一起果醬 (已結業)

上星期跟男友閒逛尖沙咀看聖誕證飾，由尖沙咀逛到佐敦，走到轉角就發現一家清新的小店，以果醬為主題蠻特別的，而且店內外的裝潢都以我最愛的湖水藍色為主調❤️ 都逛到餓了就決定進去一試！天氣急降的晚上，人流不算多~這個寧靜舒適的環境好適合與朋友們小聚呢，文青風的小店內，放著大大小小不同的椅子，相當有趣。菜式、小食至飲品有不少都以果醬入饌，果醬也有多種口味~晚餐有Dinner Set提供丫特調果醬紅茶 (For 2) $65果醬的味道可以自選，我們選了桂花雪梨，感覺上較滋潤。先下果醬，然後把紅茶倒進去...攪拌後即可享用~桂花雪梨果醬本身滋潤香甜，除了泡茶，我不知偷吃了多少^^ 紅茶得到果醬的調味，喝下去帶點甜味，味道很相配又不會太甜。手撕燒豬肉沙律配芒果油醋汁 $48很清新開胃的沙律，底部有芒果果醬，吃之前可以先混好。芒果醬的甜味稍稍中和了油醋汁的酸，不錯吃。可惜份量不算大，有點"唔夠喉"~士多啤梨燒豬肋骨(半份) $98因為想留肚吃甜品，所以這士多啤梨燒豬肋骨只點了半份，送上來的時候也比相像中多呢。二人的話點一個standard size的share也應該夠吃了！豬肋骨燒得好靚，肉質鬆軟可口~

星期六下午與朋友冒雨找到這間外牆裝飾著湖綠色木條的小店。進門一個大JAM字掛在牆上，一束束串著不規則木塊的吊燈從天花懸下來，整個感覺是舒服又有格調。全場座位是單薄的木板椅，以cafe而言有點不舒適。店子有一半在户外升高地台，可惜外面下著大雨，不能坐在露天地方嘆茶，店主用伸縮帆布遮起户外部分，將之變成室內。聽著雨水叮叮咚咚的打在帆布上，一邊下午茶一邊聊天，感覺也不錯。因為未吃午飯，我和朋友各點了一客deluxe all-day breakfast 和一客蟹肉軟殻蟹意粉。這個all-day breakfast 說實在比一般的份量要少。以$128這價錢可以吃到很多很好份量又大的all-day breakfast了。不過裡面的芝士炒蛋，非常好吃；而且有塊黑毛豬扒，配上他們這裡特製的蘋果肉桂jam，簡直是一絶。不過除此兩樣外其他普普通通，包括他們任我挑選9種果jam裡其中一種搽的toast，我選了木瓜雪耳，但送來時是冰涼的，與微熱的toast的口感有違和。至於軟殻蟹意粉，醬汁濃郁，味道很好，我淺嘗了點，值得推介填肚部分滿足後，就到嘆茶了。我們點了一客Black Tea for Two，是以他們自

今日約左好姐妹黎尖沙咀食飯睇戲，平時食DINNER通常我會係厚福街個邊搵食，今次決定離開厚福街走到松山道既一起果醬。其實好耐之前已經聽過一起果醬既大名，但太少入西貢所以無機會試，難得佢尖沙咀開分店，緊係要黎試下啦！店都未面門面已經List左好多唔同既手製果醬，好多都係MIX唔同材料既果醬，感覺比平時既果醬特別。入到去，感覺同佢個名一樣，都係有一種好清新既感覺，木系傢私，林森文青系裝潢，好似想西貢既清幽節奏帶到黎尖沙咀，有種歇息既感覺！之前一起果醬俾俾我既印象都食all day breakfast 同甜品為主，估唔到佢Dinner都有幾多選擇。先黎飲品，左邊係真紅豆冰 （＄42），好開心佢係我鍾意既紅豆粒唔係紅豆蓉，份量仲好多，而且佢唔係用一般椰奶而係用紅豆奶，所以成杯紅豆味都好濃。至於右邊既係桂花雪梨茶 （＄45），清甜既雪梨蓉配上淡淡得桂花香味，感覺很清新。之後係呢到既必食推介：九宮格多士 （HK＄48)， 一次過可以試9款唔同既果醬，果醬必真係唔可以錯過，而且多士烘得外脆內軟。呢到既果醬普遍甜度洽洽好，而作為玉桂迷既我最愛就係玉桂蘋果醬，呢個組合既果醬平時真係唔多見，淡淡既玉桂香，

