一鍋豐 (已結業)

生日已過，多數不會補祝，但食飯就一定要啦，朋友帶我去呢間海鮮火鍋，指定海鮮料，再加任食刺身同配料，飲品也是自助任飲，我地爲左個湯底，所以點了象拔蚌海鮮火鍋套餐 $288湯底其實有10款之多，但點$288套餐才有獨特的兩款湯底，我地揀馬來喇沙大頭蝦湯底。先去取調味醬料，只有生蒜、炸蒜、蔥、辣椒、辣油同沙茶醬等，較普通的醬料，不過主力食海鮮都唔使太花考既調味。當回座位坐先發現，原來d碗碟都唔乾淨，直頭冇洗過，有好多油同上手既食物，已經令食慾大打折扣，不過都可以換，而且後來換碟都算密，所以服務都過得去。刺身櫃放滿魚生，都算乾淨。有六款刺身，先每款點來試下。三文魚都好肥美，油潤豐腴。白肉豚個名唔似魚，但堅係魚黎，雪白魚肉都幾肥幾滑，唔使點咬就吞到。赤貝雖細細隻，但好爽口。立魚同榮螺片味道一般，八爪魚幾柔軟，不過無咩味。馬來喇沙大頭蝦湯底，睇落好紅好辣，但原來味道幾好，辣度也易接受。滾開就試口湯，好有喇沙獨有風味，微辣帶奶香，越滾越出味。一鍋有兩隻大頭蝦，每人一隻剛剛好，蝦身不算大，反而蝦頭膏好濃好正，蝦肉彈牙。7款海鮮同餐牌既有出入，所以別期望太高，但也有好食的象拔蚌，非常鮮甜爽口。馬刀貝超大

創興中心一直都係朋友聚會去既大廈食好西，今次唔例外，4個人一齊去恰下恰下，一窩蜂咁去一鍋豐😋佢有幾隻套餐，我地一致決定食中間既鮑魚海鮮火鍋套餐仲有6款刺身任點，有我最中意食既三文魚同八爪魚對我就夠了~簡左個蕃茄蜆湯底~又甜又唔熱氣黎既份量唔多不過可以任點係好事，大家唔洗曬野麻!佢既蟹柳係我鐘意食既日本蟹柳，仲有手打墨魚丸，好彈牙有章魚粒，有口感😗海蝦好新鮮，恰完啲殼唔會好梅，就知道肉質都好結實~肥牛肉唔錯 唔會太多肥筋，都係點完再點既一送之一!水魷魚新鮮!恰完唔會好無彈性，唔錯唔錯。仲有大家都愛既炸芋頭，粟米好甜 係超甜!後尾加單左好多~然後烏冬應該係日本既讚岐烏冬，食得出好彈牙，幼幼地，食得多都唔濟又享受啊!😎黎到重點既海鮮拼盤啦~石班片係好鮮味同無骨，同埋好滑唔洗點汁就鮮味，點埋醬汁就更好味! 仲有大蜆現實比相仲大隻，好多汁亦都無沙，棒!仲有幾隻鮑魚都好新鮮帳卜卜最尾當然到人既第二個胃啦~甜品時間到!有我由細食到大 但依家好難搵到既牛奶樂，太好味食左兩支 仲有細包 糯米糍比你唔鐘意唔緊要，仲有自助雪糕機，有雲呢拿味同朱古力，加埋配料就好豐富啦~

天氣仍然寒冷，心中仍然經常掛住打邊爐。 今次同屋企人黎個高質任食火鍋， 整體都幾滿意餐廳面積夠大， 但仍然建議先訂位，因食緊的時候見到外面都人山人海 呢度的任食火鍋有新鮮海鮮選擇，食客可以自行加料今次同屋企人食，梗係食好d啦湯底首先選擇左蕃茄湯，味道算濃郁， 不會像清水一樣之後叫既海鮮盤，包括有多種海鮮食材十分新鮮，特別係極大隻象拔蚌🤪非常肥美另外餐廳也有提供數款刺身，其他火鍋店提供既刺身一向都不予置評但呢度刺身質素比想像中好，媲美到放題既水準一般菜單亦有多款海鮮選擇，特別一提有倉魚供應，我都係第一次試打邊爐食倉魚也好鮮美，另外亦有蝦，蜆，魚等等的選擇。。總括黎講，呢間係一間唔錯的打邊爐好去處， 價錢相宜得黎，食材選擇多，材料也新鮮，推薦

