先炸過，所以外皮起酥。芝士裹著豆腐，香草、蟹子都增添咗一些色彩。熱食好正，芝士融融地黏住豆腐，脆中有嫩；不過一定要趁熱食

今天是我的一位好朋友生日, 他想吃日式放題, 后來心想日式放題雖然任食, 但味道一般, 且食材沒那麼新鮮, 於是便選了一家高級日式餐廳, 為他慶祝生日。餐廳的裝飾古典優雅, 很有日本餐廳的特色。先來一客前菜沙律, 青芥辣八爪魚沙律, 新鮮的沙律菜, 青綠爽甜, 配以沙律醬酸酸甜甜的口感,數片八爪魚刺身, 爽滑的八爪魚刺身, 軟軟的, 八爪魚味濃郁, 清清甜甜, 十分醒胃;吃完沙律, 主要的刺身來了, 我們點了一個刺身C拼盤, 刺身C拼盤有海膽半板, 三文魚刺身, 3片, 甘蝦刺身2件; 海膽, 清甜入口即化, 海膽味齒頰留香, 三文魚, 鮮紅色的肉質, 極為新鮮, 三文魚油豐富, 淡淡的肉質, 軟滑無比, 三文魚味濃郁; 而甘蝦, 晶塋剔透的肉質, 肉質清甜爽口, 每一口的蝦味都滿溢於口中, 久久不散;見餐單, 看見燒美國生蠔好像不錯, 於是我們2人點了3隻, 面層金黃色的生蠔,鋪滿蟹子, 十分香甜, 生蠔十分肥美水潤,十分幼滑, 清甜的海水味, 吃完齒頰留香。燒物當然少不了雞翼串, 雞翼串金黃色, 外皮十分香脆, 鹹鹹的雞翼串十分惹味。主菜到了, 我最喜愛的是鰻魚, 這裏的蒲燒鰻魚,