一鍋堂 (瓊華中心)

營業中

休息中

趁住仲有少凍天氣日子，放工後就去烚下烚下，搵間放題任飲任食就是最好的，呢間係第二區食過，旺角店位置方便。唔同時段唔同價錢，正價(1900-2100)只收$308，就可食到最貴嘅C餐 - 日本和牛及極上安格斯牛小排套餐，任飲任食兩小時。全店面積都唔細，多設卡位，四人坐都OK，我地兩人坐就仲舒服。飲品自己去雪櫃拎，有特式支裝茶，亦有暖嘅紙包飲品，照顧唔同需要。各式菜類已預先分碗，打開雪櫃一拎就得，乾淨保持鮮度。除咗唔同款式丸類，麵食類，仲有即食區，如惹味開胃川式小食，凍蝦及DIY 沙律配料。小試幾款川式小食，配以香茅檸檬茶，食住落單。掃二維碼落單，好快就送上配料。多款特色湯底中，點選百搭同下火嘅芫茜皮蛋湯。開波同回本之作，梗係日本和牛啦，脂肪唔算太多，咁就可以食多幾碟。薄片一落湯幾秒就轉色，入口嫩滑無渣，食得相當輕鬆。仲有極上安格斯牛小排，肉色較為鮮紅。薄薄一片，肉味較出，要再加單呀。除咗牛肉之外，當然仲要留位比其他食材啦。呢度比較特別係，除咗有鷄子外，仲有豬肺。望落係乾淨及煮過嘅，只需烚熱返就食得，入口鬆軟無異味。養顔擔當有花膠; 海鮮類代表有脆肉脘，鱔片仲有蝦及蜆，蝦肉幾爽彈; 蜆肉無

今日預約17:00打邊爐，時間早的關係，入座得2張桌有人，我們同行7個人開動。由於4個小朋友不太食牛肉，所以叫了很少牛。海鮮多款，加上係會員，仲送咗鮑魚+帶子，都好新鮮，但鮑魚個殼就有啲污糟。有2種菜我攞咗幾次，就係冰菜同羽衣甘藍，冰菜烚完都係好爽口，超級鍾意食。萵筍就係叫嘅，今次冇烚得太耐就好食。仲有個小插曲，姨甥女幫手搵罐可樂俾我，點知罐可樂俾人拮咗個窿，有相有真相⋯⋯ （有同職員講，職員話唔好要）誰人惡作劇冇人理😅。但時間就少左啲，19:00走人就有電視框。所以2小時完成✅

近日香港的寒冷天氣又來，所以我和家人來到旺角瓊華一鍋堂分店享受火鍋。提前預約的好處是不用等位子，並且我們可以在網上點餐，自助區提供了各種熱食、蔬菜、自家製飲品、調味料、熱茶和甜品等等。我們選擇了價值308元的120分鐘C餐放題，可以選擇一款湯底。我們選擇了花膠乳鸽養生湯底，乳鸽濃郁的湯底入味十足，花膠呈金黃色，肉質鮮嫩。這套餐包含了各種高級牛肉選擇（如日本產黑毛和牛、極上安格斯牛小排、手切牛脊肉等等），僅牛肉部分就有12款供選擇。我們選擇了C餐，可以點選所有類別的食材，包括豬肉、自家製丸類、蔬菜和小吃等等。真係好過自己係屋企打邊爐。以現時物價的通脹情況，這樣價格合理的任食選擇真的非常划算。真心要品嚐日本產黑毛和牛、牛板鍵和西班牙栗飼豬肉。牛肉切得薄而有嚼勁，鮮嫩多汁，絲毫不帶膩感，脂肪比例剛好。我們多次續點，搭配炒蒜蓉豉油，能夠品嚐到鮮美的滋味。就算不加任何調味料。也非常鮮味。另有自助區，魚皮餃、手打蝦丸、海蝦、豆腐、冰山蚌，蓮藕和自家製餃子等配料，全部都可以即時點餐，保持了新鮮度。還有手切白鱔片、罕見的魚雲、脆骨腩、生猛海蝦和沙白等選擇。想要健康飲食的人也可以選擇超過十種的菇類和蔬菜

