一鵞 (已結業)

好少有燒味舖有下午茶時段。下午茶唔係好多野簡, 唔想食太飽, 叫左燒鴨賴，同义燒丁, 仲有跟餐茶或中湯。黎到睇落唔錯, 仲有幾條菜芯。 食落燒鴨係好食d既，义燒瘦左d, 但出奇地切得薄, 真係好耐未見既刀工。而令人最出奇既，係佢個出前一丁煮得好好味。 一黎已經好香麻油味，湯既味道都好恰當, 麵都煮得非常啱時間。 不過义燒就真係要夾起先, 浸太耐真係會冇味。 如果對出前一丁有要求既朋友真係要試下。整體唔錯, 餐茶都好有水準, 比一般燒味舖真係有驚喜。

本身係想食對面馬拉嘢，但係實在忍受唔到大排長龍，見到呢間睇落門面都唔錯，食燒鵝嘅，咁就試一試啦！本來淨係想試吓黑椒燒鵝單或者雙拼飯，平平哋50幾蚊，點知入邊員工力sell話叫例牌抵食好多，分量多好多之類啦，咁就聽咗佢講叫咗一個黑椒燒鵝髀例牌$120。心諗好食嘅話都無所謂啦～嚟到真係好鬼失望，皮唔香脆，軟林林嘅，皮下面肥膏好多，鵝肉冇香味，黑椒味係好濃烈嘅，不過個人覺得同燒鵝唔係好夾，送嘅瓜湯亦都係一般味精湯。只可以講試一次就夠。

媽媽告訴我，他朋友介紹基隆街附近有一間燒味舖，燒味做得不錯。眼見他們裝修比較新穎，而且餐牌上面強調有兩款燒烤味道， 可以選黑椒或當歸， 當歸味道的 燒鴨或燒鵝比黑椒味貴。買了黑椒燒鵝下莊回家試試，50元。第一啖入口覺得這個黑椒燒鵝實如其名，有很重的黑椒味，因為可能有黑椒的存在，味道比較香。 我比較喜歡肉少的那部分，因為黑椒味比較重。而且我還能夠吃到黑椒碎。而且整體下莊來說，他的脂肪不是太多，沒有油淋淋的感覺。 這個印像不錯，我下次想試一試他們的燒鵝瀨粉。

一鵞嘅醉雞什，我作為一個內臟家，評分相當之高！佢嘅雞潤唔硬，好軟滑，紹興酒甜甜嘅酒香，花椒八角嘅辛辣恰到好處，佢呢個浸泡嘅酒液，調校得令人一試難忘，而且佢仲有一嘀係黃沙潤，有人講過，激素雞係出唔到黃沙潤，口感零舍嫩滑，真係令人欲罷不能，佢個雞腎雖然唔係好大舊，但相當爽脆，新鮮，但因為個潤太出色，搶咗佢唔少風頭，重只係55蚊，買返屋企送酒一流你知啦！潮流興減肥～要戒澱粉質，咁淨係雞雜唔夠飽，就嗌多半隻切雞啦！其實我平時都好鍾意周圍外賣半隻切雞當一餐，老實講，佢隻雞雖然整到好多雞啫喱喺入邊，我係好鍾意食果層透明啫喱，果層唔係脂肪！係膠原蛋白。但隻雞真係整得幾嚡⋯⋯唔太嫩，本來想唔食，但後尾諗諗，自己都唔嫩，何必嫌棄對方呢？可能呢嘀就係換位思考啦！

這陣子經常去深水埗，深水埗手作材料店舖都逼滿人龍，全部都買材料自製布口罩！在附近揀間餐廳醫肚，餐廳以燒味為主，主打燒鵝。一隻隻燒鵝整齊吊在當眼處，十分誘人～深水埗有大大小小不同燒味店，就試試這間！等候期間看到餐廳不停接外賣生意，點了個黑椒燒鵝髀飯，鵝髀賣相吸引，鵝皮色澤暗紅而且帶有點點光澤。外皮香脆，有油脂亦有黑椒味道。可惜肉質有點乾身，而且沒有鵝味。鵝肉沒有肉汁，跟外皮相差很遠。這個飯差不多$100，感覺有點不值～

呢間新嘅燒鵝店最出名係黑椒燒鵝，個汁好惹味，個價錢又無啲名牌店咁貴，價錢公道得嚟又唔識同人逼，生菜紅同醉香鳳雞珍都好好食，最重要係個姐姐好好客！The pepper roasted goose in this new restaurant is very yummy. The staffs were super nice too. No more lining up for ages to get into those Michelin restaurants to have a nice roasted goose!

