一起果醬 (已結業)

走田園小清新路線既LET'S 果醬，IG出現既頻率超高，今日終於唔再心思思，訂好位，同朋友黎享受我就叫咗一個dinner set，包咗沙律、餐湯、餐飲同甜品。沙律係田園沙律配熱情果油醋汁，沙律菜都幾新鮮，醋汁酸酸甜甜，幾開胃。餐湯就揀咗紅湯，用咗少量香草調味。主菜方面，我就揀咗慢煮極黑毛豬扒，因為係慢煮嘅原故，鎖住咗啲肉汁，食落都好juicy ，唔會鞋口，配埋嘅肉桂蘋果汁都好特別，食落會有少少果香，帶有少少甜味。另外，我仲偷食咗少少朋友嘅温泉蛋卡邦尼意粉，滑脫脫嘅温泉蛋係我至愛！甜品方面，我就升級咗，加多15蚊，轉咗牛奶千層蛋糕，奶香味好濃，士多啤梨醬又帶有淡淡嘅酸味，兩者互相配合，而層層分明嘅千層皮亦唔會話好厚身。最後，朋友仲表示佢揀嘅牛角包係不能錯過之選，牛角包脆卜卜，香橙味嘅果醬分量多之餘，仲有少少果肉，冇得彈

最近終於有得休息，同男朋友可以去拍下拖，在網上找到這間似乎不錯的西餐。室內環境令人放鬆，用了黃燈膽。晚餐很吸引，於是點了兩個。先來沙律，沙律很新鮮，而且加了他們最出名的果醬，我能吃得很酸的所以可以接受，但男朋友不能吃酸的就吃不下了，統統都交給我，所以可以建議的是如果可以先詢問一下客人要不要加酸酸的果醬可能會更貼心呢！蘑菇忌廉湯，非常香的蘑菇味，味道亦恰到好處，如果能再稠一點就完美了。蒜辣天使紅蝦意粉，味道惹味，意粉硬度適中，蒜味濃，辣味也開胃，我吃不停口呢！大蝦還有兩隻，份量和質素都很滿意，讚！士多啤梨醬燒豬肋骨，照片拍不到下面還有一層，總共有兩排豬助骨呢，而且還有薯角在底下，超級豐富！豬肋骨的醬酸酸甜甜很入味，而且肉很多，不錯不錯！鮮奶綠茶微甜而且不會太飽。特製果醬紅茶，我覺得這杯很有特色，果醬加紅茶是非常配的，令紅茶不再單調。一款是是日甜品，意大利奶凍。一款是加了$15轉蛋糕。先說意大利奶凍太美味了，奶凍加上芒果果醬又是一個傑作，但本身奶凍已經是做得非常好食，它的質地是很軟很黏口，我最喜歡這個質感的。蛋糕是千層蛋糕，加了草莓果醬令整體生色不少，兩個餐有兩個甜品，這樣才可以試到更多美

今日黎到呢間lets jam餐廳食晚餐。一去到門口已經見到佢地擺左d自家製果醬，十分吸引！點了兩個dinner set沙律加入佢地自家製既果醬，酸酸甜甜，非常開胃！每款點一個試下雜菌湯飲落有d粒粒碎菌係湯入面，口感十分好，略咸忌廉南瓜湯南瓜味非常重，略甜士多啤梨醬燒豬肋骨火候控制得好好，燒到豬肉十分冧滑，濃郁豬味但加上士多啤梨醬，令整到菜不會十分油膩，反而十分清新，越食越想食慢煮厚切安格斯西冷扒配玫瑰蘋果汁慢煮既牛扒同煎既唔同，無左外層香脆既風味，但取而代之則係保留整塊靚牛扒既肉汁，你地可以見到佢入面仲有少少生，慢煮時間控制得好好，肉味濃郁。另外可以睇到牛扒真係十分厚，每一啖都大滿足！配合玫瑰蘋果汁將味道昇華，估唔到牛扒同果汁都幾夾牛奶奶凍味道不會很甜，配合士多啤梨醬，是一個十分出色的配合，為呢個晚餐劃上完美句號總括黎講，呢間餐廳裝潢特別，晚餐亦做得十分出色。假如下次在尖沙咀諗唔到食邊間不妨黎呢到試試