千辛萬苦，終於等到快樂的星期五了！每逢星期五，總覺得要好好對待自己，話晒都連續辛苦了五天嘛！早前已聽說西貢的Let's Jam 很正，但耐何我這些新界人，真的沒有什麼動機踏足西貢區！好吧！近近地，去尖沙咀分店試一試好了！由於我們到達時間較早，所以人不多！店主蠻有心思的，店內的椅子差不多每張也不同。而且裝修簡潔舒適，讓人有一種輕鬆自在的感覺。我先叫了一個Classic All Day Breakfast($128)，雖然名字叫Classic，但它其實包含了不少創新元素！好像炒蛋內加了芝士，使其入口更香滑；另外這個餐還包含了一份黑毛豬扒，不但肉嫩汁多，而且還可以大大增加飽肚感，兼顧到男性的食量！多士上的果醬是手工製造的，成份天然，而且還可以自行挑選味道，一共十種口味！由於味道太多了，不知從何入手，所以當時我多口問了店員意見！店員稱致瑰蘋果及桂花雪梨最多人㨂選，在二㨂一的情況下，我最後挑選了桂花雪梨！幸好，我的選擇是對的！味道清新自然，不會太甜，配上牛油一起吃，會令整個味道更香滑，不錯！玫瑰雞翼（$38）是我最喜愛的單骨雞翼，進食起來更方便。而最特別的，是這款雞翼用了蘋果玫瑰果醬一起烹調的！

話說之前提起柯士甸道的店舖，經過時發現一間以自家製的果醬餐廳.....睇到佢地的裝潢、佈置、氣氛都好岩同朋友一齊GATHERING.....由於中午都食得幾飽，所以兩個人都只係叫左一個主食+一個小食.....炸香草芝士條 $48因為炸過的關係，香草味已經不存在，但係會見到個表面佈滿的....個粉不算厚，而芝士也做到拉絲的效果，個醬料也會減去我對炸皮的油膩感...而更感受到芝士實感....黃金蟹肉軟殼蟹意粉 $108一小部分軟殼蟹還有肉，全身更可以直接吃的，懶惰的人不用怕麻煩了....香草、咸蛋碎也增加左口味....意粉也是很幼的......所以，混起來似食撈麵咁....法式焦糖焗蛋 $38重點的甜品也出現了!藍莓醬剛好有一粒完整的俾我吃到.....玻璃般的焦糖脆面，要敲破才一起食到個焗蛋，蛋也不會焗得太老，很滑的....果醬雪糕窩夫餅 $68窩夫餅有成4大厚塊，熱情果醬、士多啤梨、奇異果、CREAM、牛奶雪糕.....簡直重量級甜品...

