一起食堂 (域多利皇后街)

營業中

休息中

有朋友仔話減肥減肥，影完靚相之後，當然係毒下佢，同佢食餐等佢肥番啦。今次揀左一間位置係中環既台灣食堂去試，聽講呢度既幔魚飯好好味，一於過來朝聖。入到店內既裝潢已經 WIN 左，好有日治時代的台式風味。望下佢既佈置，就知道老闆一定係好喜歡台灣電影啦，佢掛滿晒台灣電影 Poster !我地雖然係得兩個人，但係大家都係刷得，所以我叫比平時多野。我地叫左兩杯台式茶同四個前菜: 溫泉蛋、鹽酥雞、米紙蝦卷、肉燥青菜、台式香腸。每樣都味道都好地道台灣口味，個溫泉蛋同米紙蝦卷比較特別，我覺得好好味! 樣樣野食都係即叫即做，所以上台都係熱辣辣脆卜卜。兩份主食我地點左:爌肉湯麵、原條蒲燒鰻魚飯。個原條鰻魚飯真係冇令我失望，烤到好軟熟彈牙同Juicy ! 個汁係蒲燒鰻魚汁!  識點一定點原條鰻 ! 好正好正! 爌肉麵佢真係俾左一條又大又粗既豬腩肉，一D 都冇同你慳料。 呢餐唔單止好味又豐富，而且咁叫法價錢都係百零蚊一位，我地兩個係飽到捧住個肚走 ! 誠意推介呢間。Will Encore !

近排係中環行街揀聖誕禮物，見到一間裝修簡單舒服既舖頭仔，驟眼睇以為係食日本野，但原來係食台灣野啊！見到價錢唔貴就入左去試下。我地叫左普通size既蒲燒鰻魚飯食，飯一嚟到見到有隻溫泉蛋係上面有Ｄ驚喜，鰻魚口感彈牙，而且都唔細條，鰻魚汁亦都夠甜，送飯真係一流，鍾意食蛋既朋友應該會好鐘意呢個配搭！另外仲試左魯肉乾拌面，面底係用左比較幼身既烏冬，而魯肉就比起平時食既唔同，有帶少少酸味，好特別，用嚟撈面食好開胃。小食方面，我地總共叫左烤台灣香腸，刈包同米紙蝦春卷。台灣香腸配左少少生蒜上碟，鐘意食蒜既朋友真係可以試下，因為夾蒜食令到條腸仔食起嚟更加惹味，台灣腸本來就帶少少甜味，再加上香口既生蒜，真係不得了。本來以為食韓燒先會夾生蒜，點知原來夾台灣腸都可以咁正😋😋😋。刈包個人嚟講就覺得都ok，我朋友話個刈包整得幾正宗，肉醃得好夠味，夾係入面既咸菜都好好食，另外個包都唔差，幾軟熟，我就覺得個口感幾似曼頭，如果鐘意食刈包既人可以一試！最後就係個米紙蝦春卷，個春卷炸得好香口好脆，春卷入面係一Ｄ蝦肉同菜，口感幾好幾豐富。春卷個醬好好味，可以叫嚟過下口癮。甜品我地仲叫左香芋奶凍，唔係好大杯，但一打開幾香香芋味

