七喜粥麵小廚

營業中

休息中

好喜歡到此店食粥同埋佢地出名既炸鯪魚球, 上星期六又再來食.2個人叫左炸鯪魚球, 魚片鵝腸粥同埋雲吞麵.雲吞麵竟然有5大粒雲吞真係估唔到, 味道都唔錯d麵夠彈牙無咩"簡"水味, 粥就最正啦真係料多過粥, d粥又夠綿鵝腸整到岩岩好...只係魚片同鵝腸都無味道所以要自己再加d豉油先可以.最後主角來啦...就係炸鰻魚球, 即叫即炸好香口配上d蜆介一流.

5點放工, 6點半公司在太子宴客, 明知夜晚會大吃一餐,但一場來到太子和同事都覺無理由空肚而回,最後入咗七喜嘆吓飯前小吃!味道爽脆鯇魚皮--本人極力推介....爽脆生魚皮的鮮味比薑葱豉油帶哂出嚟 配上脆脆的花生,口感特別,生魚皮只要一點不新鮮就是臭的,沒有灰色地帶,很多舖都不敢做,但七喜是我食生魚皮首選的地方!!蝦子撈麵--同事要求,這也是第一次在七喜試!味道ok,分量也不過不失,蝦子的數量也是普通,下次一定會堅持食蝦球芝士伊麵囉!!蜆介炸鯪魚球--是後加的,六粒鯪魚球是大大粒的,齋食已吃得出鯪魚肉的美味,彈牙的肉丸,再配上蜆介,唔食真係唔知佢哋可以咁friend!鯪魚球上枱時大大粒,食最後嗰粒時雖已凍了不過能保持一樣大細,我諗這個係佢用足料最好的證據!!--好一杯足料的咸檸七,一整隻咸檸檬,將一杯普通的七喜汽水 變成粒粒果肉的凍飲,好一杯足料的咸檸七!! 環境+服務+衛生 都係一般小店質素,全部合格!!抵食--2人下午茶140元, 食到出面吃不到的質素都OK抵食!

下午四時多,要吃點東西祭肚,選擇這店因為對它的食物有信心.兩個人,一個要豬手河加涷檸蜜,我告訴阿姐要水胶麵,她覆著我說淨水胶,我更正她說是水胶麵,她又像機械人的又說淨水胶,真氣人.我再一字一字的說是:水...胶...麵.她才醒來.五分鐘有得食,但飲品仍舊是錯給了熱檸蜜,再一把抓住這位在夢遊的阿姐,她還堅持我柯打的是熱檸蜜,真是豈有此理,說天氣三十多度,如何飲得下,她才知錯了柯打,問我們想點?我要她取些冰粒,才解決了問題.說回來,這裡的麵和水胶,豬手是有水準的,湯底就很普通.這次不快的遭遇只是偶然的吧.還是會再來的.

食過幾間七喜，結論係响太子嘅呢間分店較出色...今日想食清D，坐低食碗粉當清清腸胃，也好...見到牆上餐牌寫住個三牛河，頗感興趣，就來一碗試試...牛丸做得竟頗出色，爽口、彈牙、牛味盎然，不比名店樂園遜色，甚至尤有過之...牛腩相對上普通；鮮牛肉經梳打粉洗禮後，好似食緊一pat淰淰嘅膠，"鮮"味，從何而來?下次來訪，必定只叫淨牛丸可也...

my fiancee and i were visiting HK this past november and this restaurant was somewhat close by where we stayed (metropark). the hotpot congee was fantastic and the deep fried squid was evenly good. we ate there for a total of 3 times and we just loved the food. will definitely be eating there again when we visit HK again in june 2008!

