一緒一番酒場

營業中

休息中

一人前午餐，轉下口味，吃日本菜令自己放鬆一點店子位置方便，一人前午餐也很貼心，不會有奇怪感覺。茶碗蒸熱燙的茶碗蒸，旦是蒸恰好，入口即化的感覺。小砵送上了小螺，加入醬汁，肉質嫩滑，味道很棒，醬汁有提鮮的作用。沙拉口感清爽，新鮮。刺身鯛魚～池魚、赤身吞拿、鯖魚、魷魚專門挑選新鮮刺身，每種刺身也試下，刺身中份量多是兩片，氣勢十足，賣相也絕不欺場，刺身非常多，感覺新鮮，賣相以午餐來說亦豪華 ，厚切鯖魚刺身，油脂特別豐潤，肉質細緻嫩滑，更帶來滿口脂香。池魚刺身魚油香氣滿滿，壽司飯有咬口呢，美味壽司飯加上鮮味滿滿之快樂簡單的一人午餐，來個小旅行，感覺很棒

收工忽然想食日本嘢 同事就介紹咗我嚟依到餐廳位於26樓 而且係落地大玻璃 所以一望出去嘅景觀好開揚被安排咗坐正壽司師傅面前 一路等食 一路望住佢整望住一道又一道嘅食物完成 都有種滿足嘅感覺先嚟幾款刺身有吞拿魚、鰤魚、右口魚、魷魚都係師傅介紹 今晚新鮮嘅材料我個人就鐘意魷魚 配搭埋三文魚籽 鮮味十足cocktail sushi主要用咗吞拿魚蓉同埋三文魚籽 面頭加上葱、花 同埋食用金箔用料好豐富 一咬食落去 滿滿嘅鮮甜味除咗壽司 依到仲有好多串燒選擇我就揀咗bbq rib配上自家製嘅醬料同埋蒜粒係面 好惹味最後以一個櫻花甜品作結🌸

背對著居高臨下香港這座石屎森林在陰沉的天色下份外冰冷嗯，還是來杯熱麵䜴湯暖暖好· ‒ – — ‒ – ·餐廳位於Stanley 最高的26樓這樓層在中環區絕談不上是高極目四望還是密密麻麻的商業大廈但足夠的採光度至少讓室內空間感覺極舒適室外有點冷吃壽司前最好是先喝湯再趁熱把茶碗蒸都解決胃暖了，再開動壽司十貫師傅即場製作，飯仍帶温度午餐簡單吃也有席前的體驗緩和因天氣而來的鬱悶心情另外，一讚壽司飯軟硬適中且稍已調味不蘸點吃最原始的鮮味最喜歡金目鯛、右口魚、池魚、赤身與三文魚籽題外話餐廳的playlist 很有taste 都是Y2K年代的經典

這間日本料理餐廳位於中環，主打正宗地道的日式料理，包括廚師發辦、壽司、刺身及串燒等等，亦有提供多款日本清酒。店內樓底高，座位圍繞廚師吧枱為主，能欣賞到師傅們的手藝，感覺寬敞舒適，窗邊能欣賞到高樓美景。刺身鮫鰈魚豐含膠原蛋白，爽脆有嚼勁。深海池魚纖維幼細且油份豐富，香甜又爽口。金目鯛火炙後的魚皮帶酥脆，魚肉細膩鮮美，油脂含量恰到好處。青森縣帶子雪白肉厚，鮮爽帶甜。鯖魚魚油和油份頗重。海膽吞拿魚杯每瓣橙黃色海膽肥大肉厚，奶滑得入口隨即化開，甘香濃郁的鮮甜味，更有綿密的吞拿魚蓉，油脂豐富，魚味濃郁，兩者好配搭，還有壽司醋飯解膩。串燒汁燒牛肉鮮嫩多汁，口感細膩。白鱔金黃色的魚皮皮薄酥脆，紮實的魚肉嫩滑富魚油香。雞軟骨帶肉帶骨，爽脆得特別有口感。雞翼雞皮燒得薄脆而不膩，咬開雪白的雞肉嫩滑多汁。燒大蔥爽脆富香甜水份，好清新。秋葵軟糯粘滑，有少少木魚絲。櫻花草餅甘甜可愛的和菓子，咬開濕潤爽口的豆沙泥餡，更有櫻花花瓣作點綴。