難得一見，就相約大家出旺角晚飯，雖然呢排天氣暖番都無阻礙打邊爐的心情朋友上OpenRice 有間火鍋店幾正咁就一齊去食啦咁入到去地方都幾大，我地4個人去佢地就安排了卡坐俾我地，都坐得幾舒服😌我地7:30去果陣都未滿座，大約8點左右開始多人，個場仲爆滿我地就叫左每人$238呢個餐，任點任食好抵食而且仲任飲有汽水、啤酒、烏龍茶等等，俾大家選擇我地就點了蕃茄蜆肉湯底，都好鮮甜美味而且仲有任點刺身，有三文魚、榮螺、八瓜魚等等，每款點左少少試試都幾新鮮！一路點左好多美食，有魚、響鈴、生根有蜆、白鱔、魷魚，食物質素都很好再點了腸仔、蟹棒、午餐肉等等，墨魚丸都很好食，又彈牙打邊爐又點少得牛肉，肉質都好鮮味套餐包左一份海鮮，話明海鮮火鍋點少得海鮮有鮑魚、龍躉魚片、聖子、蚌等等，龍躉魚片肉滑超滑溜各樣海鮮都鮮味十足最後點左好多好多菜、蕃茄、粟米、烏冬等等，粟米超甜烏冬係日式烏冬好幼細又滑好正啊！最後仲好多雪糕🍦作結尾，有好多款式食左條牛奶樂食完一枝仲想再食整體來說，任飲任食火鍋質素唔錯，食物品質有保証，而且環境又寬闊地方大，坐得好舒適值得推薦朋友！

每次行完信和，都會習慣上創興搵食😛今日就試下呢間主打有高檔海鮮同刺身食既火鍋店🤤一坐低望下個menu，分別有象拔蚌海鮮、鮑魚海鮮同埋刺身三個火鍋套餐。不假思索便點了一個象拔蚌海鮮餐😆因為佢有唒全部海鮮嘛 今日我地揀左一個其他店比較少見，且味道應該比較清新既鮮茄蜆鍋🍅個湯底比想像中更鮮甜，d蜆煮過一輪之後，本身的鮮味跟茄湯的甜非常夾，入口令人一試難忘呀🤩輪到主菜海鮮拼盤，各樣海鮮都很新鮮。首先是象拔蚌，貪佢稍為淥一淥已經食得😜一入口的確令人喜出望外，非常爽口。而鮑魚、馬刀貝及蘭花蚌亦很鮮很彈牙，真係令人食極都覺得唔夠😋不過這個拼盤不是任食的，所以有空間食其他野🤤任食刺身方面，一共有六種任揀。分別有三文魚、白肉䐁、赤貝、立魚、榮螺片同八爪魚。全部都很鮮，有一貫放題刺身的水平。基本火鍋食物都有好多，比較特別既係呢度有手切安格斯牛小排，味道的確一流呀👍🏼服務方面，同其他任食火鍋店相比呢度算不錯。最起碼今晚冇漏過單，而且侍應有問必答兼且識答，上菜速度也很快，值得一讚👍🏼