年三十放假hea 吓， 瞓到黃朝百晏，我地的第一餐已經係人家的 Tea time，嗰種幸福感，真係非筆墨可以形容。既然係第一餐，諗住搵間Cafe食all day breakfast, 再加上上次我喺科學園入邊的日本餐廳試過一款果醬手工茶，幾得意一試難忘。我記得佢寫住果醬係 by Let's Jam 的， 所以今次慕名而來去本店再試真D。我哋揀咗佐敦店，佢位於尖沙咀松山道，招牌好高雖然唔容易見到，但係你會好容易俾佢門口嘅果醬吸引住。唔使問都知呢間一定係 Let's Jam 啦。Cafe 都幾大，坐位闊落人唔算多，絕對係少有難得可以 hea 吓的地方。原來下午有 tea set， 睇來都唔錯又抵食，所以我都放棄左個 all day breakfast 轉軚了。我地叫左兩個 tea set, 果醬奶油窩夫 + 鮮果+ 飲品 $58朱古力味窩夫熱辣辣好香朱古力味，窩夫唔甜，靠芒果 jam調味。配上嘅鮮果有香蕉、蘋果同埋士多啤梨，全部都新鮮香甜。如果可以加一球雪糕就Perfect 了！飲品朋友叫左 cappuccino ，佢話啡味濃但奶泡略唔夠，滑DD好D。手撕燒豬肉 + 野菌忌廉湯長通粉 +

呢度主打手工果醬，有好多主菜，甜品同飲品都加左果醬既元素而且晚餐既質素都唔錯Dinner set 有沙律有湯有主食,都幾抵食架揀左黑毛豬扒配肉桂蘋果汁味道幾開胃,而豬都非常腍身肉質好嫩滑,幾有驚喜蒜香腐乳意粉 睇個名以為係伏野，但其實味道又唔差咼平時腐乳多數用黎主中菜，最常食一定係腐乳通菜諗都諗唔到佢會放落去煮意粉腐乳加蒜蓉做醬汁，味道原來都幾夾只係食到底淨番啲腐乳汁，味道有啲咸但整體係有驚喜既！果醬九宮格多士 想一次過試哂呢度既果醬，一定要揀呢個甜品將多士分成九格，每格塗上唔同既果醬睇下你食得出幾多種味！味道都幾特別，例如肉桂蘋果，蛋黃菠蘿等等都係出面食唔到架！cream tea set其實就係scone,質地軟熟唔太乾身中間可加上佢地自家製既果醬,揀左黑糖四物黑糖味好甜好濃郁

一個月前同朋友一起來到這裏吃過lunch，當時試過這裏的九宮格多士後一直念念不忘，但可惜當時只掛住吃，沒有怎樣拍照，無法寫食評。於是這晚相約朋友再來這裏吃晚飯，順便為高質餐廳寫一個好評。真的沒有想過朋友會願意和我瘋顛，晚餐時間來吃多士。很喜歡這裏的多士用了自家製果醬，每一格都能夠想到截然不同的味道。我本身很怕甜，沒想到這裏的果醬甜度剛好對上我的口味，而且每種果醬都有粒粒果肉口感，真的不簡單。最搞笑是，當晚明明天氣非常寒冷，朋友卻堅持要叫一杯紅豆冰，因為他說上次在這裏飲過這杯紅豆冰，覺得是他飲過最好味的紅豆冰。我說你不怕冷嗎，他說凍死也要飲lol 我就因為怕冷沒飲這杯紅豆冰，但朋友對他念念不忘的程度，完全拍得住我晚上都要吃多士的執念，看來下次都要試下Dinner set包的湯，濃郁野菌味，口感不會太濃稠，很對我口味黑毛豬配上了此店的招牌果醬，非常清新，連旁邊伴碟的薯仔也烤得超香，有水準！野菌燴飯十分足料，有幾種不同的菇，大大粒，好有口感最後這道抹茶奶凍令我很驚喜，抹茶味濃，也很香滑，紅豆甜度適中，如果不是因為吃得太飽 真想另再叫一個來吃順帶一提 這家店的服務態度真的很好，很親切，做到這麼

