一遊

營業中

休息中

性價比高嘅日本lunch set一遊日本餐廳係小編由屋企人係灣仔返工細細個就食，食到而家自己出嚟做嘢都仲好中意食嘅餐廳。lunch嚟講算中等價錢，但係性價比真係高。首先，日本嘢個飯都真係好重要。咁多年，啲米都係咁好食，而且每次個飯都煲得啱啱好，醋味亦都好適中。主角魚生每一款都非常新鮮，而且有七款刺身。$158嘅lunch set除咗包左主食之外，仲有一碟小菜、麵豉湯同埋飲品。喺灣仔來講都算抵食。今日小菜嘅蘿蔔漬物，好有水準，麵豉湯亦都好足料。餐飲嘅熱咖啡都好濃，絕對唔係Hea嘅。環境方面，都好有日本餐廳風格。而且餐廳一向都好衛生，非常乾淨。店員亦都好有禮貌，會主動serve客人。整體來講都冇負面嘢，期待下次再食，有機會都想試吓晚餐。

朋友聚餐，今次再次揀左一遊，之前試過尖沙咀分店，很不錯，今次試下灣仔分店，餐廳裝潢都係日本居酒屋風格，環境舒適。我哋一共叫咗六款野食，分別白身魚薄片、海老加州卷、串燒、和風卷、鮮蟹肉煮嘅豆腐同牛肉石頭燒飯。白身魚薄片刺身新鮮，肉質晶瑩剔透，再配上胡麻醬汁，味道鮮甜可口。海老加州卷加州卷外層有蟹籽，餡料內有新鮮牛油果、清脆嘅青瓜同大隻炸蝦，口感豐富，而且美味，好滿足。串燒有牛舌、鰻魚、雞翼同脆瓜。牛舌爽口唔靭，燒到啱啱好，鰻魚厚身肥美，雞翼外脆內嫩，脆瓜好多汁，味道有驚喜。和風卷和風卷係呢間居酒屋名物，上次已經食過，今次再encore，薄薄嘅pancake皮包住牛油果、鰻魚同飛魚子，層次豐富，香氣撲鼻。鮮蟹肉煮嘅豆腐豆腐好滑身，外皮炸得香脆，再蘸上一份甜甜嘅醬汁，好好味。牛肉石頭燒飯牛肉份量同肉汁都幾多，而且石鍋熱辣辣令到飯有飯焦，撈埋牛肉同肉汁，非常之美味。飲品方面，我哋叫咗生姜杏子酒同蜜桃梳打，都好飲。總括來講，一遊食物精緻美味，環境舒適，係同朋友傾計嘅好地方，真係值得一來再來。

同好久未見的朋友聚會，選擇了一間日本居酒屋。餐廳裝潢非常傳統，令人彷彿置身於日本，同時座位寬敞，令人坐得舒服，傾得盡興。兩個人胃納不少，點了六個菜。首先白身魚薄切，伴以胡麻醬汁。魚的味道比較淡，但肉質好彈好新鮮，以胡麻醬汁相得益彰。海老加州卷賣相好靚仔，餡料有牛油果、青瓜，當然有大大隻的炸蝦，好滿足。串燒點了好幾樣，串燒牛舌、鰻魚、雞翼、脆肉瓜，鰻魚肉質好彈牙，雞翼外脆內嫩非常juicy，我不是牛舌的Fans，但朋友說非常出色，脆肉瓜一般容易乾，但呢個都係非常多汁。最印象深刻的係餐廳的名物和風卷，用Pancake包住滿滿牛油果、一大塊鰻魚、飛魚子，口感好軟綿，齒頰留香。另外鮮蟹肉揚豆腐煮的豆腐口感滑嫩，外皮香脆，配合一個甜甜的濃濃的汁，非常特別。最後以牛肉飯作結，牛肉是比較厚切肉味濃的上等牛肉，等一陣先撈飯會有飯焦，焦焦脆脆的口感好正!飲品選擇都非常多，無酒精的選擇都好多且不貴。總結，呢間日本居酒屋的菜式非常精緻，不止食物水準高，賣相都非常靚，店內環境和氛圍都非常適合小聚或者約會。

今日去咗灣仔嗰度見客，天堂諗起一間好有日本特色風情嘅餐廳食飯呢間餐廳位於合和中心，一上電梯轉左就見到，叫做一遊。顧名思義係到此一遊嘅意思。我都幾鍾意呢間餐廳，因為佢入邊啲嘢都真係好有水準。我哋叫咗玉子吞拿魚沙律，六吋串燒包括白鱔，牛脷同埋翠玉瓜，另外佢個石鍋炒飯真係非常特別，飯焦好脆好香真係一粒粒，咬落去好似食緊翠翠咁。我最後仲有佢嘅蕃茄豆腐煲，蕃茄味好濃，仲有隻大蝦，認真足料。呢間係高品質嘅居酒屋，有位於市中心，真係值得一去！