早幾晚同位好友飲完酒見早早地就過黎食個宵夜, 由於都有少少肚餓, 所以一坐底就已經即刻叫野食喇!友人率先叫左個炸醬撈麵, 而師傅我就叫左碗肉丸粥, 之後再加個生魚皮, 食到咁上下佢地話廚房要截單, 於是乎師傅就再叫多個淨雲吞麵!炸醬撈麵師傅冇咩點食, 淨係食左少少炸醬, 覺得炸醬都幾辣但就唔韌唔鞋, 應該真係幾好味架; 肉丸粥粥底真係好綿又冇味精, 肉丸十分爽口, 唔會實的的, 真係好正好好味道; 生魚皮維持一貫高水準, 十分爽口, 加上一d都唔腥, 再點d辣鼓油, 好鬼惹味; 而淨雲吞師傅都唔記得一碗有幾多粒, 而雲吞皮薄餡都叫幾正, 有幾多蝦, 但唔會雪到硬晒, 好爽口, 好好味呀!總括黎講師傅覺得如果識得叫野食, 呢度真係有好多好野食, 而生魚皮真係值得推介, 因為真係好好味, 而且一試難忘; 一面食野一面同友人吹水, 真係不知幾咁開心快活! 其實呢度仲有好多正野食, 下次一定會試其他款式, 坦白講真係諗唔到一個下次唔黎原因!

早幾晚食得唔係好飽, 於是黎左呢度食宵夜, 其實都冇特別想食, 淨係知想食野, 於是諗住入去望下個餐牌有咩好野先啦!睇睇下就好想試下佢地個柱侯牛腩麵, 於是乎即刻落單, 好快就有得食!先講下柱侯牛腩麵個湯底, 師傅我連喝四五口都唔覺得有味, 非常淡口下, 湯底算唔得; 柱侯牛腩賣相都可以, 仲有兩大舊牛筋, 牛腩本身都幾鬆但唔算腍, 仲幾鞋下, 好唔容易先食晒, 而牛筋就幾硬下, 冇左牛筋種滑滑地同埋韌韌既口感; 而麵應該係生麵, 好爽口, 不過就有鹼水味, 如果冇鹼水就仲正! 成碗柱侯牛腩麵可以用兩個字黎形容~"雞肋", 食之無味, 棄之可惜!總括黎講真係唔算出色, 可能始終唔係招牌菜既關係啦! 下次都會黎不過就一定唔會再食柱侯牛腩麵喇!

早幾晚同兩位好友摸完酒杯底就黎左呢度食宵夜, 由於好耐都冇黎呢度食過野, 所以甚為期待!一坐底友人已經叫左個生魚皮, 雲吞麵, 油菜, 而師傅我就諗左一陣, 十五十六咁唔知食麵好定食粥好, 最後都係叫左一碗肉丸粥!炸魚皮我就食得多, 生魚皮我都係第一次食, 點知出黎感覺係非常好味, 生魚皮非常爽口, 而且一d腥味都冇, 十分出色; 雲吞麵我就淨係試過d雲吞, 雲吞就皮薄, 都有幾多蝦, 可以啦, 不過鹼水頗重, 要扣d分喇; 油菜係腐乳通菜, 通菜好嫩而腐乳份量又好, 唔會太咸, 正呀; 肉丸粥又係一絕, 粥底好綿又冇味精, 而肉丸有六粒, 十分爽口, 好有味道!三個人一面食野, 一面吹水, 不知幾咁高興! 仲有係坐左好耐, 雖然已經好夜, 但伙計絕對冇催促過, 值得加許! 呢個宵夜絕令我回味無窮, 下次一定會再黎!

聽朋友曾經介紹過,話七喜係一間值得一吃既地方,今日路過此地,就入去一試!點了灼鵝腸,牛肉湯河,油菜一碟..灼鵝腸梘水味重,不至於唔好食,但平凡一點!牛肉河的牛肉乸過粉,所以好林,不過沒有牛肉味了,湯還可以,一般上湯味道。油菜較為遜色,似乎須要洗乾淨些..朋友今次似乎失準了..