Tonight I just want to have a quiet dinner with my friend so we went to “let’s jam” in TST. My friend ordered one of the dinner set which was the “sous vide iberico pork butt with cinnamon apple sauce”; the dinner set came with salad and dessert. Garden salad with fruit vinaigrette:The veggies were fresh and crispy. The vinegar was fruity and not too sour. Mushroom soup:The soup was flavourful. It was creamy with lots of mushroom crumbs.Sous vide iberico pork butt with cinnamon apple sauce:It w

這間「一起果醬」，有醒目英文名「Jam」。本來在街上遊蕩，與女友察覺到這間與別不同的存在。開在佐敦與尖沙咀交界。遠離繁華街道，Jam給人機會歇息品嚐優越的茶點及晚餐，我們這個月誠意推介。整間餐廳的打扮，毫不造作，走田園氣息的茶館，以果醬為主題。沙律 （跟餐）跟餐沙律𥚃有果醋代替沙律醬，加入熱情果果醬、精製過的菠蘿、芒果，和新鮮蔬菜。酸酸甜甜，非常開胃。蘑菇忌廉湯（跟餐）玫瑰蘋果醬汁單骨雞翼 （$39）這個雞翼，也是我這一個月來吃過的、最令人回味。單骨的設計，方便客人用叉優雅食用，已經加分不少。玫瑰醬汁，不單止吸引少女心，連我這個男仕，都覺得相當好食。醬汁雖然包住雞翼，但依然保留少少脆皮。香香的玫瑰味，帶少少適量的甜味。從來沒有想過，玫瑰醬汁能夠與雞翼與此配合。必定是廚師，反覆測試過才得到的結果。$39，卻高質素英式奶油鬆餅餐 - 熱帶風情果醬（$59）Jam 的鬆餅，是我目前為止吃過最好食之一。我在英國吃過無數的鬆餅，去過約克的Betty’s ，我敢說這裡的鬆餅的質素，跟英國本土的不相上下，然而Jam在果醬上更勝一籌。因為大部分英國餐廳的鬆餅，果醬都只是現成買來。而這𥚃果醬，不但款式眾

今晚單獨約左母親大人晚餐，母親大人前排食過呢間位於松山道嘅小店下午茶之後，覺得質素唔錯，今晚就特登帶埋我，去試試佢地嘅晚餐。其實前幾年尖沙咀分店未開之前，已經同朋友幫襯過西貢分店，試過佢地嘅全日早餐。英式鬆餅配果醬($18)之前見其他人好推薦佢地嘅英式鬆餅，所以就叫左一個試下，鬆餅比想像中細，另外叫鬆餅會配上一款自選嘅自家製果醬。鬆餅焗熱呈上，一上枱就聞到濃濃嘅牛油香。鬆餅食落外脆內軟，每一啖都充滿濃郁牛油香，其實就咁食已經好出色，配上桂花雪梨果醬又另一番風味。好想encore，不過都係留肚食其他野好了哈哈。九宮格多士($49)呢個又係必食之一，一塊厚多士，已經試到佢哋九款嘅自家製果醬，感覺好抵哈哈。多士本身好鬆軟，軟熟拉絲，烘過之後外脆內軟，更為動人。試過九款果醬後，蛋黃菠蘿同桂花雪梨最深得我心。大啡菇沙律大啡菇沙律 配上 玫瑰蘋果油醋汁，酸酸甜甜好清新。另外母親大人叫咗個dinner set慢煮厚切安格斯西冷扒($239)厚切西冷扒肉質粉嫩，經過慢煮之後，西冷扒肉汁被鎖住，每食一啖都有肉汁流出，夠曬juicy，配上玫瑰蘋果汁，食落更清新。跟餐沙律跟餐蘑菇湯忌廉味濃郁，入口食到啖啖蘑

