七喜粥麵小廚

營業中

休息中

年廿九，老細俾我地放下晝。放兩點幾，於是去七喜食碗麵再去花墟買花。成兩點幾，呢間野都人頭湧湧，坐滿人，有d仲要坐後巷。要了三牛麵 ($27)。不過今日三牛中無黑柏葉，只得牛丸、牛筋腩同牛肉。麵身是爽口彈牙，略帶鹼水。牛筋腩炆得淋又入味；牛肉被嗱過，所以無咩牛味，有d仲有筋，好韌。牛丸不錯，彈牙，但牛味不濃。

獨個兒去食晏，行遠少少去咗食粥。因為始創最近的粥店都算這裡了。而呢間野d粥之前食過都唔錯。今次就要了肉丸牛肉粥。肉丸有好似三粒 (唔太sure，一係2粒或3粒)，牛肉份量都好多。粥底好綿，無味精，不過佢加咗薑絲入去，搞到我揀得好辛苦。牛肉幾稔滑，有輕微的被嗱過，但質地同肉味仍在。豬肉丸大大粒，無咩肥肉。隱約間見到有d蝦肉。都幾爽口嘅。整體很不錯，足料又夠熱。

回想起小時候，一家人常常幫襯七喜小廚的。不管是太子這間，還是新蒲崗，也是幫襯過不少次數，尤其是宵夜的時候。不過那是小時候的事了，相反大個有記憶後就倒是很少去，而且有些事也不同了，再去亦不同了意義。今天，去完聖堂，又是找午餐吃的時候。想起這間七喜十分近太子道西的，就和媽咪兩個人來到這裡吃午飯了。那時大概兩點鐘，想不到也非常多人呢，幾乎全滿，剛好有兩個空位，我們便可以坐下了。原本想叫湯飯的，不過阿姐說未有，因為師父未回來，結果我們叫了兩個粉麵和一個蜆蚧鯪魚球。叫了一個三牛河，原來是牛腩，牛柏業和牛肉。牛肉也算嫩口，而且有肉味，切得細細的，如果大塊些會更好吃。牛腩倒是不錯，因為非常香腩汁味，而且牛腩一點也不un，很易咀嚼，牛筋也很好吃。最後是牛柏葉，它是黑柏葉來的，佢係薄薄的，幾好咬感，又唔會un到咬唔到，唔錯。不過湯底淡味左少少。另外仲叫左一碗黑柏葉麵，都係一樣唔錯。之後叫左一碟蜆蚧鯪魚球，嘩，黎到成個乒乓波咁大粒，以為佢會好熱氣，但食落又唔係喎。一點油膩熱氣既感覺都沒有，D蜆蚧好鹹好正呀! 鯪魚球鮮味但一D都唔會覺得好腥，而且咬落去口感唔錯。唔怪得個個黎到都叫返碟。吃畢飽飽的離開，見佢不

去花街買花，買完都5點幾，於是一家人去咗七喜食野。原本只係諗住食少少，會照舊食晚飯嘅，點知食完都好飽，成晚唔洗再食野。要了一煲粥、2個麵，1杯飲品同一碟炸魚皮。蠔豉雞粥：一窩都幾多，雞同蠔豉份量都多。個面仲灑咗蝦籽，不過d蝦籽就無咩味。粥底幾綿，無味精；蠔豉細細隻，無沙無腥味；雞就幾嫩滑，又多肉，唔會淨得d骨。鵝腸麵：麵身好彈牙，質素好。有少少鹼水在所難免。湯底無味，但就有好多薑蔥。鵝腸漂過，本身已經無咩味。但配埋佢個辣椒豉油就幾好味。牛筋腩河：河粉質地好，有韌度，唔易碎。牛筋炆得淋又入味；牛腩都幾好，唔係瘦腩，係帶住少少筋同少少肥嘅腩。湯底較有味，因為多咗腩汁。咸檸七：絕對無勝香園咁好飲。個咸檸唔夠咸同唔夠酸，反而甜味重。配埋好甜嘅七喜就更減其咸酸度。

