一遊

營業中

休息中

過一排無食有少少掛住，咁啱去香港行轉就食下啦！份量比以往減少，價錢依舊變相加價；不過百業難捱，質量依舊都繼續支持💪🏻雜錦壽司拼$98，可配烏冬，凍檸茶刺身拼盤$128⋯⋯質量都保持住，份量確係小好多，若果男士要飽肚真係有啲難😥烏冬係清湯系列，烏冬一般；不要抱太大要求麵豉湯正常😊店內裝修充滿東瀛風味，無得去旅行....食左當去過🤪由於疫情擴散，中午繁忙時間入座率都唔爆，希望各食肆都一齊捱過寒冬

灣仔合和呢間一遊間唔中都會幫襯，都食咗五年，味道都keep到水準。星期六晚上walk in 2個人，唔使等就有位。叫咗個牛舌串燒，雞肉烏冬，玉子燒，三文魚壽司，牛油果卷，同叫咗杯柚子燒（威士忌）。牛舌同玉子燒次次都會叫，因為真係完美。壽司黎講，呢間日本料理有一個Bar位專係畀壽司師傅整，都幾大，有3個壽司師傅，呢度啲壽司都係新鮮。三文魚壽司大分、新鮮，可惜個牛油果卷味道一般。雞肉烏冬都好好味，個湯夠甜。價錢你講一定就冇連鎖式嘅日本料理咁平嘅，不過味道就真係好好多，同埋個價錢合理嘅咁五百蚊兩個人都ok。呢間餐廳其實都會有special menu，可惜main menu咁耐都冇轉過，期待佢會加啲新嘅菜式落去囉。

收藏了很久的日本料理，午市生意很好！我沒耐性排隊，所以一直沒吃上！現在出外用餐人流減少，我也錯峰用餐，約13:35到店，不用等位，直接入座，亦不安排併桌！吃得放心！午市供應多種定食，有點花多眼亂！糾結了一會，定了１號餐：#汁燒牛蒡牛肉丼，薄切牛肉炒菌菇，加了牛蒡的燒汁，很惹味！配白飯，好吃！#前菜，只有２块醃青瓜。#味噌湯，加了很多蔬菜，不錯！#熱咖啡，幼滑，濃郁！好喝！上菜很快！適合上班族的節奏，在有限時間內吃得有營！推薦的店！

今日咁岩經過灣仔合和，想食下日本野，見到呢間格局可以，就諗住冇咩人就諗住入去食下啦，點知一去到門口個服務員就叫我企埋一邊等下啦，我仲以為佢哋裏面好忙所以要等，點不知我見到裏面啲服務員只係掛住喺度吹水，我大概喺門口等左5分鐘，個服務員就行埋你話俾我知你只能夠食半個鐘，咁我就諗住是但啦，都我坐低左叫咗一個set之後，我都未叫完野，個服務員就叫都唔睬，就飛咗去隔離枱嗰三個日本人到，見到個服務員好似隻狗一樣，簡直不知所謂，最搞笑係我坐咗喺度連食野都未有25分鐘，個服務員就拎張叫我埋單，我都仲食緊，唉，呢啲服務員都唔知係咪幫老細趕客，我一定唔會再有下次去！唔怪得知呢間野係食飯時候到冷冷清清啦

⭐️位置 上電梯就係3樓 向左行 麥記對面⭐️12點半到 排隊排左半個鐘到 條隊都有排到1點半⭐️位置闊落 坐得幾舒服 今次兩個人食 搭左張四人台 唔會同隔離坐得好近 台面既野食都唔會好迫⭐️豚肉鍋 ＄92 (小食、正餐、味噌湯、飲品)⭐️豚肉鍋熱辣辣送上 豆腐既份量係多到我食唔哂 ⭐️豚肉份量女仔食就岩岩好啦⭐️豚肉鍋味道都重 個人仲食到有陣花生油味😅⭐️味噌湯 － 同平時有海帶、豆腐既味噌湯唔同 呢個味噌湯入面有種似係牛蒡口感，可以一試⭐️小食 - 望落似蘿蔔，食落似蘋果，但又無蘋果味，好奇怪⭐️朋友點既壽司set配烏冬 ＄98⭐️壽司份量多，都有啲刺身壽司，相對價錢合理⭐️烏冬無影，大概係一碗飯份量⭐️由於坐近sushi bar，好大油煙味。大家可能會覺得點解食刺身會有油煙，我都唔知點解😅⭐️Lunch at YOU⭐️Arrive at 12:30pm, queue for around 30min and get a seat⭐️Queue ends at around 1:30pm⭐️Location: take the escalator up and u will arrive 3/f, turn le

