一遊

營業中

休息中

可能係weekday夜晚關係，服務一流。三個女仔叫個bea card半價二人餐，加個雜菌燒玉子，一個冷烏冬同埋燒茄子。drinks 買一送一，不過只限cocktail 甜野飲果版drink list先有。基本上野食好ok，個餐好抵.....sashimi三點同sushi plate都好味。只係鵝肝炒飯油左d，個一遊沙律太多dressing，又唔知點解有d 珍珠(珍珠奶茶果d珍珠)。不得不提係散叫o既cold udon 超彈牙，正!埋單時waiter提我地有membership card，a la carte叫既野都有85折。

眼前的一切, 看似實在, 但感覺很虛無縹緲, 不安定和複雜的心情湧上心頭, 真的矛盾真的不捨得…油甘魚刺身肉嫩鮮甜.厚燒玉子多汁滿蛋香, 必吃.串燒牛脷 –肉嫩中帶爽, 咸香惹味.河蝦煎薄餅–煎得乾身但幾膩.牛肉石頭窩飯–無乜飯焦, 幾油下, 不算很惹味.不願離開, 可以嗎?

星期六又約左舊同學飲Whiskey, 仲開始學下人食Cigar, 死未? 不良愛好越黎越多….. 哈哈…. 其實係美國讀書時, 都有食過下, 不過一個人食好悶, 要有人懂得分享先至有意思…. 我呢個舊同學真係有一手…要玩要食一定要佢…當然要開飯先, 本來念住去深水步食大排擋, 點知係大陸塞左3個鐘頭車, 9點幾先反到黎, Cigar Bar 張抬Book左10點, 所以近近地去左一遊…. 試一試我未去過網友所講一門, 所以冇得比較…上去第一個感覺唔, 裝修幾好, 最緊要有Bar抬坐, 不過有少少大油煙, 因為時間關係, 快點左幾樣野, 麵士青瓜, 玉子沙律, 溫泉蛋, Uni厚玉子, 串燒---鴨, 讓青椒, 牛利, 和牛, 秋刀魚卷蘆筍....玉子沙律, 味道幾好, 夠新鮮, 隻溫泉蛋, Perfect!!因玉子沙律得一隻蛋, 所以點多一隻溫泉蛋比個Friend, 一樣Perfect!! 過程有D攪笑, 因為個Friend唔識煮飯, 竟然教我煮溫泉蛋, 但係原來佢係講緊英國人Soft-Boiled Egg... 同朋友食樂趣就係咁本來冇念住叫Uni厚玉子, 但師傅係我面前係咁煮, 非

Been here a couple times already and each time I'd order their 燒銀雪魚which was never disappointing. Grilled to perfect texture, very juicy & tender.Dim, cozy atmosphere. But the ventilation needs improvement especially by the robata bar area.

有個女仔朋友勁力推介話好好食. 於是一行7人(同事)去個度farewell. 地方好正. 可能人多啦. 佢\比大房\"他他咪\"比我地. 咁有privacy, 未食先開心啦. 而且入門口時震耳欲聾的正中日本語歡迎詞真係又有d攪笑, 但又有d覺得d人幾認真.我地d大食同事叫太多野na. 不能詳盡地講解.overall, 魚生好正好鮮. d 蝦好旦牙. 正!!!!熟食也好正, 如烏東, 意粉等等. 東形卷亦果然必試!!最敗筆係d waitress and waiter. 不過唔係個都唔好, 一有個幫我地影相既waitress係好好笑容同好幫手.一個好service我地個台既肥waitress. 我地聲明唔係discriminate佢\肥呀! 係佢\真係串!!!而且樣樣野都想同我地加大. 都有病既. 例如東形卷, 佢\一條切開二段, 都唔細size既. 我地未食過, 又見openrice有網友話好, 所以叫黎試下. 佢\又話一牒係一人份量, 係都要我地叫7客. 一人一份wor. 我地邊食到咁多呀, 得兩個男同事. 叫兩客share試下咪得law. 另外, 叫sushi, 已經諗住要$320個

雜菌玉子比河蝦玉子味道較突出。炸芝士和雞肉芝士不錯，但(尤其後者)一定要趁熱吃。餃子不錯。東洋卷ok，其實在一門也試過了，也無驚喜。野菜烏冬正常，份量略小，純是用來"濕口"之作。海鮮茶壺湯，小小一個茶壺上，海鮮是幾隻小帶子和蝦仁，湯味道很濃。帶子薄餅最差，雖則不油不膩，但淡而無味，不香口，無鮮味，像吃白麵包。服務OK，上菜可以慢些少；上得太快，很多食物都很快。環境不錯亦很適合傾密偈，價錢略高。