日本居酒屋，位於灣仔合和中心，開左好多年。傳統日式居酒屋裝修，昏昏暗暗燈光，帶點舊舊的復古味道。令我印象最深刻係和風卷，用Pancake皮卷住鰻魚，牛油果，飛魚子，鰻魚係軟綿綿唔洗咬果種，成個口感好似食緊一件捲蛋咁，好輕盈，難怪老闆話係人氣菜式。

🍴🍽🍴🍽🍴🍽🍲🍲🍲🍲🍲🍴🍽🍴🍽🍴🍽一遊嘅位置係合和中心號3樓，位置對於灣仔嘅打工仔嚟講非常方便😆平時食一遊都係食開Set Lunch，今次夜晚嚟單點都係第一次～整體嚟講除咗位置方便同環境舒適之外，食物都有翻咁上下質素😈其中海膽吞拿魚壽司同白身魚薄切雖然價錢偏貴但份量認真唔惹小🥺石頭湯都幾多蜆肉同豆腐，飲落好鮮甜；鰻魚飯反而又帶種住家飯嘅感覺～🥢 白身魚薄切(胡麻風味) $280 🆗🥢 海膽吞拿魚壽司 $268 🆗🥢 蕃茄海鮮石頭湯 $188 🆗🥢 滑蛋鰻魚石頭燒飯 $148 🆗🥢 燒翠玉瓜 $26/串 🆗🥢 雞中翼 $32/串 🆗🥢 燒牛舌 $62/串 🆗🥢 鹽燒活鰻 $78/串 🆗🥢 藍莓茶 $49 🆗🥢 日本玄米茶 $42 🆗🥢 蜜桃梳打 $42 🆗🥢 柚子梳打 $42 🆗

一間好有日本特色嘅餐廳, 環境好好, 約埋幾個朋友一齊唻食飯, 可以靜靜地傾吓傾刺身盛合五點(特 $450)呢款真係好驚喜, 一上枱我哋都嘩嘩聲, 擺盤好有和風感覺🎋大拖羅非常肥美, 好香油脂味🤤其他嘅仲有厚切油甘魚, 赤貝, 牡丹蝦, 每一樣都好新鮮壽司10貫 $28810款壽司真係每一款都切係好厚身, 食落去夠鮮味又有口感, 海膽都係填到滿滿🧡4款串燒8串 $396之前對牛舌嘅印象麻麻, 但係呢度嘅燒牛舌好唔同, 有牛肉味, 口感亦好好, 比一般牛片煙靭少少, 唔錯喎😲銀鱈魚西京燒 $178銀鱈魚油脂豐富, 一向都唔會令人失望, 呢度仲要加埋咁有心思嘅擺盤, 賞心悅目🌺有機柚子酒 試飲價$45飲品選擇有好多, 最有特色係呢隻柚子酒, 用咗日本高知縣嘅有機柚子, 有好香嘅柚子味, 甜味剛好, 用唻送串燒好夾餐廳唔單只食物高質, 服務都好好, 店員會一路留意每張枱有咩需要👍🏻所以幾個朋友覺得都滿意

平時食佢lunch set就食得多，今次第一次試佢嘅晚餐，比午餐有驚喜！平日嘅午餐時間一定逼到水洩不通，但係平日嘅夜晚入座率得一半，反而坐得好舒服。🐟第一道菜我哋就嗌咗油甘魚刺身。刺身鮮甜，配上麻油更能夠帶出油甘魚嘅油脂比例份量亦都剛好，我哋一行四個人，夾極都仲有得食。🍣之後一上碟就驚艷到我哋嘅，吞拿魚海膽壽司。啲吞拿魚滑到影影下相嘅時候上面舊海膽滑咗落嚟🤣雖然個壽司有啲大舊，普通女仔應該一啖食唔晒，但係海膽勁鮮甜，一啲都唔腥。吞拿魚好似Sir入你個口咁，超滑。🍢另外推介嘅就有佢哋啲串燒。牛舌串燒好彈牙，好Juicy，一咬落口啲肉汁都充滿牛味。🍲🍚最後，我哋都有試佢嘅海鮮蕃茄豆腐湯同埋鰻魚炒飯。呢兩道菜都係中規中矩，鰻魚炒飯，略嫌唔係好夠味，豉油好香，但係冇咩鰻魚味。最後埋單$1600 人均消費大概400，雖然呢個價錢可以有其他選擇，但係喺灣仔同埋居酒屋嚟講真係算係咁啦！