有時出來都係為咗食唔同特色菜式，有D比較清淡有D比較重口味，有時候真係難易取捨食邊種，不過除咗以上之外都會想食D比較特別口味又小食到，今次就去咗呢間用新鮮果醬煮出不同食法，餐廳位於尖沙咀松山道，餐牌除左有晚餐套餐外，都有提供好多特色美食再配合果醬製作，我就選擇點咗晚餐套餐，內裏已包含好多不同美食，再點D特色小食食住先先來小食有果醬九宮格多士，話明係九宮格自然會食到不同口味果醬，入口多士香脆之餘又食到各種果醬嘅香甜，輪到飲品係果醬奶昔味道係桂花雪梨，飲到有桂花香味雪梨清甜夠晒香滑再來係田園沙律配熱情果油醋汁，未食已聞到香濃醋味，唔只食到新鮮蔬菜，仲有果肉粒嘅鮮甜配埋醋汁食落特別開胃，其後係是日餐湯，入口香滑濃郁食完一輪頭盤到主菜出來，我點咗慢煮極黑毛豬扒配肉桂蘋果汁，因為係慢煮所以肉質會比較嫩滑又唔會咁乾身，而脂肪亦保持原有狀況，食落會原汁原味，輕輕切開已見黑毛豬扒肉質細嫩，肉汁亦滲透出來，入口食到肉質飽滿油脂甘香點埋肉桂蘋果汁，更加提升層次口感十足食得惹味最後當然係甜品不過我就升級咗𨍭蛋糕，蛋糕入口鬆軟綿綿再配果醬更加滋味，又享受咗一餐美味主題晚餐

早已聽過LET'S JAM的大名!因為要到尖沙咀換蘿蔔糕, 途中見到LET'S JAM, 所以二話不說決定要嚐鮮啦~要每樣都試一點, 所以我們先點了一個羊架DINNER SET($239)。餐湯: 白湯=蘑菇忌廉湯雖然沒有濃厚的蘑菇味, 但整體味道不錯, 只是稀了點。沙律: 田園沙律配熱情果柚醋汁超級醒胃的一道! 沙律菜新鮮, 在熱情果柚醋汁襯托下很特別。但由於熱情果跟醋都是極酸的, 所以配在一起雖然多了清香, 但食到最後真的太酸了!主菜: 慢煮法式羊架配芒果芥末汁又一道以果醬入饌的菜式。 有兩大支羊架, 露荀, 薯塊跟蕃茄作伴碟。羊架用慢煮方法, 所以肉質超嫩滑, 而且表面有煎過, 所以同時很香口再配上芒果芥末汁, 芒果令原本的芥末汁減低了咸度, 加上果香味, 都是值得一讚的!同時不要看少配菜們 - 露荀, 薯塊&蕃茄, 每樣都用心製作, 很好味呢!餐飲: 特調果醬綠茶(二人份量; 自選果醬:桂花雪梨) [$32.5<跟餐半價加配]整餐最吸引的我正正是這果醬綠茶, 綠茶加上桂花雪梨, 意想不到的絕配!不要看只有少少的一小樽桂花雪梨果醬, 其實我倆至少每人飲了5杯呢~因為桂花雪

今日去左尖沙咀接男朋友收工，決定喺尖沙咀食埋野先返屋企。之前朋友介紹話尖沙咀有間餐廳應該會幾啱我口味，所以我地就去左一起果醬食dinner~~~我同男朋友都係食set dinner，都跟埋沙律同餐湯。沙律嘅蔬菜好新鮮，個汁酸酸地好開胃。餐湯我地都係揀忌廉湯，同一般餐廳唔同，佢地加左好多菇粒入去，令個湯好濃郁！我叫左慢煮極黑毛豬扒配肉桂蘋果汁（$229）;玫瑰蘋果果醬奶昔（跟餐叫$21），黑毛豬肉質滑溜溜，加上甜甜地嘅肉桂蘋果汁，令人食完一啖又一啖。呢到嘅果醬係自家製零舍唔同，杯奶昔飲落有淡淡嘅玫瑰蘋果味，正！男朋友就揀左慢煮厚切安格斯西冷扒配玫瑰蘋果汁（$239）凍鮮奶綠茶（跟餐叫$21）塊西冷扒超厚身，咬落勁juicy勁滿足！杯鮮奶綠茶調配比例剛好，奶嘅份量唔會太多蓋過綠茶嘅味道。甜品方面，男朋友食返本身跟餐個果醬奶凍，果醬嘅甜加上奶凍嘅滑，好食到停唔到口XD我就食Tiramisu（跟餐甜品加$15轉），甜而不膩有淡淡咖啡香~~唔只食物，連餐廳環境都好花心思，最啱同閨蜜一起果醬XD

