一鵞 (已結業)

本來想約朋友去八月軒食飯，不過就因為「茲因有大型宴會，是晚不設晩飯雅座」，所以臨時轉陣去深水埗一鵞試試，皆因之前食蘇媽蘇媽時見到對面有間燒鵝店，於是好奇上網睇睇，雖然介紹唔多不過都係正評，所以就膽粗粗試吓。四個人叫咗半隻黒椒燒鵝、例牌叉燒、燒腩、兩碟鵝油撈麵、醉雞、酸薑皮蛋、百合雲耳，認真講，每樣都幾乎好食到冇得挑剔，本來想叫埋個蘿蔔豬皮雞紅，可惜賣哂冇得試。附帶一提呢間店嘅服務真係唔錯，店員個個態度殷勤有禮，值得一讚！