一起食堂 (域多利皇后街)

營業中

休息中

一個人等咗5分鐘呀姐姐才有空閒點菜，又等了15分鐘麺才到！姐姐三次都攞咗唔係我嘅麵嚟...奌呀🥵🥵🥵好啦！佢好努力奈何能力有限...無計！嘢食終於到.....🙄青菜冇味,算啦當食青啲，主角之不過是鹽水雞拌麵天呵！怎麼是一劈煮過頭嘅烏冬？說好了的拌麵呢？咩玩法？汁沒有顔色也沒有味....葱油味像雲一樣，軽到飄走💨💨鷄只是Ok！我只能講我自己整會好味得多....這個麵應該可以係醫院俾病人食都健康喎！

蔥油雞肉乾拌麵 ($68)評分：7.5/10.次次去搭半山扶手電梯都見到呢間嘢，對佢哋嘅餐牌充滿好奇因為佢哋行嘅係非常罕有嘅台灣 x 日本風格 😗 午市套餐價錢還可以，雖然唔系食咩貴價料理，但食物樣式貼地一樣有市場 😋 午市套餐會有埋湯同三小碟 (沙律、涼拌雲耳、泡芙) 認真有心 😙 呢個主食乾拌麵比較似撈烏冬，麵條好彈牙 😃 不過唔太夠香，其實蔥油好似消失咗 😅 可以落番多啲。手撕雞拌麵嘅食法就好台風，雞肉份量可以，但論味道真係俾啲炸蒜搶晒 😂 可以落多啲俾我嗎～極力推薦呢杯 👉🏼 蘆薈桂花雪梨茶 (+$12)⁣系我飲過最好飲嘅花茶類飲品，蘆薈好清新桂花蜜好香 😍 無限點讚!!!⁣

我很喜歡這家餐廳，是中環的中心地帶少有的台灣菜，而且價格適中（不設加一啊🥰）餐牌簡而精，味道也不錯🤤店子除呈狹長的長方形，即使是晚上亦座無虛席，受歡迎程度可見一斑。牆上掛著不少台灣電影海報，播著台灣流行曲，台風滿滿。餐桌上有餐紙，自己畫好交給店員，簡單方便。-我點的是最簡單的魯肉飯（$68）有滷水蛋、酸菜、小棠菜，還附上清湯一碗,頗有家庭感！簡單就最美味。原條蒲燒鰻魚飯（$138）見到有好多人推介，所以試下。又真係值得一試wor!!鰻魚燒得好香，肉質美味，有水準！加埋隻半熟蛋，不得了。牛油托托蜆3隻（$72）另外點了兩個小食，未食過托托蜆，唔知係咩，睇番原來在街市都係常見貝類，大隻扁身，厚肉鮮甜，用埋牛油煮，正啊！烤台灣香腸（$32）呢個份量唔多，只有兩條約10片，但是烤得好好吃！！！外面皮脆乾身，裡面多汁，而且不會過咸，好想再encore的一碟！仙草冬瓜茶（$24）及熱桂花雪梨茶（$18）呢度都有多款台式飲品可以揀，仙草冬瓜茶唔會超甜，味道應有就番香港人口味；桂花雪梨茶真係有唔少桂花，香香甜甜！

中環食飯買嘢乜都貴，但近日發現咗一間價錢相宜，食到台灣同日本菜既小店。仲肯定可以食得飽飽🥳雖然舖仔細細，但都幾有feel，除左牆上掛住唔少台灣嘅電影poster，仲播住好多耳熟能詳嘅台灣歌😻.🍛原條蒲燒鰻魚飯 $138原條鰻魚果然唔可以睇少，淨係賣相已經好吸引😍長度長過隻碗啊，仲非常厚肉👍🏻飯用左珍珠米，撈埋鰻魚汁、温泉蛋、面頭嘅紫菜同芝麻，令成碗飯更美味🤩.🍜紅燒牛肉麵 $88牛肉腍度適中，都幾入味，湯底濃郁，麵底用咗幼麵，相對上就冇粗麵咁煙韌，口感偏淋，好睇個人口味。除左主角牛肉，另外想讚佢舊蘿蔔煮得好入味👏🏻.🐤鹽酥雞 $32 食落香脆可口，唔會覺得好油膩，調味剛好👍🏻👍🏻食食下原來份量都唔少😂可以同朋友開心share黎食~.🥬燙青菜 $22 唔好諗住煮個菜好似好普通，呢個燙青菜俾我預期既好食🤣加咗蒜片係面，同個底又浸住豉油，爽口又惹味😆.☕️茉莉毛尖茶(熱) $18本身諗住點冷泡茉莉毛尖茶，但竟然賣晒😢唯有飲熱既茉莉毛尖茶，茉莉味道香濃，茶味都幾重。