呢日早上既活動完左之後就約左個好耐無見既舊同事係附近食飯佢帶左我黎轉角橫街入面既呢間小店，記得好耐之前黎過一次，個次食過店家既招牌九宮格多士都覺得唔錯從店名、店面外一樽樽既果醬同店内既裝修擺設都不難發現店中以“JAM”為主，當中有大部份既菜式同飲品都會加入不同口味既果醬以作配搭呢日市午時間黎到，原來仲有lunch set添啵，當中有七款選擇，價錢由HKd58-98+10%不等當日我地都揀到自己想食既set每份set lunch都會包有一份田園沙律，當中既香芒油醋汁酸酸甜甜咁，清新又開胃當日舊同事就係嗌左呢個“紅酒燉牛肋條飯”HKd$58+10%，賣相唔差仲有好舊牛肋肉啵而我就要左碟“黃金蟹肉軟殼蟹意粉”HKd$98+10%軟殼蟹炸得脆而不油，而加入左“黃金（蛋黃）”既意粉亦香濃卻不膩，意粉既份量都唔少，相信男生食罷也覺足夠上次黎到無機會食到佢地既“ 果醬雪糕窩夫餅(full)”HKd$79+10%，呢日既甜品就決定要叫返一份，同埋舊同事一齊share食嗰日我地揀左佢地自家製既雜莓果醬，配上厚身而烘得外脆内軟既蛋香窩夫，加埋濃滑既雲尼拿雪糕，呢個甜美配搭足夠令我滿意又滿足最後我仲跟餐加

餐廳喺尖沙咀松山道，係一條小街，餐廳招牌雖然唔顯眼但都唔難搵。門口擺咗啲小植物裝飾，仲有一樽樽唔同味道嘅果醬。果醬係可以出售架。室內都有田園風味，木製嘅枱櫈，牆上嘅木架裝住壼、酒樽、調味料罐等等。垂直嘅條狀木吊燈係暖色光，喺寒夜中倍感溫暖。【特調果醬 - 桂花雪梨紅茶(熱)$45】出面凍冰冰最好梗係飲熱茶暖身。有11種唔同味道嘅手工果醬揀，果醬係一個樽仔另上，可以自己控制甜度。果醬入面好多粒粒果肉，真材實料。一壼茶份量都幾多，可以倒到6-7杯，而且果醬夠濃，所以如果唔飲太甜嘅話係夠沖晒咁多杯。絕對抵飲，如果有個小火喺下面㷫住保溫就perfect。【龍蝦汁海鮮意大利飯$109】一上枱香噴噴熱辣辣，成個飯連蝦都佈滿香蔥。除咗兩隻大蝦、帶子同藍青口外，原來個飯仲「隱藏」咗細細粒魷魚、蝦米。龍蝦汁味道足夠，仲有啲雜菌、芝士碎條、香蔥調味，都好足料吓。【Dinner Set 慢煮厚切安格斯西冷扒 配 玫瑰蘋果汁 $239】【木瓜雪耳鮮奶 跟餐半價$19.5】木瓜肉多，雪耳較少，不過鮮奶就冇預期咁有木瓜味，而且可能天氣太凍想飲熱到出煙嘅飲品暖身，但呢杯鮮奶就稍嫌唔夠熱。【田園沙律 配 熱情果油醋汁

約咗朋友，但早到咗，坐低望下店內佈置都幾有田園感覺，暖笠笠，令我暫時忘記街外陣寒氣。叫左一個dinner set，紅湯、慢煮黑毛豬扒配肉桂蘋果汁、田園沙律配熱情果醋汁，薯角配士多啤梨醬，玫瑰蘋果雞翼。我都幾鍾意桂花飲品，呢個桂花雪梨茶入面有啖啖果肉，加埋聞落去陣桂花香，真係好舒壓，雖然偏甜，但係返完一日工後飲左幾啖，可以即時補充返啲糖份。友人個杯奶昔，估唔到肉桂蘋果果醬同奶昔真係超夾，強烈推介！！薯角同雞翼，上咗先發現原來雞翼係單骨，一啖就可以食到一隻，唔洗好似平時咁要拆過再食埋啲肉，幾細心！話明係let's jam，配埋酸甜酸甜嘅士多啤梨醬，口感豐富，感覺無咁熱氣。碗紅湯，唔同出面西餐嘅羅宋湯，比較清，無加辣或茄膏，可以平衡返頭先食完炸物嘅油膩～最後嘅黑毛豬扒，粉嫩嘅黑毛豬配肉桂蘋果汁都幾夾，配菜有小蕃茄、小薯仔同荀，食完就飽飽啦。