一起果醬 (已結業)

今日係附近做完野後決定同朋友食返個tea聽講呢間有好多特色既果醬食*煙三文魚沙津配熱情果香醋汁*熱情果香醋汁令整個沙津不會太單調，有淡淡既果香味，煙三文魚夠新鮮。*all day breakfast*多士選了菠蘿蛋黃果醬菇炒得好香，炒蛋好滑重蛋味，菠蘿蛋黃醬係好特別既配搭，兩樣野又出奇地搭幾好味。*Pork Rips* 配士多啤梨果醬Pork ribs好稔好入味，燒得好香，配上士多啤梨醬又幾夾。*Scone*選了肉桂蘋果醬個醬有好濃既肉桂味，肉桂控必叫Scone好鬆軟，記住要趁熱食呀！*木瓜雪耳牛奶*甜度高既木瓜雪耳果醬加落熱牛奶，令牛奶都變得香甜順口，加上綿密既奶泡，飲落十分滋潤、好舒服。好滿足既下午茶！

今晚終於放工後約到舊同事吃飯，一直都好想食Let’s Jam 原因係有朋友打卡同放相上facebook，見到好吸引於是今晚就試吓。我哋六點九黎到未係好多人，我哋坐低左就點以下食物。龍蝦汁海鮮意大利飯賣相唔差，份量兩個人食剛剛好，兩隻蝦都好鮮味。讚👍🏻朋友最鍾意煎炸野，所以都忍唔住叫咗薯角。出嚟嘅時候熱辣辣，肯定係剛炸起，配埋個士多啤梨燒烤汁，特別得來又幾好味。另外個白酒忌廉煮青口都唔錯，火喉剛剛好，不會過熟！跟住我哋就每人叫左杯野飲，我嗰杯係玉桂蘋果茶，我就覺得甜咗啲，但係個味就好香濃。朋友嘅果醬綠茶好特別，佢表示好好味，好岩自己。最後我地梗係要試呢度最出名嘅果醬雪糕窩夫餅，我哋揀咗桂花雪梨果醬，賣相真係好靚，如果雪糕可以多一個就更加好😝不過整體都好好味，令人食過返尋味。今日嘅用餐經驗同食物飲品質素會令我下一次再幫襯。

朋友們帶我到「一起果醬」慶祝生日！這裡很靚，雖然地方不算大，但森林系設計，有一邊牆全是綠葉，影合照很有特色女生們一定很喜歡！食物製作認真，雜菌湯同沙律用料很足，口感豐富，我和朋友們很滿意還有這裡的九宮格果醬！！一個多士上有九種口味，很值得叫來吃。我就最愛玫瑰蘋果醬，味道清新不太甜，麵包亦脆口好食下次也想帶其他朋友試這個多士！還有兩個主食也不錯單骨雞奕香口，芝士條很脆多芝士，茄汁長通粉不太酸⋯⋯味道適中，很怕重口味的西餐，所以整體很喜歡這裡，會再來

一起果醬呢間鋪個店名真係好啱門口出面已經見到一排自家製天然果醬 而餐牌入面每款食物都有配搭果醬 仲要出乎預料咁夾 朋友真係冇推薦錯鋪頭裝潢不俗 入去後好relax 可以好好享受晚餐既悠閒時光我地兩個人叫左一個set 一個主食 同一款甜品 真係好豐富好飽Dinner set 包沙律同磨菇忌廉湯蘑菇忌廉湯好滑好creamy 但又唔會好似平時既忌廉湯咁膩 最重要係真係食到粒粒蘑菇 好好味 好高水準意式青醬雞肉意粉水準唔錯 青醬同意粉好夾 加上嫩滑既雞肉 值得一試慢煮極黑毛豬扒配肉桂蘋果汁 豬扒切開仲係粉紅色嘅 比平時嘅豬扒更軟同嫩 亦都更juicy 配上果醬都唔錯 真係估唔到會咁夾 一定要試下果醬奶昔（雜莓）真係有雜莓粒粒 好真材實料 味道天然 又唔會好甜炸香草芝士條可以拉芝士真係好正 一定要趁熱食跟餐甜品係cheesecake 配上strawberry jam可以解小小膩 而且同芝士蛋糕都幾夾 酸酸甜甜果醬九宮格多士 可以一次試晒九種唔同味嘅果醬 多士好厚 外脆內軟 同唔同味道嘅果醬都幾夾 而且果醬味道真係好天然 又唔會過甜