平時通常會兩公婆落去勁擦一餐，最鍾意擺到成枱都係餸，但今次算係食得輕盈的了。叫左粟米班腩飯，淨雲吞，炸醬撈面。結果係炸醬撈面好香口，好好味。食極都仲想食。粟米班腩叫佐炒底，都好好味喎！勁多蛋0係面。至於雲吞就普普通通啦！都叫做食得好飽同幾滿足啦！

約朋友去警察會打完波之後, 行去太子一帶找好吃的去經過七喜粥麵小廚門口, 朋友提議入內光顧, 既然我都無咩特別野想食, 都唔反對了! 這間麵店出品出乎意料相當不錯, 我的冬菇牛肉米都算可口呢湯底有很濃的薑味, 仲有大量蔥, 薑絲, 味道就像蝦殼煲的上湯加薑的湯味, 冬菇係用蠔油蚊過的, 入味, 成碗粉都算得上幾好食!腩汁菜心的腩汁都幾好味, 不過味道淡左少少, 只感覺到濃烈的牛腩味呢!

　　　　　　　今日３人行出黎太子行街，見呢度ｄ野食幾平，　又多選擇，所以走入黎試下啦，我地１：３０P.M.入去，都幾多人，都坐滿曬．．但係好快，唔使五分鐘就有位坐喇．我地都嗌左唔同野食～～　牛跟腩河　ｘ2 ( $18 x 2 = $36 ) : 佢地兩個都嗌牛跟腩河，　好快就有得食，　牛跟腩都有五，六舊，　都幾多，有大件，　但係牛跟好硬，牛腩就鞋，　個湯好濃，好似汁，　河粉可以接受．．．．白粥　＄７　：　我點既，　幾好，夠熱，夠綿，有小小味，食完唔會好口渴．．．．咸肉棕　＄１２　：都幾多綠豆，　但係唔熱，只係微暖，　入面只係得兩粒花生同一舊仔肥豬肉．．　油菜係腐乳通菜　＄１０　：　ＯＫ，幾嫩，　冇渣，　唔錯．．　淨雲吞拼鯪魚球加紫菜　＄２６　：　雲吞有五粒，　但係唔好食，　Ｄ蝦好霉，　仲落左太多胡椒粉同好咸，鯪魚球有兩粒，　鯪魚球個外面好鬼硬，　又腥又實，總之難食．．．唔會再食．．．．三個人食左＄９１．．．

早幾晚約左封筆食家"今餐食乜好"交收, 於是相約一齊食晚飯啦; 由於師傅都好遲先收工, 加上封筆食家"今餐食乜好"又收夜, 所以合晒合尺(何車)! 食店由封筆食家"今餐食乜好"提議, 於是就揀左黎呢度!坦白講師傅都係好耐冇黎呢度食野, 所以都幾期待; 準時去到, 兩個非洲飢民成隻餓鬼咁, 入到去二話不說即刻柯打野食; 封筆食家"今餐食乜好"一早已經諗定食咩, 厲害; 芝士大蝦伊麵就係封筆食家"今餐食乜好"嘅心水喇, 而師傅都唔客氣即刻叫番碗肉丸粥濕下個口, 再加個招牌爽脆生魚皮, 同蜆介炸鯪魚球, 最後師傅還是意猶未盡, 再叫多碗三牛麵添!最快登場嘅係爽脆生魚皮, 爽脆生魚皮真係勁爽口, 一d都唔腥, 更加唔臭, 就算唔食薑葱都唔覺有咩問, 配上辣鼓油, 惹味非常, 而件碟嘅花生, 鬆鬆脆脆, 不錯; 再黎就係師傅頗欣賞嘅肉丸粥, 七喜嘅粥底真係好綿, 加上又冇味精, 入口非常舒服, 而肉丸又大大粒, 十分爽口, 唔會實的的, 真係好好味; 蜆介炸鯪魚球一碟六粒, 鯪魚球是大大粒的, 炸得香香脆脆, 淨食都食得出鯪魚肉的美味, 入口彈牙, 不過就碎骨多少少, 就算唔配上蜆介, 一樣出色