ෆ⃛ 一緒一番酒場 ෆ⃛去完旅行把握埋最後嘅暑假，見到新聞話會限制日本進口水產>< 雖然未知有幾大影響就決心食omakase！ ♡︎.*▶︎▪︎◀︎.* .*・゜ ♡︎.*▶︎▪︎◀︎.* .:*・゜ ♡︎.*▶︎▪︎◀︎.* .*・゜♡ omakase ♪ 無論係刺身定一品料理都係由廚師發板，以當日最新鮮的，特別有馬糞海膽三文魚籽配吞拿魚蓉，三文魚籽係口中爆破加上香甜海膽💖 串燒同樣係水準之作🦴 ᗦ↞︎◃︎ 值quota指數: ✿✿✿✿ / 5 ✎ 總括：全bar枱位置可以觀賞到師傅料理手法同埋傾偈，而且環境都好適合慶祝呢💖✼ 加一服務費✔︎ෆ̈ 一緒一番酒場 (中環)✇ 地址：中環士丹利街11號Stanley 11 26樓Follow ig for more reviews: eatwithnnat✨

常言道：食左廚師發辦就真係番唔到轉頭🤫點解⁉️因為魚生質素同埋服務都同普通餐廳差太多🤤夜晚九點鐘趕住開會，唔太肚餓但又想食得有質素，就上黎同師傅吹番幾句😚時令刺身有赤身、油甘魚、蝶魚同金目鯛~每一種刺身都有唔同口感🎇赤身非常厚切，而且好新鮮、味道濃郁但卻唔腥😆油甘魚一咬即開，唔粘膩，讚👍🏼蝶魚有金箔點綴吸睛，仲可以加啲紫蘇花，口感清爽🎐見住師傅用火槍燒一燒金目鯛，魚皮嘅焦香味好讚🔥第二道係海膽杯，用嘅係高橋水產的馬糞海膽，好甜好creamy😋加上碎吞拿魚蓉，同埋壽司飯，好滿足😆💘熱食有燒豬肋骨，豬肋骨肥瘦均勻又有軟骨，肉質幾淋，岩曬肚腩口味🐷最有趣係左右兩邊嘅調味，右邊綠色係抹茶鹽，肚腩第一次食呢🥰🍵蘸左上去清爽恬淡，即刻中和番燒烤醬嘅深刻濃醇，真係幾得意😆不過如果再重口味啲，左邊的辣椒醬都好惹味，入邊仲有啲碎黑椒，幾正🌶️最尾上埋個櫻花草餅🌸入邊嘅櫻花蓉真係令肚腩置身日本咁🇯🇵環境都係open kitchen，廚房情況一覽無遺🔪餐廳有落地玻璃，出邊就係中環夜景🌠

今日去咗士丹利街11號這間食肆林立的office building食飯，這間餐廳位於STANLEY 11頂樓26樓，樓底好高，全餐廳都係用吧枱形式，而且係圍左一個圈，好適合包場食飯或者慶祝。外面景觀都係被中環既高樓大廈包圍住，五光十色，如果有外地朋友黎香港玩，我都會想帶佢地黎呢到食飯，不論係環境同食物質素都好高級。午市有定食，價錢係200-300左右，晚市係廚師發板，有兩個價錢，餐廳既刺身最令我吸引，新鮮程度達滿分。

有乜慘過星期一返工後要做培訓, 收工5:30pm, 培訓8:00pm, 唯有同同事搵間有Happy Hour 食少少野, 飲少少酒嘅地方等運到啦. 上網搵到有間喺公司附近嘅居酒屋有happy hour啤酒同sake重要買1送1. 咁就唔洗諗啦. 居酒屋位於中環士丹利街11號Stanley 11 26樓. 話明Happy Hour 時段, 都係食小食, 嘆2杯就輕鬆下. 係咁易點左雞泡魚乾同枝豆2款小食, 又黎送生啤唔洗咁悶.雞泡魚乾 – 睇住師傅用熟練嘅手勢慢慢烘熱D雞泡魚乾, 上菜時, 真係熱辣辣, 出哂煙. 雞泡魚乾烘得香脆, 味道重好搶口.枝豆 – 用海鹽炒過, 咸咸地非常可口, 枝豆大大粒, 送酒一流.嘆完後. 要返地獄培訓了.