臨時吹雞既新年飯, 其實係我地D 生日飯黎, 順個便逗埋利是~YEAH!朋友就揀左呢間, 原本係另一間, 可惜新年唔畀BOOKING係咩玩法？　益左人咯～呢個度有三個價錢既，　最貴２８８有象拔蚌，　跟住２３８有鮑魚，　同１８８得刺身～我地呢。。。就緊係揀最平啦~XDDDD其實我係連刺身都唔會食. 因為我既忠指都係唔好係一間食熟野既地方搞呢D..我實痾呀!湯底揀左豬肚湯. 鴛鴦湯底要加$68所以放棄~食物都算多野揀~同埋冇乜漏單~~~ 唔錯~朋友一黎就食雪糕係咩玩法.XDD刺身睇落都唔差, 不過我只食熟野算...成日都話戎三文魚~醬料選擇係少既, 得豉油, 冇酸汁~我食肉會中意酸汁多D. 但佢個秘制辣椒好正~少少都勁辣! 大愛~都叫左好多野. 後尾都冇乜影相...魚皮好過響玲~~~ 唔係即炸. 叫左一次都冇叫LU.. 林既唔脆~食物方面, 我見好多人都係揀最貴個餐, 但對我地黎講, 只係求有得拾下拾下就夠... 同埋海鮮得一輪, 好似唔係好抵咁~所以我地叫既都係大路野,呢度真係算多野揀~~~飲品要講下, 我地坐個邊係飲品櫃..都冇野好方便TIM.. 點知臨走去TOILET 時... 先見

阿媽話好耐冇打邊爐, 話好想打, 於是我帶佢黎一鍋豐(之前聽同事介紹好似唔錯)上到黎, 好多野出面自己拎, 醬、飲品、雪糕等.揀左個蕃茄湯底, 飲落都幾鮮甜~另外, 有張刺身紙比我地畫, 雖然款式唔多, 但都不過不失既. 有三文魚、赤貝、榮螺片、八爪魚、等, 全部都新鮮、爽口彈牙～我地點左好多野食, eg 牛柏葉、墨魚滑、魷魚、芝士腸、午餐肉、丸、芝士豆腐等...牛肉都點左好多碟, 媽話都幾嫩, 唔錯.最後都有拎雪糕/ 雪米磁食. 感覺唔錯. 下次可再黎.

最近同好友去旺角打邊爐, 佢帶我黎一鍋豐, 記得好耐之前食過, 都幾唔錯~一坐但睇完MENU 我地點左HKD 238個餐, 之後出黎拎野飲同混下D 醬...湯底, 我地揀左蕃茄大蜆湯底..之後黎個海鮮拼盤, 入面既海鮮份量勁多, 又新鮮，有鮑魚、蜆、北寄貝、象拔蚌等...鮑魚煮過後唔會縮得好多, 而且好爽口.. 正!!另外我地仲點左D 牛肉、海蝦、豚肉, 丸類, 仲有我最中意既牛骨髓, 爽滑~最後一定要叫蔬菜,健康D丫MA,, 勁新鮮, 洗得好乾淨!!出面仲有雪糕、甜品任拎~OVERALL 價錢合理, 時間又充足, 2.5小時任食, 值得一試!

任飲任食海鮮火鍋餐(兩個半小時) $238/位同其他任飲任食火煱唔同除一般火鍋料外 仲有一盤靚海鮮比你當中包括鮑魚 蚌 龍躉 全部已經切好片一放入去碌一陣就食得 貼心方便另一賣點就係魚生任叫 雖然款式選擇並唔多只得大路嘅三文魚 白肉豚 赤貝 蠑螺片同八八爪魚但性價比非常之高有個醬料吧比你調配合適嘅醬汁配料一應俱全 口味腌尖嘅人都到可以滿足仲有最正嘅係甜品餐廳有一部雪糕機 可以自己整軟雪糕甜筒有雲呢拿同朱古力味道仲可以加上自己鍾意食嘅配料例如朱古力粒粒 棉花糖等等唔啱心水嘅仲可以揀迷你雪糕杯口味獨特有紅豆同芝麻味出面非常少見

