七喜粥麵小廚

營業中

休息中

Happy hour後會合朋友, 一起來七喜吃個late dinner.我點了腰潤撈麵, 豬腰和豬潤都做得不錯, 其中一名友人試過後, 立即想追加一客白灼豬潤, 不過已叫了不少食物, 所以我們都無反應, 哈~~友人則吃三牛麵(即牛肉、牛腩和牛柏葉) 及紫菜四寶米, 似乎都不錯.蜆芥鯪魚球是友人推介, 上檯時是熱辣辣的, 彈牙得來帶鬆軟, 果然好味, 略嫌那碟蜆芥份量較少.灼魚皮我沒有吃, 據報亦食得過. 賣10元一碟的油菜也不欺場, 份量比想像中大, 芥蘭不老, 甚至頗為靚仔.顧客雖多, 阿姐也只會善意地「催」你落order, 和在合理時間內收拾碗筷, 不算突兀或令人難受.每人三十多元, 抵食好味, 難怪店子長爆.

雲吞和淨鵝腸一般水準，不太特別，但也不算難吃。

今日陪林小B看中醫後到了這裡食東西, 原來想要黑柏片麵, 但很可惜今天沒有, 真失望! 不過有鵝腸麵頂上一樣掂, 我們還點了牛筋撈麵, 肉丸粥, 韮菜鷄紅(擺明唔驚禽流感)鵝腸麵- 鵝腸爽口, 麵梘水味不重。牛筋撈麵- 林小B同我都覺得好過現在的民園, 雖然牛筋不是很腍, 但不算硬, 只覺有O趙口, 腩汁也不錯,下次我都要試下個牛腩麵先得。肉丸粥- 覺得好似和我以前食的味道不同了, 而且肉丸比以前實又好似加了類似蝦的物體, 但個粥底很不錯很綿。韮菜鷄紅- 上桌時還有小氣泡冒著, 熱辣辣好好味, D汁又辣辣地好惹味不需要加胡椒粉, 將汁倒少許入粥內拌勻食更正。

search左openrice就決定來此食下粥先. 叫左個炸鯪魚球($28), 一碟小白菜($10)及豬潤魚腩粥($24). 我地最欣賞都係個炸鯪魚球,個蜆蚧又好正. 個粥就一般啦, 無咩特別好味, 不過我就覺得佢地d粥係無落味精. 服務都算唔錯架. 我地坐張四人位, 佢地有客人來都唔會叫我地換位/叫人來"嗒"位.

病到口淡淡約左朋友仔o係旺角等唔知去邊度食飯好因為肚仔唔覺餓只係想食碗靚粥但朋友仔又唔多鍾意食粥最好都係搵間有粥又有飯食既地方近近地本來想去富記但怕左佢d粥咁重味精食完會好口渴諗諗下想起太子有間七喜於是遠遠都行左過黎叫左一個晚餐加一碗豬潤肉丸粥個餐要左八珍豆腐跟餐送白飯同南瓜魚湯浸小白菜豬潤肉丸粥～好快就黎到,大約有五大片豬潤同三粒肉丸,豬潤好爽口唔韌,又有鮮味,好正!肉丸大大粒,彈牙爽口,亦都好味;粥底綿,至重要係佢唔重味精,食完成晚都唔見口乾八珍豆腐～有豬潤,豬腸,肉片,魷魚仔,豆腐,蝦仔等等,雖然料唔選好豐富,但味道唔錯又唔油,幾好味南瓜魚湯浸小白菜～個魚湯好清,好香既魚味但一d都唔腥,好味道,但略嫌d白菜仔少左d,如果多d會更加好!食到飽飽都唔駛60蚊超值!不過呢度地方偏細坐得無咁舒服服務亦都唔係咁差喎阿姐都多謝前多謝後

兩個人約莫兩點半去到，人客不多，叫了牛筋撈麵與牛筋薑蔥撈麵（只加二元），想叫多個蜆介鯪魚球，落單的哥哥仔說剛好進入下午茶時間，特價十元四粒，又可以十元再叫四粒炸雲吞，當然樂意照辦．鯪魚球是新鮮炸起的，點蜆介真是冇得頂，爽口，香，滑，兼而有之；炸雲吞的皮脆，虾爽甜，點跟上的酸甜醬，十分好味．主角牛筋撈麵亦是很好，牛筋淋滑入味，可惜汁比較少，加上辣椒油，勁正，麵很爽，很少梘水味，吃完碟上一滴汁也不留．本人覺得這裡的服務一向不錯，和新蒲崗店一樣，職員都很勤快有禮貌，有笑容，留心顧客的需要，肯耐心推介店的食物．湯水和茶泠了又自動自覺來換．比自命高級的食店絶不遜色．

另一個故事，都係同一個名，兩種演譯。蝦子麵lover 的另一個故事。相比土瓜灣，另度算係人食的。但相比新歡劉深記，如果唔係人地裝修，你請唔郁本官駕臨。單係出界呢野，已經打你30大板啊。

四片豬膶兩件腩,粥底略為較薄米不多, 豬膶略帶有點點苦味及帶鹹, 魚腩都可食得下,幾滑及有點魚香味。

因為我同我frd話未食過蜆介醬,所以佢帶我食~~就黎左呢度dinner食左幾樣野:1.爽脆鯇魚皮:魚皮食開炸既多,生既(唔知係咪呀下)就真係未食過,好正wor~又真係爽脆~*2.鵝腸:好大條~哈哈~~又係好爽脆,正呀~*3.蝦子撈麵:我未食過大家所講既車品品,覺得呢個ok啦~都有好多蝦子~4.蜆介炸鯪魚球:是晚主菜,鯪魚球好大粒呀~又夠熱,點埋d蜆介醬~一流~~~*就係咁,我就鍾意左食蜆介醬喇~多謝我個frd~哈哈~~~ *service都幾差下...十問九唔應~不過for我黎講,食平野service唔好唔緊要~~*

Hey, you are right. The one in Mongkok is actually the worst. San Po Kong is the best. Wanchai is alright (you won't expect much anyway). However, they do make good pig levers and kidneys.

牛腩麵麻麻, 菱魚球唔錯, 又大粒! 價錢略貴唔抵食! 要$ 30 落樓一位!不過service 好差!不下次都唔幫襯

幾好食呀，我見張張枱都有碟蜆介炸鯪魚球，就叫左一碟，都幾好食呀，好香魚味。另外七喜八寶撈麵好好食，好似都係店裡的好味道。不過，果日對住廚房坐，臨走時望住個廚同隻田雞mock皮，mock完一隻又一隻，差點隔夜飯都嘔了出來啦。>.<

order了魚片粥, 估唔到粥底都幾綿, 食完後都唔覺得口渴, 魚片有好多但唔腥, 而且碗粥都幾大碗, 食完已經好飽, 都只係$17, 算係抵食, 不過地方太細, 即使兩點半, 都有人係出面等位, 如果地方大d, 就更加好

昨晚去宵夜試左.....<br />牛腩肉質似乎唔夠淋, 不過D 牛根就好淋<br />椒鹽鮮魷, 肉質幾好不過唔夠鑊氣<br />比較上土瓜灣七喜好似好D.

以前的粥麵味道好,但近來發覺食物水準下降:粥和麵均沒有以前那麼好味道,只像一般貨色而已.位子太少及太小是向來的缺點.