又落在太子晚飯, 原打定主意去新志記, 卻忘了打印地圖/地址, 在完全錯誤彼岸盲目尋找, 見七喜門前人頭湧湧. 咪執輸, 共一共. 小菜粥粉麵俱備, 感覺比茶餐廳隱陣. 等不到十分鐘, 安然入座. 阿姐安排了"廂房"內的摺枱給我們, 我背對後門, 洗碗阿姐進出頻繁, 尤有坐排檔的感覺. 兩個餐牌, 一個是小菜, 一面細分為豬肉/雞肉/牛肉/素菜, 另一面是河鮮海鮮. 煎炒煮炸樣樣齊, 與一般小菜館無異; 另一個餐牌則是粥麵檔用, 此非今晚重點, 未有細看. 委實花多眼亂, 只好向阿姐求個仙人指路. 配合眼前兩個牛記笠記的庶民, 阿姐的溫韾提示也實際得很. 豉椒炒蟶子, o者o者雞煲豆豉, 豆豉蒸鱔, 兩個人應該夠了, 阿姐這樣說. 見鄰座哥仔的爽魚皮靚仔, 也要了一碟. 然後奇事發生了, 阿姐轉身不到五分鐘, 蟶子已搶灘上岸. 肉身稍瘦, 鮮甜彈牙處還好. 豉椒味不嗆, 在小菜館此道果然是穩膽. 蟶子吃不到兩條, 魚皮已送到. 厚身, 塊頭大兼不規則, 最重要當然是爽口嚼勁十足, 撈葱絲沾豉油自是一絕. 又到魚皮吃不到兩塊, o者o者雞煲已"炸"到埋身, 聲勢熱度十足. 雞塊有點咸,

買了一碗及第粥做晚餐。第一次試呢間d粥。粥底較稀，搞兩搞就起水。豬什份量適中，唯每樣只得一、兩件。豬什處理得宜，無異味。粉腸x2唔會苦，仍有o趙頭。豬肚x2幾好，較淋唔韌；豬潤係黃沙潤，非常爽口稔滑。豬心只得一舊，爽口，唔夠喉。豬肉丸都係得一粒，夾雜蝦肉，口感更佳。無味精，食後唔會口渴，唔錯。

一向鐘意食七喜野，今次叫了一個咕嚕大蝦球，好好味喎，蝦係真係好大隻，每隻都係ＫＩＮＧ　ＰＲＡＷＮ　ＳＩＺＥ，足料既感覺，味道係我好鐘意既，甜酸度剛剛好！加埋佢既菠蘿好新鮮，雖然都應該係糖水浸，但係一點都唔淋架！仲幾爽身。一定要講既係，我開始食既時候戰戰競競，因為最怕食呢Ｄ野有一層勁厚既粉，佢完全出符意料，佢層皮薄薄，但又夠鎖得住酸甜既味道，真係意料之外。但一碟６５蚊既小菜，有八隻蝦倒啦！頭兩三隻就好味，但食到後面都有點油膩，但呢碟餸絶對係好好味，但食得多就食龍肉都冇味喇！