上個禮拜和朋友逛旺角，我好想食火鍋，我們就去了瓊華中心的一鍋堂，這店是任食放題，想食什麼都可以。環境都幾寬敞，有好多卡座，和朋友邊食邊聊天是很不錯的。這裏有很多湯底選擇，我們選了潮汕湯底，幾有特色，料頭夠足，大地魚滾起來幾香。花雕安格斯，牛肉浸泡在花雕酒，肉質特別鬆軟，有點像滑牛，有淡淡酒香。黑毛和牛，油脂細緻，入口相當軟滑，充滿油香，很不錯。安格斯牛片，油花豐富，色澤紅潤，賣相都幾吸引，入口都是很軟滑，比黑毛和牛的味道更濃郁，真是各有千秋。水魷好爽口，縱使滾耐了也不大影響，幾好味。鴨血也不錯，不易散開，沒有腥味。帶膏鵝腸，已很少食得到，腸膏都幾甘香，但不夠爽脆，味道還可以。菠菜餃翠翠綠綠，色澤吸引，每隻都很飽滿，裏面充滿菠菜混合了一些肉碎，真係幾好味。生料bar 有不同的丸類或腸仔等等，供自取，炸魚皮好香酥脆，響鈴都不錯。青菜種類都幾多，而且幾新鮮，滾一下就可以，入口爽脆，不錯。整體食物種類選擇多多，生料熟食都應有盡有，下次會再來幫襯。

今個星期天氣突然轉冷又係時候相約老友(滾友)一起去打邊爐啦! 哈哈去旺角就最集中，大家放工都好近，喜歡來這間一鍋堂因為他們湯底和食物款式頗多，飲品和菜疏各自一個長方形櫃，除海鮮和肉類用手機二維碼落單外，餐牌有一排長枱放滿熱薰小吃，冷盤小食等等。我們今次點選櫻花蝦湯做湯底，超豐富整鍋放滿櫻花蝦和紫菜，味道非常之鮮甜，啖啖櫻花蝦的蝦味在我口腔內游走。另外做會員還會送有殼鮑魚和珍寶帶子添。牛魔王又出動啦！每樣牛肉款式各點一碟，極上安格斯牛小排、日本產黑毛和牛、手切牛脊肉、精選進口牛板腱、封門柳、花雕浸安格斯牛肉等。本人喜歡吃日本產黑毛和牛和封門柳，前者入口即化，口感軟綿綿又有牛肉香味，後者牛肉味超濃質地也很嫩肉。到海鮮類鮑魚和珍寶帶子非常之新鮮，滾兩至三分鐘剛剛好，肉質鮮嫩多汁清甜。而點了兩款推介海鮮沙白蜆和珍珠貝，貝殼類我也是很喜歡的，白蜆和珍珠貝大隻肉厚很鮮甜。手串生猛海蝦，夠大隻新鮮，蝦身爽口彈牙。手切白鱔片和手切烏魚片，魚肉很厚身又肥美，白鱔片爽彈而烏魚片嫩肉鮮甜。其他配菜也很出色，醬爆瀨尿牛丸、蟹籽手打蝦滑、紐西蘭羊卷肉、真係花膠、手作菠菜皮韭菜餃、豬肺、鮮萵筍、冬瓜片、白蘿蔔。吃

早幾日逛旺角，晚上天氣有點涼，想食火鍋，所以就到瓊華中心一鍋堂食火鍋放題，這店大多是卡座，坐得比較舒適。湯底選擇好多，我們選了潮山鍋地，料頭十分多，有大地魚、冬菇、豆卜等等，都幾香。安格斯牛肉好正，油花好平均，肉質鮮嫩，入口無渣，牛味都幾香濃。黑毛和牛，賣相不錯，肉質相當滑，油脂充足，不過食多了會有點膩。扇貝都幾大隻，雖然是冰鮮，但都幾鮮甜，肉質都算彈牙，以放題的標準已是不錯。海蝦好新鮮，蝦肉完全可離殼，肉質夠彈牙，加點辣椒醬汁好有鮮味。除了手機點菜外，還有生料bar有不同的生料選擇，總體來說食物種類十分多。蔬菜好新鮮，而且有不同的菜類，入口幾爽脆，感覺真係好新鮮。還有他們自家製的健康飲料，都有好幾種，我特別鍾意飲洛神花飲，消滯去膩，而且不太甜，正合我意。