名古屋、台北有什麼代表美食? 相信離不開鰻魚飯和紅燒牛肉麵吧! 今天機緣巧合，和同事在中環見完客，同事帶了我去一間小食堂，食平靚正的日台美食。店子門外貼上點餐紙，提供午餐和晚餐，最熱門的日台美食、飲品都有。店子裝修簡單而優雅，尤其是近牆的一排木高櫈，跟藍色的牆很襯。另外，其他的牆上掛了幾幅昔日台灣熱賣的電影的海報，海角七號、那些年……通通都是我們喜愛的台灣電影，美好回憶返晒嚟。店主和藹可親，招呼體貼。點餐後，食物、飲品都上得好快。、店主溫馨提示要攪勻才飲。薑母茶薑味濃郁，黑糖不算太甜，飲落非常暖胃。雪梨茶好滋潤，加上淡淡桂花香，飲落好舒服。先說台式。紅燒牛肉麵是到台北必食的。店主提示，這麵會有點辣。放心，有少少辣才是台北紅燒牛肉麵的特色喔! 我們豈會不知道呢? 湯底好濃郁，帶點香辣味。雖然，看似油多了一點，但是，其實飲落一點都不覺肥膩，而且，飲完不會感到口渴，即是沒有落味精的。很喜歡，那些生蔥花，入湯後，令湯味提升。紅燒牛肉好腍、好入味，而且入口隨即化開，讓口腔充滿牛肉味。麵質是較扁而闊身的那種，即是，平是在台北食到的那一種，食落好軟滑，嗦湯食，零捨滋味。長期高據台北小食排行榜前列。這

係中環放工想食下台灣野，就入左黎啦～店鋪唔係話好大但就好有台式風味🤭我地都叫左幾多野食 主食方面我地叫左個原條蒲燒鰻魚飯同爌肉干拌面鰻魚都幾大條，而且無骨仲好惹味！咁既價錢配埋湯都算幾扺食😆爌肉姐係五花腩肉，個干面無咁入味，而且肉比較鞋身，唔建議叫黎食。小食方面我地叫左鹽酥雞同台式香腸～味道都算係幾正宗 尤其係個台式香腸！整體黎講都唔係話好重口味～我地仲叫左個刈包，其實姐係五花腩肉包，無咩特別，只係夾左個包黎食，不過肉都係幾大塊幾足料既～

我個人比較喜歡台灣美食，所以香港邊度有台灣餐廳，如果朋友推介我都會想去試。今日我就同朋友嚟到呢一間係中環嘅台灣餐館。呢間台灣餐廳係小店經營，店面雖小但有一種溫暖嘅感覺。而且我不嬲喜歡撐小店，就睇吓佢可唔可以成功俘虜我嘅胃口。我見到佢有原條嘅鰻魚飯（$138）我呢個鰻魚控當然要點！大大條鰻魚啖啖肉，而且肥美夠晒腍，佢仲去咗隻溫泉蛋，溝埋啲蛋汁同埋鰻魚食，每一啖飯都好幸福！朋友就點咗個海鮮稻庭烏龍麵（$88）入面嘅海鮮有蝦，青口，蟹柳墨魚餅同埋墨魚丸，加上我喜歡嘅稻庭烏冬，清清地算不過不失。佢仲驚食完主食驚唔夠飽，店家仲好窩心咁只要加$12就可以升級加多個小魯肉飯，我當然要加兩碗😂佢嘅滷肉飯真心得，肥瘦均勻而且上面嘅魯肉都唔少，$如果響其他香港的台灣餐廳，呢碗咁小嘅滷肉飯起碼賣$20-$30，12一碗係台灣價錢，真係良心小店啊！我哋中咗點咗一堆小食好似台灣烤香腸（$28），肉燥燙青菜（$28），和風炸豆腐（$32）都好有台灣嘅風味啊😋😋另外特飲我哋揀咗三杯，黑糖薑母茶仙草豆漿同埋蘆薈桂花雪梨茶，其中兩杯因為叫咗主食嘅關係只需要加$12一杯，另外一杯都係$24。黑糖薑母茶都幾夠姜，而且我嗰日

喺中環開完會，順便約埋友人一齊試下呢間新開嘅台灣食店。炸花枝丸 - 外皮炸得金黃酥脆，咬落口感十分彈牙。和風溫泉蛋 - 好嫩滑，忍唔住一啖吞落肚。紅燒牛肉麵 - 湯底帶有少少辣味，牛肉煮得唔韌得嚟又淋又入味，麵質爽口又彈牙，推介！原條蒲燒鰻魚飯 - 鰻魚肉厚肥美，入口味道唔會太咸仲有少少甜味，附上溫泉蛋撈飯好滋味。肉燥燙青菜 - 青菜烚得唔會老，配上肉燥咸咸地唔會太寡，入口啱啱好。仙草豆漿 - 豆味香濃，仙草口感香滑。桂花雪梨茶 - 味道清甜，養生推介！

