一糖 (屏山)

營業中

休息中

天水圍難得見既甜品店，除佐傳統甜品，窩夫，特色飲品大行其道。朋友仔生日，以此爲借口，黎一個甜品聚會。一糖既地點有d難搵，地圖睇就係天水圍西鐵站隔離，不過2個女仔行錯哂路。轉佐一個大圈先到一糖有傳統甜品，都有西式甜品同特色飲品。價錢算合理，2個女仔叫佐2杯野飲同一個心太軟share share 我覺得心太軟感覺一般，無咩驚喜。雪糕硬得可憐，等到我地吃完飲飽個雪糕仲係硬到不得了，去到最後都係放棄了。唯一我覺得合理既係杯野飲，因為蘇打水好岩天氣熱既時候飲。BTW，外賣佐個楊支金露反屋企俾細佬。第日打電話黎俾我，仲以為佢多謝我外賣俾佢，點知原來係提醒我，好難吃

在天水圍西鐵站附近開左間糖水舖都有一段時間，之前見好多人都慕名而來，即管試一試。店舖裏的甜品款式不多，只有幾款中式糖水、不同口味的窩夫及特飲。價錢一點都唔便。一碗無通的中式糖水都要$20，特色窩夫就要$48-$50。初次黎到，即管試下特色的窩夫。先唔好講店內職員的服務態度，這個窩夫即叫即製，賣想就幾好，但較預期的有落差。明明係即整，唔知點解唔係好香，咬落去個窩夫唔夠脆，蛋漿內的麵粉似乎發得唔夠耐，有少少好似唔夠熟的口感，芒果更是不合時，所以都唔甜。

來到被很多週刊報導的新甜品店1. 員工方面：當天侍應：女，帶深藍眼鏡，頭髮到肩，皮膚較黑。當天進店時，人不多，約半店是空的，侍應不友善呼喊我和女朋友靠邊坐，下單時，兩個甜品均配有雪糕，侍應以低沉及不友善的態度問：侍應：「要咩雪糕呀？」我：「有什麼雪糕？」侍應：「上面有！（以不屑語氣指着餐牌）」我們很快説完，侍應沒覆單並轉身就走開。放餐具時，侍應用力擲下餐具就轉身離開了。2. 食物方面：我們叫點了朱古力窩夫和心太軟，賣相不俗，可惜品參次。朱古力窩夫一般，心太軟則心太硬了而且不夠熱了。總結：相信「一糖」管理層方面，並沒有為員工提供足夠培訓，以致讓上述員工得失顧客。另，傳媒亦過份吹捧此店，食物質素一般，比一些老牌甜品店劣質。

叫左心太軟同埋朱古力窩夫窩夫上枱 賣相ok 窩夫熱辣辣 有少少煙煙韌韌心太軟 都算係流心 但入面唔夠熱 質素差小小食物質素還可以 至於有個staff 要參加再培訓計劃我地去既時候唔算繁忙時間 唔敢想像

元朗車聚，搞車聚泊車往往係一個大難題。有會友提議去『一糖』，貪佢露天停車場夠大可以泊車。事前睇過網友食評，見不過不失，又泊車，深信糖水應該唔會差得去邊，經商議後決定一於去試下。去到大約11:00，見都座滿一半，本以為鬆一口氣，糖水車聚可以多個地方選擇，點知大錯特錯，食物質素冇諗過係咁伏。我地 7 成人都點左楊支金露，基本上冇一個車友食得落全碗。當晚明智之選只有杯西瓜汁，其他甜品只可以用難食同好難食去區分。楊支金露個汁似西米撈西柚有澀味，西米太林，冇味冇口感紅豆沙冇豆味，稀過水窩夫一D 都唔脆，得個甜字

食完飯之後當然要下朋友去食下甜品，傾下計啦！今次我地就黎到天水圍西鐵站附近嘅一間甜品鋪，名為一糖。行入去嘅路有d黑，但行一陣就會見到有一間甜品鋪係前面。叫左2個甜品，呢個係香芒雪糕奶凍，一上台就覺得好吸引，二話不說當然係起筷啦！正中間係一球香芒雪糕，香香甜甜，好滑嘅雪糕球。奶凍圍住成個芒果雪糕球，好多件幻凍，滑滑嘅口感，濃郁嘅奶味，好正，而且芒果肉好甜，一d都唔酸，整個甜品無論係擺設定係味道都唔錯，值得一試。第2個甜品係紫米露，我地叫左熱嘅，一啖凍，一啖熱，真係冷熱交加集於口中，呢碗都真心唔錯，椰奶嘅香配埋紫米，係perfect match, 我2個甜品都超中意 加上價錢都幾實惠，好岩小市民約埋3，5知己一齊食。

是甘的.這一天的晚上. 我和友人特意前來這間荒原百里只此一家 別無分店的甜品店. 這裡的環境清靜 很適合談心.所以我們想也不想. 立馬叫了3個甜品.遠處準備前來一個綠色蛋糕.原來就是其中一個抹茶心太軟.心想. 心太軟mix蛋糕 甘潮.一吃下才心知不妙.然後我們只好唯有等待下一個甜品.就是窩夫. 不脆而帶點淋. 而cream的份量遮掩晒窩夫 好流 或者每個人的口味不同吧.不過窩夫份量有好多件 幾個人一起是相當抵食但只能說 嘗試一次便好了

