一鵞 (已結業)

偶爾有機會來到深水埗, 選了這間燒鵝店晚餐先試了鵝底油撈麵. 味道很好, 是其他地方吃不到的. 其後試了叉燒. 吃下叉燒的一刻, 我看見了薛家燕. 「我從來未食過咁好食嘅叉燒呀!」, 原來電影的情節是可以出現在現實. 那一刻心中充滿著激動, 原來食叉燒真的可以令人有百般感受.一波未平, 一波又起. 黑椒燒鵝更是食到如痴如醉. 那燒鵝汁的味道和燒鵝的配合, 簡直就是你一唱我一和, 感覺非常完滿. 配上白飯, 簡直就是人生的享受!吃了很多, 價錢還很便宜. 可以說是以蔗渣的價錢, 食到真燒鵝的味道!

今日終於遇到一生中覺得最好食嘅叉燒！廿幾歲人，食過唔少唔同鋪頭嘅燒鵝呀、切雞、叉燒等等。呢間真係算數一數二我食過咁多間覺得最好有心，好食，每碟菜式都好出色。《黑椒燒鵝》下裝$120呢度嘅招牌菜，燒鵝肉超滑，仍然有餘溫，鵝汁鵝油好香。配上黑椒鵝汁作點綴，成件事無咁膩，又有入甘香。鵝皮仲係脆口架...望一望鋪頭後面，原來有自家工場燒鵝，唔怪得咁新鮮啦！《三日醉香珍肝》$28又一間可以將內臟扭轉成日美食嘅餐廳。雞肝入口即溶，好綿，個汁好有酒味，可以辟腥同解膩。《鵝底油撈麵》$23由一招牌菜，呢個撈麵色澤好夠，一上枱就有好香油香味。配燒味一流。《叉燒拼切雞》$58 嘩個叉燒真係好好食！！一入口，雙眼即刻發光，半肥瘦適中！黎到一定要試，下次我都要想砍料返屋企俾屋企人試。

說起黑椒燒鴨，就不能不提在澳門頗為有名的"陳光記"....我沒有在澳門吃過，但在年前卻偏偏在其在深水埗的香港分舖食過。吃完後，留下了一個未太深的記憶....過了不久，舖子沒有了。及至現在，卻又在同區看到這一間"一鵞"，賣的又是黑椒燒鴨。不知兩所店子是否有何關係呢....一場來到，自然就要試試招牌的黑椒燒鴨。單併燒味飯，一向不是我所好。多心的我，總是喜歡來個雙併的....賣相絕不吸引的它，食起來倒是非常滋味。沾了點點黑胡椒粒的燒鴨皮帶微脆而且肉甚為嫩滑，入口溫度仍是微微暖的吃下去自不然比凍冰冰的勝了不止一籌；燒腩皮十分的酥化，入口脆啪啪咔嚓聲猛響。唯一的不好是脂肪部份跡近是絕跡的，這當然絕不能稱之為三層肉的....不過對我來講，那兩小碟的醮醬就更是精彩....最特別是右邊的醮料，入口滿是惹味微辛的黑胡椒及蒜香；至於左手邊的蒽茸也毫不遜色，入口毫不死鹹亦不油膩充滿蔥香。光有這兩小碟醬，就可吃光白飯一大碗了....最後飲埋送來的例湯。眼前的它，內裡有一大件粉葛。味道甚自然沒妖邪味，是少有難得的足料例湯....想不到初時以為只是吃一頓普普通通的燒味飯午餐，怎知吃完後心情卻變得十分愜意愉快...

食得多深水埗餐廳，就想試新野。 經openrice 搵到呢野特色燒味餐廳，就試一試。黑椒燒鵝雙拚飯-燒鵝皮脆，有好香黑椒味，撈飯有驚喜。鵝油撈粗-好有油香味，由飯轉撈粗只需加幾蚊。蠔油芥蘭-不過不失，收$18，算合理啦。*樓面阿姐添茶添得密，好勤力。

深水埗之前很出名嘅黑椒燒鵝，開張不久便結業，非常可惜，一直都很想再吃，直到最近，看到網友介紹這店，立即去試，店鋪裝修以中國式為主，很樸實，門口吊著各式各樣的燒味，今次一定要吃黑椒燒鵝，燒鵝非常出色，喜歡吃燒鵝的人不要錯過，但略嫌有點肥，如瘦一點相信會更好，店內廚房有很多未經燒過的鵝，相信是現場燒制的，所以能做到皮脆肉嫩，口水雞就麻麻，雞很鮮嫩，但那些醬汁，只是一些辣椒及紅油，完全吃礼山水雞的獨有香味，可以不試，另叫了珍肝一碟，珍肝非常好味，汁用了米酒及香料粉，惹味非常，但腎就太多了，這間店以後定必成為我的飯堂了。