又去太子飲酒, 飲之前先醫醫個肚, 去左七喜. 七喜咩野出名就唔駛講啦.腰潤粥, 小菜....粉麵呢, 老實講就好一般, 只係個超鹼水象筋麵幾得既今次同太座 是但叫左兩碗麵 雲吞及三牛 及炸BB鴿 (即炸乳鴿)兩碗送都唔多掂.麵就OK重點唔係呢兩碗麵, 而係隻BB鴿真係好BB, 正, 食乳鴿唔係食雞, 食恐龍, 唔係要大隻既.不過 第一隻鴒 四件都係黐刀蟠龍鱔咁四件切完都係黐住攪到我同太座 要同筷子分屍法.但係一擺入口, 嘩 外面油到呢......但係鴿殼裡面又乾, 又好似冇乜受火咁鴿殼既骨只係純天然 乳鴿的軟外面既肉 反而炸過左火 老左唔夠滑.好明顯 佢地係用炸爐 倒頭擺隻鴿入爐炸入籠就唔入油 唔受火入面就炸過火 及俾油浸到油晒.隻鴿本身來既貨係好 不過整法浪費了三十幾蚊隻 OK啦不過唔會再買. 及 下次都係食八珍豆腐及腰潤粥算了..

我以前差不多日日都去幫襯魚腩粥，d魚腩好新鮮!!不過就唔及「妹記」大件...所以而家我既食粥首選就變左係「妹記」但佢場既糉又真係好味又平!!又可以食油菜d菜又確係幾靚又正!!d雲吞、水餃都好好食架!!晚市的小炒都好正!!價錢合理!但晚市真係較多人 坐得唔係好舒服啦

女朋友從台灣回來，女朋友想簡簡單單的吃些家常菜，她說很久沒吃過七喜粥麵小廚了，以前很喜歡吃，而我則從未吃過呢！那我們就決定到七喜粥麵小廚吃晚飯。一貫的茶餐廳格局，剛好有卡位，我們就坐下了。女朋友說想吃家常小菜，我們叫了女朋友最愛的土魷蒸肉餅，另外叫了一個白飯魚炒蛋。小菜包一飯一例湯，唯沒有包飲品。土魷蒸肉餅的質素不錯，肉餅有豬肉味，土魷亦算多，有魷魚香，味道亦不會太鹹，味精亦不見放的太多，感覺不錯。至於白飯魚炒蛋則是較清淡的菜式，蛋炒得夠滑，白飯魚也夠多，不過有趣的是這裡加入了一些果皮來炒，因此炒蛋本身帶有點點的果皮香，我本人對於果皮香味頗有好感，因此我覺得這炒蛋做的頗有特色，加入果皮後令原本味道較為單調的白飯魚炒蛋味道更豐富，一個非常不錯的嚐試呢！女朋友應該以前就吃過了，她也很喜歡這個特別的配料！最後說回例湯吧，味精似乎落的重手了一點，特別是喝過後，我和女朋友都覺得很口渴呢！環境開首時已說了，是一般較舊式茶餐廳的格局，因此對於環境舒適，衛生等方面也不可以要求太多了，不過整體來說還可以，侍應的服務態度也算不錯，不會呼呼喝喝之餘亦不會催促客人落單（這是最討厭的！）而兩個人結帳都是一百元有

又來了我的飯堂. 發現隨外圍漲了價, 但仍客似雲來.油菜(腐乳通菜, $18), 是我多年至愛, 和普通茶餐廳分別不大, 皆非常惹味. 簡直可以佐飯三碗!南乳炆豬手($35). 很入味, 豬手軟, 蔬菜底. 惜太大件而肥膏和肉不多, 卻也是佐飯佳品!例湯(中, $12). 極大碗. 粉葛赤小豆鯪魚. 我不太愛喝, 但無可否認做得不錯, 至少鹹淡適中. 粉葛令湯有點"粉", 豆味有餘而魚味不足.鹹魚肉餅($40). 也是佐飯極品, 是我每次必點的菜, 但有時會因用了太多醬油導致太鹹. 鹹魚也一絲不苟地優質. 只有薄薄一片在肉餅上調味, 蒸過後變得極軟而鹹味被肉餅吸收. 肉餅本身混入魷魚令鮮味更顯, 也更有口感. 肉本身新鮮而肥瘦適中, 蒸得柔靭!