今晚食完晚飯，口㾗想搵甜品食，老婆想食芝麻糊，去附近的許X山睇MENU，居然無芝麻糊。諗起幾個月前在食在元朗火熱的一糖，於是搭751去食。係西鐵行過去，夜麻麻都唔易搵路，如果區外客，唔熟路，都應該好易迷路。門外坐滿食客，反而店內座位唔多滿。點左芝麻糊和朱古力窩芙。先講個芝麻糊，上枱時夠熱，味道略甜，如果凍食，個甜味就會啱啱好。個窩夫見到係廚房即整的，所以好新鮮，亦食到煙煙un un 的麻薯，但就唔夠脆，好淋身。個朱古力醬夠晒多，有少少酒味。敗筆在於雪糕，超級硬，平價貨，其實一球咁少，點解唔用D好少少的來貨呢？呢個甜品唔平架，成＄50，用D 好少少的雪糕最少留下一個更好的印象。

尋晚入咗天水圍做野，食完晚飯諗住走時，經過西鐵站，見到村屋中間有間甜品糖水鋪，即興去試下。我們坐咗露天位置，貪方便可以食煙，落單冇幾耐，d野食就上齊。一邊食，一邊傾計，真係好寫意，食到飽飽又暖笠笠，呢間鋪頭非常值得一試，希望之後見到佢推出更多食品。●紅豆沙：傳統的中式糖水，佢好用心咁加咗好多百合同蓮子，又有果皮的陣陣清香，煮得好「傑」，好濃郁。●薑汁湯圓小丸子：令人滿意的係佢冇落好多糖，保留薑的辛辣味，好暖胃，芝麻餡的湯圓同五顏六色的小丸子好有咬感。●朱古力雪糕柴米露：呢個就唔算好特別，同係其他鋪頭食的差唔多。●Oreo曲奇奶昔：cream同奶昔中間混雜住曲奇碎，落咗好多Oreo，好好味。

天水圍糖水舖唔多，難得見西鐵站開左間，之前想試，今日終於得閒揸車嚟買外賣，去到見門口都幾ok..諗住都唔會差，點知買左楊枝金露，西瓜西米露同芒果西米露，我成家人都話勁難食。。。我都唔敢試屋企人嗰d..因為我碗楊枝金露我食左幾啖已經唔想食。。西米同西柚係少少味都冇，個難食感覺唔知點形容，芒果又酸，奶又太多又唔甜，簡直係史上我食過最難食嘅食物😡😡😡😡😡😡😡😡😡😡😡😡😡😡😡😡😡

由於住好近所以去試下打算撐下天水圍場🤝佢啲門面呀，上桌個時都靚，但服務好一般，個個都好似好怨咁樣....都係講返食，朋友嗌，食左一啖....byebye 其實我好鐘情抺茶同心太軟，但真係食左啖唔想食落去🤦🏻‍♀️好彩呢個share食........唉，真係不可一不可再

生日跟老公一起到一糖食宵夜，10:00左右到達，室內已滿，職員叫我們坐房，但一入去就有種好局既感覺，故選擇坐露天，職員也很願意給我安排。我們點了一杯白黃橙特飲和一份抹茶紅豆窩夫。先來特飲，有點乳酸味，不太甜，我們都喜歡。至於抹茶紅豆窩夫，有四件窩夫咁多，幸好我們只叫一款甜品，否則一定不能吃完。脆度適中、味道也很好，雪糕就略欠綠茶味，紅豆好好食。整體感覺很好，因為難得在天水圍找到高水準甜品，地點也蠻方便，西鐵站過去只是五分路程，但要入對入口，否則走冤枉路。唯一不太舒服是食物來到後，侍應就來收錢，不知是否怕會走數，但那種感覺是好快餐feel.另，吃完前有兩頭狗在開戰，作為怕狗的我，是有點驚驚地。不知店主有冇辦法叫客人可得安全感一點。

琴晚同朋友去試食,叫左心太軟,綠茶窩夫,西米露同楊枝甘露.水果唔係無味,就酸,好似求其洗完就擺上台.”西米露加奶水“可以係無味...心太軟的味道又苦又奇怪.唯一味道還可以既係窩夫.賣相還可以,但味道真係差到....已經中伏

今晚我同四個朋友黎呢到食糖水，咁野食都ok ge!咁我地4個女仔都係傾下計咁，因為坐左係房唔知出面好多人等坐，咁我地食完都坐左陣！點知果女仔就黑面係我地面前執台，又好大聲咁執！之後我地即刻都感覺到係咪應該要讓台！其實我覺得如果有人等位，下次可以用第工個方法示意比我地知，的確我地睇唔到出面既情況，唔需要黑面囉！

朋友好想食糖水就臨時約左出黎，我醒起屋企附近新開左甜品鋪就試下啦佢既甜品種類較少，可能想專心做好先因為即整所以要有耐性等下啦我叫左抺茶麻薯窩夫配芒果雪糕（$50）賣相唔錯，窩夫冇咩抺茶味，但係幾脆，麻薯就不過不失，最失望係雪糕，一啲都唔好食另外叫左心太軟配抺茶雪糕（$48）我個人幾鐘意，做到流心，係生果既配搭可以再好啲,雪糕依然fail總體覺得不過不失，可以一試但未必第二次