今日行街到深水埗行過果邊這間店舖買了半邊燒鵝回家吃開年飯加餸，當拿回家後才發現燒鵝混入了部份有酸味的燒鵝，顏色完全是兩隻燒鵝混入，今日我地係初二搭車來買燒味外賣估不到店舖這麼光鮮但賣的燒鵝完全不行，店舖名氣得來不易，錢不是這樣賺，由其是新年這段時間，客選購你地店鋪食品也是相信你地食材可以才會購買，但經過今日這事件，對這店舖銷售手法完全失去信心了，十分沒良心店舖，永遠不會購買，外賣完全品質沒保證....這次中招當買一次教訓，各位食客自己評估風險。

本來想支持對面食番茄麵嘅小店，但係真係人山人海，轉過嚟呢邊食燒鵝，估唔到有意外嘅收穫。餐廳嘅裝潢比較古色古香，頗有嶺南之風嘅感覺。睇得出裝修有下一番苦功。嗌咗兩個燒味飯，淨係記得影相影一個，餐廳侍應有提議試吓當歸鵝，但係我對呢個黑椒鵝比較有興趣，叉燒燒得有焦香，鵝略嫌有d濕，我想像中嘅燒鵝應該係外脆內嫩，今次食就覺得好似一pat嘢咁。依個珍香肝真係好好味，例牌$55，有腎同埋鵝潤，食得出用紹興酒、花椒八角醃過，一啲油膩嘅感覺都冇，唔通潮州打冷舖嘅鵝潤，佢嘅醃料令到成碟野清新好多。臨走叫咗兩個例牌珍香肝走，好好味，會黎再食，老闆娘都好親切！

下午行完深水埗，有D肚餓， 要快啲搵地方食晚飯， 因為順路所以就到了一鵞， 其實我已經食過兩次了， 又試過買燒味返公司食， 真心覺得這裏的燒味唔錯。因為我好鍾意食這裏啲燒味， 所以今次我點了燒鵝叉燒雙拼。之前食過已經知道這裏的燒鵝醬汁特別香濃， 因為是店家自製的烤醬， 燒鵝的皮外脆有光澤，入口有香濃的 肉汁溢出，肥瘦適中，鵝香味極之濃郁。叉燒 ，我點了半肥瘦， 叉燒的物質味香甜 肉嫩， 喜歡吃叉燒的朋友一定要試下。

車爸爸的牙齒工程完滿結束後，我倆便到深水埗買點往馬爾代夫旅行用的小物品，行到夜晚便到聽聞出品極像已結業的澳門陳光記一鵞吃日思夜想的黑椒燒鵝！ 店內跟陳光記的裝潢幾乎一模一樣只是位置不相同而已！ 我們點了黑椒燒鵝＄110/例牌轉鵝脾另加＄20，另外加一碟鵝油撈麵＄25夠晒喉！！ 奉送的老黃瓜例湯屬普通貨色可以不喝！ 期待的黑椒燒鵝來到是真的非常失望！巢忟忟又不香口的鵝皮很倒胃，光得脾有點鵝肉底下那些全是皮加肥膏和骨！味道更是沒鵝肉香氣更沒黑椒的惹味白白浪費我倆的Quota！ 而鵝油撈麵同樣沒多燒鵝香味！那汁醬油甜得過份唯獨麵質夠爽彈，最後只吃了兩口便收工！完全是失望到一個點的晚餐！