好難得係中環都有台灣野食，lunch 食都吾貴。餐廳細細地，有bar台有普通台，細鋪來講位置都算多。每張台都有餐單，自己用筆tick食物就得。飲品都幾養生我叫左蘆薈桂花雪梨茶(熱)，朋友叫冬瓜茶。我杯野野飲係有d蘆薈肉，好飲。叫左個鰻魚飯，係網上看到有好多人推介，就當然要試試了。佢係原條鰻魚上架，好大條呢。鰻魚汁都好多呢，撈埋飯食好好味。佢仲有隻溫泉蛋，和白飯一起撈濕濕地，仲易入口。佢仲有d 配菜加湯比埋，成個set咁上。好足料。蔥味雞肉乾撈麵都係一set咁上，都係有隻溫泉旦比我拌麵。雞肉好多蓋住哂D麵，佢下面係烏冬，質地係十分彈牙，鳥冬都好大個，食完成份十分滿足。

今日去左一起食堂食台灣菜😆🤘 我地嗌左和風牛肉烏冬麵，蔥油雞肉乾拌麵，魯雞腿飯同埋鹽酥雞。嘢飲方面就叫左冷泡茉前毛尖茶，口感好清新，食咁多野飲翻杯fresh既茶即刻無哂罪惡感😛我最中意就係魯雞腿飯，對於我呢個食肉獸淨係睇個名已經好吸引！😍一見到隻大雞脾我真係又驚又喜，真係好大隻啊！🤤🤤重點係雞腿超級入味，同飯一齊食真係一流！🍚🍗 仲有酸菜作為配菜，多重味道同口感，好好好正！🤤🤤和風牛肉烏冬麵都唔失色架！食烏冬最緊要梗係個湯，個湯底吸收晒牛肉嘅鮮味，烏冬食落又滑雪雪。撈埋啲蛋黃汁，蛋味同牛肉既，簡直係錦上添花。 至於蔥油雞肉乾拌麵，就好有台灣特色。好新鮮嘅食法，不妨一試。😛

喺狂風暴風嘅情況下 我地經過呢間舖決定入去食個午餐 避一避雨門口感覺好日式 似啲日本居食屋咁食物方面有日式同台式gei 野食 餐牌係咁主食會跟一個小食拼盤 有酸木耳 手指蕃薯同沙律我叫左個原條蒲燒鰻魚飯條鰻魚真係好大條 而且聞落好香而且鰻魚真係好肥美 醬汁美味但唔算濃味飯係用珍珠米 食落飯味濃 又香軟男朋友叫左紅燒牛肉面個牛肉煮得香軟 一啲都唔韌面夠彈牙 而且個湯係牛肉湯 濃郁惹味魯肉飯魯肉煮得軟稔 入口即溶配上醃蘿蔔 開胃又惹味鹽酥雞香脆好味 雞肉嫩滑 而且食落惹味要讚一個食左鹽酥雞 當然要飲返啲清潤蘆薈桂花雪梨茶清潤解渴 而且淡淡桂花香味 感覺清新食左咁多野都係200幾蚊 好抵

今次黎到中環呢間台式餐廳一入去你就會見到好多台灣電影海報同埋好多台灣既歌播緊🇹🇼🇹🇼🇹🇼🇹🇼🇹🇼🇹🇼呢到最出名既應該係「原條蒲燒鰻魚飯」所以未睇其他就叫左呢個先跟住朋友就叫左個紅燒牛肉麵再加多個牛油清酒巨蜆見到隔離枱既都好大份所以吾敢叫太多首先黎到既係紅燒牛肉麵有3大舊牛肉真係好大舊吾會好乾又好夠味！個湯都要飲一啖！超濃既牛味！Yummy！之後就到3隻巨蜆。名符其實真係好大隻！呢個碗係同牛肉麵個碗一樣大。都只係剛剛好放到3隻！你想像下有幾大！最後主角出場啦！原條蒲燒鰻魚飯！條魚大條到凸哂出黎！出面好夠鰻魚都係好薄身。但呢條吾係！呢條真係超級厚！另外個蛋都十分出色！記得撈埋啲飯一齊食！以我食雞蛋既經驗，相信佢係用日本蛋！好彩無眼闊肚窄，因為一個飯足以KO我！個鰻魚飯先138真心抵食！