呢間餐廳係西貢都算係出名嘅一間，但小丸子又點會有咁多時間突登入去食餐飯呢？好彩佢係九龍區都有一間分店可以滿足到我。今次已經係唔知第幾次帶朋友黎食，實在貪佢方便，夜晚又唔算多人，重點當然係佢嘅食物好好味，價錢又合理呢個芝士條每次黎每次嗌，真係不得了平時小丸子好少嗌炸野食，但呢個每次都唔可以忍到口。佢炸到剛剛好，一咬，仲好脆，然後一拉，嘩，拉到好長好長嘅芝士絲呀，真係好正，你仲可以點埋佢嘅蛋黃醬，個味都好夾。蟹餅係第一次食，見佢加左粒星星推介就試下啦。嗯，唔會係我至愛。我個人認為乾左少少，有番多Ｄ口感會更好另一款推介嘅～呢個黃金蟹肉軟殼蟹意粉真係好好味軟殼蟹２人分都岩岩好，重點要講佢仲加左蛋黃落個意粉度，粒粒嘅蛋黃同意粉一齊食真係好好味。好創新嘅煮法，食完都唔會覺得好濟。意粉唔算好大碟，都係２個人只係剛剛好果醬九宮格多士配上９款自家製的果醬，係呢間餐廳嘅特色，賣嘅係自家製果醬。今次嗌一個多士就可以試哂佢地嘅果醬，簡直very good啦！９款果醬包括：玫瑰蘋果，肉桂蘋果，桂花雪梨，青檸青蘋果，木瓜雪耳，熱帶風情，士多啤梨，芒果，雜莓同黑糖四物。就咁睇個名都覺得好有特色，平時冇諗過呢啲食物都

前排男友放假，黎佐敦接我放工去食飯，去左公司附近一間的小店Café～聽同事講食過唔錯，所以就跟男友去會一會佢啦！食店就位於柯士甸道一個街轉角的位置，位置唔算難搵～可能時間尚早，店內未見太多人～食物種類多，也有DinnerSet選擇！熱朱古力（HK$35）這杯熱朱古力是有棉花糖佈滿表面，朱古力的熱度會令棉花糖慢慢融化！朱古力味不過太甜，奶味適中，不過蓋過朱古力味，邊飲邊食著半融化的棉花糖，不錯！凍朱古力（HK$38）而凍飲是男友的，凍的分別是由棉花糖改為Cream，味道相若，但凍飲又有另一翻的體驗，不過女生都是不宜渴太多凍野，所以我選了熱的！玫瑰雞翼（HK$38）雞翼只以炸煮為主，炸到金黃色，表面好脆口！而炸雞翼就以玫瑰味的蜜糖醬作為調味，味道好香，蜜糖醬不會太甜，剛好中和了炸雞翼的咸味，出奇地惹味，正！玫瑰雞翼上碟時已經切開一半，方便食用～黑松露溫泉蛋多士（HK$38）被黑松露的吸引下，就點了這個小食！溫泉蛋以原隻蛋殼盛載，上面的就是黑松露醬，先將黑松露醬及溫泉蛋輕輕伴勻～以多士條沾上黑松露蛋汁食用，濃郁的黑松露味，加打半熟的蛋汁，配合脆口的多士，這個小食特別又開胃，簡單的材料就可以做

星期六諗住返工前食個All Day ,點知9:30am去到，間舖全黑，但門又冇🔒的，我開門入去，有個𡃁仔喺廚房出黎，我問佢開舖未？佢話未，甘我再問佢開幾點？佢話吾清楚！真係激死我

一直都好想試下Lets Jam 不過去西貢就好似大長征咁 但自佢開咗尖沙咀分店後 就方便得多-果醬九宮格 $48呢個絕對是必叫der 一次過可以試哂佢咁多隻自製果醬不過每次都喺random 的 今次試唔到黑糖四物😢但喺木瓜雪耳jam 非常有驚喜 好似食緊濃縮版糖水咁 又唔會太甜仲有個菠蘿果jam 配埋麵包食就好似食緊麵包版鳳梨酥❤️多士又焗得表面好香脆 但入面好軟糯配埋咁多種手工果jam 真喺好夾好好食-士多啤梨果醬焗豬肋骨 $98/半份首先要讚嘅喺個rib 唔會韌到切唔到試過有次喺其他地方食 切咗勁耐 我嘅進度都喺0成餐食到好似練臂力咁反而今次喺到就食得好輕鬆 而且亦都炆得好入味配埋士多啤梨果醬酸酸甜甜咁 食落好開胃仲有薯角又炸得好脆 仲要喺厚切好後悔嗌半份咁少😩-士多啤梨梳打 $42佢嘅排頭絕對喺隆重登場 首先由侍應搖一搖 𢳆一𢳆 再倒出黎的我最初仲以為喺街嗰啲行貨 就咁擺佢喺底再加梳打水落去 自己攪均 結果成杯就頭幾啖好甜 後面就愈飲愈淡相反呢到就由頭飲到落尾 都好濃味士多啤梨果醬飲得出喺自然 真士多啤梨嚟唔喺藥水味 所以成杯都飲得好開心❤️-真 · 紅豆冰 $42佢呢到真喺紅豆冰

