其實嚟之前有做過功課，上網睇過餐廳資料，知到店子主打台日菜，既有台灣嘅招牌美食「紅燒牛肉麵」、亦有日本的代表性料理「蒲燒鰻魚飯」供應，一站式可以吃到兩地菜餚，非常特別，所以已經即時 mark 低咗間餐廳，趁這天要來中環，就順便過嚟試下。
餐廳位於域多利皇后街 2 號地舖，門面不大起眼，以木色為主調。踏進內，面積不大，間隔呈長方形，裝修有點似日本嘅拉麵店，以木作為主題。進門右手邊設有一列面壁嘅吧檯位，而左手邊就以四人桌為主，陳設簡約，但拼湊出一份舒適的感覺。
餐牌很簡單，一頁過，用點菜紙形式，客人可以自行剔出自己所需。至於選項方面就包括有：麵食、便當、小吃、甜品及飲品。
一向是鰻魚嘅粉絲，所以第一時間點了我至愛的原條蒲燒鰻魚飯便當 ($138)，另外再加咗幾款小食、甜品同飲品。鰻魚飯以套餐形式奉上，上桌時附有前菜小食和蘿蔔清湯。小食很豐富，有日式沙律、一口迷你甜薯和枝豆。蘿蔔清湯味道很不錯，散發著白蘿蔔的自然甘甜味。
至於碗鰻魚飯分量亦絕不欺場，條鰻魚貨真價實，足足有成 23cm 長，而且旁邊還配有小棠菜和嬌豔欲滴嘅溫泉蛋，用料夠曬豐富。先吃鰻魚，魚身烤至金黃油亮，帶有焦邊，入口豐腴肥美，富油香。另外醬汁亦調校得很有水準，甜度剛好，分量又夠多，配米飯吃一流！不過大家記得「趁熱食」，否則鰻魚會變韌。
接著是一客牛油清酒煮巨蜆 ($72/3只)，平時吃的日式煮蜆，味道偏淡，但這裡就加入了牛油清酒同煮，所以味道較為濃香，加上這幾隻蜆非常肉厚肥大，肉質鮮嫩帶微爽，相當鮮甜，十分滋味！另外湯身味道亦不俗，入口散發出陣陣酒香，挺好喝。
至於小食方面，一口氣點咗三款，包括有炸花枝丸 ($32)、鹽酥雞同櫻花蝦炸鳥蛋。炸花枝丸一客有 4 粒，粒粒都好似乒乓球咁大，炸至金黃色，彈牙味鮮，而且中間還會咬到墨魚粒，絕對真材實料，比一般粉多肉少的墨魚丸吸引。
另外鹽酥雞 ($32) 同櫻花蝦炸鳥蛋 ($32) 亦做得頗有水準。鹽酥雞脆而不乾，加上鹹香的外層，夠曬惹味。至於炸鳥蛋其實即係炸鵪鶉蛋，鵪鶉蛋以竹籤串起，面頭滿佈櫻花蝦和蔥花，賣相誘人。鵪鶉蛋十分彈牙，一咬即爆出豐饒蛋黃，非常好吃，加上櫻花蝦撒得勻循又夠多，啖啖香口。
甜品點了芋圓仙草凍 ($38)，成品非常大碗，不過材料就唔算好豐富，只有仙草和三色芋圓。仙草很滑溜，味道天然。芋圓頗大粒，有淡淡芋頭香。地瓜圓香味也突出，如果再煙韌彈牙點會更好吃。另外紫薯圓味道亦不俗，有咬口又不失紫薯香，而且不黏牙。
飲品揀咗仙草豆漿 ($24) 同黑糖薑母茶 ($18)，仙草是手工做的，很滑嫩，一口豆香結合一口仙草，很特別。另外黑糖薑茶亦夠曬養生，入口既有生薑的微辛、亦有黑糖的甘甜，溫和而不過辣，飲完喉嚨好舒服。
這天所點的便當同多道小食，都做得甚具水準，尤其是鰻魚飯，用料更是誠意十足，加上店員招呼周到，服務一流，值得再幫襯。
我哋叫咗兩個飯、兩個前菜、兩杯嘢飲同埋一個甜品。呢度免加一。
超多粒芋圓，每粒仲要五毫子咁大粒，啲仙草又好大磚。加上淡奶，好滿足。
我同男友一人點了一個主食。分別是「原條蒲燒鰻魚飯」和「蔥油雞肉乾拌麵」。
---
襯住有幾日假今日去咗中環蒲，突然諗起好耐冇食台灣嘢就搵到呢間隱世小店，播住台灣歌手嘅歌裝修亦好別緻。
紅燒牛肉麵$88-牛肉夠腍又大舊，湯好香濃有啲啲辣，麵索曬啲湯汁好滋味
三色海鮮茶漬飯$108-七彩繽紛好吸引，有廣島蠔、蟹肉同鯛魚，廣島蠔好鮮味，肥美飽滿，令茶漬飯都好鮮甜
兩款主食都有配小菜
牛油煮托托蜆3隻$72-好香清酒味，蜆大隻鮮甜
炸花枝丸$32-好有台灣風味，夠爽滑彈牙
鹽酥雞$32-酥脆可口，雞都好嫩滑
芋圓仙草凍$38-好大碗下，啲仙草大大舊好冰涼，芋圓七彩顏色又好咬，做飯後甜品剛剛好
仙草豆漿+$12-豆漿甜度剛好，加埋仙草可以清熱
牛肉份量好多，有四大舊，唔係平日食開個種牛腱，偏向似牛腩，但食到有一舊帶少少筋，又似牛腱啲紋咁，炆到咁腍👍🏻
湯底香濃得黎唔會勁鹹，食完無口渴。
大大條，好肥美🤤我同fiancé都超鍾意！我形容佢既份量為more than enough 😂因為食晒啲飯都重有鰻魚淨！佢重錦上添花加左隻溫泉蛋，令到啲飯濕啲無咁乾。
影片