心血來潮想打邊爐不過只係得兩個人食識食就一定唔會去火鍋店擦翻餐勁我首選就係火鍋迷必去的「 #一鍋堂 」只有荃灣及瓊華店推出限定的《 #120分鐘晚市火鍋放題 》啱晒鍾意慢慢享受嘅我們喔最後我哋揀選了C餐放題《 #高級日本&極上安格斯牛小排套餐 》而火鍋店招牌的用心的 #豬骨火鍋湯底有成15款湯底選擇最後我哋揀選了一鍋潮汕湯底裏面有滋補的 #大地魚、蝦米、豆卜等魚夠晒新鮮湯料夠晒豐富火鍋配料除咗可以手機落單之外喺自助區都有多款前菜、小食、配料醬料、甜品、飲品花茶等選擇食物款式就晒多元化確實性價比好高喔❣️⊰⊹════════════════⊹⊱💬 ✎ 食後感 ：✨🍲 鍋底「 #一鍋潮汕湯底 」果然真材實料飲一啖好滋補魚湯味道好濃郁仲有溫馨提示魚湯有魚骨❤️ #日本產黑毛和牛大大片的大理石花紋黑毛和牛肥瘦相間、肉質細嫩隨即入口即化、口感一流身為「 牛魔王 」都覺得口福滿瀉🧡 #牛舌牛舌好薄身燒一燒就食得肉質很爽林油脂和肉汁在口中滲出使得牛味更加濃郁💛 #贈送小海鮮拼盤海鮮迷今次有福了會員優惠仲可以贈送小海鮮拼盤當中的鮑魚及扇貝好大隻鮑魚肉質厚肉爽身又細嫩🤍 #手串生猛海蝦呢度嘅海鮮海蝦係任食㗎

無論天氣冷或暖總係喜歡打邊爐,  今晚約了老友去旺角 一鍋堂 (瓊華中心),  地點旺, 交通方便.  店鋪門面闊, 有規模, 等候區設座位,  可先坐坐打打機.接待處,  安排座位又先叫點湯底, 好有效率.    湯底,  有十六種選擇, 我們揀了 [杏汁豬肺湯], 大家先逛自助食物區,  種類好多, 有涼拌小食, 沙律, 熟食.   打邊爐必備的有 炸魚皮 , 腸仔, 肉丸,  多到食吾哂.  擺設整潔衛生, 吃得安心.    熟食前菜, 炸春卷, 咖哩魚蛋, 熱辣辣,  還有粉, 麵.........飲品:  自助啤酒, 氣水, 果汁, 竹蔗水.... , 重有一鍋堂自家製 花果茶, 健康飲品.蔬菜放在雪櫃內.   有娃娃菜, 西洋菜, 油麥菜, 唐生菜, 菠菜, 菜心...................醬油配料, 有辣有吾辣, 可以自由添加.我們取了冰凍仙草清涼爽,   Soda water.店員介紹用 Q Rcode 電子點菜.  我們選了  , 用餐時間120 分鐘.    大家努力點餐, 食物很快便由專車送到, 用膠盒子盛載.食物款式多, 一一擺滿檯,  新鮮亮麗.電磁

今晚食「一鍋堂」，旺角有兩間而我哋食位於瓊華中心個間。未到六點半已經有客食緊，我哋坐低order咗Set C 高級日本＆極上安格斯牛小排，配一鍋麻辣鴨血豆腐鍋。日本牛肉係黑毛和牛，今日嘅traget就係佢😋。兩碟和牛上咗枱，脂肪紋好均好靚，食完再order，可以限時內無限order (每次限order 3 碟，用餐時間完之前半個鐘截單，即係有1.5小時落單) ，大部分都係脂肪分布均勻，偶爾一兩碟比較普通。雖然係麻辣湯底，只係微辣，鴨血有兩塊，幾好味，辣啲就好味啲😆。我哋仲有order墨魚仔，手打墨魚丸，手打潮州牛丸。手打丸都唔錯，可以試吓。怕麻煩，冇order 貝殼類海鮮。除咗用Apps order指定食物，出面都有好多其他食物提供，熟食有鳳瓜魚蛋，火鍋食材材有典型嘅的蔬菜類，丸類，芝士腸等等，點都要會有啱心水嘅。飲品方面，有凍有熱:支裝茶飲及氣水，熱水泡三角茶包。食足兩個鐘，食到好滿足😌。走時出面坐滿人等位，都真係好受歡迎下。

