一起食堂 (域多利皇后街)

營業中

休息中

去咗日本大板玩咗一星期，自由行可以自己控制時間，食同住，朋友都安排得非常好，又買咗大批手信，回港後約咗朋友食飯同俾啲手信佢，朋友係中環做嘢，佢話公司樓下有間叫一起食堂嘅舖頭，我七点已到，再打電話比佢，電話都未撥，佢剛剛推門入嚟，座底佢推介我食原條鰻魚飯，睇吓同日本有乜分別，其實我都想試吓呢度出名嘅原條鰻魚飯，朋友叫咗一個蔥油雞肉乾拌麵，小食叫咗米紙蝦春卷和肉燥燙青菜，飲品有蘆薈桂花雪梨茶和我至愛既啤酒，甜品係芋圓仙草凍。鰻魚飯先到，好大條鰻魚，皮又香脆，肉質又肥美，跟住到啲小食，米紙蝦春卷，塊皮好薄好脆，青菜配肉燥味道都唔錯，朋友話佢杯飲品比較特別，好有蘆薈味，甜品好大碗，兩個人都夠食，今晚餐飯好有水準，下次可以再來。