I met boyfriend for lunch in Sham Shui Po so we could look at Halloween  decorations. We weren't really sure what to eat and came across this rather clean looking place serving Cantonese roast items.During afternoon tea session, they have special sets that include a drink. Menu is in Chinese only. There is no 10% service charge.Boyfriend had the char siu with instant noodles ($26). Boyfriend noted they used Nissin noodles. I don't know how he knew that. I guess he's a instant noodle fanatic.I ha

光顧時間為10月13號中午11:20大概是剛開始營業，店內客人不多，員工仍在用膳。因為怕中伏而沒有選擇招牌的黑椒燒鵝。點了一客燒肉切雞飯，跟普洱茶一杯及合掌瓜湯一碗，盛惠42元。深水埗區算是中上價錢。白切雞(脾位)：肉質嫩滑而雞骨中沒有帶血。燒肉(腩位)：半肥瘦的燒腩，肉質夠淋夠嫩，不會「鞋口」，最出色的燒肉皮不只是脆，是化的。例湯：合掌瓜煲瘦肉，奉上時店員特意說沒有落味精，飲完亦沒有口渴感。茶：如果你用這杯茶洗筷子就大錯特錯，此茶一飲便知真材實料普洱茶葉沖泡而非茶膽兌水，享用完油膩的燒味飯後再飲可謂消滯解膩，完美！唯一可數的缺點算是碟頭飯的飯量偏少，較適合女士，男士幫襯記得叫多飯呀！

今晚同朋友嚟呢度食晚飯，點知發現呢度嘅嘢食好有驚喜 平時唔係太鍾意食燒鵝嘅我，食過呢度嘅黑椒燒鵝之後，竟然愛上咗，因為佢唔似出面有陣鵝酥味，皮脆又入口香，所以呢個一定要推介俾大家呢 重有一個要推介嘅係蘿蔔豬皮生菜紅，佢哋唔係用豬紅，而係用雞紅，雞紅入口有脆口感覺，而且又滑，甜甜哋超好味呀 最重有嘅係，當你食緊一餐咁豐富嘅美食，呢度有山楂葉茶提供俾大家飲，佢嘅功效係有助消脂解油，味道甘甜好好飲咖 佢哋嘅服務仲好唔錯，職員都好有禮貌服務我哋，所以我哋下一定會再嚟

今日同朋友去左深水埗買野，跟住是但亂入了間餐廳係食燒鵝~~見到一隻隻燒鵝掛哂係度！每日新鮮製作門口吾係好顯眼吾係華麗裝修，係賣質素高的食材。啲野食吾算貴但分量吾少！值的一贊啊！我地當然叫左黑椒燒鵝～100分好值的推介完全有蘇味又香😍好驚喜啲黑椒汁係精華💕跟住再黎叉燒+ 燒南仔 ——都90分必點😇跟住再叫了個我最愛的青瓜木耳，好開胃，不過呢味大眾化 （間間都差吾多）最後仲有呢味師傅推薦我地食既蘿蔔豬皮生菜紅。 個紅係訓鮮肚血做，每日鮮製的，加左黑椒做湯低，一啲都冇腥味！中意食呢味既人一定大愛啊！我一向麻麻地豬血，都食左山楂葉茶好好味佢地特製的！好有heart ～可以消滯！呢間我會再黎食～～正！

呢道無普通燒鴨食的一叫就只有黑椒燒鴨或黑椒燒鵝正喎，價錢仲要甘平，叫左個燒鴨叉燒飯，送埋湯都係$34 蚊一打開飯盒，好多黑椒蒜蓉仲啖啖肉呀好好食呀叉燒好有肉汁，好淋正！燒肉就太肥了，皮也不脆湯都幾好飲，仲熱辣辣的仲有D飯好多，多到食唔晒

本來想約朋友去八月軒食飯，不過就因為「茲因有大型宴會，是晚不設晩飯雅座」，所以臨時轉陣去深水埗一鵞試試，皆因之前食蘇媽蘇媽時見到對面有間燒鵝店，於是好奇上網睇睇，雖然介紹唔多不過都係正評，所以就膽粗粗試吓。四個人叫咗半隻黒椒燒鵝、例牌叉燒、燒腩、兩碟鵝油撈麵、醉雞、酸薑皮蛋、百合雲耳，認真講，每樣都幾乎好食到冇得挑剔，本來想叫埋個蘿蔔豬皮雞紅，可惜賣哂冇得試。附帶一提呢間店嘅服務真係唔錯，店員個個態度殷勤有禮，值得一讚！