下午茶黎到一鵞，原來下午茶餐得燒鴨瀨，燒肉飯，同叉燒公仔面，一心為咗食燒鵝，所以豪氣啲點返半隻鵝先。 佢地有兩款燒鵝，一款係黑椒燒鵝，一款係當歸，兩款都係好燥呀，但唔理啦，好味行先，仲叫咗一個骰仔飯。 先黎燒鵝，有當歸藥材嘅燒鵝第一次食，舖頭仲建議唔點酸梅醬，雖然無純燒鵝嘅卜卜聲脆皮，但都仲係少少脆嘅皮下面帶來嘅係有當歸味嘅肉香，油脂都係非常香有鵝味，鵝汁都係有好豐富嘅鵝油同當歸香味，要黎送飯送麵都係一絕。呢個當歸燒鵝一定要試。 不過鵝本身濕毒，當歸溫燥，本身有濕熱嘅人就唔好食太多，而同場聽到位當區伯伯講話之前食過當歸燒鵝食完返去流鼻血添。 另外骰仔燒肉飯都非常唔錯，做到五層肉肥瘦分明嘅口感，真係做到包脆，面層皮非常脆，滿分。但下午茶嘅份量相對少啲啦，只有一碗。值得剩點一份燒腩黎食。 至於店內裝修都好扮古式，舖面比較細，但唔影響享受食物嘅環境。 下次黎就要會一會另一款黑椒燒鵝。 

美食家因為係毒L，所以成日會去深水埗，深水埗區不嬲都多野食，今次就去咗出名黑椒燒鵝既一鵞飯店，又估唔到價錢都相當實惠，而且仲有例湯送，雖然話例湯，但一D都唔失禮，講返正題，燒鵝燒得好香，唔太咸，仲有陣陣黑椒香，而叉燒都係水準之作，好快就食晒成碟飯～

睇報紙介紹深水埗有黑椒燒鵝食，非常雀躍，因為之前「陳光記」嘅黑椒燒鵝好得，點知又無緣無故執咗笠，所以聽到有黑椒燒鵝就即刻走去試吓！點知一試便知龍與鳳，一鵞嘅黑椒燒鵝一啲都唔合格，食落去雖然都有胡椒味但係佢嘅甜味太重了⋯⋯而蘿蔔豬皮豬紅更加係好似食緊糖水咁，蘿蔔個種甜味係似加糖做出嚟、豬皮係甜嘅、豬紅都係甜嘅 😖 連鵝底油撈麵，都係甜㗎😢例湯飮落似無味嘅清水........咁嘅質素，試過一次就夠啦，今次真係伏中之伏，以後都係唔好相信啲報紙鱔稿了！

難得假期，為了食好野，當然就要約埋班朋友👭，山長水又遠，過黎再戰深水埗呢間🔥燒味店啦！過到黎一鵞，當然必點它地的招牌菜，黑椒燒鵝、古法叉燒、雲香切雞、包脆皮三層肉和蘿蔔豬皮生菜🥬紅啦！黑椒燒鵝🦆係我食過最好食的鵝，黑椒吾辣，反而甜甜地，取代了坊間嘅酸梅醬，食落去啲鵝汁味仲慢慢滲出嚟。古法叉燒超級好食👍🏻吾會死實，一咬👄落去仲係好軟身的，個甜度我好like，燒肉皮又勁脆，每次我都必點🤩

根據情報，來深水埗呢間一鵞試菜。 一個人唔叫得太多嘢，焦糖叉燒拼黑椒燒鵝飯，加多個三日醉香鳳珍肝就算啦！ 可能轉咗人，中伏！😩(1) 所謂招牌燒鵝非常一般，只係勉強合格。 我話要半肥瘦叉燒，佢俾咗一啲又乾又瘦又鞋嘅我，我樓下後巷嗰間燒臘檔好食D；（2）例湯非常一般 & 飯唔夠熱；（3）三日醉香鳳珍肝，無端端有三份一係腎嚟嘅，仲係邊皮位最硬嗰啲 &（4）每樣野都比餐牌貴（請對比照片），問阿姐佢先講新餐牌未印出嚟；冇貴唔貴嘅嘢，只有值唔值得。 咁樣洗咗 $93，非常唔值得。 雖然話要愛護小店，但係都要通知啲老友費事中伏，重點係浪費 quota，因為深水埗有其他好多好嘢食。 不過唔緊要，係一個經歷，唔伏過就揾唔到真美味。