坐擁中環高層地段，以落地玻璃飽覽無敵夜景🌌，出lift 已經直接是餐廳了，感覺環境高級又舒適，更每個座位都可以望到大廚的手藝！餐廳以新鮮食材作口啤，放工行經就黎試下佢地既Omakase，性價比非常高。🩵四點刺身平政魚🐟，中吞拿，略燒香了魚邊的交鰈魚，而帶子配了少許竹炭鹽，每款都好厚切又觧甜！🩵刺身杯Cocktail 杯子裡放了紅醋飯🍚，以及有脆脆的吞拿魚蓉，還有它的精髓～拖羅油！上面還鋪滿了三文魚子，和新鮮的馬糞海謄，加配少許淡雪鹽，再以花瓣和金箔點綴。全程見到大廚用心擺盤，十分精緻，而且不用再加其他調味已經好好味，因為好新鮮。🩵 鵝肝多士🍞大廚會介紹鵝肝跟多士可以分開食，又係十分新鮮的馬糞海謄出場😋還有燒到外脆內軟又好juicy 的鵝肝，伴碟有他他醬和捈茶鹽粉可選。🩵甜品日本綠茶紅豆🍵🫘雪米磁作結28/8-9/9 晚市還見到餐廳還推出「藍鯨吞拿魚omakase 套餐」，鍾意食吞拿魚🐟嘅就唔好錯過啦！下個月又係時候要約朋友預早訂位，再戰一下😍📍一緒一番酒場 中環士丹利街11號Stanley 11 26樓

平時返工放lunch都見到喺士丹利街11號呢一座嘅大廈有好多唔同嘅野食，偶次見到係頂樓一間叫一緒一番酒場嘅日本餐廳喺夜晚會有omakase食，作為日本菜愛好者嘅我，梗係要黎試吓啦😋🐟刺身四點 刺身包括有中拖羅、真鯛、帶子同埋北海道大蝦，全部都係飛機貨，魚生入口即溶得黎，油香好重亦都無筋，係平時喺連鎖壽司店食唔到嘅味道，帶子同埋生蝦亦都肥美又飽滿，味道好鮮甜美味，令人難忘🍸Cocktail sushi 師傅話係menu 無嘅菜式，材料有海膽、吞拿魚蓉、三文魚子、蔥、芝麻、淡雪鹽同埋調味壽司飯，面頭加少少紫蘇花作為裝飾，好適合打卡，除咗好睇之餘亦都好好味，海膽吞拿魚同埋三文魚子嘅味道互相配合得好好，絕對係別出心裁嘅料理🐃鹽燒和牛配他他醬生菜卷 鹽燒和牛淨係聞到都令人饞涎欲滴，和牛嘅香氣撲鼻令人忍唔住要即刻食，入口即化令人感覺好似置身係日本，和牛嘅油脂口感豐富，少少嘅鹽令牛肉味昇華不少，食多幾舊都唔會好膩，就算怕膩，可以食件他他醬生菜卷清除一下口腔嘅味道，清新一下，都係唔錯嘅選擇🍡抹茶和果子 甜品係抹茶和果子，綠茶同紅豆蓉嘅味道非常之夾，和果子煙煙韌韌咁，口感好好之餘，味道都唔錯，非常滿足📍

今日去咗中環Stanley 11 嘅26樓食Omakase ，入到去係一張U型枱，客人可以圍住廚師坐，睇廚師嘅煮食過程🤩而且餐廳係落地玻璃窗，夜晚黎可以睇到好靚嘅夜景㗎🌃*刺身四點今日廚師精選咗四款刺身比我：托羅 、赤身、池魚、帶子～刺身超新鮮✨托羅軟軟嫩嫩，完全冇筋，入口即化👍🏻赤身肉質比托羅緊實一啲，好鮮味！池魚口感略帶爽口，仲有淡淡油香❤️帶子放係檸檬上面，所以檸檬嘅清香更加可以激發帶子嘅鮮甜😋*Cocktail sushi呢個係隱藏食譜🤫佢最底下係調味好嘅飯，中間係吞拿魚蓉，最上面係三文魚籽同馬糞海膽～海膽同三文魚籽都好新鮮同鮮甜🤤而且入面仲有天婦羅脆脆，所以口感豐富咗好多🫶🏻*牛小排沙律沙律係用胡麻醬拌，好日式嘅感覺🤩牛小排烤得好好，外層有焦香，而內裡依然係好嫩，牛肉味香濃😽牛小排仲有兩種食法：抹茶鹽/自家製醬汁👍🏻*抹茶紅豆草餅今日嘅甜品係抹茶紅豆草餅，外皮煙韌，抹茶味濃，而內餡係香甜綿密嘅紅豆，抹茶紅豆嘅配搭絕對唔會出錯🫘🍵