放工經過域多利皇后街發現這間”一起食堂”的台灣小店，正好想食台灣菜，便內進一試。入到店內，餐廳幾乎爆滿，相信十分不錯。蘆薈桂花雪梨茶 $24味道豐富有桂花香，有口感清爽的蘆薈，甜度適中，喜歡這個茶。冷泡沫莉毛尖茶 $24天氣熱點了一杯冷泡茶，清涼又無甜，夠消暑。鹽酥雞 $32愛食炸雞的我怎能不點，份量足夠，两人都食不完，炸得外層好夠酥脆，雞肉軟熟汁潤綜合關東煮 $68當中有粟米、蘿蔔、貢丸、花枝丸、獅子狗、福袋、魚餅和蒟蒻，每樣都有不同口感和味道，款式多樣最啱我。肉燥湯青菜 $28油麥菜新鮮脆綠，配上肉燥，不錯。蒲燒鰻魚飯 $98雖然沒有點原條鰻魚飯，但這條鰻魚的份量也不少，大塊又厚肉，掃上鰻魚汁燒得入味有彈牙感。除了鰻魚還有菜、溫泉蛋和黃蘿蔔，飯亦拌有足夠鰻魚汁和灑下了不少黑白芝麻和蔥花，令整體味道有層次、口感亦豐富。古早爌肉飯 $78爌肉有两大塊，好厚身，肥瘦相間，肥的部份入口即溶好腍軟，瘦的地方較有口感，肉味香濃；有肉燥鋪在上面，伴飯食好汁潤；配有一隻魯蛋。芋圓仙草凍 $38最後來一個台式甜品，三色芋圓是我喜歡的質感，口感煙韌彈牙，仙草口感滑溜，整體甜度適中。

話說中環都幾少台灣嘢嘅選擇，呢一間係咁啱行果條街見到呢間台灣餐廳好似幾正咁，咁就梗係入去試一試啦，一去到見到個餐牌就即刻點左呢幾款嘢食，食物質素係高質嘅，份量亦都好多，不過我就會覺得選擇性可以在多啲會更加好，首先嗰個鰻魚飯我都唔知佢係台灣野定係日本野，但係anyway我起台灣餐廳度食，不過唔理點都好，總之好食就得，另外Order左個小食拼盤同埋鹽酥雞，呢幾款小食都幾高質，用嚟送滷肉飯係好夾嘅亦都有台灣嘅風味係入面。

#原條蒲燒鰻魚飯 $138鰻魚真係好大條而且仲好厚肉隔壁見到都嘩咗聲🤣碗邊仲有隻生蛋撈飯令到個飯冇咁乾份量有啲多 可以同人share🤪-#三色海鮮茶漬飯 $108依到除咗有台式野食 仲有日本野🥳三色即係有蟹肉 廣島蠔 同埋鯛魚廣島蠔好大隻好肥🥰而且蟹肉仲好甜🤤份量仲好多 小編咁大食都食唔曬🤣-#炸花枝丸 $32花枝丸幾彈牙又唔腥仲有淮鹽可以點下 仲惹味啲🤩-#鹽酥雞 $32唔估到份量都幾多 而且又大塊皮仲好酥脆 如果可以再多啲啲鹽有味啲就正喇🤔

餐廳最近登上每周排行榜，同埋食評都幾唔錯，一於lunch time去試下！結果同友人一致認為認真一般😕😕我地無叫佢哋出名嘅便當飯，叫左台灣牛肉麵，品質我覺得係唔合格🤪首先麵係稻庭烏冬嚟，雖然唔係唔好食，但第一下已經打左個突🧐🧐湯頭方面都係唔ok, 味道偏酸辣，亦唔夠濃；牛肉同蘿蔔完全唔合格，絕對一碗壞左嘅牛肉麵🥺好處唔係無，等位快，同埋有沙律同前菜跟埋。不過價錢方面可以肯肯定同你講唔值，麵加埋嘢飲岩岩一舊水，唔使遠行上少少好味十倍嘅鐡牛都仲平過你。。睇到小店員工好落力，不過食物質素方面真係仲有好大提昇空間！