同幾個朋友好耐冇見，就塭咗le 間（餐廳名）一齊去試，佢哋係標榜天然果醬，門口同裝修都幾靚。 我哋四個人叫咗八樣嘢 😂😂😂 叫咗個特色多士，將個多士切左九格，每隔上面都有佢哋自己整嘅天然果醬，一次過試晒九隻味。如果鍾意食果醬，又有選擇困難症嘅你就一定要揀呢個小食我哋叫咗單骨雞翼同薯角，側邊仲有啲沙律配菜，即刻覺得好健康😂 而且炸到外脆內嫩 ，配埋啲自家製果醬，香甜惹味主食叫咗慢煮厚切安格斯西冷扒配蘋果玫瑰汁，呢個扒一睇就知佢有幾juicy , 利用慢煮將塊扒個成熟度整到啱啱好，而且令到肉質同肉汁都可以keep 到，鍾意食牛嘅朋友就唔好錯過四個女仔去食飯，點會冇叫甜品🍮dessert 方面我哋叫咗個waffles ，新鮮出爐嘅waffles 外脆內軟，配埋啲果醬雪糕,cream 同新鮮嘅水果，真係食到停唔到口特製果醬綠茶，有得自己揀果醬嘅味道，特製一杯啱自己嘅茶，利用綠茶中和果醬嘅甜味。我揀咗桂花雪梨味，味道清香，大家都可以不妨一試

平時帶住仔仔喺附近補習，都比呢間鋪頭門面吸引住，不過每次都要急急腳趕下場。......終於放暑假喇，今日亦係仔仔最後一堂補習，乘機book位試一試，就當慰勞下大家😋最初以為係cafe shop, 或者屬於輕食嘅餐廳，但原來Menu上邊有好多選擇。因為我一家三口，又想試多D款式，最後決定叫一個Dinner set再散叫其他野食。我order咗個蒜辣天使紅蝦意粉set$199 (田園沙律+忌廉湯+主菜+甜品），另外散叫咗黃金蟹肉軟殼蟹意粉$109、玫瑰蘋果醬單骨雞翼$39同理三杯特色飲品。先送來一碗田園沙律，沙律菜非常新鮮，果醋味道酸酸甜甜，非常開胃再來嘅原來係磨菇忌廉湯，菇味濃，啱哂我口味，連一直抗拒磨菇嘅仔仔都飲唔停囗單骨雞翼，細細隻食得好方便，而且有淸甜嘅玫瑰蘋果醬味，啱哂小朋友食終於等到主菜黎喇，賣相非常吸晴，紅蝦同意粉嘅份量都唔細，紅蝦非常新鮮，仲要隻隻有蝦膏，意粉用蒜蓉洋蔥炒香，有少少微辣，正～好彩有叫蟹肉軟殼蟹意粉，啱晒唔食得辣嘅仔仔我地叫咗三杯特色飲品包括：芒果沙冰$44熱帶風情沙冰$44熱桂花雪梨茶$36其實三款味道都唔錯，不過我哋一致認為熱帶風情沙冰係今次嘅best d