呢間餐廳最正係有刺身壽司，又有串燒食。嚟過幾次，覺得佢哋嘅師傅普遍細心有耐性，所以啲嘢食又靚又好味。✨刺身平政、帆立貝、牡丹蝦、中拖羅平政正值時令，口感清爽，帶有些少油香。帆立貝唔算特別出色。牡丹蝦彈牙鮮甜。中拖羅冇筋亦冇咩酸味。✨前菜海膽豆腐鮮甜順口。水雲菜配桃太郎番茄酸酸甜甜好開胃。夏天食特別覺得冰涼清爽。✨Cocktail sushi海量嘅海膽、香蔥拖羅蓉、三文魚子配稍濃味嘅赤醋飯。啖啖鮮甜鹹香好滿足。同埋佢哋嘅芽蔥係謎一般嘅香。✨牛小扒海膽多士牛小扒肉質好嫩好易咬。濃郁嘅肉汁配鮮甜嘅海膽，味道出奇地夾。平時食鵝肝多士已經覺得好好食，但食完呢個真係返唔到轉頭🥹。✨甜品麻糬裏面有鹽漬櫻花，鹹鹹甜甜幾特別。

🔹️位於中環士丹利街11號Stanley 11 26/F ‘’一緒一番酒場‘’🍶 環境舒適寧靜, 以開揚式落地玻璃能觀賞美景, 充滿輕鬆自在感覺☺️🔹️侍應效率高🤵‍♀️師傅細心講解菜式及食法👨🏻‍🍳服務貼心👍🥢午市套餐前菜以沙律🥗 牛蒡🫔 味噌湯🥣🔸️茶碗蒸🍵熱辣辣送到, 蒸蛋十分幼滑, 以秋葵粒, 冬菇餡料👍🔸️壽司十貫🍣每天以不同款式, 全由厨師發辦,👨🏻‍🍳🔪 是日精選：中拖羅、 吞拿食赤身、 帶子、 深海池魚、 三文魚、 甜蝦、平靜魚、 右口魚、 三文魚籽、 墨魚🍣味道鮮、甜、爽、滑, 用料高質, 而且份量剛好😋壽司飯以赤醋飯, 酸度温和、 柔軟醇香🤤

今日收工，想同同事一齊去間餐廳chill下飲下嘢，咁啱見到呢度Happy hour，啤酒同sake都買一送一，就入去試下。叫咗枝sake飲，有得揀杯，啲杯全部係雪凍咗嘅杯，店員都會幫手開埋枝sake，坐bar枱望住師傅係道整嘢食，都幾chill！諗住叫少少送酒小食，全部送到上嚟都係熱辣辣，啱啱整好嘅，值得讚賞！見到師傅整omakase 都勁有心思，手切吞拿魚蓉，係會特登挑返啲筋出嚟，好細節，可惜當日淨係約咗同事飲酒，未有機會試，下次會嚟試下呢道嘅omakase！

今日下晝向中環做完野時間尚早，決定向附近快食dinner, 見Stanley 11 頂樓呢間一緒一番好似好特別，一於試試💕頂樓個view 居高臨下，餐廳裝修好靚，全部客人都係可以坐向bar 枱睇住師傅準備菜式，方便同師傅交流☺️今晚唔算好肚餓，一於等師傅拍版刺身四點 - 飛機貨當然新鮮，仲有我最鍾意既右口甸同赤身，油香重又無筋，平正魚魚味好出，帶子鮮甜😋Cocktail sushi - 師傅話menu 無既😆有海膽， 吞拿魚蓉，金薄，三文魚子，調味壽司飯飯，淡雪鹽同紫蘇花點綴，presentation 又靚又好味🥰串燒拼盆- 有牛小排，青椒仔，雞皮，雞腿肉，豚肉，日本豆腐，最欣賞係個雞皮完全唔油又香脆，同個豆腐係醬汁燒，豆味濃❤️最後到甜品係抹茶和果子，入面有綠茶好朋友紅豆蓉，好滿足🤩呢間餐廳私隱度好高，好啱夜晚黎慶生，聽講lunch性價比仲高所以非常爆場，星期一-3 happy hour 飲酒買一送一，下次試埋呢兩個時段先💕