間中也有來這裏吃晚飯，不算什麼驚喜，但也中規中矩。記得舊年這時候有A4和牛為季節限定，所以特意前來回味下。帶位坐下後，沒人招呼沒給水沒介紹，自己看餐牌找不到什麼吸引菜式。看到有侍應經過問他介紹一下，她說要找另一位同事。OK沒有問題, 跟着一位大叔同事過來，我問他有什麼介紹，他說有刺身，我問他有沒有和牛，他說餐牌有寫？！？我問他是什麼級數的和牛，他嘴藐藐望望我，然後行咗去冇再返過嚟！！痴線㗎乜咁差嘅服務仲響灣仔生存到，請D咁廢嘅人做前線，完全唔專業，唔該執柒咗佢啦！永久blacklisted! 唔好做日本餐廳呀，唔好影衰日本兩個字呀！

今日午餐去左一遊食，因為係灣仔返工，又想年尾食好d就選左去一遊呢間日本餐廳食。佢有好多不同價錢熱食同凍食，我選左壽c定食午餐，價錢就98蚊，加一就108蚊一位埋單。佢有6件壽c，都好新鮮。仲有四件小卷。可以選飯或者烏冬。我選左烏冬，清清地都唔錯。餐廳環境都唔錯，地方都大。但中午食飯，最好12:30pm去排隊。如果太遲就會多人。坐地方都舒服。今次我地坐卡位，所以都幾好！食完我地仲傾左一陣計，佢都唔會太張住要我地埋單。不過我地見好多人排隊，所以都好快就埋單走。

一間嘢食好味嘅餐廳，俾1個lousy 嘅服務員催毀晒！今日忙碌完一日，晚上打算食好西醫肚，重覆叫左背後個位"帶眼鏡的哥仔"服務員3次，竟然背著我地至覆一句"等陣啦" 呢d多數只會係茶餐廳感受到嘅回覆 &service. 另一檯客，都係俾呢位哥仔激到擲credit 卡埋單，再2度去前台理論，听說因佢要求埋單態度差之餘仲講錯單的總數。真心提議管理層，要對呢位服務態度惡劣的4眼哥仔waitor ，提供高度集中客戶服務的訓練，及基本對人應有的禮儀，待人接物的態度，以免影響公司集團的聲譽及形象 & 生意，晒左靚裝。

週末到合和中心午膳，貪有免費泊車優惠，但就需要排隊等位，不過很快便有位。2個人安排坐4人卡座，坐得舒服👍週末午餐有定食套餐，主菜分別order了《大蝦天婦羅飯 定食》及《刺身定食》，然後再配上最喜愛的日式串燒。

多年前來過這間日式餐廳，食物味道不錯！之後每當中午經過這裏，門口必定大排長龍。原因是什麼？不難回答！今天好友中午在電光火石之間的那一剎那，趕去排隊取位，等了約15分鐘，成功進去，並快速點餐。午市套餐與以往不太同，有些新組合。今天看到了帶有韓式風味的定食，很想一試，結果這個fusion還不錯，有泡菜味但卻不辣口，對於怕辣但又想帶點辣味感的人來說，可算是有點驚喜！

今日同事話想食日本嘢，結果帶左我地去合和度食，係咁話好鍾意食呢度啲set，不過來到時排隊條龍勁長（據説己經比平時短），不過既然佢咁極力推薦，咁就排下隊試一試啦！🤪✌🏻話説一排都排左30mins😱😱 ，好在排隊時我地一早揀左食乜嘢，一坐低就可以叫。👍🏻👍🏻👍🏻4個同事，4個都叫左雜併壽司定食。有幾款壽司，一碗烏冬，漬物同飲品！✌🏻✌🏻✌🏻呢度今日既漬物係蓮藕，其實酸酸甜甜又爽口，幾好食👍🏻。 再來就係湯烏冬，未算係有咬口，不過起碼無食落一口麵粉既感覺。湯底不錯，清晒成碗湯。🤪🤪🤪至於壽司，食落暖暖地，唔知係咪即整。而且大小剛好，一口一啖，唔錯。。用料都算新鮮，但未講得上鮮甜，不過午餐Set來講，算不錯。。👍🏻 可惜個Set 略貴，都要成$98🥺🥺，本身想食魚生飯，但要$128，有啲貴，不過同事話魚生飯好食，而且好早賣晒。。下次出糧再試囉。唯有。😂😂😂