同朋友都好耐冇見，就提議去响旺角瓊華中心，而且今次仲可以有窗邊卡位坐添，呢度環境企理乾淨，唔洗同其他人枱貼枱好自在，入坐之後叫左個C餐食高級日本&澳洲和牛套餐😍而且120分鐘真係夠哂時間食💯 🥘湯底15選1，叫左一鍋潮汕湯底，好有特色，有大地魚，咸酸菜，豆卜，冬菇响入面，好鮮甜🌟加五十蚊就可以享有鴛鴦鍋，另一個叫左沙爹湯底，好濃郁好夠味。部份配料都可以响出面自助區雪櫃自取😛飲品應有盡有👍 日本產黑毛和牛🐂黑毛和牛脂肪豐富 細緻嫩滑 厚度適中 入口即溶總數都叫左至少四五碟 性價比相當高🩵 澳洲和牛🐃澳洲和牛口感很有牛肉味更香濃 滾一陣已經可以食🩷 牛舌牛舌的味道香濃而且軟軟淋淋💜 海鮮🐟🦐🦑沙白蜆，白鱔片，魚片，鮮蝦，墨魚滑等等，好新鮮兼無限量任叫，值得推介🥰 熟食甜品區都好多選擇可以自取， 炸饅頭，咖喱豬皮魚蛋，炸魚皮，雲吞水餃等等，仲有杯裝雪糕，係LOW FAT GELATO添😍💯

前排香港體感跌到得一度，就算身體幾好都好，氣管都打敗仗咳唔停😷😷😷。聽講一鍋堂有個養生湯底，除咗有qr code落單勁快送到之外，仲可以喺出面拎啲熟食同配料加飲品，種類豐富。包括有自家出品嘅薄荷烏龍茶、洛神花茶，飲落仲可以去消滯，口味甘甘甜甜，啱曬打邊爐嗰陣飲。食完仲有雪糕可以自己裝同有一杯杯嘅可以選擇，今日係紅豆雪糕，口感特別，有gelato嘅感覺，而紅豆味亦非常出色。一鍋堂 (瓊華中心)旺角彌敦道628號瓊華中心6樓

牛魔王又要岀動了！冬天就係打邊爐嘅季節啊，要把握呢排咁凍冰冰嘅時候，吃盡暖笠笠牛肉至對得住自己個胃啊！😋去一鍋堂一次過吃匀多款靚牛，而家牛肉好貴啊！呢度三百幾就可以食到入口即刻消失嘅日本產黑毛和牛、每一片都粉紅色嘅雪花紋，一入口香而不膩，好似雲朵咁軟綿綿。還有手切牛脊肉、牛舌、精選進口牛板腱、美國安格斯牛肉、 極上安格斯牛小排，全部無限潻食！😍😍😍一次過竉幸晒咁多款，真係好幸福啊！除了必食牛肉之外，海洋選擇都好豐富，例如有手切白鱔片、新鮮魚雲、生猛海蝦、沙白等，想食得健康都可以揀超過十款菇類和蔬菜架！大人小朋友都捧住個肚呀！哈哈！

一鍋堂 (瓊華中心) (旺角)旺角彌敦道628號瓊華中心6樓冬天到，人山人海排隊烚吓烚吓，氣氛極度熾熱，好食又窩心。一鍋潮汕湯成人（C套餐）120分鐘任食120分鐘，套餐包括日本黑毛和牛、高級日本極尚牛小 排、牛舌、精選進口牛板腱、濃汁爽彈牛丸、醬爆瀨尿牛丸、西班牙依比利亞黑毛豬同埋紐西蘭羊捲肉。不能盡錄，只高推我不停encore食嘅幾款主打菜式。嗰碗魚湯湯底鮮甜，無骨食得好放心，加埋冬菇嘅香氣，味道香濃。日本黑毛和牛質感細嫩，入口即化，肉汁豐富。極尚牛小排肉質鮮嫩，帶嚼勁，口感絕佳。牛舌滑嫩多汁，入口即化。精選進口牛板腱肉質鮮嫩，口感有彈性。濃汁爽彈牛丸伴隨著濃郁的湯汁，口感Q彈有嚼勁。醬爆瀨尿牛丸香氣四溢，滋味獨特。西班牙依比利亞黑毛豬肉質豐腴，口感豐富。紐西蘭羊捲肉質鮮嫩，風味獨特。有自家制4款花茶，任飲，樽靚又健康，食得好暢快。