由朋友拉着到七喜試粥，味道一般，並不十分出色，可能期望太高的關係吧！但環境十分擠迫，而且發覺筷子及湯匙都不太乾淨，令我對此食店印象不太好。

去花壚買花之前作祭肚之舉，三時左右，見枱已擺到出街，旺枱之極，可幸入到店內見圓枱還有空位，一坐下便有哥哥仔來招呼，因這店一向效率甚高，於是便叫至愛的牛筋撈麵，特別吩咐走油，哥哥仔便教訓在下說牛筋腩一定不落油，因為作料已有油，我反駁說不一定，因為有些店會再落油，他便重申不會．我也沒有他般好氣，要他照做．哥哥仔便離開落單.麵三分鐘左右便到，一放下便看到奇景，一圈油像護城河般圍著麵，足有半寸厚．牛筋第一口己經是半冷的，再試麵，很重梘水味，十分乸口．腩汁呢？差不多沒有．幫襯了這店多年，這情形可謂絶無僅有．知道如他有心作弄，叫他再做也沒有用．於是勉強吃幾口便算．眼看碟底的半吋油，惟有苦笑．這店不提也罷！！！！！

來七喜，吃麵的話，不是叫豬手撈，便是蝦球伊。是晚睇完戲，各自散。不知何來的興致，對餐牌上的「七喜三牛麵」幾有興趣，可以一次過試黑柏葉、牛筋腩及牛丸，又好像不錯，就要了一碗，加碟芥蘭。等等下伙記才說沒有柏葉，唯有轉牛肉。牛丸幾彈牙，但不夠實淨，一般水準；牛筋及牛腩都是柱侯煮法，牛筋腍又入味，但牛腩廋肉無問題，肥肉帶筋的部份卻吃到一口渣；牛肉是「疏打牛」，棄之也不可惜。早知叫番一向食開的，還好。碟菜就青嫩爽脆，也不錯。埋單32蚊，唯有當自己叫錯，而個三牛的名字，連店名也押上，也改得太大。題外話：之後談起才知，原來都各自四圍去吃，早d講丫！

o的o野唔見得好食, 而且仲鹹到死, 仲要勁多味精, 我地4個人每人最少飲一支汽水, 再加3杯茶都仲要覺得勁渴。最重要係o的服務態度完全好有問題, 我地坐o左2個鐘, 其間不斷食食下又叫o野食, 到我地o岩o岩食完, 有個阿姐就大大聲聲喝我地問我地食完未, 有大把客o係度等位, 最抵死仲要同其他阿姐o係度數我地坐o左3個幾鐘......真係令人汗呀！！！就算我地真係坐o左3個幾鐘(仲要我地係無), 我地都有不斷叫o野食, 我地都唔係齋坐, 我唔覺得有o的咩問題o羅......我以後都唔會再幫襯佢, 亦都會叫o的親朋好友唔幫襯佢, 簡直不知所謂！！！！！！！！！！！！

o的o野唔見得好食, 而且仲鹹到死, 仲要勁多味精, 我地4個人每人最少飲一支汽水, 再加3杯茶都仲要覺得勁渴。最重要係o的服務態度完全好有問題, 我地坐o左2個鐘, 其間不斷食食下又叫o野食, 到我地o岩o岩食完, 有個阿姐就大大聲聲喝我地問我地食完未, 有大把客o係度等位, 最抵死仲要同其他阿姐o係度數我地坐o左3個幾鐘......真係令人汗呀！！！就算我地真係坐o左3個幾鐘(仲要我地係無), 我地都有不斷叫o野食, 我地都唔係齋坐, 我唔覺得有o的咩問題o羅......我以後都唔會再幫襯佢, 亦都會叫o的親朋好友唔幫襯佢, 簡直不知所謂！！！！！！！！！！！！

(26/8/06)放左工,都未食過野,六點來個late "lunch"。我要左三牛麵,好奇是邊三牛?預期牛丸就走唔甩架喇,點知是鮮牛肉、黑柏頁、及牛筋搭住一舊牛腩,仲有幾條小白菜,實在太豐富了!麵又爽,無皂水味。男友食炸醬麵,pet汁微辣好味,亦混左冬菇片,感覺無咁單調,又係佳作。再哎碗淨雲吞,大大粒好爽口。去到哪區有"七喜",都會成為選擇之一啊。