凍凍地繼續打邊爐🥢，知道呢間好夠招積話自己係邊爐嘅代表，咁就緊係要試下啦😗～呢度有3種收費，3種食法，最普通嘅都有刺身任食🤨，係唔同啲嘅～另外仲可以揀鮑魚海鮮或者象拔蚌😍。 不過海鮮又唔係任食喇，食完一次無得再添，但味道黎講都算幾新鮮嘅，象拔蚌打邊爐真係無得輸🤤～海星班都係另一個亮點，魚片切得恰到好處，淥完仲好滑🐟！ 呻笨食到中段先發現原來食象拔蚌餐係可以揀特別鍋底😂，特別鍋有天芎百芷魚頭湯同沙嗲大頭蝦湯，禾的大頭蝦呀🦐🦐！！不過蕃茄蜆湯其實都幾鮮甜，拎黎做湯底係不錯的🙆🏻‍♀️之後任點野食都算不過不失嘅，平時想叫嘅都會有👌，而且唔會漏單，想食咩按人頭寫，職員服務態度都幾好，旺角一新選擇🤗 -----------------好味指數😋：6.5/10翻啅指數🙆🏻：6.5/10人均消費💰：201-400服務態度👨🏼‍🍳：7/10乾淨指數🌝：6.5/10

今日和朋友來到這家很有名氣既任食火鍋餐廳,名字叫一鍋豐!這家一鍋豐之前在很飲食雜誌和網上曾經介紹過,所以黎既食客都唔少,我地雖然訂左位,但都要等10分鐘先有得食,所以話人氣爆燈!入到黎餐廳,每張枱都坐滿人!而服務員都非常忙錄,抵讚既係佢地依然保持耐性落單,真心覺得少見~今次我地點選左288既象拔蚌套餐~鍋底係鮮茄蜆鍋~十分足料!而呢度值得一題,藍妹啤酒,紅白酒都係任飲,非常少見! 而紅白酒試過都唔差~火鍋雖然係今晚既主打,但係任食刺身都係一大賣點,所有刺身都肥美又新鮮,抵讚!主打上場,係一個超巨形既海鮮拼盤,象拔蚌,鮑魚,生蠔及貝類等等,全部都又大又新鮮,個肚未食,相機食先~以上既海鮮拼盤,全部都非常新鮮,完全無腥味,呢個海鮮拼盤係只限一次,但份量一定足夠,而其他食材就係任點!其他任點既海鮮雖然無拼盤所見咁大隻,但係鮮味同質量一啲都唔差,同平時食既任食火鍋所見食材明顯高啲!蔬菜方面,都係又甜又爽,最重要係洗得夠乾淨,呢點非常重要!胶子非常足料,唔覺唔覺竟然食左兩碟~最後係幾碟賣相唔算非常吸引,但味道出奇咁好味既牛肉~我地點左頂級肥牛粒,手切肥牛同埋安格斯牛肉,可以話係各一千秋,非常有牛

今天突然好想食打邊邊，因又開始轉凍喇。有很多新派特色邊邊想試下，上網睇左一陣，決定了去這間。因有海鮮盤，刺身和安格斯牛小排食😂😂😂，完全滿足我的要求。因早左放工，所以便早點去食，怕要等位。店舖有3款價錢選擇，而我們就點選最貴那288那款，象拔蚌海鮮盤，而且包一個特別湯底，只供288套餐（川弓天麻大魚頭鍋和馬來喇沙大頭蝦鍋）, 我們點選了大頭蝦鍋，湯底配料很多，有豆卜和大頭蝦兩大隻，大頭蝦還差不多有掌心大，而且還有膏👍👍👍首先就是叫刺身頂頂肚先，然後一路食慢慢點邊邊食😜😜😜海鮮盤也同時來到上枱喇，（象拔蚌，聖子，鮑魚，星班魚和生蠔共5款海鮮。這店無限量供應安格斯牛小排，這一定要食食食，還有鱔片，海蝦，海蜆。。。這些也是主攻食物😋😋😋象拔蚌，聖子，鮑魚，星班也很鮮甜爽口，而生蠔就比較腥了一點，可能不太新鮮。安格斯牛小排入口即容，而且很有牛味，一上碟就看見牛的紋理，而且切得薄薄的，一睇就知好食。我們兩個人都差不多食左8碟牛😁😁😁其它主攻配料也非常新鮮，海蜆也很鮮甜，沒有沙。飲品更款式很多，還有黑加侖子酒。而甜品就沒太大驚，不過已經飽到吃不消，所以也不大問題店舖環境寬敞，不會逼夾，密密麻麻。服