一路都聽過呢間餐廳嘅質素好唔錯，款式豐富，服務又好，今日中環放工就近近地同朋友4個人一齊試吓！🧡刺身盛合五點 (特) hkd450呢個款係我覺得最驚喜！除咗好欣賞佢嘅擺盤真係好吸引日式之外，佢哋嘅刺身係超級新鮮！我自己最鍾意牡丹蝦刺身，同埋吞拿魚刺身！係肥美又鮮甜呀！食完個刺身之後，個員工仲幫我哋炸埋個蝦頭，估唔到炸蝦頭係可以咁香咁好味！如果你哋點左呢個記得要炸埋個蝦頭！真係喜出望外！🧡壽司10貫 hkd 288壽司真係必叫！有10點唔同嘅壽司，例如魷魷魚、三文魚、油甘魚、赤貝、帶子、牡丹蝦，仲有海膽壽司！飯嘅比例啱啱好！而且師傅好細心，咁樣已經調好咗味道，佢個尺寸絕對可以直接入口，好滿足！🧡串燒8串 hkd 396鹽燒活鰻，燒牛舌都好推薦！估唔到原來燒牛舌都咁好食！我哋仲叫咗燒雞翼同埋燒翠玉瓜，都好唔錯😊有串燒就方便配酒！🧡有機柚子酒 tasting price hkd 45日本有機柚子味超級濃厚！成杯真係好香！係好適合女仔飲，因為佢好容易入口，喜歡飲水果酒嘅你哋一定會鍾意！仲有佢個燒銀鱈魚都燒得好好味！油脂比例好好！仲充分運用魚油去煮埋個蘑菇，所以個蘑菇都非常香口！朋友都一致讚呢度

今晚食左間居酒屋好唔錯👍🏼位置係灣仔合和中心，意想不到地平日晚都有7成左右滿，野食性價比幾高🙏🏻。叫左個「特選壽司10貫 $288」除返開20蚊左右件壽司好抵食又鮮味。「特選刺身 5款 $320」刺身好得👍🏼厚切又鮮甜！。串燒超有feel! 睇著佢即叫即燒，仲好似係炭火！全部都外脆內軟。尤其係白鱔！肥美一入口即溶！雞翼 $32雞心 $32翠玉瓜 $26白鱔 $78。定主食都好吸引！特別推介有個「蕃茄海鮮石頭湯 $188」超香甜蕃茄味！大蝦都好鮮甜。「生薑豚肉石頭燒飯 $98」職員仲會幫手撈，好惹味。「西京燒銀雪魚 $178」必點！嫩滑得黎甜甜地。。👌🏻好有驚喜既一餐🥰🥰

問起灣仔附近的居酒屋原來 一遊 名氣幾響亦變相增加了本人對它的期望值一貫木系裝潢、日系掛畫海報及其他掛飾等通通不意外餐廳比預期中大，非小店格局入內先見到方格枱凳與兩邊半開放式理枱再行入就是卡位，有點像包廂的感覺私隱度明顯較open area高先讚店員好friendly 認真介紹時令食材及酒類居酒屋而言這種親切熟絡的vibe其實挺重要是日本文化中的happy hour店員熱心，食客happy𓍼 鮮｜薄切白身魚胡麻風味胡麻風味配白身魚無得輸欣賞調味偏酸能突出白身魚魚香𓍼 卷｜牛油果蟹肉卷｜東洋卷東洋卷好特別第一次見鰻魚卷用crepe來包著吃餅皮夠薄身，微微甜配蟹子、青瓜與鰻魚100%是我愛的「又甜又鹹」滋味！至於牛油果蟹肉卷就正常發揮牛油果味如果再突出點會更好𓍼 燒｜雞翼｜雞臀｜白鱔｜翠肉瓜串燒翠肉瓜、雞翼與雞臀調味剛好沒有死鹹值得給讚白鱔略失望吃得出魚肉新鮮但口感不夠爽彈魚皮亦不夠焦脆𓍼煮｜牛油煮蜆牛油香沒預期中濃令蜆口味偏淡雅𓍼米｜和牛石頭蓋飯調味出色沒有不好吃的道理和牛份量都幾多，足料高CP𓍼酙｜柚子酒｜杏子酒酒真心反覆細量了極長時間因為menu太好看了最後店員推介兩款不太甜的個人尤