今日同朋友大夥兒喺中環行街，夜晚肚餓時就見到有台灣嘅食店，見佢雖然唔大間但係食物都有唔少選擇，所以就入去食喇！由於我哋人多，所以我哋就叫左唔同嘅食物share一齊食！🔸紅燒牛肉麵🔸有微微嘅辣味，有好多牛肉，牛肉炆到好淋😋特別的是有少少酸菜，酸酸地好惹味，蘿蔔好入味又好淋！而個面亦都唔會煮得太淋或者太硬，今晚成餐我最鍾意呢一個紅燒牛肉麵啊！🔸海鮮稻庭烏龍麵🔸湯底清清地，但係好重海帶味。配料都有唔少，有魚餅、蝦、蟹柳等等。烏龍麵彈牙，好味道！🔸蒲燒鰻魚飯🔸配有溫泉蛋，鰻魚好厚肉，而廚師都燒得好好，每一個位置都佈滿左鰻魚燒汁，外皮有少少脆，但係唔會好乾👍🏻而鰻魚汁亦都滲左落啲飯到，所以啲飯都好好味，撈埋隻溫泉蛋就更加有幾個層次嘅口感！🔸魯肉乾拌麵🔸平時食魯肉飯就食得多，今次食魯肉乾拌麵都唔差喎！因為魯肉好夠味，魯肉份量多，麵嘅質感咬口都幾好，所以整體來講係唔錯！🔸烤台灣香腸🔸香腸烤到皮好脆，佢有別於出面食台灣腸嘅方式，而係配有蒜片加埋香腸一齊食，咁樣嘅食法味道好突出，因為蒜片有微微辣味，好惹味！🔸鹽酥雞🔸外皮好香脆，調味亦都適中，唔會太咸👍🏻飲品方面，我叫左冷泡茉莉毛尖茶！有香濃茶味，清香之

大概5點左右來到一起食堂，想不到還是午餐時段。我們點了紅燒牛肉麵、蒲燒饅魚飯、炸花枝丸、鹽酥雞和魯蛋。仙草冬瓜茶和蘆薈桂花雪梨茶加$12便可以升級組合，送一杯台式飲品。冬瓜茶較清淡，不會太甜膩，感覺上沒有添加太多糖份；蘆薈桂花雪梨茶味道清甜，健康之選。個人偏愛冬瓜茶。炸花枝丸和鹽酥雞即叫即炸，炸花枝丸外皮薄薄一層，裡面的肉質彈牙爽口，調味適中；鹽酥雞外皮酥脆，雞肉帶有少許肉汁，味道不錯。原來麵和便當每款均送一客三款小食，有沙津、炸春卷和炸鹽酥雞，抵食。紅燒牛肉麵湯底有點辣，麵條較腍；牛肉煮得頗入味，可惜口感有點韌。蒲燒鰻魚飯配一隻半熟蛋，鰻魚味道不過不失，看來還是台灣菜更加出色。魯肉飯+$12一碗，抵食之選。份量適中，適合乜都想試的你。魯肉有濃濃的油香，肉量不少，正。整體不俗，中環食店而言，價格非常親民，性價比高啊！

去大館影相之前醫飽個肚先，經過見到新開嘅台灣菜小店，位於中環免加一價錢又親民真心抵食！由台灣紅到香港我都係鍾意食 紅燒牛肉麵 ＄88。主角紅燒牛肉炆燉得柔軟嫩滑， 蘿蔔入味， 湯即係精華所在，微辣惹味。令一款推介係 鰻魚飯 ＄98。原條蒲燒鰻魚肥美多汁，入口肉厚結實，靈魂所在鰻魚汁味道濃厚，提升鰻魚既鮮味， 撈飯一流。我去台灣一定會食嘅鹽酥雞 ＄32。這裏也做得不錯，相當有水準，入口香脆可口，雞肉嫩滑多汁。小食質素咁高再食埋炸花枝丸＄32。外皮炸得酥脆可口，口感彈牙。最後再飲番一杯 很有特色的茉莉毛尖茶，味道甘甜清香。無論食物質素或者服務都值得下次幫襯！