食過姊妹店一門, 感覺唔錯, 自然對呢度期望都高. 早一日打book, 都已經full, 好彩仲有bar...佈局同一門差唔多, 燈光更暗, 可以話更加有氣氛, 始終坐落於諾仕佛臺, 格局好相襯. 不過是晚人客好多, 滔滔不絕, 本來係想靜靜地傾下計, 但可惜環境幾噪lor, 下次都係去番一門, 好似清靜d. 好彩食物水準和服務都算唔錯.蟹肉玉子- 一貫水準, 好味!串燒牛舌,蕃薯- 一串三四片, 薄薄的, 幾好, 只係份量少d.韓式燒薄餅- 似係一個蛋餅, 唔太油, 煎得幾香, 唔錯.薑汁豚肉石頭飯- 幾好幾好, 味道較得好, 薑汁味就唔多覺, 但豚肉好多, 好甜美.乳酸梳打- 唔太甜, ok 啦.

這裡環境幾黑, 台都幾密, 傾密計就唔係幾岩了. 食品選擇都算多, 走既路線係居酒屋, 價錢唔貴但細細碟.五點魚生: 用料新鮮價錢唔貴, 抵食過普通壽司店.小板海膽: 新鮮, 但未係最好, 可以不試.煎餃子: 皮薄唔硬, 餃子夠肥大. 日式餃子來講, 我覺得係最好食既一次.燒羊扒: 好淋好夠酥, 香草味夠, 7成熟帶點血, 好好味.鴨胸蕎麥麵: 鴨胸幾淋唔太"鞋", 過得去啦. 埋單五百幾, 有酒飲有魚生食, 又係諾士佛台, 都算ok啦.

食物種類不算多，和朋友也思量了很久才有決定。環境和一門差不多，幽幽暗暗的，感覺頗relax.最深刻是點了一個牛肉煮，有菜有牛肉的小鍋看起來沒有什麼特別! 但吃進口發覺好像是用蜜糖煮的，少少甜而不膩，推介!!

上個星期五兩個朋友仔生日, 一行7人今次決定食日本野~ 一早book好位準時0黎到食左玉子, 串燒, 簥麥麵, 石頭鍋飯,鐵板牛柳粒, 餃子, 薄餅等等, 各樣食物都ok0既, 但唔係超好味個種, 但份量較少, 如果多人0黎share 可能一款都要叫多碟先夠份. 是晚0既service 真係一般, 但人客唔多, 唔知點解會咁咖呢?

好久不見的弟兄E相約晚膳, 擇日不如撞日, 就馬上來個飯局. 之前吃過一門, 各方面也不錯, 是晚就去了姊妹店一遊.環境都幾好, 沒有一門那麼黑, 起碼都看到大家. 格局佈置其實係差不多. 看著好殘舊的餐牌(專登整殘?), 發覺食物都係差不多, 係比較多串燒, 於是就已串燒做膽, 再加幾樣之前吃過覺得不錯的食物.燒羊扒$45: 7分, 用香草去燒, 但係烤焦了, 面頭都有點黑黑的, 羊肉的肉質就幾好, 加上香草係好香口, 但係欠了點騷味.鹽燒牛舌$22: 8分, 這個牛舌比羊扒出色, 剛好的鹽香, 牛舌的口感也不俗.豚肉鵪春蛋串$18: 6分, 弟兄E的選擇, 豚肉的肉質麻麻, 實實的, 好像有點難去咬開, 亦沒有好香的烤肉味. 沒有試鵪春蛋, 味道怎樣呢?免治雞肉釀日本青椒$25: 7分, 文迪的選擇, 這個比較香口, 但係小弟又麻麻青椒, 感覺都係一般.東洋卷$45: 9分, 班戟外皮加上入邊的青瓜同魚子等等, 結合係一起係不俗的配搭, 口感很好. 但要注意的係要盡量一口幹掉, 否則就會一碟都係魚子了.傳統厚玉子$38: 9分, 繼續係精彩的玉子, 食落口係好滑, 沾上蘿蔔, 一冷

夜晚同C chan 去諾士佛臺食飯, 好少去0個頭食野, 因為0個度多數都係西式野食。C chan 提議去京都style "一遊"。一入門口已經暗叫Sugao! 小庭園竹簾木材裝飾配上昏暗燈光, 古樸既居酒屋style, 仲好有大江戶既影子...至於好唔好食? 又睇落去?一遊蕎麥麵: 記得上戶彩0係日劇"attention please" 拎起個麵點落碗醬汁, "殊恤雪" 咁樣食! 蕎麥麵浸一浸, 連蛋絲, 飛魚子, 海苔同翠翠撈埋"殊恤雪" 啦! 賣相同擺法真係與別不同, 放得好平均, 完全唔使撈, 每一注都可以食到哂所有既配料! 仲有蕎麥麵唔係好似其他店咁堆到好似座山咁呢!帆立貝燒餅: 塊餅都厚厚地yoh! 略嫌"醬" 左d d, 好易"則" 飽人! 愛黎頂肚就order 啦!香菇煮牛肉: 好味既! d 牛肉腍得好緊要而且好入味, d 汁混蔥同菇煮, 0個種牛肉香味亦係與別不同, 如果有白飯, 撈埋d 汁食一定好好食!鰻魚石頭飯: 待應問使唔使撈, er...因為要"忍" 相, 正想叫佢等一等, 佢已經撈緊! 得喇! 你聽日唔使撈架喇...haha....個飯可能太濕關係, 所以熱