外出多數也是吃西餐和日本菜，偶爾也會想試試其他的菜式，想了想，記起自己好久沒有吃台灣菜，無意中發現到中環有一間頗便宜的台灣菜，這樣也好，不用再次限制於旺角、銅鑼灣等地區。好難得在中環也有台灣菜，在域多利皇后街，中環街市附近。裡面有分為高椅子和正常的椅子，進去的時候還不算很多人，可以坐平常那些椅子，不用坐bar枱。每張桌子上都有餐單，自己用筆在餐單所列出的食物旁邊寫要多少就可以。台灣菜普遍都不會都不昂貴，是麵類和便當比較昂貴。想不到飲品竟然會先來，蘆薈桂花雪梨茶裡面還真是有一粒粒的蘆薈，清甜爽口，而且有消炎殺菌作用，所以很受人歡迎，清香的桂花味也很令人著迷。吃台灣茶就當然要吃牛肉麵，牛肉有數件，每一件都很軟稔，不用怎麼咬就可以了，牛肉味也重之前去過台灣，去到一間食店吃的牛肉麵麵湯底也是辣的，這裡也是呢，聽聞是台南的做法。很難想像一間台式餐廳會有鰻魚飯🤔更不知道為何會有，但在網上看到有不少人推介，就當然要試試了。原條鰻魚飯還真不是蓋的，長度足足有一隻碗的長度有不少的鰻魚汁，有咬口之餘亦不乏軟稔的感覺。最特別的是，旁邊還有一隻溫泉蛋，和白飯一起撈至均勻後，更為美味。鹽酥雞也是我每次吃台灣菜必

放假又係同媽媽出街嘅日子，今日就去中環行吓街，首先就食個lunch先！今次就去咗呢間一起食堂！餐廳係主要做台灣菜同日本菜，裝修就以日式為主，餐廳有供應便當，小食，甜品同埋飲品！惠顧既客人都可以用優惠價$12加配飲品或糖水！有原條蒲燒鰻魚飯，當然要試試佢，鰻魚的確好大條，魚肉都彈牙，唔係淋支支果d，個飯仲有一隻溫泉蛋，同鰻魚汁混合埋一齊幾好味所有便當都會跟一個小食拼盤，小食拼盤包括左沙律，日本蕃薯同埋泡芺！唔錯唔錯！另外仲叫左2個小食，一個係牛油清酒煮巨蜆，蜆肉大大隻，唔會有沙，清酒加埋牛油既蜆湯真係好正！ 另一個就係炸花枝丸，新鮮熱辣炸出黎，加埋椒鹽，都唔錯！飲品方面叫左個冷泡茉莉毛尖茶，茶味香濃，解膩一流！價錢方便都幾合理，鍾意食小食嘅朋友可以試吓叫一碗細嘅魯肉飯$18，有平時食開嗰啲飯碗咁大， 跟住再加小食，最適合Share!

近排多左係中環食飯，有時好隨機咁走入一間店，有時就上網搵下有咩好食，見到呢間台灣餐廳唔算貴。餐廳內外都算位於中環熱鬧區，小店設計簡約，沿住有一條bar枱及幾枱四人枱。食物選擇一張點餐紙睇哂，簡單易明，用自己點餐紙亦都配合佢既餐廳名「食堂」，但選擇都唔算少，價錢以中環嚟講唔算特別貴。櫻花蝦炸鳥蛋 $32原來係炸鵪鶉蛋，有2串咁多，價錢都算平，上面佈滿櫻花蝦，仲擠上沙律醬及灑上蒽花。外層炸到好香口帶少許煙韌，一咬入面既蛋黃爆岀黎，幾特別，意想不到炸鵪鶉蛋咁惹味。肉燥燙青菜 $28上面加左肉燥，份量都不少，肉燥微甜，唔算好油膩，配上青菜，簡單好味。紅燒牛肉麵(微辣) $88對於食到辣既人嚟講辣味冇乜，牛肉以牛腩為主，軟腍度適中，都醃得入味，湯頭水左少少唔夠濃郁，麵質就正常，整體平庸。原條蒲燒鰻魚飯 $138鰻魚果真夠大條，灑上大量拌飯素同海苔碎條，仲有隻溫泉蛋，飯底亦唔係普通飯，係珍珠米再加上蒲燒鰻魚汁，將溫泉蛋攪爛撈上飯素同海苔碎再撈飯，飯就好似飯團咁，味道口感豐富，一口接一口，至於鰻魚唔算好香，但唔會好膠質，鰻魚飯比牛肉麵岀色。蘆薈桂花雪梨茶 $24飲品都係預先整好放雪櫃，一落完單就上枱