Worst customer service ever!!!! I walked in asking for a table, the waiter walks away like he did not see me. And when he approaches 5 minutes later, he says directly we do not have a table. He did not even ask how many people I have. No wonder your business is so bad, with so many open tables but talks to the potential customer with such attitude. If he does not want to do the business, just say so and not waste my time. I will never come back again!

每次lunch hour經過胡中大廈既一遊都一定排晒長龍，而且長排長有，今日特登同同事1230去到排隊試下係米禁好味，估唔到1230都仲要等4枱，真正入座都已經快1點～Set lunch有8款。聽侍應講每星期都會換一次餐牌，而且好似雜錦壽司果d係不能參考圖中模樣，因為會轉款，保持新鮮感都幾好。同事叫左set d，蟹肉天婦羅定食。蟹肉餅好體貼地切開4件，最上面係少量蟹殻，中間係一塊塊蟹肉加蟹肉碎加碎件天婦羅如蟹柳，蕃薯等。我食既其中四份一就食到蕃薯，蟹肉好鮮甜，天婦羅唔厚，配搭起來好滋味。另外要提個麵豉湯好足料，唔係街邊兩粒豆腐加兩塊海帶果種。蔬菜同海帶平均分佈，又唔多粉粒，入口舒服，可以成碗飲晒佢！而前菜既醃豆都係非常開胃！我叫左雜錦壽司配烏冬。壽司有七款，每種都真心新鮮，好甜，少少腥味都無，而且飯粒唔鬆身，真心好高質！反而個迷你烏冬有點失望，因為佢不是稻庭種類，烏冬煮得冧身易咬，而且湯香濃既！只係本人偏愛彈牙烏冬先失望。另外加點左2款小食，蟹肉厚燒肉子，同海蝦天婦羅。厚燒玉子好大份！而且店員會好體貼地問要唔要切件。玉子真係一層層夾住中間的蟹肉，蟹肉夠多，玉子夠甜。68蚊都覺得抵！海蝦

星期五最期待一定係透透氣，食餐好嘅。日本野不二之選一定係一遊！Lunch time12點00分一定要跑落去拎位。因為你會發現12:10-13:30呢段Lunch高峰期，就Keep住有十幾廿人喺門口排隊架啦⋯我自己就最常叫嘅係刺身定食，D魚件件都厚切，三文魚係最肥美嘅腩位！重點一定係 海贍帶子甜蝦！Lunch有呢D野食真係覺得自己有D奢侈 hehe提提大家Lunch time 12:45前埋單免收+1。埋完單飲埋杯野行返上去就啱啱好啦。

前果幾個月一位知心朋友滿懷心事,所以揀一個靜靜地，飲下酒，傾下計既地方！之前試過觀塘既一杯，我同朋友住系港島甘就一定去灣仔一遊居酒屋啦入到去table都幾full下，就安排我地坐bar檯，都還好自成一角，方便談心添壽司拼盤價錢非常合理，有牡丹蝦，帶子，海膽，三文魚籽最想食果啲都系齊到。不過魚生就我覺得未夠新鮮，色澤暗淡！東洋卷我的至愛，入面包左牛油果，鰻魚，沙律醬，蟹籽！出面塊pancake皮好香，牛油果多軟，鰻魚微熱，一大啖食啲蟹籽系口入面一粒粒爆開，成件事好match! 真心推介炸煆天婦羅個皮好薄，師父技術好，可以系居酒屋入面食得高水準既tempura真系難得！希望下次再去仲見到你炸海膽用紫菜包住海膽，外脆內軟，海膽一陣陣甘甜味，無得輸啦炸茄子，蕃薯個漿都系好薄，兩種蔬菜都好甜好食！基本上環境，食物都好好，唯一就系無乜服務！繼續加油💪💪💪💪