夜晚一班朋友食飯，約日本菜一定冇錯。位於灣仔合和中心3樓的「一遊」，朋友說幾年前已到訪過一次，原來屹立在灣仔這個需要地帶很多年。今日同朋友收工去試下。去日本餐廳都要叫下酒，今次我地叫左不同的燒酌聚下舊！杏子燒酌都比較少見，男朋友的梅子燒酌就比較淡味。刺身五點盛盛合有油甘魚、赤貝、牡丹蝦、帆立貝和中拖羅，每款都好新鮮，質素都幾高！蕃茄夠哂fresh! 每件都好多汁！東洋卷東洋卷是用好似pancake 皮包住牛油果、鰻魚等的配料，甜甜地，入口好似食緊墨西哥捲的感覺，不過更加綿滑！絕對係會比外表呃左嘅！串燒 (牛舌、白鱔、雞翼、雞心、翠玉瓜)串燒都是不會有錯的食物！所以串燒都好驚喜！特別欣賞白鱔，食落完全冇骨啖啖肉！燒得剛剛好，翠肉瓜燒香之後，仍然保持多汁。牛舌唔韌因為朋友唔食牛，所以我同男朋友一人一串唔使爭🙂蕃茄海鮮湯新鮮嘅海鮮，包括大頭蝦、大大隻蜆肉等等，海鮮方面算好足料，四人分每人都有一碗！味道的話，甜甜地蕃茄湯都幾comforting，有薄身的蝦味。不過飲到尾會覺得甜得有點誇張！生薑豚肉石頭飯最後來一個石頭飯做主菜，用上珍珠米每粒都好飽滿，每粒都充分吸收哂醬汁，好食！

呢間居酒屋定期都會有新品推出，今日試咗佢哋嘅松葉蟹腳好有驚喜！松葉蟹腳石鍋湯 $238賣相已經好震撼! 好多大大條既松葉蟹腳，石鍋湯好香濃，蟹味濃郁。松葉蟹腳已經剪殼，方便客人食用，非常貼心! 呢個松葉蟹腳石鍋湯係限定，要飲就快D去啦!雜錦海鮮天婦羅 $248天婦羅好多款式好豐富! 天婦羅用上秘製天漿即叫即炸，外面脆口，入面鮮嫩。特別愛紫菜海膽，炸完之後海膽仍然好creamy甘香。另外天婦羅蝦都好大隻，蝦肉爽彈，好食呀!胡麻火炙三文魚卷 $220三文魚味道鲜甜，肉質滑嫩! 將三文魚炙燒熟，外層香脆，聞到陣陣焦香味半生熟三文魚口感特別，油香十足! 壽司飯結實，咬落去口感層次豐富。梅酒 $49酸酸甜甜的滋味，酒精濃度較低，不善飲酒的人也愛不釋手!

同朋友星期五happy hour，去灣仔呢間居酒屋係一個唔錯嘅選擇🌸五點刺身拼盆 $320刺身有赤吞拿魚，油甘魚，三文魚，北海道牡丹蝦和北海道帶子。刺身厚切肥美，夠爽夠甜鮮味，有入口即溶的感覺! 🌸串燒 牛舌 (兩串 $124)雞翼 (兩串 $64)雞心 (兩串 $64)日式居酒屋必備! 雞翼燒到金黃色又脆卜卜，肉汁豐盈! 牛舌爽彈，口感豐富! 雞心燒得帶點微脆，入口爽嫩，蘸一點辣椒粉或山椒粉同吃，又是另一種美味。🌸牛肉泡菜石頭燒飯 $98熱呼呼的石頭燒飯，係一個好足料嘅拌飯，有唔同嘅蔬菜同埋份量都唔少嘅牛肉。牛肉充滿炭燒味道，因為係石鍋燒飯，所以仲會有好似煲仔飯咁樣嘅飯焦，食落好香口仲會脆脆地。🌸新鮮生果茶 $602人份量，味道好出色! 生果茶用小火爐保持溫度，暖暖的飲完好舒服! 用上多種水果，有乾提子、橙、raspberry、蘋果、雪梨和桃制成，飲落去滿口果香，甜甜香香的好fruity好清新!🌸甜品最後送上抹茶和士多啤梨雪糕作結，大滿足呀!

灣仔一遊居酒屋，環境好日式，好似置身日本昭和時代感覺居酒屋食刺身美食當然要飲下清酒🍶，熱清酒暖暖地加刺身真係好好味，點左刺身五點，有5款時令刺身刺身5點時令新鮮刺身，包括鯛魚刺身，其他還有鮮蝦、赤身、帶子、三文魚等，每款都有兩三件壽司6件包括時令有鯛魚、赤身、三文魚、甘蝦、帶子壽司，仲有美味海膽壽司，味道好清甜鮮美雞軟骨雞軟骨都係居酒屋不可以缺少，配清酒特別夾西京燒西京燒即燒銀雪魚，以白味噌做醬汁，又香口醬汁又好味蟹肉凍煮豆腐清甜日本豆腐，加蟹肉做嘅醬汁好有特色松葉蟹湯松葉蟹湯，蟹味清甜，湯底濃郁