七喜粥麵小廚

營業中

休息中

七喜開左咁多年...都唔係食過好多次...呢間分店都係第一次唔係講笑...一隔就隔左咁多年冇再黎過以前個印象就普通啦...今次感覺幾好出面同入面都坐到爆晒...好彩等左一等就有位白灼螺片 生滾豬膶粥 金針雲耳蒸田雞 白灼螺片先$50一碟...好抵食喎其實見到白灼...樣樣都想叫...樣樣都想試白灼配埋d辣椒蔥花豉油實在係絕配...簡直完美當然...都要睇d豉油如何呢度d豉油太咸...甜d就正好多如果用埋少少指天辣辣辣地...就仲爽初初以為螺片係白螺片...唔知係原隻螺頭切片成碟滿晒螺片肉...食極都食唔完...因為都要少少牙力o既幾有彈力幾堅韌...幾有趣o既不過唔似白螺片咁軟綿咁滑...唔同風味囉白灼牛肉通常都好正...下次要試埋剩係食過佢d雞粥...未試過其他料發現食雞粥有少少錯...d雞整到個粥底油左d俗左d原來個粥底咁清甜...幾有水準嫁以前d雞油破壞晒個粥...試唔真個粥底添豬膶厚切...冇問題啦...唔過熟...好嫩好好食金針雲耳蒸田雞上枱已經覺得好吸引...陣陣香味撲埋黎金針係咸左少少...但食落幾甘以為會係清蒸...竟然額外落多左d蒜蓉其實唔落清新d仲好...不過

又係星期日，完咗崇拜搵食嘅時間，落到花園街，大伙兒話想食粥，不假思索，就只有想起七喜。因為晌依區，佢啲粥都幾唔錯，不過，好老實，我自己就少幫襯，一來地方淺窄，唔好坐，二來招呼麻麻，啲嘢又唔係平。但事實上，佢又確係有幾多選擇，有成三十多款，人多叫一煲（煲仔粥）又得，一個人嚟叫一碗就梗得。平嘅鹹瘦肉粥賣$18，貴嘅有款叫十三頭原罐鮑魚雙雞粥，一碗賣成$450，唔知真係有無人叫呢？鹹瘦肉粥 $18我就真係平平哋叫咗碗鹹瘦肉粥，下吓火。粥底的確綿滑米香，不過，近乎有味白粥，因為少料到極，鹹瘦肉得嗰3、5、7條。佛山鹹肉粽 $13何解鹹肉粽前加「佛山」二字，不得而知。但隻粽無乜餡，鹹蛋黃都欠奉，五花腩都叫有肉有膏，但我食到底下只得舊肥膏，只有食緊齊糯米點甜豉油。

雲吞麵 - 麵質爽口，吞麵夠大粒，湯底普通。及底粥 - 材料不算多，粥底好像無味粥。食完好口乾，我想是味精作怪。茶餐廳式服務，環境一般，看不見地下有垃圾，尚算整潔。不用等位省去不少時間。

朋友帶我黎lee 間食dinner...佢話新蒲崗都有分店wor..佢講到好好味咁bor...就去會一會佢!!旺角行過來都唔係好遠0者~有間咁既野都真係唔知wor~~黎到剛好有一張細枱...仲有tv 睇...正!!朋友諗都唔諗就叫左個例湯先~~係蘿蔔豬肺湯~真係幾正幾好飲呢!!都分左成4碗左右..再加左個九菜炒豬頸肉同埋蒜茸開邊蝦~個炒豬頸肉好大碟..不過稍嫌咸同埋油左少少~~開邊蝦都好大碟好多隻..味道就一般啦!! 同埋唔知可唔可以挑埋d 腸出來呢?? 咁樣樣攤晒出來好恐怖!!個咸檸七好正呀!!環境就迫左少少囉!!但見到個好有鑊氣既open kitchen...好有大排檔feel呀!!可以再試下其他餸既~因為見到人地食0個d 好似好正~~永遠都係..隔離飯香...哈哈!!!

肉丸粥, Come On! D肉丸係落左蝦膠打, 好彈口, 廿幾蚊, 超值! 蠔仔粥好鮮味, 配料都好正宗, 正!鹹魚雞粒炒飯, 雖然係用新鮮飯, 但係都炒得夠乾身, 軟奀適中, 而且無碟底油浸浸, 可見廚房師傅好手藝, 而且控制火溫洽當O 八珍豆腐煲, 西檸雞和生炒骨都幾好O 總括來講, 真係做到夠鑊氣, 廚房好功力O地方真係好細, 晚飯時間, 要等好耐O 部電視太細, 又收得唔清, 不如關上或拆走啦!