一直都非常喜歡尖沙咀/佐敦交界附近嘅環境，都有恬靜嘅感覺。Let's Jam位處呢個地帶，都被感染著有呢個氛圍。裝修帶有田園氣息，所以Dinner set所提供嘅田園沙律，亦都有著同樣嘅感覺，沙津菜配上芒果果醬，味道唔太酸，醒胃清新，配搭有著良好嘅效果。接著係意式雜菜湯。湯水以真材實料烹調，所以味道必然係濃郁而又令人滿足！而主菜則選擇左玫瑰蘋果汁拌安格斯牛拼布甸。擺設夠精緻之餘，味道亦唔錯，安格斯牛扒慢煮到5成熟左右，保存到吸引人嘅粉紅色肉質，肉嫩易嘴饞。配埋玫瑰蘋果汁作醬汁，有少少果醬味，配搭新鮮而不失美味。最後嘅甜品焦糖燉蛋同樣用上果醬作點綴，令本身香滑creamy嘅燉蛋加添另外嘅滋味，突破平時嘅框架。飲品係跟餐半價，名稱叫紅豆冰，不單係紅豆凍飲咁簡單，而且係將紅豆轉化成沙冰狀態，形成一杯夏日透心涼嘅飲品！

是日同朋友食下午茶，在佐敦成日經過都未試過食呢間，今日終於試到了。環境精緻，舒適寬闊，在鬧市之中很有渡假FEEL，再加上平日下午沒有很多人，十分寧靜。跟朋友食BRUNCH, 我叫了士多啤士醬燒肋骨$98，鹹食再配上甜的果醬，配搭新穎，燒肋骨不錯，士多啤士醬新鮮不會太甜。朋友叫左All day breakfast，芝士炒蛋好正，當然這裡果醬是主打，朋友說果醬配厚多士是非常好吃。肉桂蘋果茶 & 木瓜雪耳鮮奶，木瓜雪耳鮮奶很好飲，好多雪耳+木瓜肉，女生必飲呀!p.s. 餐具好靚，食野都開心d門口有show哂d果醬，食完有興趣都可以買走，查麵包同飲黎飲都不錯，秋天來了，乾燥時飲返杯非常合適。剛剛好$300有找，雖然不算便宜，但偶爾來吃都不錯，食物環境都好。

一直想試西貢店，但對於我嚟講實在太遠，所以選擇左試尖沙咀既分店（其實佐敦先岩）。入夜環境原來頗有情調，而且有戶外座位，但天氣太熱，還是室內比較適合我。星期一晚上都坐滿7成，其餘日子都應該比較滿座。九宮格 $48呢個可以一次過試晒9種佢地自家調配既果醬口味，滿足晒多心既我。厚多士焗得鬆脆十分香。每種味道都新鮮製，清清甜甜，唔會覺得滿口沙糖既感覺。一路食一路估食緊咩口味都幾好玩。玫瑰雞翼 $38最欣賞佢單骨，令女士可以食得lady好多。玫瑰雞翼意思係用玫瑰果醬調味，令雞翼帶甜。可能我唔鍾意炸物，我覺得雞翼炸度適中。黑松露野菌意大利飯 $88呢個屬濃味之選。既creamy又重松露野菌味。米飯有口感，我喜歡，但有d朋友可能會略嫌有點硬。特調果醬紅茶 $45 （玫瑰蘋果）紅茶同果醬係分開上，所以客人可以選舉果醬既口味 。 然後店員就會拎茶壺、果醬同 「流豆」嚟。「流豆」流完一邊就代表茶既熱度已夠，客人可以飲用。 呢個飲品既好處係可以自己調製甜度，鍾意加幾多果醬就幾多。果醬奶昔 $40 （木瓜雪耳）呢款亦一樣，客人可以選舉果醬既口味 ，今次我選擇木瓜雪耳以形補形一 下，哈。 味道淡甜，嘗得出無另加