不如改名叫一起中伏。好難想像有一間餐廳會令我感覺受騙，從而而第一次撰寫openrice食評。起初係俾佢午餐附送嘅鹽酥雞吸引，但係食落先知啲雞塊係凍冰冰，好失望。凍嘅鹽酥雞都事小，冇肥膏嘅魯肉飯先事大！好難得呢個魯肉飯係可以一小舊肥肉都冇，冇肥膏我食魯肉黎做乜？我唔好去食齋？係呢碗所謂嘅魯肉飯入面，我完全睇唔到任何魯肉嘅精髓，仲要啲肉係鞋嘅！？而且呢個魯肉雞腿飯嘅雞腿都係乾爭爭，嚴重咁踐踏緊我嘅味蕾。食完後我感到無比空虛，我究竟食左啲乜？唯一可取嘅係佢餐內附送嘅湯都幾熱，為呢個寒冬帶來一絲暖意。希望店主可以認真反省一下，改善餐廳整體質素，唔好再令食客失望。最後，點解啲魯肉飯係鞋㗎！？

今晚打算到中環happy hour輕鬆一下，飲酒精前先到附近覓食。晚上7時左右，大部分的食店也有座位，我們隨意到了這裡。像是中日式的快餐店🧐點了一些小食，魯水蛋$12、烤台灣香腸$28，味道與價格是可接受的👌🏻飲品我點了茉莉毛尖茶$18，很清香的苿利味另一半點了黑糖薑母茶$18正餐我點了原條蒲燒鰻魚飯$138沒有想像到這麼大碗，還有溫泉蛋😍另一半點和風牛肉烏龍麵，內亦有溫泉蛋😍他說這碗麵味道不錯喔

喺中環食野一定唔平，食碗麵都貴過出面，今晚發現哩間食台灣菜既小店價錢好實惠，野食味道仲好好，支持！天氣凍左我發覺成日好肚餓，所以又食多左野。俾個餐牌俾大家望望，冇加一真係抵食。店內行簡約風，很寧靜舒服！哩杯桂花雪梨茶好滋潤，甜甜的，好多雪梨粒同桂花。台灣土雞肉飯 $68初初以為係細碗d既，點知黎到見到咁大碗有驚喜，當然已清光。手撕雞肉撈左香蒜一齊炒好香，配酸黃瓜同魯蛋，食到簡單而地道的風味。原條蒲燒鰻魚飯 $138除了台灣菜，哩度仲有日本野食到，原條鰻魚食得過晒口癮，冇骨唔腥，好食，小妹推介這個！肉燥燙青菜 $28油墨菜爽口，落左好多肉燥，正哦！米紙蝦春卷 $32哩個小食有d似越式小食😂但係好好味，好脆，入面包左鮮蝦、紅蘿蔔，配埋面頭既千島醬，炸物冇油膩感，出色！海鮮稻庭烏龍麵 $88好多料，完全覆蓋底下既麵，誇張！一夾開隻溫泉蛋蛋汁流出，將烏冬口感更滑。烏龍味不算突出，但麵質滑，能掛湯，冬天中意食熱湯麵。上菜速度快，可改善地方係如提供水給客人飲會更好。