今日打完波同朋友仔一齊去食宵夜, 又想食粥,但又想食小菜就諗起七喜豬心粥: 味道唔錯薑荵焗蠔: 野味又大件沙茶牛肉: 沙茶醬好野味, 牛肉及芥蘭都唔錯蜆芥鯪魚球: 我的至愛環境比較擠迫, 但都尚可接受, 兩三個朋友仔去食就比較好

同好友食家"乜都放入窿"食完酸辣粉, 就繼續行去七喜, 咪以為食完碗酸辣粉就飽, 其實只不過係啱啱先將個胃開放, 所以途中師傅已經諗緊有咩想食喇! 入到去食店人唔多, 見到有卡位就坐底!師傅同好友食家"乜都放入窿"商量下有咩想食啦, 師傅最想食就係爽脆生魚皮, 所以一定會柯打, 而揀左鵝腸粗麵, 及第粥同埋油菜; 淨係咁睇就已經知道剛剛碗酸辣粉冇料到啦! 落完單個姐姐先講冇鵝腸, 於是提議轉雞腸, 坦白講雞腸講就講得多, 食真係冇咩幾可, 於是就試下雞腸啦!等左一陣最快登場嘅係爽脆生魚皮, 爽脆生魚皮係好新鮮, 入口勁爽, 絕對唔腥唔臭, 點上辣豉油, 非常惹味, 伴碟嘅花生夠鬆脆, 真的不錯; 再黎就係雞腸粗麵, 雞腸份量都幾多, 入口非常爽口, 雞腸同鵝腸其實分別唔大, 不過師傅覺得雞腸就肥少少, 至於粗麵十分爽口煙韌, 冇鹼水味, 所以成碗雞腸粗麵真係唔錯; 至於及第粥嘅粥底一如以往, 夠綿之餘亦冇味精, 入口非常舒服, 而及第配料豬潤, 豬腰同粉腸等亦夠新鮮爽口, 水準都真的很高, 不過如果以及第粥黎講, 師傅之前試嘅棠記就更為出色! 最後油菜係白菜仔, 嫩綠之餘之灼得夠腍,

晚上回香港, 老爸來電說舉家到了樓下茶餐廳食飯, 老婆坐月子, 一個人在食飯盒.....茅盾之下, 反正又要幫太太做採購, 事成後, 決定整個飯盒回去, 陪太太捱飯盒.在過了太子道一段花園街, 沒找到味食園, 卻找到了馳名港九的七喜小廚. 平日來到,位置不就腳, 卻是客似雲來的, 坐滿整間店舖. 而我就只是外賣客的其中一個. 門口, 傳統的以餐單做牆紙, 小店有什麼好食, 有什麼弄得出來, 一目了然. 一個人叫外賣飯盒一個, 炒粉麵飯最為適合. 鴕鳥肉啊, 茶遠牛河, 茶遠肉片河食得多, 呢次佢地用鴕鳥肉, 試試做出來的, 會是什麼樣的味道.食後感, 味道是一樣的, 只是換了另一種肉, 入口既質感大大不同. 夠鑊氣的小廚. 炒飯炒麵也是香. 味道較得好, 又好鑊氣, 從旺角拿回美孚, 仍然充滿熱氣. 味道得, 鑊氣得, 食物質素得. 七喜, 食過幾次(當年的灣仔店), 依然好得.

剛剛去完權之助唔好食添唔飽，於是過黎想食碗麵。七喜我幫襯過唔少，野食唔差，呢間就未黎過。兩個人叫左個炸醬麵，一個水餃米。炸醬麵老婆話都OK，不過就辣得滯。我碗水餃米黎到，先飲啖湯，完全唔似其他七喜，一D大地魚蝦既鮮味都無，米粉口感好差，好似係無煮過齋用凍水浸軟就煮麵咁，好難食。再咬啖水餃，D肉好霖，應該講太霖，但無乜味。今晚做乜食親D野都咁唔掂架，想死。

呢間野十年前就有幫襯開咖啦果陣D小菜好好味咖蒸鱔，灼魚皮，蒸魚頭都好正估唔到今次幫襯，又貴又差ORDER左咕嚕肉灼魚皮炸鯪魚球豉汁蒸鯇魚腰潤粥個咕嚕肉甜酸味不足，燈籠椒太多搞到味道澀澀地，粉太太太薄，薄到完全唔脆，肉質幾好，似係豬腱，不過反而令到"咕嚕肉"變得有點唔真實灼魚皮(冷盤)OK，真係整到好爽好爽，鮮味就食唔出啦不過加埋醬油食都算好食，不過份量少左好多好多炸鯪魚球，算係咁多年水準最KEEP到之菜色啦，又大粒，又炸到滾熱辣，配埋特製蜆芥真係一流個豉汁蒸鯇魚真係差到冇人有，條魚唔知死左幾耐，D肉一夾就散，豉汁冇豉味...好心落D成本用"李X記"或者"淘X"既蒜蓉豆豉醬啦腰潤粥又一失敗之作，冇錯D豬腰豬潤係就係好滑，但完全冇味，個足都夠淡，D料又要冇醃D味先，叫人點食呀 D粥少米左勁多 諗深一層海景都好過佢