又到了山林道搵食，呢度真係勁多野揀，今晚試下呢間挻出名的果醬西餐廳。先點了一人一杯凍飲，天氣太熱了，飲返杯凍野降降溫。點了mocha, green tea latte同玉桂蘋果茶。mocha的朱古力同咖啡味都很濃，兩者平衡做得很好。green tea latte味道較淡，綠茶味欠奉，倒飲到勁重奶味。玉桂蘋果十分香甜，就係老麥的蘋果批味啦。食物點了澳洲和牛漢堡，漢堡包軟腍，一切就分開，一人一半試下。漢堡肉嫩滑多汁，肉味濃郁，芝士半滆，加了新鮮生菜，蕃茄，更加豐富口感。薯角炸得香口，最正係個蘋果燒汁，酸酸甜甜的同薯角好夾。另一樣叫了英式早餐，配上玫瑰蘋果果醬，蛋炒得嫩滑，蘑菇鮮嫩，煙肉腸仔咸香，好好味喎，重有主角嘅厚多士同果醬，甜甜的散發淡淡玫瑰香，真材實料無添加呢。最後追加了一客甜品，窩夫配乳酪雪糕，窩夫有四大件，厚身富蛋香，做得不錯喎，生果新鮮，乳酪雪糕酸酸的，果醬要了玉桂蘋果，同飲品一樣味的，香口又甜美。食物好好味，自家制果醬甜美又天然，食得安心又放心

因聽聞有九宮格多士， 既然咁特別 ，所以便到此一試。此店舖在松山路中間位置，門口又凹了入去，所以並不起眼，但設計好特別，明顯是經過精心策劃。店外放了不同味道的自掣果醬。 價錢分別由48元至58元不等。亦有酒售賣。店內裝修一樣给食客有好舒服的感覺，三五知己聚會好適合。主角到了，九宮格多士，九款果醬的多士，48元。多士外脆内軟，當然有微微熱啦，但第一口吃士多啤梨味，有點怪，因士多啤梨果醬較凍，吃下有點失色，而且比較甜，雜莓醬也是較甜一族，玉桂蘋果有點澀澀地， 青檸青蘋果及熱帶風情，味道比較清甜，芒果味道也不錯，總括都是very good 👍。玫瑰蘋果酱單骨雞翼， 單骨即是把雞翼分開兩件，每件只有一條骨，一碟有8件單骨雞翼，雞翼皮好脆，雞翼肉好 嫩兼多汁，但太细隻了。第一次吃甜雞翼，估不到果醬可做醃料，亦可做不同飲品及小食，今日真是大開眼界。再來一杯青檸青蘋果醬奶昔，40元，好细支，味道較甜，質感好濃，似飲乳酪。

Jam 從來都唔係我杯茶，因為我好中意花生醬! 平時去茶餐廳都一定揀醬多。但見咁多好評，又好想試下! 假日黎得brunch ，叫左個ribs ,蟹肉意粉同toast! 三樣雖然都係（佢地推介），但咸既都好伏，個ribs d肉好淋，個意粉無味，勁失望囉! 唯一可取係跟ribs既薯角! 但炸野好難難食得去邊既!好彩個toast 有d驚喜，好軟熟同d jam 好襯又唔太甜! 每舊都唔同jam 要食落先知係咩！不過要近五十蚊，有d貴! 唔夠飽，再叫左個scone set ! 始終係cafe,甜既都好似做得好d! 杯cuppincino 都唔錯，夠濃又大杯，仲有肉桂粉係面飲完即時上反電！一面食scone 飲咖啡，好滿足!除左pasta 同個 ribs , 依間cafe都值得再來!