都是豬朋F 惹的禍。晚飯的要求是「唔想食平野」，但明顯亦不打算請客；約好了又遲大到，我們唯有作好長期作戰的準備，開枝1.8L 的sake 等他。為荷包著想，點了最相宜的辛丹波。邊等邊喝邊吃。溫泉玉子據報蛋白非常滑溜，蛋黃剛熟味道好。辣麵豉豆腐凍的麵豉甜而不辣，那些似是麵豉的物體，入口質感卻像蒟蒻，豆腐亦不算滑。一遊沙律除了加入了兩種煙煙韌韌的丸子之外，都算行貨，而且醬汁太多，非我所好。點了好些串燒。長蔥燒得不錯，內裡依然很JUICY。串燒鴨舌據報幾香口。串燒牛舌好味，要挑剔的是稍為鹹了一點，但可接受。合鴨山葵較平凡，有人覺得鴨肉韌，我就覺得OK，不過太細塊。免治雞肉串則味道不夠濃，還是汁燒來得好吃，而且雞軟骨的份量似乎偏多，又切得不夠幼細，更難吃得出雞肉的味道。不過沾上生鵪鶉蛋來吃，倒也新鮮。來這店當然要試試燒玉子，有幾款口味，我們選了「無添加」的厚燒玉子，我覺得質地未算很鬆軟，味道本來過甜，但連蘿蔔蓉一起吃就差不多了。後來有人要encore，就揀了蟹肉厚燒玉子，那客燒／煎得有點過火，不過加了蟹肉令口感更豐富。接著有兩款牛肉料理，半生熟牛的賣相好靚，但起初入口卻有少少冰，放一會之後再吃

6位朋友, 星期三晚上, 有會員咭.點了:1.豚肉飯:汁太濃,一般,飯份量小, 肉多2.泡菜牛肉飯: 只吃了一口, 不錯3.燒甜蕃薯: 好味, 甜甜的, 脆脆的4.牛舌: 好味, 好香5.雞肉串: ok6.羊軟骨: 好香, 唔油, 好好味!7.牛油果壽司: 好好味, 沒有想像中既漏, 每人2件啱啱好8.(好似)蟹肉簿餅: 非常好食, 蛋夠厚, 裡面的大蔥同肉好好食9.炸豬排: 炸得好好, 但豬排就好一般10.湯煮蜆: 蜆好大隻, 好新鮮, 有菇, 但份量小11.綠茶一壺: 好好飲, 好香好清由於無叫酒,刺身, 所以埋單$660. 環境很好, 可以坐房, 所以一d都唔貴.

同朋友去諾士佛台食飯, 唔想食西餐, 所以去左食日本菜, 講真<一遊>O既餐牌賣相唔係咁吸引, 所以無咩期望...點知一食就愛上, 好過O個D餐牌靚D曉飛, o黎到又貴又貨不對把的日本餐廳!‧赤貝壽司($30/件) - 新鮮!‧中拖羅壽司($50/件) - 口感唔錯!‧蟹腳石頭煲($98) 蟹肉一般, 反而豆腐超滑 飲第一碗湯時比較清, 後來可能石頭窩保持熱力, 第二碗湯底已經變得濃, 蟹肉亦比較甜!‧稻庭烏冬$88/份 好味!! 因為我鍾意思冷麵^^‧串燒: 真的一讚, 每串價錢唔太貴, 每串都有水準, 又多款式店員推介: 雞皮蝦串燒(約$45/串) 將蝦去殼再加薄雞皮去燒, 香口但感覺唔肥有蝦味以下約$18-$20/串雞軟骨- 朋友推介! 燒真的比炸/叮好味道!豚肉露筍- 露荀又甜又多汁露荀- 豚肉包著比較好吃牛舌- 我的推介! 翠玉瓜- 一般鴨舌- 小小的口感特別‧飲品: 巨峰梳打+酒($38/杯)因為無訂位, 只可以坐吧枱, 成晚見好多人order牡丹蝦刺生, 隻隻睇落又大隻又新鮮。同埋見師傅成晚整..xx玉子, 下次都想試下坐左3個鐘, 坐下傾下,