喺佐敦地鐵站出黎，大約行5分鐘到就嚟到呢間餐廳。餐廳門外嘅裝修都好靚，好有古典cafe風格。室內主要係用木嘅裝飾同餐桌椅，別有風味。餐牌內提供左6個晚餐套餐選擇。朋友點咗個慢煮厚切安格斯西冷扒配玫瑰蘋果汁。我就無揀套餐，單點個黃金蟹肉軟殼蟹意粉，玫瑰蘋果醬單骨雞翼。飲品方面叫左熱既木瓜雪耳鮮奶。飲落有啖啖嘅木瓜同雪耳，鮮奶非常滑身。黃金蟹軟殼蟹意粉非常出色，意粉配上蛋黃碎，蟹肉簡直一流！單骨雞翼則以自家制果醬作為調味，外脆內juicy! 試咗朋友嘅西冷扒一啖。牛扒煮得剛剛好，夠嫩。沙律菜亦非常新鮮。最後甜品點了果醬厚多士。果醬揀左玫瑰蘋果。玫瑰蘋果果醬唔會太甜，蘋果亦唔會蓋過咗玫瑰嘅香味。食落時有啖啖玫瑰清香，配上熱騰騰厚多士一流。總括而言，基本上每道菜都用上自家製果醬為配料，配搭味道非常出色！

今日同朋友celebrate birthday 滿心歡喜去試handmade jam and scone 係OpenRice book 左枱到前一日無人打黎confirm booking 我就打電話去confirm 一下佢地收唔收到我reservation點知佢地語氣好差 語氣好重咁叫我等等我諗住佢地忙 所以語氣差 都算點知黎到當日其中一個長頭髮 在齊蔭的服務生 黑口黑面想落order 叫佢 佢好唔耐煩 唉聲嘆氣覺得我地點得慢問佢攞碟 佢黑口黑面落左單一分鐘唔夠 我地因為有朋友會食物敏感想改單 佢就答‘唔可以’其實我地衰先 但佢可以話‘唔好意思呀 因為落左單 改唔到’ 咁我地都會理解 總之成個experience 好差好唔愉快 食物質素幾好除左個scone 一般外 其他食物都好但因為服務 唔會再幫襯 同埋唔會介紹朋友來受氣

同朋友相約在佐敦的小清新cafe食個便飯，餐廳內部都好自然feel, 有不少盆栽作裝飾。大家都唔特別想食肉所以決定單點食物。小食叫了薯角配士多啤梨燒烤汁，本以為醬汁會唔係好夾，食落口發覺酸甜的士多啤梨醬比茄汁更襯炸到脆熱的薯角，蘸好多好多汁都唔會過分。龍蝦汁海鮮意大利飯的飯生熟程度剛好，帶點煙韌，唔會太濕。海鮮用料唔手軟，大蝦青口帶子樣樣齊，大蝦唔乾，青口無沙，帶子爽口，$109有咁既質素真係幾抵黃金蟹肉軟學蟹意粉又係好抵食，大大兜意粉入面撈左好多鹹蛋黃，甘香到不得了，同意粉一齊食味道出奇的夾。軟殻蟹有半隻，一樣炸到好脆好香口。特製果醬梳打的梳打竟然係自製梳打，熱風情果醬溝出來的梳打酸酸甜甜，熱情果味好重，好清新。果醬奶昔揀咗芒果果醬，芒果味超香濃，奶昔好滑唔會太甜。果醬奶油鬆餅套餐有三個鬆餅，果醬揀咗黑糖四物，就咁食果醬冇乜特別，拼落奶油同鬆餅度一齊食個清甜味就出左黎，果醬仲帶少少肉桂味，奶油好香鬆餅外脆內鬆軟，熱騰騰好好食。喜歡果醬仲可以一瓶瓶咁買走，全部都係店家自製。

星期一又是上班的日子，心情有點沉悶，可以讓人愉快起來一定是吃好東西，所以我和媽媽去了口碑不錯的let's jam吃晚飯。let's jam主賣手工果醬融合多款菜式，挺特別的，說真的我也是第一次嚐果醬主題餐廳。第一碟上桌的是大啡菇沙律配玫瑰蘋果油醋汁，酸酸甜甜的玫瑰蘋果油醋汁吃起來非常的開胃，上方大啡菇水嫩鮮香，爽脆新鮮的沙律菜和蕃茄真的是一口不滿足，超想再吃幾口。白酒忌廉煮青口咬下去時口感扎實中又帶彈性，十分的鮮。濃郁的白酒忌廉汁超讚，我們完全嚐到青口的鮮香，濃厚的海味在嘴中爆發，愛吃青口的千萬不要錯過這超鮮的白酒忌廉煮青口。玫瑰蘋果醬單骨雞翼那外脆的雞皮，柔嫩的雞肉，搭配粉粉的玫瑰蘋果醬，加上外酥內嫩的單骨雞翼，兩種是完全不一樣口感及香氣，亦是一種有層次的吃法，讓人想一吃再吃。吃完開胃菜，前菜後，當然要來個主食。哇哇哇，請原諒我每一道都在哇，不得不說上桌的每一道真的讓人驚呼連連，不但滿足味覺，還讓視覺大開眼界。看看龍蝦汁海鮮意大利飯多誘人，豐富的海鮮盤據龍蝦汁意大利飯上。不得不說，這蝦肉真的爽彈鮮甜，意大利飯的部分使用了龍蝦汁燉煮，並加入了魷魚，帶子在飯中，吃到的每一口都是滿滿的濃香