難得今日假期，有時間可以和朋友去到深水埗周圍搵嘢食，行到去基隆街見到一間門面幾靚嘅鋪頭，叫一鵞，見到佢同我平時見開嘅燒味滷水店好唔同，所以決定入去試吓，入到去很有古典風味的裝修和地方也十分乾淨整潔，本人是很怕傳統的燒味店，有一種很油的感覺，試咗幾樣店舖嘅招牌食品，黑椒燒鵝、鵝底油撈麵、三日醉香鳳珍肝、脆皮三層肉、古法叉燒，令我有驚喜的是他的無味精例湯，黑椒燒鵝很入味，燒鵝不會很肥，第一次嘗試黑椒燒鵝，果然是招牌，無可挑剔，脆皮三層肉和叉燒也肥瘦適中，我最喜歡他的鵝底油撈麵，很香，吃落也不會感到很油膩，真的是第一次吃這樣的撈麵，所有食物的份量也不少，還看見餐牌有其他的食物，例如百合伴青瓜，豬皮生菜紅，但是已經很飽，很滿足，唯有下次再試，竟然可以在基隆街找到這間隱世小店，這間燒味店絕對可以再次幫襯，真的值得推介

今日同朋友經過深水埗，好肚餓😞見到呢間裝修得幾靚嘅燒味檔，睇落幾乾淨就試吓，點知又唔錯喎，有小驚喜🤩因為我未食過黑椒燒鵝🙈所以係一個新嘅嘗試✌🏻我哋一行四人，叫左個黑椒燒鵝例牌，通常我食過既燒鵝都比較肥，但我又幾鍾意食燒鵝皮喎（因為我唔食雞皮的👀），但呢度既燒鵝好岩我，肥瘦適中，而且夠入味，真係要俾個讚佢👍🏻我哋另外仲叫咗古法叉燒、包脆皮三層肉、三日醉香鳳珍肝、雲香切雞、超麻辣口水雞、鵝底油撈麵🤗因為我哋有三個男人，真係叫咗超多嘢食😝而且我都可以食多啲唔同既野🤓我都幾鍾意佢嘅包脆皮三層肉，偷偷地同你講，真係脆皮㗎🤫油脂分明另外口水雞唔係好辣，但係好「麻」，亦都夠入味😋佢個鵝底油撈麵係值得推介嘅，因為夠特色，亦夠油香，個師傅同我講要趁熱食先可以留住果份油香☝🏻因為我哋叫咗好多野，都係四百幾蚊，所以真係好抵，食咗一個好豐盛嘅午餐，如果大家嚟，都可以叫多啲例牌，我覺得咁樣抵食啲，咁梗係多啲人嚟好啲啦🙆🏻‍♀

今日下午同朋友去黃金商場買嘢,買完之後肚餓去搵嘢食，經過基隆街見到有一間食黑椒燒鵝嘅鋪頭，門面裝修光猛潔淨典雅，有別於一般燒臘店，所以我哋就選擇入去試吓！入到去先來一杯熱茶，之後每人一碗冇味精青紅蘿蔔湯，同其他燒味鋪茶餐廳嘅味精例水唔同嘅係佢嘅湯清甜鮮味，絕無味精滑過鹹，之後我們點了招牌的黑椒燒鵝，包除被三層肉，口水雞，叉燒，三日醉香鳳珍肝，雲香切雞，還有鵝油底撈麵！黑椒燒鵝香濃惹味, 口水雞唔會太辣，肉質鮮嫩，包脆皮三層肉香脆鬆軟，亦唔會好似其他燒味店一樣太鹹！我覺得最好味就係鵝油底撈麵同埋佢哋嘅雞紅，個面油香撲鼻, 口感豐富，個雞紅比一般豬紅香滑入味！個雞紅配上燒鵝既黑椒汁，更加惹味！總括來講無論裝修及食物質素都比一般燒味店更加舒適好味，值得推介!

襯今日休息，同朋友行開深水埗基隆街，見到呢間新開嘅鋪頭（一鵞），又咁岩大家都肚餓，就決定入去試一試佢。入到去個環境都幾好同埋啲員工都有禮貌，坐定之後望一望個餐牌，大多數都係燒味，但係入到嚟冇理由唔試佢地個主打菜，黑椒燒鵝，滷水鵝燒鵝就食得多，遍遍呢款燒鵝就好似冇食過，我地仲嗌左幾款餸添，係等嘅途中大家都討論呢個黑椒究竟好冇食，會唔會啲黑椒味琴過曬啲鵝啲味道呢？等左大約10分鐘倒，我地其待已久嘅黑椒燒鵝出現啦。一擺入口同我平時食個啲有啲唔同，啲黑椒味冇琴過曬啲鵝味，仲有種好肥美嘅感覺，平衡得好好，仲有個包脆皮三層肉都唔錯，肥膏同啲瘦肉剛剛好，值得一試，朋友都話唔錯。我地食左幾樣嘢價錢都唔貴。有機會會再嚟過。