這天晚上約了朋友到中環吃晚餐，我們決定吃台灣菜。香港站附近開了「一起食堂」，連忙找了在中環上班的朋友一起去試試。店面：有日式的感覺。裡面以藍色為主調：點餐紙非常簡單易明：落單後不久，食物陸續送上。肉燥燙青菜 $28肉燥是有名的台灣菜。菜加上肉燥，既有肉味的香甜，又不失蔬菜的健康。炸花枝丸 $32炸得外脆內軟，又不算太油膩，鹹香夠味。每人兩粒剛剛好。紅燒牛肉麵 $88牛肉煮完後沒有大規模縮水，而且肉質鮮嫩，容易咬開。湯底鮮甜，令人心滿意足。米紙蝦春卷 $32外層香脆，吃後齒頰留香。如果蝦味可以再重一點會更好。和風溫泉蛋 $12有木魚、紫菜覆蓋著溫泉蛋，絕對是色香味俱全！半熟的溫泉蛋滑溜溜的，醇厚之中帶着綿綿不絕的輕盈。鹽酥雞 $32吃台式料理怎能不點鹽酥雞！香氣撲鼻，簡直是人間美味！原條蒲燒鰻魚飯 $138這是我全晚最期待的！有一整條鰻魚隨便吃！份量非常充足，絕不欺客。如果想吃大大條的鰻魚，來這裡準沒錯！嫩滑鮮甜，最美好的都集中在這裡了。還有湯，如果嫌飯太乾可以倒下去：（左）蘆薈桂花雪梨茶 $24（右）鮮草豆漿 $24原價$24一杯，但因為升級組合，我們只需加$12就有一杯，變相是半價了

難得聖誕前夕可以一家人提早去睇燈飾，由中環海傍望去尖沙咀啲燈飾真係特別靚。係未睇燈飾之前，去咗一間位於中環域多利皇后街嘅店舖，係一間舖名叫(一起食堂)，係食台日式嘢嘅，因為店舖唔係太大，但好在都有張大枱俾我地，枱面有啲点菜紙，侍應話✔咗所食嘅嘢，然後俾佢就得啦，老公和兩個仔就揀左蒲燒鰻魚飯，一個原條蒲燒鰻魚飯， 一個紅燒牛肉麵 ，同埋一個和風牛肉烏龍麵，飲品就要咗蘆薈桂花雪梨茶 ，四季春茶，同埋仙草豆漿，加多一杯冷泡茉莉毛尖茶。 原條蒲燒鰻魚飯先到，鰻魚燒得好香脆，又大條，肉質好有咬口，重有隻温泉蛋係飯度，可以撈埋齊食，特别好味，雖然跟住嚟嘅 蒲燒鰻魚飯只得鰻魚半條， 但毫不遜色，味道都係咁好， 跟住就係紅燒牛肉麵同埋和風牛肉烏龍麵。紅燒牛肉麵嘅牛肉非常之冧，嗰湯又好有牛肉味，和風牛肉就好大塊，麵又多，麵質都好正，4款飲品各有特色， 我飲嗰杯蘆薈桂花雪梨茶，味道就 非常清新，一家人係度食咗個零鐘，先埋單慢慢行去海傍睇吓啲燈飾。

係一個自由自在嘅星期六，因為太太约咗佢嘅朋友聚舊，所以我可以约埋我嘅朋友肥榮去中環飲吓酒，吹吓水，會面嘅時候都六点半啦，佢建議食啲嘢先好去飲酒，咁啱对面有間(一起食堂)係食台日式嘢嘅，入到去，侍應比咗兩嗰位我地，睇完張点菜紙我地叫咗一個 原條蒲燒鰻魚飯，同埋 兩杯嘢飲 ，一杯係仙草豆漿，一杯係冷泡茉莉毛尖茶 ，仲叫咗幾個小食，一個係鹽酥雞，一個係咪紙蝦春捲，一個係烤台灣香腸， 原條蒲燒鰻魚飯嚟嘅時候，叫咗侍應攞兩個碗畀我哋分享 ，條鰻魚真係非常之大 ，兩個人都夠食， 肉質鮮美 ，碗鰻魚飯入面仲有隻溫泉蛋可以撈埋一齊食，特別好味， 鹽酥雞都好香脆，肉質鮮美， 米紙蝦春捲，好似越南嘅炸春捲咁，皮好薄， 烤台灣香腸，因為烤完後，佢切得細細片 ，所以味道特別正，又惹味，食完嘢，埋咗單後同肥榮慢慢行去 蘭桂坊搵間酒吧座底慢慢顷。