放工后同honey在尖沙咀閒逛，走到佐敦附近的松山道，發現一家人氣旺盛的cafe. 店外更放有自家制果醬，十分好奇，一於試試看。這店子裝修簡潔，滿有青春的氣息，感覺寫意。估唔到他們除了多款自家製果醬多士以外，還有唔少以果醬入饌的輕食同菜式。餐點選擇亦唔少，沙律、意粉、小食、意大利飯、扒類同甜品等等，應有盡有。這兒的dinner set 有六款選擇，包沙律、主菜同甜品，價錢由$139-$239。我們今天點了兩個dinner set share.先吃田園沙律配熱情果油醋汁Green salad w passion fruit vinaigrette 這沙律有果粒、芝士、蕃茄仔、沙律菜等等。沙律十分新鮮爽脆，口感十足，加上酸甜的熱情果油醋汁，十分清爽又醒胃。餐湯各選一款。什菜湯味道清新，味道酸中帶甜，滿滿是蔬菜的鮮味；磨茹湯味道香濃，入口幾creamy, 湯身唔會太稀或太稠，磨茹味十足。慢煮法式羊架配芒果芥末汁$229Slow cooked lamb rack w mango mustard這羊架是慢煮的關係，羊架肉質軟腍，又不失口感。羊架鮮美juicy, 又有濃郁的香草味。帶一點羊膏的脂香

多年前入西貢食過呢間餐廳，對佢嘅果醬念念不忘，依家佢喺尖沙咀開左分店，唔使再山長水遠入西貢！餐廳位於松山道，由佐敦地鐵站行過去較近，只需約5分鐘。餐廳門面係一片吸睛嘅淺藍色（湖水藍？），喺平常嘅街道中非常突出，路人經過都忍唔住望多幾眼。店內裝潢都一貫清新簡約，俾人一種好舒服放鬆嘅感覺。望望menu, 果醬幾乎無處不在，無論是甜品、飲品、小食同主菜等都用到果醬，令人期待！果醬九宮格多士 $49呢個係必食架！多士厚身烤得香脆，配以9種自家製果醬，我偏好士多啤梨同雜莓，甜而不膩！慢煮厚切安格斯西冷扒配玫瑰蘋果汁 $179（Set $239)西冷扒的確好厚切，先以慢煮再煎至約五成熟，外面帶焦香肉心粉嫩多汁，配上甜香玫瑰蘋果汁可解少許邪惡感。慢煮法式羊架配芒果芥末汁 $179（Set $239)羊架非常大件，同上面嘅西冷扒一樣都係先以慢煮再煎，外微脆內軟腍，羊架帶有少許羊羶味，怕羶可配以芒果芥末汁食，可消減一點羶味。野飲方面我試左玫瑰蘋果茶（跟餐$18）賣相好得，蘋果果香味好出，帶有淡淡玫瑰香味，唔錯！食完仲可以買幾樽自家製果醬返屋企慢慢嘆，正！