新年前去辦下年貨買下新衫，所以今日同家人出左旺角行街，行到咁上下食埋晚飯～創興出名多野食，今次帶同爸爸媽媽去，比佢地自己揀，爸爸比個海鮮拼盤火鍋吸引住～上到去不用等太耐位，可能時間早！坐底左半小時已經滿座！揀左湯底店員好快拎左海鮮拼盤來～海鮮拼盤裏面嘅海鮮非常之新鮮，有鮑魚， 東星斑，象拔蚌，珊瑚蚌，鮑魚煮過後也保待大細一樣～所有配料都足料新鮮，爸爸停不了口火鍋配料有好多種類，我地點左手切安格斯牛小排，頂級肥牛粒，日本帶子，白鱔片，手打墨魚丸，手打蝦丸， 芝士腸，雲吞，韭菜餃～手切安格斯牛小排重牛味，頂級肥牛粒再大小小會更好，我地追加了幾轉刺身雖然款式唔多～但也不過不失三文魚新鮮，赤貝，榮螺片也爽口彈牙～海鮮拼盤大盤足料可以唔使點咁多火鍋配料，但係我地都重複追加左好多次手切安格斯手牛小排，肥牛粒，仲有個日本帶子～甜品方面都係雀巢係例～雪米糍我應該都食左6粒以上～另外有個雪糕機自己加配料的～雪糕口味有兩種，雲呢拿，朱古力，配料不多，但我都整得唔錯

老豆鍾意打邊爐食海鮮食魚，做仔嘅有時間緊係要帶佢出嚟食下好嘢。 之前睇過一鍋豐嘅訪問，知道佢老闆對自己嘅好食材好有信心，呢度地點又係旺角創興廣場上面咁方便，一於黎試下先。老豆指定要食象拔蚌海鮮套餐，每位288蚊，任食兩個半小時，配料有過百款，非常精彩。 海鮮頭盤有象拔蚌，鮑魚，蟶子，珊瑚蚌，桂花蚌，蠔同海星斑片，好新鮮，老豆仲鐘意到一個人食哂啲斑片。不過我個人重口味就覺得啲豉油可以濃味啲，最好可以有埋芫荽！呢度仲有6款刺身任點，估佢唔到老豆連刺身都啱，仲大讚呢到啲三文魚刺身！呢度啲安格斯牛肉，牛柳粒都好正好香牛味。餃子好足料！野飲都算多選擇。食飽仲有雪糕雪條任食！

做開F&B行業(唔係Fashion & Beauty囉)，一入門口就知呢間野掂唔掂。裝修光鮮得體，桌凳擺位寬敞舒適，menu有design，有upgrade嘅套餐，食材有gimmick(安格斯牛、鮑魚、蠔、花膠、海斑)，待應有禮貌(自動加水)，毫無疑問喺大集團經營，俾到信心，唔洗中伏。【價錢】比較創興樓入面嘅火鍋，呢間都算貴，由來$188起錶至$288，加鴛鴦湯底$68。 我同朋友二個人叫$238餐(中價餐)，加湯底，無加一，埋單$544，物超所值。淨計安格斯牛抵食到暈。【湯底】10個湯底 + 貴餐有多2個湯底。其中川芎天麻專治頭病，補野黎，但藥才味重，要睇自己口味喇。【推介湯底】 麻辣 + 胡椒豬肚麻辣：配有質感而無咩味嘅食材，響玲，蜂巢豆腐(少見，呢到有)，可以索盡麻辣味。大啖咬麻辣蜂巢豆腐，勁過爆漿牛丸，好爽!胡椒豬肚：令海鮮變得更鮮，肉類變甜，魚同牛肉好上味，好出色!【食材】海鮮拼盤(跟人頭俾份量，冇得再添)，貴set 就再多d料(下圖)。海班：正正正，魚皮含膠質，勁有口感。鮑魚：唔啱火鍋，gimmick嘅野就算….。蠔：同上安格斯牛：牛味重，有口感，好好味，仲要任叫! 蜂巢豆