　　是次約了另一朋友入內晚餐，天氣悶熱，食客滿座，侍者安排至近門口的特別位。由於腸胃有些問題，故點了較清淡的北菇白飯魚滑雞生滾粥、蜆蛤炸鯪魚球、蠔油白菜仔、中式牛柳，另點了汽水。　　侍者先端上熱粥，蒸氣、熱氣泡不斷。花生、蝦糠、香蔥而上，白飯魚、雞肉、北菇其中，粥呈軟綿滑。用料新鮮，而廚師沒有混入味素，只嚐到雞肉、白飯魚的清甜，值得一嚐，與友人吃得不亦樂乎；蠔油白菜，同樣美味。　　其後的蜆蛤炸鯪魚球，醬料的蜆蛤較少，不過從沒有令人失望的鯪魚肉實屬出色。中式牛柳，原想伴粥而吃，提高食欲。烹調時用油不多，牛柳肉鬆軟，廚師並未多添醃肉粉。調味方面有層次，洋蔥、番茄汁、少許李派黑醋 (Worcestershire sauce)、糖等等，很美味，隨即想以白飯拌吃。　　總結太子、北角兩分店，出品相約，寄語店方不被歲月而改變作風。

　　約了朋友逛街，半路中途覺得餓了，便步行至太子七喜，地方狹小，晚上食客不斷。炎炎夏日，先點兩枝汽水，後點了雲吞河、柱侯牛筋腩麵、蠔油白菜、蜆蛤炸鯪魚球、煎蠔餅。　　友人的雲吞河，隨即我嚐試雲吞，如常地美味，蝦肉、豬肉、少許肥膏、香荀絲、蝦子集合一起，不錯，湯清澈而滲有陣陣大地魚香；沒有指定要半肥腩，任由廚師手到拿來，韭黃、香蔥而上，牛筋、牛腩滲出陳皮、八角香味，腩肉、牛筋尚嫩而不韌，麵條爽而鹼水味輕，不俗。　　嫩綠油菜為了增添纖維度，簡單美味；蜆蛤炸鯪魚球前文曾提及，這裡的出品相約，分別在於蜆芥醬的蛤肉不及前店呢；煎蠔餅外型與坊間所見有別，只因食油清澈，而碟底油分不多。蛋外層金黃呈軟身，圓邊微脆，嚐後覺得似煎蛋餅居多，而不是粉漿為主，吃罷過後相當溫飽。　　轉眼過後食品盡清，飽足後要繼續行程呢。

與友人來這裡吃午飯，見這裡的撈麵有一款「七喜八寶撈麵」，雖然價錢係最貴，但既然用得自已的招牌做名，相信都應該會唔錯掛，就試一試呢個撈麵有邊八寶同好唔好食先。好彩，都無叫錯。這撈麵的八寶原來包括：1）「炸醬」（一堆）：呢個係主菜，d炸醬味道偏甜不辣，不過都幾開胃。2）「蘿蔔」（幾舊）：都幾清甜，同埋無渣。3）「冬菇」（一大隻）：夠大隻、夠厚肉、炆得入味，好食。4）「鵝腸」（數條）：呢度的鵝腸聽聞係出名嘅，食落都幾爽脆，係味道淡左d，要落鼓油食先夠味。5）「雲吞」（一隻咁多）：都唔錯。6）「鯪魚球」（一舊）：食得出有果皮味，咬落幾彈牙，食落味道都覺幾好。7）「牛腩」（都係一舊）：半肥瘦的牛腩很好味道，又有嚼勁，好食。8）「豬紅/雞紅」（三兩舊）：普通左d，都ok嘅。以上呢「八寶」加埋個麵，撈麵d湯，仲有墊底的白菜仔數棵，咁有份量嘅撈麵，味道又唔錯，只賣$35，仲唔值得推介？

每次行過呢間七喜小廚都人山人海的, 難得今早剛開店人唔多就一於入去試番次. 今次order了:1. 三牛河 (有牛腩,牛肉, 黑栢葉): 牛腩真係幾好,牛肉就普通少少2. 炸醬麵 : 好味但覺得份量較細3. 蜆蚧鯪魚球: 大大粒好抵食 總結: 座位較迫, 但食物有水準!

26/3(五) 6pm與"微型泰山"的港島食浪暫告段落.接著便得照料抱恙的阿梁.咱們簡單的到"七喜"買下粥麵回家了事.購下水餃麵$17,皮蛋瘦肉粥$17,魚雲粥$24;下午茶時段優惠價享白蘿蔔$6及鹹肉粽$9.水餃麵--跟土記的七喜比較,這裡的體型沒那麼肥碩,但蝦隻勝在沒那麼重梳打,麵質爽滑,梘水味輕.皮蛋瘦肉粥--粥底稠身,皮蛋及瘦肉的份量不少,亦富自身味道及質感!魚雲粥--粥底比蛋瘦的綿滑點,入口含魚鮮,魚雲的味道亦然!白蘿蔔--白灼的白蘿蔔挺嫩的,唯欠缺了冰糖的清甜.鹹肉粽--鹹肉粽尚且軟綿,內裏的五花肉亦滲著油香,蘸甜豉油吃著,不俗!一眾"七喜"仍是吃得過的...