去英國玩左一段時間，最最喜愛的就是英式鬆餅。之後試盡了不少英式下午茶，今次是妹妹與我約好的「下午茶」，她知道我喜愛英式鬆餅及各式果醬的東西，特別為我㨂左Let’s Jam！不過妹妹的小孩知道我們嘆tea也吵著要跟上，今天又與兩隻嘩鬼一起共度美好的下午茶英式奶油鬆餅->鬆餅+德文郡奶油+雜莓果醬＋鮮奶綠茶我首選的英式鬆餅原奶油味端上時微熱溫度。切開鬆餅後，一半塗上雜莓果醬，一半塗上奶油霜，合上鬆軟的鬆餅品嚐著不同質感，雜莓的甜甜酸酸，配上超幼香滑的奶油霜卻是雙重享受！果醬奶油窩夫+鮮果+丁丁香橙＋茉莉花綠茶熱雲雲窩夫組合實在叫人花多眼亂，只好挑選標名店方推介，加上小孩子喜歡食雪糕，這個就是最佳的選擇，窩夫配上新鮮生果再淋上丁丁香橙醬。窩夫受熱平均，烤得外脆內軟，鬆軟的窩夫不是很多餐廳可以做到雪糕香濃軟滑，冰凍的雪糕和熱脆的窩夫向來都是最佳拍檔，大人小孩都喜歡朱古力蛋糕+玫瑰蘋果茶這個特濃朱古力蛋糕，朱古力相當之香濃，忌廉相對清淡，兩者味道平衡，其實只是小孩的至愛香草雞肉野菌忌廉湯長通粉＋玫瑰蘋果茶長通粉掛滿了忌廉汁，芝士、忌廉的香濃味與雜菌成對比，忌廉湯味道夠濃同埋夠creamy

一直久仰let’s jam大名、幾次路過西貢的Let’s Jam總是沒機會試、今次就到比較方便的佐敦分店jam一jam吧。蕃茄什菜湯酸酸甜甜幾好喝。跟餐沙律顏色悅目、味道清新。玫瑰蘋果醬單骨雞翼原來雞翼沾上果醬帶淡淡玫瑰香氣和清爽的蘋果味、味道又幾夾啊。龍蝦汁海鮮意大利飯Risotto 飯粒軟硬度剛好、吸收了龍蝦濃汁的味道、creamy 美味、大蝦亦夠爽口。果醬九宮格多士好特別、每一格都塗上不同的果醬、當中玉桂蘋果、熱帶風情和木瓜雪耳味道都很清香、深得我心。喜歡它自家製果醬的朋友都可以立刻買樽回家慢慢品嘗呢。

今日下大雨☔️💨，但依然無損我放工吃好西既好心情。番工同同事研究果醬，我地每朝都好喜歡果醬麵包。講講下就講起依間餐廳😆 之前係西貢食過一次，都幾有質素的。同事話好想試，咁擇日不如撞日，而家佐敦有分店，放工近近地一於去食啦。-⭐️煙三文魚沙律配熱情果油醋汁 $59夏日炎炎，最鍾意用沙律做前菜依款沙律賣相💯分。 咸香味濃既玫瑰花型煙三文魚配上嫩綠新鮮爽口既沙律菜 最特別的是熱情果油醋！酸酸甜甜很開胃還有一些熱情果肉呢-⭐️溫泉蛋卡邦尼意粉 $89鹹香濃厚卡邦尼意粉是我最愛的意粉之一🍝。一切🔪下去，半熟既蛋黃流出，先讓蛋黃與意粉拌勻。每條彈牙意粉沾滿香濃既蛋黃汁，入口很creamy ，而且蘑菇🍄厚切大大粒，好爽口。-⭐️士多啤梨果醬燒豬肋骨 $99豬肋骨表面舖滿甜甜的士多啤梨醬，水果甜香，令人胃口大開。豬肋骨肉質十分軟腍嫩滑，不會過韌之餘，而且輕輕用叉子一撥，就輕易便離骨。脂肪不多，沒有肥膩的感覺，味道令人回味-⭐️薯角配士多啤梨燒烤汁 $45雖然晚餐那份豬肋骨有薯角做配菜不過我倆係超級薯仔控，還想再吃多些喔所以又再點多一客薯角厚身既金黃薯角炸得很鬆脆，但內裡咬開卻是軟綿細密。真的很好吃😋-⭐️果醬九宮